မိသားစုလိုက် သတ်ပြီး ပြေးလာကြတယ်လို့ သံသယရှိရသူတွေကို မိပြီ

 မြန်မာပြည်ထဲ ဖမ်းမိသူတွေ
မဲဆောက်မြို့ လေးလောင်းပြိုင် လူသတ်မှုမှာ သံသယရှိရတဲ့ ထွက်ပြေးနေသူ ၃ ယောက်ကို ဖမ်းမိပြီ ဖြစ်ပါတယ်။

ဒေါ်ထွန်းမေဆိုတဲ့ အမျိုးသမီးကို မဲဆောက်မြို့ နွားဈေးအနီး ထိုင်းရဲတပ်ဖွဲ့က အင်္ဂါညပိုင်း အချိန် ဖမ်းမိခဲ့ပါတယ်။

ဒေါ်ထွန်းမေက သူ့ရဲ့ခင်ပွန်း အဆွေဆိုသူနဲ့ နောက် အပေါင်းအဖော် ဇော်ဇော်တို့က လူသတ်မှု ကျူးလွန်ခဲ့ကြောင်း ထိုင်းရဲတွေရှေ့ ထွက်ဆိုခဲ့တယ်လို့ မဲဆောက်မြို့က ဘီဘီစီ သတင်းထောက်က ပြောပါတယ်။

ဒါ့ကြောင့် မြောက်ဦးမြို့သား အဆွေကိုပဲ ဖမ်းဝရမ်း ထုတ်ထားတဲ့ ထိုင်းအာဏာပိုင်တွေဟာ မင်းပြားသား ဇော်ဇော်ကိုပါ ဖမ်းဝရမ်း ထုတ်ခဲ့ပါတယ်။


ဗုဒ္ဓဟူးနေ့မှာတော့ အဆွေနဲ့ ဇော်ဇော်တို့ နှစ်ဦးကို မြန်မာနိုင်ငံထဲ ဘားအံတစ်ဖက်ကမ်း မြိုင်ကလေးမှာ ဒေသခံတွေ သတင်းပေးချက်အရ မြန်မာ အာဏာပိုင်တွေက ဖမ်းဆီး မိခဲ့ပါတယ်။

ဒီဇင်ဘာလ ၁၆ ရက်၊ မနက်အစော ၃ နာရီ ဝန်းကျင်မှာ မြန်မာမိသားစုလိုက် အသတ်ခံခဲ့ရတာ ဖြစ်တယ်လို့ ထိုင်းရဲတပ်ဖွဲ့က ပြောထားပါတယ်။

အခင်းဖြစ်ရာနေရာဟာ ထာ့ဆိုင်လူးဝါသ်ရပ်ကွက် အပိုင်း ၁ ရဲ့အစွန်အဖျားက တဲတလုံးမှာ ဖြစ်ပါတယ်။

ဦးအဒေါ၊ ဇနီးမခင်လှနဲ့ ၄ လသားကလေးတို့ကို ရိုက်သတ်ထားတာ တွေ့ခဲ့ရပြီး နောက် ၄ နှစ်သားအရွယ် မောင်ပေါက်ဒင် ကို ရေနစ် သတ်ထားတာ ဖြစ်တယ်ဆိုပြီး မဲဆောက်ရဲစခန်းက အမှုလိုက် ရဲအရာရှိက ဘီဘီစီကို ပြောပါတယ်။

ဘေးကပ်ရက် တဲမှာ နေထိုင်ပြီး ထွက်ပြေး သွားကြဟန် တူတဲ့ ဦးဆွေ၊ ဒေါ်ထွန်းမေ လင်မယားတို့ကို ထိုင်းရဲက အဲဒီအချိန်ကတည်းက မသင်္ကာ ဖြစ်နေခဲ့တာလို့ ဘီဘီစီ သတင်းထောက်က ဆိုပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ