ဘူးသီးတောင်က နေအိမ်တွေမှာ အိမ်ထောင်စုစာရင်းနဲ့ မိသားစုဓာတ်ပုံတွေ ကပ်ထားဖို့ ထုတ်ပြန်

ဘူးသီးတောင်မြို့အဝင် ဆိုင်းဘုတ်ကို တွေ့ရစဉ်။ Photo: Min Thein Aung/ RFA
ရခိုင်ပြည်နယ်၊ ဘူးသီးတောင်မြို့နယ်အတွင်းက ရပ်ကွက်/ကျေးရွာတွေမှာ နေထိုင်ကြသူတွေအနေနဲ့ နေအိမ် တွေမှာ မိသားစုဓါတ်ပုံတစ်ပုံနဲ့ အိမ်ထောင်စုလူဦးရေစာရင်း မိတ္တူ ၁ စောင်စီ ကပ်ထားကြဖို့ မြို့နယ်အုပ်ချုပ်ရေးအဖွဲ့က ညွှန်ကြားထားတယ်လို့ သိရပါတယ်။

ပြည်နယ်အစိုးရအဖွဲ့ရဲ့ ညွှန်ကြားချက်အတိုင်း လိုက်နာဆောင်ရွက်ကြဖို့ ညွှန်ကြားချက်ထုတ်ထားတာလို့ ဘူးသီးတောင်မြို့နယ် အုပ်ချုပ်ရေးမှူး ဦးကျော်မင်းထွန်း က RFA ကို ပြောပါတယ်။

သက်ဆိုင်ရာ ခရိုင်/မြို့နယ်တွေအလိုက် ကားလမ်းမတွေတစ်လျှောက် တပ်မတော်၊ ရဲတပ်ဖွဲ့ဝင်တွေ၊ လူဝင်မှု ကြီးကြပ်ရေးနဲ့ ပြည်သူ့အင်အားဦးစီးဌာန၊ ရပ်/ကျေးအုပ်ချုပ်ရေးမှူးတွေ၊ ရာအိမ်မှူး၊ ဆယ်အိမ်မှူးတွေ ပါဝင်တဲ့ ပူးပေါင်းစစ်ဆေးရေး အဖွဲ့တွေကနေ တရားဥပဒေ စိုးမိုးရေးနဲ့ နယ်မြေလုံခြုံရေးအတွက် အိမ်ထောင်စု တစ်ခုချင်းအလိုက် အသေးစိတ် စိစစ်စစ်ဆေးဖို့အတွက် နေအိမ်တွေမှာ မိသားစုဓါတ်ပုံတစ်ပုံနဲ့ အိမ်ထောင်စုလူဦးရေ စာရင်းမိတ္တူ ၁ စောင်စီ ကပ်ထားကြဖို့ ညွှန်ကြားတာဖြစ်ပါတယ်။

ဒီညွန်ကြားချက်ဟာ ပြီးခဲ့တဲ့ ဒီဇင်ဘာ ၁၀ ရက်နေ့က ပြုလုပ်တဲ့ ရခိုင်ပြည်နယ် အစိုးရအဖွဲ့ရုံး အစည်းအဝေးက ညွှန်ကြားချက်ဖြစ်ကြောင်း ထုတ်ပြန်ချက်အရ သိရပါတယ်။

ပူးပေါင်းအဖွဲ့တွေက ရပ်ကွက်ကျေးရွာတွေအတွင်း လိုက်လံစစ်ဆေးတဲ့အခါ သက်ဆိုင်ရာ တာဝန်ရှိသူတွေက ကူညီဆောင်ရွက်ပေးကြဖို့လည်း မြို့နယ်အုပ်ချုပ်ရေးက ညွှန်ကြားထားပါတယ်။

အဲဒီညွှန်ကြားချက်တွေကို ဘူးသီးတောင်မြို့နယ်အတွင်းရှိ ရပ်ကွက်ကျေးရွာတွေရဲ့ အများပြည်သူ မြင်သာတဲ့ နေရာမှာ လိုက်ကပ်ထားတာကိုလည်း တွေ့ရပါတယ်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ