ကန်တပ်လျှော့ချမှာကို အာဖဂန်အလေးမထား

အမေရိကန် မရိမ်းတပ်သားတယောက်နဲ့ အာဖဂန် အမျိုးသားတပ်မတော်စစ်သည်များ သင်တန်းကာလအတွင်း စကားစမြည်

အာဖဂန်အတွက် အမေရိကန်ရဲ့ တပ်သားတွေ လျှော့ချမယ့်အစီအစဉ်တွေကို မမှုဘူးလို့ အာဖဂန် အစိုးရက ပြောဆိုနေပါတယ်။ အာဖဂန်လုံခြုံရေးတပ်ဖွဲ့တွေက ကိုယ့်နိုင်ငံကို ကိုယ်ကာကွယ်နိုင် တယ်လို့ အာဖဂန်အစိုးရက ပြောဆိုနေပါတယ်။

အာဖဂန်မှာ စစ်အခြေစိုက်စခန်းချထားတဲ့ အမေရိကန်တပ်သား ၁ သောင်း ၄ ထောင်ကျော်ရဲ့ အကြမ်းဖျင်း ထက်ဝက်လောက်ကို ပြန်ရုပ်သိမ်းဖို့ အမေရိကန်သမ္မတ Trump က စဉ်းစားနေတယ်လို့ အမေရိကန် အာဏာပိုင်တွေက ပြောဆိုထားတာပါ။ ပြန်ရုပ်ဖို့ စဉ်းစားနေတဲ့ အမေရိကန်တပ်ဖွဲ့ဝင်တွေက တိုက်ခိုက်ရေး သမားမဟုတ်တဲ့ NATO စစ်ဖက်ကိုယ်စားလှယ် ၂ သောင်း ဖြစ်ပြီး သူတို့ရဲ့ အဓိကတာဝန်က တာလီဘန်နဲ့ IS စစ်သွေးကြွတွေနဲ့ ဆက်စပ်နေတဲ့ သူပုန်တွေနဲ့ စစ်ပွဲတွေမှာ တိုက်ခိုက်ရတဲ့ အာဖဂန်တပ်သားတွေကို အကြံပေးဖို့နဲ့ သင်တန်းပေးဖို့ ဖြစ်ပါတယ်။

အကြံပေး၊ သင်တန်းပေး၊ အကူအညီပေးမယ့် နိုင်ငံခြားစစ်သားတချို့ မရှိရုံနဲ့တော့ အာဖဂန်ရဲ့ လုံခြုံရေးကို ထိခိုက်မသွားဘူးလို့ အာဖဂန်သမ္မတအကြံပေး Fazel Fazly က ကာဘူးလ်မြို့တော်ကနေ ပြောပါတယ်။ အမေရိကန်ဦးဆောင်တဲ့ နိုင်ငံတကာတပ်တွေ ဆုတ်ခွာသွားရင် အာဖဂန်အမျိုးသားကာကွယ်ရေးနဲ့ လုံခြုံရေးတပ် ANDSF လည်း ပြိုကွဲသွားနိုင်တယ်ဆိုတဲ့ ခန့်မှန်းချက်ကိုလည်း သူက လက်မခံပါဘူး။

ဗွီအိုအေ (မြန်မာဌာန)
https://burmese.voanews.com