ဘူးသီးေတာင္ေဒသခံ (၁၁) ဦးကို တပ္မေတာ္က လမ္းျပအျဖစ္ေခၚယူ



Share/Bookmark

ဒီဇင္ဘာလ ၂၇ ၊ ဘူးသီးေတာင္

ဘူးသီးေတာင္ၿမိဳ႕နယ္၊ စည္ေတာင္ေက်းရြာက ေဒသခံ (၁၁) ဦးကို ယေန႔ (ဒီဇင္ဘာလ ၂၇ ရက္) က တပ္မေတာ္က လမ္းျပအျဖစ္ ေခၚယူသြားၿပီး ညေန ၃ နာရီခန္႔တြင္ သူတို႔ ျပန္လည္ေရာက္ရွိလာသည္ဟု ေက်းရြာအုပ္ခ်ဳပ္ေရးမွဴး ဦးေမာင္သိန္းညြန္႔က DMG ကို ေျပာသည္။

အဆိုပါရြာသား ၁၁ ဦးမွာ ေက်းရြာအျပင္ဘက္ရွိ လယ္ကြင္းျပင္တြင္ စပါးရိပ္သိမ္းေနစဥ္ တပ္မေတာ္သားမ်ားက ရေသ့ေတာင္ၿမိဳ႕နယ္၊ ေရေကာင္းေခ်ာင္းေက်းရြာသို႔ မသြားရဲသျဖင့္ ၄င္းတို႔အား လမ္းျပအျဖစ္ ေခၚယူသြားျခင္းဟု စည္ေတာင္အုပ္ခ်ဳပ္ေရးမွဴး ဦးေမာင္သိန္းညြန္႔ ကဆိုသည္။

“ သူတို႔ေရာက္ေနၾကပါၿပီ။ ဘာမွမျဖစ္ပါဘူး။ သူ(တပ္မေတာ္)တို႔က လမ္းမသြားရဲလို႔ ေဖာက္ခြဲခံရမွာကို ေၾကာက္လို႔ ေခၚသြားတာပါ။ လူသားဒိုင္းကာအျဖစ္ ေခၚသြားတာပါ။ သူတို႔ကို ေမးျမန္းစစ္ေဆးတာေတြေတာ့ မရွိဘူးလုိ႔ ေျပာပါတယ္ ” ဟု ၄င္းကေျပာသည္။

အဆိုပါ ေဒသခံမ်ားကို ေခၚယူသြားသည့္ ရေသ့ေတာင္ၿမိဳ႕နယ္၊ ေရေကာင္းေခ်ာင္းေက်းရြာ အနီးတဝိုက္တြင္ ယေန႔(ဒီဇင္ဘာလ ၂၇ ရက္)အထိ တပ္မေတာ္ႏွင့္ ရကၡိဳင့္တပ္မေတာ္တို႔ တိုက္ပြဲမ်ားျဖစ္ပြားေနသည္။

တပ္မေတာ္က ေခၚယူသြားသူမ်ားမွာ ေမာင္ေမာင္ေအး(၃၄ႏွစ္)၊ ေက်ာ္သိန္းႏိုင္(၃၆ ႏွစ္)၊ လူျဖဴ (၂၀ ႏွစ္)၊ သန္းနိုင္၀င္း( ၂၉ ႏွစ္)၊ ဦးသန္းေ႐ႊ (၄၈ ႏွစ္)၊ ေမာင္ေက်ာ္လိႈင္ ( ၂၂ ႏွစ္)၊ လွထြန္းစိန္( ၅၄ ႏွစ္)၊ ဦးခထြီးေအာင္ (၅၄ ႏွစ္)၊ ေမာင္ခင္ေ႐ႊ (၂၇ ႏွစ္)၊ ဦးသိန္ဟန္ (၃၆ ႏွစ္)ႏွင့္ ေအာင္မ်ိဳးလင္း (၂၂ ႏွစ္)တို႔ ျဖစ္သည္။

အလားတူ ၿပီးခဲ့သည့္ ဒီဇင္ဘာလ ၂၆ ရက္ေန႔ကလည္း ရေသ့ေတာင္ၿမိဳ႕နယ္ ခရုေခ်ာင္းေက်းရြာသားတစ္ဦးမွာ တပ္မေတာ္အား လမ္းျပရန္အတြက္ ေရေကာင္းေခ်ာင္းေက်းရြာသို႔ ေခၚယူခံရၿပီး ျပန္လႊတ္လိုက္သည္ဟု ခရုေခ်ာင္းေက်းရြာက ေဒသခံ ေဒၚမသန္းၾကည္က DMG ကို ေျပာသည္။

တပ္မေတာ္ႏွင့္ ရကၡိဳင့္တပ္မေတာ္(AA) တို႔ တိုက္ပဲြျဖစ္ပြားေနေသာ ေက်ာက္ေတာ္ၿမိဳ႕နယ္၊ ေတာင္ေပါက္ေက်းရြာတြင္လည္း ႏြားေက်ာင္းေနသူတစ္ဦး ေပ်ာက္ဆံုးေနၿပီး လက္ရွိအခ်ိန္ထိ ရွာမေတြ႔ေသးေၾကာင္း သိရသည္။

ခုိင္႐ိုးလ / DMG
Development Media Group
https://www.facebook.com/dmgnewsagency

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ