ဆိုင်ကယ်အား အရှိန်မထိန်းနိုင်ဘဲ တစ်ဖက်ယာဉ်ကြောရှိ ယာဉ်အားဝင်တိုက် ဆိုင်ကယ်မောင်းနှင်သူ သေဆုံး


လှည်းကူး ဒီဇင်ဘာ ၂၀

ရန်ကုန်မြောက်ပိုင်းခရိုင် လှည်းကူးမြို့နယ်၌ ဒီဇင်ဘာ ၁၈ ရက် နေ့လည် ၁ နာရီ ၄၅ မိနစ်ခန့်က ၎င်းရှေ့ရှိယာဉ်အား ကျော်တက်စဉ် ဆိုင်ကယ်အား အရှိန်မထိန်းနိုင်ဘဲ တစ်ဖက်ယာဉ်ကြောရှိ ယာဉ်အား ဝင်တိုက်မှုဖြစ်ပွားခဲ့ကြောင်း သိရသည်။

ဖြစ်စဉ်မှာ လှည်းကူး-ဖောင်ကြီးလမ်းအတိုင်း ဖောင်ကြီးဘက်မှ လှည်းကူးဘက်သို့ ဆိုင်ကယ်စီးမောင်းသူ အမည်မသိ အသက်(၂၅)နှစ်ခန့်၊ အမျိုးသားတစ်ဦး နေရပ်လိပ်စာ (စုံစမ်းဆဲ) စီးမောင်းသော ၂၅ယ/----- KENBO စိမ်းပုတ်ရောင် ဆိုင်ကယ်သည် စခန်းကြီးကျေးရွာ မိုင်တိုင် အမှတ်(၁/၅)နှင့် (၁/၆)ကြား အရောက်တွင် ၎င်းရှေ့ရှိယာဉ်တစ်စီးအား ကျော်တက်စဉ် အရှိန်မထိန်းနိုင်ဘဲ တစ်ဖက်ကြောရှိ ယာဉ်ကြောမှန်တိုင်း မောင်းနှင်လာသော ယာဉ်မောင်း ချမ်းငြိမ်းစိန်(၂၅)နှစ် နှင်းဆီလမ်းသွယ်၊ (၄)ရပ်ကွက်၊ ရွှေပြည်သာမြို့နယ်နေသူ မောင်းနှင်လာသော 6D/-----TOYOTA FIELDER အနီရောင်ယာဉ်နှင့် တိုက်မိခဲ့သဖြင့် ဆိုင်ကယ်နှင့်ယာဉ်ပျက်စီးပြီး ဆိုင်ကယ်စီးမောင်းသူ အမည်မသိ အသက်(၂၅)နှစ်ခန့်၊ အမျိုးသားတွင် နဖူးပွင့်ထွက်၊ နှာခေါင်းသွေးထွက်၊ အပေါ်/အောက် နှုတ်ခမ်းပေါက်ပြဲ၊ စည်းခုံပေါက်ပြဲ၊ ဝဲပေါင်ဖုရောင် ဒဏ်ရာများရရှိကာ လှည်းကူးဆေးရုံတွင် သေဆုံးသွား ခဲ့ကြောင်း သိရသည်။

ဖြစ်စဉ်နှင့်ပတ်သက်၍ ဆိုင်ကယ်အား မဆင်မခြင်ပေါ့လျော့စွာ မောင်းနှင်သူ အမည်မသိ၊ အသက်(၂၅)နှစ်ခန့်၊ အမျိုးသား နေရပ်လိပ်စာ(စုံစမ်းဆဲ)အား လှည်းကူးမြို့မရဲစခန်းက ဥပဒေအရ အမှုဖွင့် အရေးယူထားကြောင်း သိရသည်။

နိုင်လင်း(ပြန်/ဆက်)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ