မဲဆောက်အမှိုက်ပုံ တဲထိုးနေထိုင်သူ မြန်မာ ၈၀ကျော်ကို ထိုင်းရဲဖမ်းဆီး

မဲဆောက်အမှိုက်ပုံ တဲထိုးနေထိုင်သူ မြန်မာနိုင်ငံသားများ (၂၀၁၂ မတ်လ)
ထိုင်း-မြန်မာနယ်စပ် မဲဆောက်မြို့၊ မယ်ပရပ်ကွက်ထဲက မြန်မာနိုင်ငံသားအများစုနေထိုင်ရာ အမှိုက်ပုံကြီးရှိတဲ့နေရာနဲ့ မကြာ သေးခင်က မြန်မာနိုင်ငံသား မိသားစုလေးဦး အသတ်ခံရတဲ့ဖြစ်ရပ် ဖြစ်ခဲ့တဲ့ ထစိုင်လွတ်နေရာတွေကို ဒီဇင်ဘာလ ၂၅ ရက် ခရစ္စမတ်စ်နေ့မှာ ထိုင်းအာဏာပိုင်တွေ ပိတ်ဆို့ရှာဖွေပြီး တရားမဝင်နေထိုင်သူ ၉၀ နီးပါးကို ဖမ်းဆီးသွားပါတယ်။ မဲဆောက်မြို့မှာ ရာဇဝတ်မှုတွေ၊ မူးယစ်ဆေးဝါးရောင်းဝယ်မှုတွေနဲ့ လူကုန်ကူးမှုတွေ စတဲ့မှုခင်းတွေကို ဖြေရှင်းဖို့ ထိုင်း ဒုတိယရဲချုပ်နဲ့ ဒေသ ဆိုင်ရာတာဝန်ရှိသူတွေရဲ့ အရေးပေါ်အစည်းအဝေးတခုကိုလည်း လုပ်ခဲ့ကြပါတယ်။ ဒီအကြောင်း ဗွီအိုအေ ထိုင်းအခြေစိုက် သတင်းထောက် မအေးအေးမာက သတင်းပေးပို့ထားပါတယ်။

မဲဆောက်မြို့နယ်အတွင်းမှာ ဆိုးရွားတဲ့လူသတ်မှုတွေဖြစ်ထားတာ၊ မူးယစ်ဆေးဝါးရောင်းဝယ်သူတွေ မူးယစ်ရာဇာတွေနဲ့ ဆက်နွယ်သူတွေ ပုန်းခိုနေကြတာ၊ တရားမ၀င် စီးပွားရေးလုပ်ငန်းတွေကို တရုတ်နိုင်ငံသားတွေ အုပ်စုလိုက် လာရောက် ရင်းနှီးမြှုပ်နှံ လုပ်ကိုင်နေကြတာတွေကို အပြတ်ရှင်းလင်းနိုင်ဖို့ ထိုင်းလုံခြုံရေးကောင်စီက ဒုရဲချုပ် ချလန်ကရက်စီဝါရာခံ ကိုယ်တိုင် ဆင်းလာပြီး တာ့ခ်ရိုင်ဒေသတွင်းက အဆင်မြင့်အရာရှိတွေနဲ့အတူ ဒီရက်ပိုင်းမှာပဲ အရေးပေါ် အစည်းဝေးလုပ်ခဲ့တာပါ။

အဲဒီနောက်မှာတော့ မြန်မာမိသားစုလေးဦး သတ်ဖြတ်ခံခဲ့ရတဲ့လူသတ်မူ ဖြစ်ပွားခဲ့တဲ့နေရာနဲ့ မဲဆောက်တမြို့လုံးက အမှိုက်တွေ စုပုံစွန့်ပစ်ရာနေရာဖြစ်တဲ့ အမှိုက်ပုံမှာနေထိုင်ပြီး ရှာဖွေစားသောက်နေကြတဲ့ တရားမ၀င် မြန်မာ ရွှေ့ပြောင်းအလုပ်သမားတွေကို ပိတ်ဆို့ဖမ်းဆီးခဲ့တဲ့အကြောင်း မယ်ပရပ်ကွက်မှာ နေထိုင်နေသူတဦးက ပြောပြပါတယ်။

"အမှိုက်ပုံမှာတော့ ဒီနေ့ အယောက် ၈၀ကျော်အဖမ်းခံရတယ်။ အရင်တုန်းကလည်းသူတို့အဲဒီနေ့ရာကနေ မနေအောင်ဖယ်ထားပဲ ။ မရဘူး စိုက်ပျိုးရေးနေရာတွေလည်းသွားပို့တယ် မရဘူး ။ အဲဒီ နေရာပဲ သူတို့ ပြန်လာကြတာပဲ ။ အဲဒီ နေရာမှာပဲနေကြတယ်။ အမှိုက်ကနေ ပလပ်စတစ်တွေရတယ်၊ ကော်ခွက်တွေရတယ်၊ စားစရာဆိုရင်ငပိငခြောက် ခရမ်းချဉ်သီးတွေ အမှိုက်တွေရတာတွေကို ပြန်သန့်စင်ပြီး စားကြတယ်။ အဲဒီအမှိုက်ပုံနဲ့ နီးစပ်တဲ့နေရာတွေမှာပဲ သူတို့နေကြတာပဲ"

အဖမ်းခံရသူ တရားမ၀င် မြန်မာနိုင်ငံသား စုစုပေါင်း ၈၇ ဦး ဖမ်းဆီးခံခဲ့ရတာပါ။ ထစိုင်လွတ်ရပ်ကွက်ကတော့ မြန်မာမိသားစုဝင် လေးဦး အသတ်ခံရတဲ့နေရာဖြစ်ပြီး အဲဒီလူသတ်မှုအတွက် သံသယရှိသူတွေကိုတော့ ထိုင်းနဲ့ မြန်မာအာဏာပိုင်တွေက ဖမ်းမိထားပါပြီ။

မယ်ပ အမှိုက်ပုံမှာ မြန်မာနိုင်ငံသားတွေ တဲထိုးနေထိုင်ကြတဲ့အတွက် ကျန်းမာရေးဆိုင်ရာ ကူးစက်ရောဂါတွေ ဖြစ်ပွားလာတာ၊ ရာဇ၀တ်မှုတွေ များလာနေတာဟာ ဒေသခံကျေးရွာသားတွေအတွက် အန္တရာယ်ဖြစ်လာနေတာကြောင့် ရှင်းလင်းခဲ့ရတာ ဖြစ်တယ်လို့ မဲဆောက် လူဝင်မှုကြီးကြပ်ရေး ဦးစီးအရရှိ မာန ရသန ပရထစ်က ပြောသွားပါတယ်။

မြန်မာရွှေ့ပြောင်းအလုပ်သမား ၅ သိန်းထက်မနည်း နေထိုင်လုပ်ကိုင်နေတဲ့ ထိုင်းမြန်မာနယ်စပ် မဲဆောက်မြို့ဟာဖြင့် မြန်မာ နိုင်ငံသားအများစု အဝင်အထွက်လုပ်တဲ့ နှစ်နိုင်ငံနယ်စပ် အဓိကနေရာတခုဖြစ်သလို တရားမ၀င်နေထိုင်သူ သိန်းနဲ့ချီပြီး ရှိနေ တာပါ။ အဲဒီထဲက အများစုဟာ ကြုံရာကျပမ်းအလုပ်တွေ၊ စိုက်ပျိုးရေးလုပ်ငန်းနဲ့ အထည်ချုပ်စက်ချုပ် လုပ်ငန်းတွေမှာ လုပ်ကြ တာများပါတယ်။

အခု အဖမ်းအဆီးတွေဟာ တရားမ၀င်နိုင်ငံခြားသား ကင်းစင်ရေးအတွက် လုပ်ဆောင်တာဖြစ်သလို မူးယစ်ဆေးဝါးနဲ့ ရာဇ၀တ် မှုခင်းတွေ ကျဆင်းအောင် ရည်ရွယ်လုပ်ဆောင်တာ ဖြစ်တယ်လို့လည်း ထိုင်းအာဏာပိုင်တွေကဆိုပါတယ်။

မကြာသေးခင်တုန်းကပဲ မဲဆောက်မြို့က မူးယစ်ရာဇာလို့ ထင်ရှားသူတဦးရဲ့နေအိမ်ကို ၀င်ရောက်ရှင်းလင်းတာမှာ မူးယစ်ဆေးဝါး သိုလှောင်တဲ့နေရာတွေနဲ့ မြေအောက်လိုဏ်ခေါင်းတွေကို တွေ့ရှိခဲ့ပြီး မူးယစ်ရာဇာကတော့ တိမ်းရှောင်သွားတယ်လို့ဆိုပါတယ်။ အဲဒီ မူးယစ်ရာဇာဟာ ထိုင်း၊ မြန်မာ နှစ်နိုင်ငံစလုံးရဲ့ နိုင်ငံသားအသိအမှတ်ပြု လက်မှတ်တွေ ကိုင်ဆောင်ထားတယ်လို့ ထိုင်း အာဏာပိုင်တွေကပြောပြီး သူ့ရဲ့ပိုင်ဆိုင်မူတွေကို သိမ်းဆည်းခဲ့သလို့ သူရဲ့ အဓိကလက်ထောက်တွေကိုလည်း ဖမ်းဆီးခဲ့ပါတယ်။ ထွက်ပြေးတိမ်းရှောင်သွားတဲ့ အဲဒီမူးယစ်ရာဇာဆိုသူကိုတော့ ဖမ်းဝရမ်းထုတ်ထားဆဲဖြစ်ပါတယ်။

မအေးအေးမာ  / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ