ကျောက်တော်မှာ စစ်ဘေးဒုက္ခသည် ၄၀၀ ကျော်ထိရှိလာ

ကျောက်တော်မြို့နယ် ကန်စောက်ရွာမှာ စစ်ပြေးဒုက္ခသည်တွေကို ၂၀၁၈ ဒီဇင်ဘာလ ၂၀ ရက်နေ့ကတွေ့ရစဉ်။ Photo: Min Thein Aung/RFA
ရခိုင်ပြည်နယ် ကျောက်တော်မြို့နယ်အတွင်းမှာ တပ်မတော်နဲ့ AA ရခိုင်အဖွဲ့တို့ရဲ့တိုက်ပွဲတွေကြောင့် ကန်စောက်၊ သလူချောင်း၊ ငါးစင်ရိုင်းကိုင်း စတဲ့ ကျေးရွာတွေကို ထွက်ပြေးရောက်ရှိနေကြတဲ့ စစ်ဘေးဒုက္ခသည်တွေဟာ ဒီနေ့ညနေပိုင်းမှာ လူဦးရေ ၄၀၀ ကျော်အထိရှိနေတယ်လို့ ဒေသခံတွေက ပြောပါတယ်။

တပ်မတော်ဘက်က ရဟတ်ယာဉ်တွေသုံးပြီး လက်နက်ကြီးတွေနဲ့ တိုက်ခိုက်မှုကြောင့် ပြီးခဲ့တဲ့ ဒီဇင်ဘာလ ၁၈ ရက်နေ့ကစပြီး တဖြည်းဖြည်း ထွက်ပြေးတိမ်းရှောင်လာကြတာလို့လည်း စစ်ဘေး ဒုက္ခသည်တွေက ပြောပါတယ်။

ဒီနေ့မှာလည်း ကျောက်တော်မြို့နယ် ယိုးချောင်းအထက်ပိုင်း တွင်းပညာကျေးရွာအနီးတဝိုက်မှာ ပစ်ခတ်မှုတွေ ရှိနေဆဲဖြစ်တယ်လို့ ကျောက်တော်မြို့နယ်က ပြည်နယ်လွှတ်တော်ကိုယ်စားလှယ် ဦးမောင်သန်းစိန် က RFA ကို ပြောပါတယ်။

ကျောက်တော်မြို့နယ် ကန်စောက်ကျေးရွာမှာတော့ ကျွန်းသာယာ၊ ချင်းမဝန်တောင်း၊ ခရုမော်၊ စတဲ့ ကျေးရွာတွေက စစ်ဘေး ဒုက္ခသည် ၁၀၀ လောက်ရောက်ရှိနေပြီး အများစုက အမျိုးသမီးတွေ၊ ကလေးငယ်တွေနဲ့ သက်ကြီး ရွယ်အိုတွေဖြစ်ကြပါတယ်။

အဲဒီစစ်ဘေးဒေုက္ခသည်တွေအတွက် ရခိုင်အမျိုးသားပါတီ ANP က ဆန်အိတ်တွေ ဒီနေ့သွားရောက်လှူဒါန်းခဲ့ပြီး အရေးပေါ်အကူအညီတွေပေးအပ်ဖို့ မြို့နယ်အုပ်ချုပ်ရေးမှူးထံ တင်ပြထားတယ်လို့ ကန်စောက်ကျေးရွာ အုပ်ချုပ်ရေးမှူး ဦးသင်္ခါကျော်က ပြောပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပိ်ု့လိုက်တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ