အသက် ၁၅ နှစ်အရွယ်မိန်းကလေးတစ်ဦးအား တည်းခိုခန်းသို့ ဖျားယောင်းခေါ်ဆောင်ပြီး မိဘများထံမှ ငွေတောင်းသည့် အမျိုးသားအား ဖမ်းဆီးရမိ

 နမူနာဓါတ်ပုံသာဖြစ်ပါသည်။
မွန်ပြည်နယ်၊ ပေါင်မြို့နယ်၊ ကော့ထော်ကျေးရွာတွင် အသက် ၁၅ နှစ်အရွယ်မိန်းကလေးတစ်ဦးအား တည်းခို ခန်းတွင် တစ်ပါတ်ခန့် ခေါ်ထားပြီး မိဘများထံ ငွေတောင်းခံသည့် အစ်ကိုဝမ်းကွဲဖြစ်သူအား ရဲတပ်ဖွဲ့က ဖမ်းဆီးလိုက်ကြောင်း ပေါင်မြို့မ ရဲစခန်းမှ သိရှိရသည်။

မိန်းကလေးငယ်အား သွေးဆောင်ဖျားယောင်းပြီး မော်လမြိုင်မြို့ရှိ တည်းခိုခန်းတစ်ခုသို့ခေါ်ဆောင်သွားသူက ဒီဇင်ဘာ ၂ ရက်၊ ညပိုင်းတွင် မိန်းကလေးငယ်၏ မိဘများထံ ငွေကျပ် ၆ သိန်း လာရောက်ပေးမှသာ သမီး ဖြစ်သူအား ပြန်လွှတ်ပေးမည်ဟု ဖုန်းဆက်အကြောင်းကြားပြီး ငွေပေးရမည့်နေရာအား ချိန်းဆိုစဉ် ဖမ်းဆီးနိုင်ခဲ့ ကြောင်း သိရသည်။

"သူတို့မောင်နှမဝမ်းကွဲချင်းပဲ၊ ကောင်မလေးကို အဝတ်အစားဝယ်ပေးမယ်ပြောပြီး တည်းခိုခန်းမှာ တစ်ပါတ် လောက်ထားထားတာ၊ ပြီးတော့ ကောင်မလေးအမေဆီဖုန်းဆက်ပြီး ငွေတောင်းတာ၊ သူ့အမေက လာအ ကြောင်းကြားလို့ ငွေပေးမယ်လို့ပြောဆိုချိန်းပြီး ဖမ်းဆီးလိုက်တာပါ။''ဟု ပေါင်မြို့မ ရဲစခန်းမှ ဒုရဲမှူး ထွန်းဇော်ဦး က ပြောသည်။

ကော့ထော်ကျေးရွာနေသူ အသက် ၁၅ နှစ်အရွယ်အမျိုးသမီးသည် နိုဝင်ဘာ ၂၄ ရက်၊ ညနေပိုင်းတွင် သူငယ်ချင်းဖြစ်သူနှင့် ရွာအတွင်းရှိ အပ်ချုပ်ဆိုင်သို့သွားမည်ဟုပြောပြီး နေအိမ်မှထွက်ခွာသွားခဲ့ရာ ညနေ ၆း၀၀ နာရီထိ နေအိမ်သို့ပြန်မရောက်သဖြင့် သမီးဖြစ်သူ၏ သူငယ်ချင်းထံ မိဘများက သွားရောက်စုံစမ်းရာ ၎င်း၏ အစ်ကို ဝမ်းကွဲဖြစ်သူ ကော့ထော်ကျေးရွာနေ ပဒါးတူး(ခ)စွပ်ပရား ၂၈ နှစ်က မော်လမြိုင်တွင် အဝတ်အစား ဝယ်ပေးမည်ဟုပြောဆိုကာ ခေါ်ဆောင်သွားကြောင်း ရဲမှတ်တမ်းများအရ သိရသည်။

၎င်းကိုခေါ်ဆောင်သွားပြီး တစ်ပါတ်ခန့်အကြာ ဒီဇင်ဘာ ၂ ရက်၊ ည ၁၀း၀၀ နာရီခန့်တွင် ပဒါးတူး(ခ)စွပ်ပရားက အသက် ၁၅ နှစ်အရွယ်အမျိုးသမီး၏ မိခင်ထံ ဖုန်းဆက်ပြီး ကျွဲခြံကျေးရွာ၊ လောင်းလိုက်ကုမ္ပဏီလမ်းရှိ တဲတစ်ခုတွင် ငွေလာပေးရန် ချိန်းဆိုသဖြင့် မိခင်ဖြစ်သူက သက်ဆိုင်ရာအုပ်ချုပ်ရေးနှင့် ရဲတပ်ဖွဲ့ဝင်များအား အကြောင်းကြားပြီး ပဒါးတူး ချိန်းဆိုသည့် နေရာသို့ ဆိုင်ကယ်ဖြင့်ရောက်ရှိလာစဉ် ဖမ်းဆီးခဲ့ခြင်းဖြစ်သည်။

ဖြစ်စဉ်နှင့် ပတ်သက်၍ သွေးဆောင်ဖျားယောင်းခေါ်ဆောင်ထားပြီး ငွေတောင်းခံသူ ပဒါးတူး(ခ)စွပ်ပရားအား အရေးယူပေးရန် အမျိုးသမီး၏ မိခင်ဖြစ်သူက တရားလိုပြုလုပ်တိုင်တန်းသဖြင့် ပေါင်မြို့မ ရဲစခန်းက (ပ)၅၆၇ /၂၀၁၈၊ ရာဇသတ်ကြီးပုဒ်မ ၃၆၅ (လူကိုလျှို့ဝှက်စွာ မတရားသဖြင့်ချုပ်နှောင်ထားရန်အကြံဖြင့်ခိုးယူမှု (သို့မ ဟုတ်) သွေးဆောင်ဆွဲခေါ်မှု)ဖြင့် အမှုဖွင့်အရေးယူထားကြောင်း သိရသည်။

ရတနာပုံ နေ့စဉ်သတင်းစာ
https://www.facebook.com/yadanabonnewspaper

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ