ငွေတုကိုင်လို့ ဖမ်းဆီးတရားစွဲခံရတဲ့ ဒိုက်ဦးက အိမ်အကူအမျိုးသမီးငယ်အမှု လူ့အခွင့်အရေး ကော်မရှင်စစ်ဆေး

ဘဏ်တွေမှာပါ ငွေအတု အစစ်ခွဲတဲ့ စက်တွေကို အဓိကအသုံးပြုလာရ
ငွေတုကိုင်ဆောင်လို့ဆိုပြီး တရားစွဲဆို ဖမ်းဆီးခံထားရတဲ့ ဒိုက်ဦးမြို့နယ်၊ လယ်ကြားမြောင် ကျေးရွာတွင်က မနော်သောသွဲထူးရဲ့ အမှုဖြစ်စဉ်ကို မြန်မာနိုင်ငံ အမျိုးသား လူ့အခွင့်အရေး ကော်မရှင်က ကွင်းဆင်း စစ်ဆေးမှုတွေ ပြုလုပ်ခဲ့ပြီးပြီလို့ ဆိုပါတယ်။

" သူတို့တွေက တအားရိုးသားလွန်းတယ်။ စစ်ဆေးသိလာရတာက ငွေတုဆိုတာ သိတာနဲ့ ကျေးရွာအုပ်ချုပ်ရေးမှုးကို ပြောတယ်။ ရဲအပ်ဖို့ပြောလို့ အပ်ဖို့စီစဉ်နေချိန်မှာပဲ အရင်ရက်တွေက ဆန်ဝယ်ခဲ့တဲ့ ဆန်ဆိုင်ပိုင်ရှင်ကတိုင်လို့ အထွေထွေအုပ်ချုပ်ရေးရုံးကို ရောက်သွားချိန်မှာ စောင့်နေတဲ့ ရဲတွေက သူတို့ပါလာတဲ့ ပိုက်ဆံတွေကို စစ်လိုက်တော့ အတုဆိုတာမိပြီး အဖမ်းခံရတာကို သိခဲ့ရတယ်" လို့ အမျိုးသား လူ့အခွင့်အရေး ကော်မရှင် အဖွဲ့ဝင် ဦးယုလွင်အောင် က ပြောပါတယ်။

အဲဒီအချိန်မှာပဲ သူစင်္ကာပူ သွားအလုပ်လုပ်ချိန်က အကြွေးယူထားတဲ့ ငွေတွေကို ပြန်ဆပ်ခဲ့တဲ့ မိတ်ဆွေအကြွေးရှင်တွေကပါ သူတို့ဆီ ပြန်ဆပ်ထားတဲ့ ပိုက်ဆံတွေက အတုတွေပါဆိုပြီး လာအပ်တော့ အမှုက ပိုကြီးသွားတာကို တွေ့ရတယ်။ ကျေးရွာအုပ်ချုပ်ရေးမှုးရော ကောင်းမလေးနဲ့ မိသားစုကပါ ရိုးလွန်းကြောက်လွန်းလို့ ရဲလက်အပ်မယ့် အခြေအနေကို မပြောပြကြဘူး။ ဒါနဲ့ပဲ ဖမ်းခံရ တရားစွဲခံရတဲ့အထိ ဖြစ်လာခဲ့တာလို့ ဦးယုလွင်အောင် က ဆက်ပြောပါတယ်။

မနော်သောသွဲထူးဟာ အိမ်အကူအဖြစ် စင်္ကာပူမှာ အလုပ် လုပ်ရင်းနဲ့ ရလာတဲ့ လစာ လုပ်အားခတွေမှာ အစစ်အမှန် မဟုတ်တဲ့ ငွေတုတွေ ပါလာပြီး ငွေတုတွေမှန်း မသိဘဲ သုံးခဲ့မိတာအတွက် ရဲအဖမ်းခံခဲ့ရတဲ့ ဖြစ်စဉ်မှာ သူရဲ့ဂုဏ်သိက္ခာ ကျဆင်းခဲ့တာကြောင့် လူ့အခွင့်အရေးအရ နစ်နာမှုတွေ ဖြစ်ရတဲ့ တွေ့ရှိချက် အစီရင်ခံစာကို သမ္မတနဲ့ သက်ဆိုင်ရာ ဌာနတွေဆီ ပေးပို့သွားမယ်လို့ လူ့အခွင့်အရေး ကော်မရှင်က ပြောပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ