ကမ္ဘာ့လူဦးရေရဲ့ ထက်ဝက်ကျော်ဟာ အင်တာနက်ကို အသုံးပြုနေကြတယ်လို့ နိုင်ငံတကာ ဆက်သွယ်ရေးလုပ်ငန်းသမဂ္ဂ ITU က ပထမဦးဆုံးအကြိမ် ထုတ်ပြန်တဲ့ အစီရင်ခံစာသစ်မှာ ဖေါ်ပြထားပါတယ်။ ဒီနှစ်ကုန်ပိုင်းအထိ လေ့လာချက်တွေအရ ကမ္ဘာ့လူဦးရေ (၃.၉) ဘီလျံလောက်က အင်တာနက်အွန်လိုင်းမှာ ရှိနေတယ်လို့ဆိုပါတယ်။
အင်တာနက် သုံးစွဲသူ အများစုကိုတော့ ဖွံ့ဖြိုးတဲ့နိုင်ငံတွေမှာ တွေ့ရပြီး၊ အဲဒီနိုင်ငံတွေက လူဦးရေရဲ့ ၈၀% ကျော်က အွန်လိုင်းသုံးစွဲ နေတာပါ။ ဖွံ့ဖြိုးဆဲ နိုင်ငံတွေမှာလည်း အင်တာနက်သုံးစွဲမှု တဖြည်းဖြည်းတိုးလာနေပြီး ၂၀၀၅ ခုနှစ်တုန်းက (၇.၇%) ရှိခဲ့ရာက ဒီနှစ်ထဲမှာ (၄၅.၃%) အထိ တိုးလာပါတယ်။ အဲဒီထဲကမှ အာဖရိကတိုက်မှာတော့ အင်တာနက်သုံးသူ အရမ်းကိုတိုးလာကြောင်း၊၂၀၀၅ တုန်းက ၂% သာရှိခဲ့ရာက ဒီ ၂၀၁၈ မှာတော့ ၂၅% နီးပါးအထိ ခုန်တက်သွားကြောင်း ITUကပြောပါတယ်။
အင်တာနက်သုံးစွဲမှု အနည်းဆုံးကတော့ အာရှပစိဖိတ်ဒေသ ဖြစ်တယ်လို့ ဆိုပါတယ်။ အင်တာနက်ကို လက်ခံသုံးရာမှာ လူအများစုက မိုဘိုင်းဖုန်းတွေကတဆင့် သုံးကြတာကို လေ့လာတွေ့ရှိရတယ်လို့ ပြောပါတယ်။ နိုင်ငံအများစုမှာ မိမိတို့ စီးပွားရေးကို IT နည်းပညာနဲ့ဆက်နွှယ် တည်ဆောက်ပြီး လုပ်ကိုင်လာကြတာကြောင့် အားသာချက် ရှိလာပေမယ့် ပြည်သူအများစုကတော့ ဆက်သွယ်ရေးဝန်ဆောင်မှုအတွက် အကုန်အကျများနေဆဲပဲလို့ ITUက သုံးသပ်ပါတယ်။
ဗွီအိုအေ (မြန်မာပိုင်း)
https://burmese.voanews.com
ကမ္ဘာ့လူဦးရေ ထက်ဝက်ကျော် အင်တာနက်သုံးနေ
Reviewed by THITHTOOLWIN
on
11:58
Rating: