သရက်ကုန်းကျေးရွာတွင် ခင်ပွန်းဖြစ်သူအား ထင်းချောင်းဖြင့် မသေမချင်းရိုက်သတ်မှုဖြစ်ပွား


ဖောင်းပြင် ဒီဇင်ဘာ ၃၁

ဖောင်းပြင်မြို့နယ် နန်းမော်လိုက်အုပ်စု သရက်ကုန်းကျေးရွာတွင် (၃၀.၁၂.၂၀၁၈)ရက်နေ့၊ညနေ(၁၇း၁၅)အချိန်က မိန်းမဖြစ်သူကခင်ပွန်းဖြစ်သူအားသစ်သားထင်းချောင်းဖြင့် မသေမချင်းရိုက်သတ်မှုဖြစ်ပွားခဲ့ကြောင်းသိရသည်။

ဖြစ်စဉ်မှာ သရက်ကုန်းကျေးရွာနေဦးဇော်မြင့်ဝင်းမှ ၄င်း၏ယောက္ဖဖြစ်သူ တစ်ရွာတည်းနေ ဦးဖေခင်(၄၉)နှစ်သည် ၄င်း၏နေအိမ်အရှေ့ခန်းတွင် ဦးခေါင်းမှသွေးများထွက်ကာ သေဆုံးနေကြောင်းအုပ်စုအုပ်ချုပ်ရေးမမှူးထံလာရောက်အကြောင်းကြားရာရပ်မိရပ်ဖ၊ပြည်သူ့စစ်ခေါင်းဆောင်၊အရန်မီးသတ်ခေါင်းဆောင်တို့နှင့်အတူ ဦးဖေခင်၏အိမ်သို့သွားရောက်စစ်ဆေးရာ ဦးဖေခင်မှာ ၄င်း၏နေအိမ်အရှေ့ခန်းအိပ်ယာတွင် ဦးခေါင်း နောက်စေ့ပေါက်ပြဲပြီးဦးနှောက်များထွက်နေသည့်ဒဏ်ရာ၊ ယာအပေါ်နှုတ်ခမ်းပေါက်ပြဲချိုင့်ဝင်ဒဏ်ရာ၊ဝဲ ယာ အပေါ်မျက်ခုံးချိုင့်ဝင်ဒဏ်ရာ၊ယာမျက်လုံးပေါက်ပြဲချိုင့်ဝင်ဒဏ်ရာ၊ နှဖူးပေါက်ပြဲဒဏ်ရာတို့ဖြင့် သွေးများကြားတွင် မှောက်လျက်အနေအထားဖြင့်သေဆုံးနေသည်ကိုတွေ့ရှိရ၍ ၄င်း၏ဇနီးဒေါ်မိစိန် အား ၄င်း၏နေအိမ်တွင်မေးမြန်းရာပြောပြခြင်းမရှိသဖြင့် အုပ်စုအုပ်ချုပ်ရေးမှူးရုံးသို့ခေါ်ယူ၍ ချော့မော့မေးမြန်းရာ ခင်ပွန်းဖြစ်သူ ဦးဖေခင်မှာမူးယစ်ဆေးဝါးအလွန်အကျွံသုံးစွဲတတ်သူဖြစ်ပြီး မူးယစ်ဆေးဝယ်ရန်ငွေတောင်းခံစဉ် ဒေါ်မိစိန်မှ မရှိကြောင်းပြောကာမပေးသဖြင့် ဦးဖေခင်မှပြသနာရှာကာ ဒေါ်မိစိန်၏လည်ပင်းညှစ်ကာလက်သီးဖြင့်ထိုးသဖြင့် ဒေါ်မိစိန်မှ အရှည်တစ်ပေခွဲခန့်ရှိသစ်သားထင်းချောင်းဖြင့်ရိုက်လိုက်ရာ ဦးဖေခင်၏ဦးခေါင်းအားရိုက်မိကာသေဆုံးသွားခြင်းဖြစ်ကြောင်းသိရသည်။

ဦးဖေခင်အားမသေမချင်းဦးခေါင်းကိုထင်းချောင်းဖြင့်ရိုက်သူ ဒေါ်မိစိန်(၄၇)နှစ်၊ဗမာ/ဗုဒ္ဓ၊တောင်သူ၊သရက်ကုန်းကျေးရွာ၊နန်းမော်လိုက်အုပ်စု၊ဖောင်းပြင်မြို့နယ်နေသူအားအရေးယူပေးပါရန် နန်းမော်လိုက်အုပ်စုအုပ်ချုပ်ရေးမှူးဦးထိန်လင်းကတရားလိုပြုလုပ်တိုင်တန်းသဖြင့် ဖောင်းပြင်မမစ(ပ)၁၁၂/၁၈၊ ရာဇသတ်ကြီးပုဒ်မ ၃၀၂ ဖြင့်အမှုဖွင့်အရေးယူဆောင်ရွက်လျှက်ရှိကြောင်းသိရသည်။

ဇေယျာ(ပြန်/ဆက်)
Myanmaalinn
https://www.facebook.com/MYANMAALINNNEWS/

အမ်းနှင့် မြောက်ဦးတွင် တစ်နေ့တည်း၌ မီးလောင်၍ ဘုန်းကြီးကျောင်းတစ်ကျောင်းနှင့် နေအိမ် ၂ လုံး ပျက်စီး


မြောက်ဦး၊ ဒီဇင်ဘာ ၃၁၊ ၂၀၁၈။

ရခိုင်ပြည်နယ် အမ်းမြို့နယ်နှင့် မြောက်ဦးမြို့နယ်တို့တွင် တစ်နေ့တည်း၌ မီးလောင်၍ ဘုန်းကြီးကျောင်းတစ်ကျောင်းနှင့် နေအိမ် ၂ လုံး ပျက်စီးဆုံးရှုံးသွားကြောင်း သတင်းရရှိသည်။

မီးလောင်မှုသည် အမ်းမြို့နယ် ဟင်းရွက်မော်ကျေးရွာနှင့် မြောက်ဦးမြို့နယ် သဘာဝကျေးရွာတို့တွင် ဒီဇင်ဘာလ ၃ဝ ရက်နေ့က ဖြစ်ပွားခဲ့ခြင်းဖြစ်ကြောင်း သိရသည်။


အမ်းမြို့နယ် ဟင်းရွက်မော်ကျေးရွာတွင် ယင်းနေ့ နံနက် ၇ နာရီအချိန်က ဘုန်းကြီးကျောင်းသား(၂)ဦး ဆေးလိပ်ခိုးသောက်ကာ အိပ်ရာဘေးတွင်ချထားခဲ့ရာမှတစ်ဆင့် ခေါင်းအုံးသို့စတင်မီးကူးစက်လောင်ကျွမ်း၍ မီးလောင်ကျွမ်းမှုဖြစ်ပွားခြင်းဖြစ်ပြီး မီးလောင်မှုကြောင့် အလျား(၄၀)ပေ အနံ(၃၀)ပေ၊ အမြင့်(၁၅)ပေရှိ (၁)ထပ် သွပ်မိုး၊ ပျဉ်ကာ၊ ပျဉ်ခင်း ဘုန်းကြီးကျောင်း(၁)လုံး မီးလောင်ကျွမ်းဆုံးရှုံးခဲ့ကြောင်း ရခိုင်ပြည်နယ်မီးသတ်ဦးစီးဌာနက သတင်းထုတ်ပြန်ထားသည်။

အလားတူ ယင်းနေ့ ညနေ ၆ နာရီခွဲအချိန်တွင် မြောက်ဦးမြို့နယ် သဘာဝကျေးရွာတွင် မိဘနှင့်သား စကားများရာမှ ဂက်(စ်)မီးခြစ်ဖြင့် နေအိမ်ခေါင်မိုးအဖီအား မီးရိူးခဲ့သဖြင့် မီးစတင်လောင်ခဲ့ခြင်းဖြစ်ပြီး မီးလောင်မှုကြောင့် ဓနိမိုး၊ ဓနိကာ၊ ဝါးခင်း(၁၂×၉×၁၄)ပေ၊ နေအိမ်(၁)လုံး၊၊ ဓနိမိုး၊ ဓနိကာ၊ ဝါးခင်း(၁၂×၉×၁၅)ပေ၊ နေအိမ်(၁)လုံး၊ စုစုပေါင်းနေအိမ်း(၂)လုံး ဆုံးရူံးခဲ့ကြောင်း သိရသည်။

မောင်စပ်စု
Central News Myanmar
https://www.facebook.com/CNMyanmar
 

တပ်မတော်က ဖမ်းဆီးခေါ်သွားသူကို မိသားစုတွေ့ခွင့်မရ

ဓာတ်ပုံ-ဖမ်းဆီးခံနေရသည့် ဦးဌေးအောင်
ဒီဇင်ဘာလ ၃၁၊စစ်တွေ

ဘူးသီးတောင်မြို့နယ်၊သရက်ပြင်ကျေးရွာမှ အသက် (၃၇) နှစ်အရွယ် ဦးဌေးအောင်ကို ယနေ့ (ဒီဇင်ဘာလ ၃၁ ရက်နေ့)၊နံနက် ၅ နာရီကျော်အချိန်ခန့်က တပ်မတော်က ဖမ်းဆီးခေါ်ယူသွားသောကြောင့် မိခင်ဖြစ်သူက သွားတွေ့ရာတွင် တွေ့ခွင့်မရရှိခဲ့ကြောင်း မိခင်ဖြစ်သူ ဒေါ်သိန်းချေက DMG ကိုပြောသည်။

ဦးဌေးအောင်ကို ဘူးသီးတောင်မြို့နယ် နယ်ခြားစောင့် ရဲတပ်ဖွဲ့ခွဲ(၃)တွင်ထိန်းသိမ်းထားသောကြောင့် မိသားစုဝင်များက သွား ရောက်ခဲ့စဉ်တွင် စစ်ဘက်ရေးရာ လုံခြုံရေးတပ်ဖွဲ့(စရဖ)က စစ်ဆေးနေပြီး ရဲတပ်ဖွဲ့ သို့ မအပ်သေးဟုဆိုကာ တွေ့ခွင့်မပေးဘဲ ဇန်နဝါရီလ ၁ ရက်နေ့တွင်သာ လာရောက်ရန် အကြောင်းပြန်လိုက်သည်ဟု ဒေါ်သိန်းချေက ပြောသည်။

“ကျွန်မတို့ မနက်ကတည်းက နယ်ခြားစောင့် ရဲတပ်ဖွဲ့ခွဲ(၃)ကိုသွားပြီး စောင့်နေတယ်။ အခုညနေ ၄ နာရီအထိတွေ့ခွင့်မရဘူး။ ဒါကြောင့် ပြန်တော့မှာပါ "ဟု ဒေါ်သိန်းချေက ဆိုသည်။

ကိုဌေးအောင်ကို နေအိမ်တွင် အိပ်နေစဉ်ခေါ်သွားခြင်းဖြစ်ပြီး ကနဦးတွင် မည်သည့်နေရာသို့ ခေါ်ယူသွား ခြင်းကို မသိရှိရခဲ့ပေ။ယင်းကိစ္စကို ကျေးရွာအုပ်ချုပ်ရေးမှူးက မြို့နယ်အုပ်ချုပ်ရေးမှူးထံသို့ နံနက်ပိုင်းတွင် တင်ပြထားသည်။

ဦးဌေးအောင်ကို ဖမ်းဆီးထားခြင်းနှင့်ပတ်သက်ပြီး မြို့နယ်အုပ်ချုပ်ရေးမှူးထံသို့ DMG ကဆက်သွယ်ခဲ့ရာ ဖမ်းဆီးရခြင်းအကြောင်းအရင်းများကို မသိရှိဟုဆိုသည်။

“ဘာကြောင့်ဖမ်းတယ်ဆိုတာ မသိဘူး။ စခန်းကိုမေးပါ ”ဟု မြို့နယ်အုပ်ချုပ်ရေးမှူး ဦးကျော်မင်းထွန်းက ပြောသည်။

အဆိုပါ ကိစ္စနှင့်ပတ်သက်ပြီး ဘူးသီးတောင်မြို့နယ် နယ်ခြားစောင့် ရဲတပ်ဖွဲ့ခွဲ(၃)သို့ဆက်သွယ်ရန် ကြိုးစားခဲ့သော်လည်း အဆက်အသွယ်မရရှိခဲ့ပေ။

ရခိုင်ပြည်နယ်လုံခြုံရေးနှင့်နယ်စပ်ရေးရာ ဝန်ကြီးဗိုလ်မှူးကြီး ဖုန်းတင့်ထံသို့ ဆက် လက်ဆက်သွယ်ခဲ့ရာ သူ၏ကားသမားဆိုသူက ဗိုလ်မှူးကြီး ဖုန်းတင့်အလုပ်များနေ၍ မအားသေးဟုဆိုသော ကြောင့် အဆက်အသွယ်မရရှိခဲ့ပေ။

ချလူးအောင်/DMG
Development Media Group
https://www.facebook.com/dmgnewsagency

ဘူးသီးတောင်မြို့နယ်တွင် နေအိမ်အတွင်းအိပ်နေစဉ် တပ်မတော်မှခေါ်ဆောင်ခြင်းခံရသူ ပြန်မရောက်သေး


ဘူးသီးတောင်၊ ဒီဇင်ဘာ ၃၁

ရခိုင်ပြည်နယ် ဘူးသီးတောင်မြို့နယ် နေအိမ်အတွင်းအိပ်နေစဉ် တပ်မတော်မှခေါ်ဆောင်ခြင်းခံရသူသည် ညနေပိုင်းအချိန်ထိ ပြန်မရောက်သေးကြောင်း ဒေသခံများထံမှ သိရသည်။

ဘူးသီးတောင်မြို့နယ် သရက်ပြင်ကျေးရွာမှ ဦးဌေးအောင်(၃၇ နှစ်) သည် ဒီဇင်ဘာလ ၃၁ ရက်နေ့ နံနက် ၅ နာရီအချိန်တွင် သရက်ပြင်ကျေးရွာရှိသူ၏နေအိမ်အတွင်း အိပ်ပျော်နေစဉ် တပ်မတော်က ခေါ်ဆောင်သွားခဲ့ခြင်းဖြစ်သည်။

"သူ့ကို ဒီကနေ့မနက်ကနေ ခေါ်သွားတာ။ ခုချိန်ထိ ပြန်မရောက်သေးဘူး။ သူ့ကို ဘယ်မှာထားလဲဆိုတာလဲ ရွာသားတွေမသိကြဘူး။ သူ့အတွက် ရွာသားတွေ စိုးရိမ်နေကြပါတယ်"ဟု သရက်ပြင်ကျေးရွာဒေသခံတစ်ဦးက ဒီဇင်ဘာလ ၃၁ ရက်နေ့ ညနေပိုင်းတွင် ပြောသည်။

သရက်ပြင်ကျေးရွာအုပ်ချုပ်ရေးမှူး၏ ဘူးသီးတောင်မြို့နယ်အုပ်ချုပ်ရေးမှူးထံသို့ တင်ပြသည့် အစီရင်ခံစာတွင် "ဘူးသီးတောင်မြို့နယ် သရက်ပြင်ကျေးရွာအုပ်စု၊ သရက်ပြင် ရခိုင်ရွာနေ အဘဦးကျော်ထွန်းအောင်၏သား ဦးဌေးအောင် အသက် (၃၇)နှစ်သည် ၃၁.၁၂.၂ဝ၁၈ နေ့ မိုးသောက် အရုံ (၅းဝဝ)နာရီအချိန်က နေအိမ်တွင် အိပ်နေစဉ် တပ်မတော်မှခေါ်ယူသွားပြီး မည်သည့်တပ်ရင်းမှ ခေါ်ယူသွားသည်ကိုမသိပါကြောင်း ရိုသေလေးစားစွာ အစီရင်ခံတင်ပြအပ်ပါသည်"ဟု ဖော်ပြထားသည်။

ဦးဌေးအောင်အား လက်ရှိတွင် ဘူးသီးတောင်မြို့ရှိ အမှတ်(၁၃)နယ်ခြားစောင့် ရဲတပ်ရင်းတွင် ထိမ်းသိမ်းထားကြောင်းလည်း ဒေသတွင်းသတင်းများအရ သိရသည်။

မောင်စပ်စု
Central News Myanmar
https://www.facebook.com/CNMyanmar
 

သစ်သီးကားတွေ ပိတ်ဆို့မှု ကန်ဒေါ်လာ ၁ သန်းခွဲကျော် ရှိ

ပိတ်မိနေတဲ့ သစ်သီးတင်ကုန်တင်ကားတွေကို တွေ့ရစဉ် / Photo: Ye Htet/ RFA
တရုတ်နိုင်ငံဘက်ကို တင်ပို့မယ့် ဖရဲနဲ့ သခွားမွှေး သစ်သီးကားတွေ မူဆယ်မြို့မှာ ပိတ်ဆို့နေတာကြောင့် မနေ့ကအထိ အမေရိကန် ဒေါ်လာ ၁.၅ သန်းဝန်းကျင်လောက် ဆုံးရှုံးသွားကြောင်း ၁၀၅ မိုင်မှာရှိတဲ့ အရှေ့မြောက်တံခါးအများပိုင် ကုမ္ပဏီ က ပြောပါတယ်။

မနေ့က သစ်သီးကားအစီးရေ ၇၇၀ ကျော် တရုတ်ဘက်ကို ရောင်းချလိုက်ပေမယ့် ဒီနေ့ မနက်ပိုင်းအထိ အစီး ၇၀ ကျော်ပဲ ပစ္စည်းဝင်ချပေးနိုင်သေးတာကြောင့် နောက်ထပ်ဆုံးရှုံးမှုတွေ ရှိဦးမှာဖြစ်ကြောင်း ၁၀၅ မိုင် အရှေ့မြောက်တံခါး အများပိုင်ကုမ္ပဏီရဲ့ အမှုဆောင်အရာရှိချုပ် ဦးအောင်ကျော်မိုး က ပြောပါတယ်။

ဒါပေမဲ့ တကယ်ပစ္စည်းချတဲ့အချိန်မှာ ကောင်းတဲ့အသီးတွေကိုသာ တန်ချိန်တွက်ပြီး ငွေရှင်းတာဖြစ်တဲ့အတွက် စောင့်ဆိုင်းရတဲ့ရက် ကြာသွားလို့ အသီးတွေမကောင်းတော့ရင် ကုန်သည်တွေမှာ ထပ်မံနစ်နာဆုံးရှုံးမှုတွေ ရှိလာမှာ ဖြစ်ပါတယ်။

အရင်က သစ်သီးကားတွေ တရုတ်ပြည်ဘက်ကို တင်ပို့ဖို့ အသုံးပြုနေတဲ့ ကျင်ဆန်းကျော့ဂိတ်ပေါက်ကို မြန်မာဘက်က ပိတ်လိုက်တာကြောင့် ပုံမှန်ကုန်သွယ်နေကျမဟုတ်တဲ့ ကြူကုတ်-ပန်ဆိုင်းလမ်းကနေသာ သစ်သီးကားတွေ သွားလာနေရတယ်လို့ သိရပါတယ်။

ကြူကုတ်-ပန်ဆိုင်းလမ်းဟာ ကျဉ်းပြီး လမ်းလည်း မကောင်းတဲ့အပြင် နှစ်နိုင်ငံဖြတ်တဲ့ မုခ်ဦးကိုလည်း အကြီးစားပြင်ဆင်မှုတွေလုပ်နေတာကြောင့် သွားလာရာမှာ နှောင့်နှေးကြန့်ကြာမှုတွေ ဖြစ်နေတာလို့လည်း ဦးအောင်ကျော်မိုး က ပြောပါတယ်။

ရန်ကုန်၊ မန္တလေး၊ စစ်ကိုင်း စတဲ့ မြန်မာနိုင်ငံ ဒေသအသီးသီးကနေ ထွက်ရှိတဲ့ ဖရဲနဲ့ သခွားမွှေးတွေကို ကုန်သည်တွေက တရုတ်နယ်စပ်မှာ လာရောက် ရောင်းချကြတာလည်း ဖြစ်ပါတယ်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

RFA Burmese
https://www.rfa.org/burmese

မြန်မာမှာ ဟွာဝေးကျောင်းတွေ ဖွင့်ဖို့ ပညာရေးဌာနနဲ့လက်မှတ်ထိုး

ပညာရေး ၀န်ကြီးဌာနဲ့ ပေါင်းပြီး သင်တန်းကျောင်း ဖွင့်မယ့် ဟွာဝေး
တရုတ်နည်းပညာ ကုမ္ပဏီကြီးဖြစ်တဲ့ ဟွာဝေးကုမ္ပဏီက မြန်မာ့ပညာရေးကဏ္ဍမှာ သတင်းအချက်အလက်နဲ့ ဆက်သွယ်ရေး နည်းပညာပိုင်းဆိုင်ရာ သုတေသနတွေနဲ့ သင်တန်းကျောင်းတွေ ဖွင့်လှစ်ဖို့တွေ ပါဝင်တဲ့ နားလည်မှု စာချွန်လွှာ ကို ပညာရေးဌာနအောက်မှာ ရှိတဲ့ တက္ကသိုလ်ပါမောက္ခချုပ်များ ကော်မတီ နဲ့ လက်မှတ်ထိုးလိုက်ပါတယ်။

သတင်းအချက်အလက်နဲ့ ဆက်သွယ်ရေးနည်းပညာပိုင်းဆိုင်ရာ အိုင်စီတီ သုတေသနတွေလုပ်ဖို့၊ အိုင်စီတီ ဒီပလိုမာသင်တန်းတွေ ဖွင့်ဖို့၊ နည်းပညာ နဲ့ ကွန်ပျူတာတက္ကသိုလ်တွေမှာ သတင်း အချက်အလက် နည်းပညာပိုင်း ဆိုင်ရာ အကယ်ဒမီ သင်တန်းကျောင်းတွေဖွင့်ဖို့၊ အနာဂတ်အတွက် အလားအလာရှိသူ ထူးချွန်ကျောင်းသားတွေကို ပညာသင်ဆု ထောက်ပံ့ပေးဖို့ စတဲ့ ကဏ္ဍ ခြောက်ရပ်မှာ ပူးပေါင်းလုပ်ဖို့ သဘောတူလိုက်ကြတာ ဖြစ်ပါတယ်။
လုံခြုံရေး အရ ဟွာဝေး နည်းပညာတွေကို ကမ္ဘာတလွှား စိုးရိမ်ကြ
ဒီသဘောတူညီချက်ဟာ အရင်သိပ္ပံနဲ့နည်းပညာဝန်ကြီးဌာနက သဘောတူခဲ့တဲ့ စာချုပ်ကို သက်တမ်းထပ်တိုးတာ ဖြစ်တယ်လို့ အမ်အိုယူလက်မှတ်ရေးထိုးခဲ့တဲ့ တက္ကသိုလ်ပါမောက္ခချုပ်များ ကော်မတီ ဥက္ကဋ္ဌ ဒေါက်တာ ဇော်ဝေစိုး ကပြောပါတယ်။

အရင် ချုပ်ဆိုခဲ့တဲ့ စာချုပ် သက်တမ်း ပြည့်သွားလို့ နောက်ထပ် ပြန်သက်တမ်း တိုးတဲ့ သဘောဖြစ်ပြီး အရင် ဟွာဝေးနဲ့ သဘောတူညီခဲ့တဲ့ သိပ္ပံနဲ့ နည်းပညာ ဌာန မရှိတော့တဲ့ အတွက် အခုအခါ အဆင့်မြင့် ပညာ ဌာနက သိပ္ပံနဲ့ နည်းပညာ အောက်က ရှိတဲ့ တက္ကသိုလ် တွေမှာ ထပ်ထည့်ဖို့ ၊ အိုင်စီတီ သုတေသန လုပ်ငန်းတွေမှာ အကူအညီပေးဖို့ ဒီစာချုပ်ကို ရေးထိုးတာ လို့ သူက ဆိုပါတယ်။

ဟွာဝေးကုမ္ပဏီဟာ လက်ကိုင်ဖုန်းအပါအဝင် အင်တာနက်နဲ့ တယ်လီဖုန်းဆက်သွယ်ရေးမှာ အဓိကကျတဲ့ နည်းပညာဆက်သွယ်ရေး ပစ္စည်းတွေ ထုတ်လုပ်နေတာ ဖြစ်ပါတယ်။
ဟွာဝေးက မြန်မာနိုင်ငံမှာ သုတေသနကျောင်း ဖွင့်မယ်
မကြာခင်က ဟွာဝေးကုမ္ပဏီရဲ့ ဘဏ္ဍာရေးအကြီးအကဲကို ကနေဒါမှာ ဖမ်းဆီးခဲ့ပြီးတဲ့နောက် သြစတြေးလျ နဲ့ နယူးဇီလန်နိုင်ငံတွေမှာ ဟွာဝေးရဲ့ နည်းပညာပိုင်းဆိုင်ရာ ပစ္စည်းတွေသုံးရင် နိုင်ငံရဲ့ လုံခြုံရေးပိုင်းဆိုင်ရာ ချိုးဖောက်မှုတွေ ရှိနိုင်တယ် ဆိုပြီး စိုးရိမ်နေကြသလို ဟွာဝေးထုတ်ပစ္စည်းတွေ ဝယ်ယူတာကို ကန့်သတ်တာတွေလည်း ရှိနေပါတယ်။

မြန်မာနိုင်ငံမှာ ဟွာဝေးက သင်တန်းကျောင်းဖွင့် သုတေသနတွေမှာ ကူညီမယ့် ကိစ္စတွေကို စတင် ဆွေးနွေးတုန်းက အခု ကမ္ဘာမှာ ဟွာဝေးနဲ့ ပတ်သက်တဲ့ ပြဿနာတွေ မဖြစ်သေးကြောင်း ၊ အခု စီမံကိန်း ကိုတော့ ပညာရေး ဌာနနဲ့ ပါမောက္ခချုပ်များ ကော်မတီက လုပ်တာ ဖြစ်ကြောင်း ၊ သုတေသန လုပ်ငန်းတွေကို ကိုယ့်ဖာသာကိုယ် လုပ်မှာ ဖြစ်ပြီး ဟွာဝေး အနေနဲ့ ထောက်ပံ့ကြေး ချပေးဖို့သာ ဖြစ်ကြောင်း ၊ ဟွာဝေး အနေနဲ့ ထဲထဲဝင်ဝင် မပါသင့်ဘူး ထင်ရင် ရပ်ထားလို့ ရကြောင်း တက္ကသိုလ်ပါမောက္ခချုပ်များ ကော်မတီ ဥက္ကဋ္ဌ ဒေါက်တာ ဇော်ဝေစိုး က ရှင်းပြခဲ့ပါတယ်။
အမှောင်ကမ္ဘာထဲက ဟွာဝေး ပုံရိပ်
ဟွာဝေးကုမ္ပဏီဟာ ပြီးခဲ့တဲ့ ၂၀၁၄ ခုနှစ်ကတည်းက သိပ္ပံနဲ့ နည်းပညာဝန်ကြီးဌာနနဲ့ ပူးပေါင်းပြီး သတင်းအချက်အလက်နဲ့ နည်းပညာပိုင်းဆိုင်ရာမှာ ပူးပေါင်းဆောင်ရွက်မှုတွေ ရှိခဲ့တာ ဖြစ်ပါတယ်။

ဒါ့အပြင် အမေရိကန် အဲရစ်ဆင်ဖုန်းကုမ္ပဏီ တယ်လီဖုန်း အပါအဝင် တယ်လီနော၊ အော်ရီဒူး၊ အမ်ပီတီ စတဲ့ ဆက်သွယ်ရေးအော်ပရေတာတွေဟာလည်း အခြေခံပညာကျောင်းတွေမှာ အိုင်စီတီနည်းပညာပိုင်းဆိုင်ရာ ကူညီပံ့ပိုးမှုတွေ ရှိနေတယ်လို့ ပညာရေးဌာနဘက်က ပြောပါတယ်။

အဆင့်မြင့်ပညာ ဦးစီးဌာနနဲ့တော့ ဟွာဝေးကုမ္ပဏီပဲ ပူးပေါင်းဆောင်ရွက်တာဖြစ်ပြီး အမ်အိုယူသက်တမ်းတိုးတဲ့ သဘောတူညီချက်ကတော့ ၂၀၂၁ ခုနှစ်အထိ သုံးနှစ်ကြာမယ့် စီမံကိန်းဖြစ်ပါတယ်။

ဟွာဝေးကုမ္ပဏီဘက်ကတော့ မြန်မာနိုင်ငံရဲ့ အိုင်စီတီကဏ္ဍဖွံဖြိုးတိုးတက်ဖို့ ပညာရေးဝန်ကြီးဌာနနဲ့ အနီးကပ်ပူးပေါင်း လုပ်ဆောင်ပေးမယ်လို့ ထုတ်ပြန်ပါတယ်။

BBC Burmese
https://www.bbc.com/burmese

ကချင်ဒုက္ခသည်အချို့ နေရပ်ပြန်

ကချင်ဒုက္ခသည်စခန်း
ကချင်ပြည်နယ် နန်ဆန်ယန်ကျေးရွာက စစ်ရှောင်ပြည်သူတချို့ဟာ ဒီရက်ပိုင်းတွေအတွင်း နေရပ်ပြန်လာ ခဲ့ကြသလို တပ်မတော်ဘက်က စစ်ရှောင်တွေပြန်လာနိုင်ရေးအတွက် စတင်ဆောင်ရွက်နေပြီ ဖြစ်ပါတယ်။ ကချင်ငြိမ်းချမ်းရေးအကျိုးဆောင်အဖွဲ့ PCG က တပ်မတော်နဲ့ ကချင်လွတ်လပ်ရေးအဖွဲ့ KIO အကြား စစ်ရှောင်တွေနေရပ်ပြန်ရေးအတွက် တွေ့ဆုံဆွေးနွေးနိုင်ဖို့ ကြားဝင်ညှိနှိုင်းနေပြီး ကချင်နိုင်ငံရေး ခေါင်းဆောင်အချို့ ကတော့ လာမယ့်နှစ်လယ်လောက်မှာ အစီအစဉ်တွေအကောင်အထည်ဖော်နိုင်မယ်လို့ မျှော်လင့်ထားပါတယ်။ ဒီသတင်းကို ဗီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ဟုတ်ကဲ့။ ၀ိုင်းမော်မြို့နယ် မြစ်ကြီးနား-ဗန်းမော်ကကားလမ်းဘေးက နန်ဆန်ယန်ရွာသားအချို့ဟာ ဒီလ ၂၀ ရက်ပိုင်းလောက်က နေရပ်ကို ပြန်လာတာတွေ ရှိခဲ့ပြီး တပ်မတော်ကလည်း ဒီလ ၂၁ ရက်နေ့ ငြိမ်းချမ်းရေးဆိုင်ရာကြေညာချက် ထုတ်ပြန်ပြီးတဲ့နောက်မှာ စစ်ရှောင်တွေ နေရပ်ပြန်နိုင်ရေးအတွက် စတင်ဆောင်ရွက်နေပြီဖြစ်ပါတယ်။

စစ်ရှောင်တွေ နေရပ်ပြန်လာချိန်မှာပဲ တပ်မတော်ကလည်း မိုင်းရှင်းလင်းတာတွေ ဆောင်ရွက်နေကြောင်းကချင်ငြိမ်းချမ်းရေးအကျိုးဆောင်အဖွဲ့ PCG က ဦးအင်ရှန်ဆန်အောင်က အခုလို ပြောပါတယ်။

“ အိမ်ထောင်စု ၁၇စုရောက်နေတယ်လို့ သိရတယ်။ နန်ဆန်ယန်ရွာဆိုတာက အရင်တုံးက အိမ်ခြေ ၂ထောင်ကျော်ရှိတဲ့ရွာကြီးပေါ့နော်။ အခုက ၁၇အိမ်ပဲ ပထမဦးဆုံးလာတဲ့သူတွေ။ အခုလာနေတဲ့ လူတွေကတော့ အိမ်လည်း နည်းနည်းပါးပါးပြင်ရတဲ့ လူတွေလောက်ပဲ လာသေးတယ်။ အိမ်တွေအများကြီးပျက်သွားတဲ့ဟာတွေကျတော့ လာရင်လည်း နေမယ့် နေရာတွေ မရှိဘူး။ နန်ဆန်ယန်ရွာထဲမှာ တပ်မတော်က ထောင်ထားတဲ့ဟာတွေကတော့ ရှင်းပြီလို့တော့ ပြောပါတယ်။ မပခ တိုင်းမှုးကနေ ကျနော်ကို ပြောပြပါတယ်။ ကျန်တဲ့ဟာတော့ အခုတော့ မလုပ်နိုင်သေးဘူးပေါ့။ နှစ်ဘက်ညှိနှိုင်းပြီးမှ လုပ်ရမယ့် အလုပ်တွေက အများကြီးရှိနေသေးတယ်။”

စစ်ရှောင်တွေ နေရပ်ပြန်ရေးအတွက် တပ်မတော်နဲ့ KIO တွေ့ဆုံဆွေးနွေးနိုင်ဖို့အတွက် PCG က ညှိနှိုင်းနေကြောင်းလည်း ဦးအင်ရှန်ဆန်အောင်က ဆက်ပြောပါတယ်။

“ အချိန်ကတော့ မပြောနိုင်သေးဘူး။ ဘာလို့လဲဆိုရင် အခု ညှိနှိုင်းနေဆဲပဲမို့။ ညှိနှိုင်းတယ်ဆိုတာ ကျနော်တို့ ကြားထဲမှာ ဟိုသွား၊ ဒီသွားနဲ့ ညှိနှိုင်းပေးနေတာပဲ ရှိသေးတယ်။ သူတို့နှစ်ဘက်က တွေ့ဆုံပြီးမှ ညှိနှိုင်းတဲ့အဆင့် မရောက်သေးဘူး။ ဟိုဘက်တွေ့ဆုံ၊ ဒီဘက်တွေ့ဆုံနဲ့ လုပ်ပေးနေတဲ့အနေအထားပဲ ရှိပါတယ်။ KIO ဘက်ကတော့ ဒီ IDP တွေ အမြန်ပြန်လာရေးကို သူကအများကြီး လိုလားတယ်ပေါ့။ အများကြီး လိုလားတယ်ဆိုတာ သူ့ရဲ့ မူဝါဒထဲမှာကို ရှိတယ်။ ”

ကချင်နိုင်ငံရေးခေါင်းဆောင်တဦးဖြစ်တဲ့ ဒေါက်တာတူးဂျာကတော့ ဇန်န၀ါရီလအတွင်းမှာ နှစ်ဘက်ဆွေးနွေးနိုင်ပြီး နှစ်လည်မတိုင်ခင်မှာ အဆင်ပြေလာမယ်လို့ မျှော်လင့်ကြောင်း ပြောပါတယ်။

“ ဒီဇန်န၀ါရီလဆန်းပိုင်း ပထမပတ်၊ ဒုတိယပတ်လောက်ဆိုရင် သူတို့အချင်းချင်း ပြန်တွေ့ကြမယ်။ နောက်ပြီးရင် ဇန်န၀ါရီ၊ ဖေဖော်ဝါရီ၊ မတ်လ ဒီကြားမှာတော့ အဖြေတွေ ထွက်လာလိမ့်မယ်လို့ ထင်တယ်လေ။ ဒီ ၂၀၁၉နှစ် လည် မတိုင်ခင်ပေါ့နော ဒါ ဒီဟာတွေ အဆင်ပြေလာလိမ့်မယ်။ နှစ်သစ်ကူးပြီး ၃- ၄ လအတွင်း အများကြီး သိသာ လာလိမ့်မယ်ပေါ့နော်။ ကျနော်ကတော့ အကောင်းဘက်ကို မြင်ပါတယ်။ ၂၀၁၉ အတွက် ဒီဟာ အကောင်အထည်ပေါ်လာလိမ့်မယ်လို့ ထင်တယ်လေ။”

တပ်မတော်နဲ့ ဆွေးနွေးမယ့်အခြေအနေကိုမေးမြန်းဖို့ KIO ရဲ့ ပြောရေးဆိုခွင့်ရှိသူ ဗိုလ်မှုးကြီးနော်ဘူကို ဆက်သွယ်ခဲ့ပေမဲ့ ဖုန်းခေါ်ဆိုလို့မရခဲ့ပါဘူး။

အမည်မဖော်လိုသူ KIO ရဲ့ တာဝန်ရှိသူတဦးကတော့ စစ်ရှောင်ပြည်သူတွေ နေရပ်ပြန်ရေးအတွက် တပ်မတော်နဲ့ ဆွေးနွေးဖို့ရှိသလို သေချာသဘောတူညီချက်ရပြီးမှသာ ပြန်လည်ပို့ဆောင်ဖို့ ဆောင်ရွက်မှာဖြစ်ကြောင်း ပြောပါတယ်။

ကချင်ပြည်နယ်အတွင်းမှာ ၂၀၁၈ခုနှစ် နှစ်လည်ပိုင်းက စတင်ပြီး တပ်မတော်နဲ့ KIO အကြား တိုက်ပွဲဖြစ်ပွားတာတွေ လျော့နည်းလာပြီး ဒီလပိုင်းတွေအတွင်းမှာတော့ လုံးဝ နီးပါးရပ်ဆိုင်းနေခဲ့ပါတယ်။

ဒီလ ၂၁ရက်နေ့က ထုတ်ပြန်တဲ့ တပ်မတော်ရဲ့ ငြိမ်းချမ်းရေးဆိုင်ရာ ကြေညာချက်မှာ ကချင်ပြည်နယ်အခြေစိုက် မြောက်ပိုင်းတိုင်းစစ်ဌာနချုပ်နဲ့ အခြားစစ်တိုင်း ၄တိုင်းနယ်မြေမှာ စစ်ရေးလှုပ်ရှားမှုတွေ ၄လ ရပ်ဆိုင်းကြောင်း နဲ့ စစ်ရှောင်ပြည်သူတွေ နေရပ်ရင်း ပြန်နိုင်ဖို့ အတွက် တပ်မတော်က ကူညီဆောင်ရွက်သွားမှာဖြစ်ကြောင်း ဖော်ပြထားပါတယ်။

ကိုမိုးဇော်  / ဗွီအိုအေ (မြန်မာပိုင်း)
https://burmese.voanews.com

ပြည်တွင်းငြိမ်းချမ်းရေးနဲ့ စစ်ရှောင်တွေနေရပ်ပြန်နိုင်ရေး တရုတ်ကူမယ်

တိုက်ပွဲတွေကြောင့် နေအိမ်တွေစွန့်ခွာထွက်ပြေးခဲ့ရတဲ့ ကချင်ပြည်နယ်ကစစ်ရှောင်တွေ
မြန်မာနိုင်ငံဆိုင်ရာ တရုတ်သံအမတ် မစ္စတာဟုန်လျန်ဟာ ကချင်နိုင်ငံရေးပါတီခေါင်းဆောင်တွေနဲ့ တွေ့ပြီးတော့ ပြည်တွင်း ငြိမ်းချမ်းရေးနဲ့ စစ်ဘေးရှောင်တွေနေရပ်ပြန်နိုင်ဖို့ တရုတ်က အကူအညီတွေ ပေးမယ်လို့ ပြောခဲ့ပါတယ်။

ဒီဇင်ဘာ ၂၈ရက်ကနေ ၂၉ရက်ထိ ၂ ရက်ကြာ သွားရောက်ခဲ့တဲ့ သူရဲ့ကချင်ပြည်နယ်ခရီးစဉ်အတွင်းမှာ ပြောဆို သွားခဲ့တာဖြစ်ပါတယ်။

စစ်ဘေးရှောင်စခန်းတွေမှာ လိုအပ်တဲ့ ဆေးဝါး ထောက်ပံ့ပေးမှာဖြစ်သလို စစ်ဘေးရှောင်တွေ နေရပ်ပြန်လာနိုင်ဖို့ကို တရုတ်က အကူအညီတွေ ပေးမယ်ဆိုတာကို ပြောခဲ့တယ်လို့ ကချင်နိုင်ငံရေးပါတီ ပါတီ ၃ ခု ပေါင်းစည်းထားတဲ့ နိုင်ငံရေးပါတီသစ် ကချင်ပြည်နယ်ဒီမိုကရေစီပါတီဥက္ကဋ္ဌ ဒေါက်တာတူးဂျာကဘီဘီစီကိုပြောပါတယ်။

ဒုက္ခသည်တွေနေရပ်ပြန်လာနိုင်ရေးအတွက် တပ်မတော်ဘက်ကဆောင်ရွက်နေတာတွေလည်းရှိပါတယ်။
 မြစ်ဆုံ စီမံကိန်းကို ဒေသခံတွေဘက်က အပြင်းအထန်ကန့်ကွက်ခဲ့
ပဋိပက္ခဖြစ်ခဲ့တဲ့ နေရာတဝိုက်မှာ မိုင်းရှင်းလင်းရေးလုပ်ငန်းတွေကို စတင်လုပ်ဆောင်နေပြီး လက်ရှိမှာ မြစ်ကြီးနား-ဗန်းမော်လမ်းမှာရှိတဲ့ နန်ဆန်ယန်ကျေးရွာမှာ မိုင်းရှင်းလင်းရေးတွေ စနေပြီလို့ မြောက်ပိုင်းတိုင်းစစ်ဌာနချုပ်က ဗိုလ်မှူးကြီးထွန်းနေလင်းကပြောပါတယ်။

တပ်မတော်အနေနဲ့ ကချင်ပြည်နယ်အပါအဝင် တနိုင်ငံလုံးအပစ်ရပ်စာချုပ် လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေနဲ့ ၄ လေးလကျော်ကြာ စစ်ရေးလှုပ်ရှားမှုတွေ ရပ်ထားမယ်ဆိုပြီးတော့လည်း ပြီးခဲ့တဲ့ အပတ်ကတည်းက ထုတ်ပြန်ကြေညာထားခဲ့ပါတယ်။

၂၀၁၁ ခုနှစ်ကတည်းက ကချင်ပြည်နယ်တွင်း တကျော့ပြန်တိုက်ပွဲတွေကြောင့် စစ်ဘေးရှောင်စခန်းတွေမှာ နေရပ်စွန့်ခွာထွက်ပြေးခဲ့ရသူဟာ သိန်းဂဏန်းဝန်းကျင်ရှိတယ်လို့ ဒုက္ခသည်ကူညီစောင့်ရှောက်ရေးအဖွဲ့တွေက ခန့်မှန်းထားပါတယ်။

တရုတ်သံအမတ်ကတော့ ဒုက္ခသည်တွေ နေရပ်ပြန်ရေးကူညီမယ်လို့ ပြောပေမယ့် ဘယ်လိုကူညီပေးမလဲ ဆိုတာကိုတော့ သေချာပြောဆိုခဲ့ခြင်းမရှိသေးဘူးလို့ တရုတ်သံအမတ်နဲ့တွေ့ဆုံခဲ့တဲ့ ကချင်ပါတီတွေ ထံကနေ သိရပါတယ်။

ဒုက္ခသည်တွေကို ကူညီပေးရေးအပြင် မြစ်ဆုံစီမံကိန်းနဲ့ပတ်သက်ပြီးတော့လည်း တရုတ်သံအမတ်ဘက်က မေးမြန်းတာတွေရှိခဲ့ပေမယ့် ဒီစီမံကိန်းဟာ အစိုးရနဲ့ပဲ သက်ဆိုင်တယ်ဆိုပြီးတော့ ပြန်ပြောခဲ့တယ်လို့လည်း ကချင်ပြည်နယ် ဒီမိုကရေစီပါတီဥက္ကဋ္ဌ ဒေါက်တာတူးဂျာက ပြောပါတယ်။

BBC Burmese
https://www.bbc.com/burmese

ဉာဏမူပိုင်ခွင့်ကိစ္စ တရုတ်တရားရုံး ကြားနာတော့မည်


တရုတ်နဲ့ အမေရိကန် ၂ နိုင်ငံကြား ကုန်သွယ်ရေးစစ်ပွဲမှာ အဓိကထားပြောနေရတဲ့ ဥာဏ်ပညာအခြေပြုပစ္စည်း မူပိုင်ခွင့်ဆိုင်ရာ ပြဿနာ တွေကို ဇန်နဝါရီလ တရက်နေ့က စပြီး တရုတ်နိုင်ငံရဲ့ အမြင့်ဆုံးတရားရုံးမှာ ကြားနာစစ်ဆေးတော့မှာ ဖြစ်ကြောင်း တရုတ်အစိုးရက ကြေညာလိုက်ပါတယ်။

စီးပွါးရေးအင်အားကြီး ၂ နိုင်ငံကြား ကုန်သွယ်ရေးမှာ အခြေအတင်ဖြစ်နေရာကနေ အမေရိကန် ဒေါ်လာ ဘီလျံ ၃၀၀ ကျော်ဖိုး အပြန်အလှန် အခွန်တွေ တိုးကောက်နေရာကနေ ဒီဇင်ဘာလ ၁ ရက်နေ့ ရောက်မှ ရက်ပေါင်း ၉၀ နောက်ထပ် အခွန်တိုးမကောက်ဖို့ သဘောတူညီမှု ရခဲ့တာဖြစ်ပါတယ်။

ဥာဏပစ္စည်း မူပိုင်ခွင့်နဲ့ ပတ်သက်တဲ့ စည်းမျဉ်းတွေကို လိုက်နာအောင် တရုတ်အစိုးရက တင်းတင်းကြပ်ကြပ် မလုပ်ဆောင်တဲ့အပြင် တရုတ်နိုင်ငံထဲမှာ ဝင်ရောက်လုပ်ကိုင်တဲ့ နိုင်ငံခြားကုမဏီတွေကို နည်းပညာတွေအဓမ္မ လွှဲပြောင်းခိုင်းတယ်လို့ အမေရိကန်နဲ့ အီးယူဥရောပ သမဂ္ဂတို့က ဝေဖန်နေကြတာပါ။

အခုလို ဥာဏပစ္စည်းမူပိုင်ခွင့်ဆိုင်ရာ အမှုတွေကို ၂၀၁၉ ကစပြီး တရုတ်အထက်တရားရုံးမှာ စတင်ကြားနာစစ်ဆေးတော့မှာ ဖြစ်ကြောင်း တရားရေးဌာန ဒုတိယအကြီးအကဲ Luo Dongchuan ရဲ့ စနေနေ့ပြောကြားချက်ကို တရုတ်အစိုးရ ဆင်ဟွာသတင်းမှာ ဖေါ်ပြထားပါတယ်။ အရင်တုန်းကတော့ ဒီအမှုမျိုးကို ခရိုင်အဆင့်မြင့် တရားရုံးတွေမှာ ကြားနာခဲ့တာ ဖြစ်ပါတယ်။ အခုလို လုပ်ဆောင်မှုဟာ တရားရေးဆိုင်ရာ လျှောက်ထားချက်တွေအတွက် တသမတ်ထဲရှိလာစေမယ့်အပြင် တရားရုံး ကြားနာစစ်ဆေးမှုတွေမှာလည်း ထိရောက်ပြီး အရည်အသွေးကောင်းမွန် တိုးတက်လာစေမယ်လို့လည်း ပြောပါတယ်။

ဒါဟာ ဥာဏပစ္စည်း မူပိုင်ခွင့်ဆိုင်ရာ ခိုးယူမှုတွေကို အကာကွယ်ပေးဖို့ တရုတ်အစိုးရက လုပ်ဆောင်လာတာဖြစ်ပါတယ်။ တရုတ်နိုင်ငံမှာ ၂၀၁၇ ခုနှစ်အတွင်း ဥာဏပစ္စည်း မူပိုင်ခွင့်ဆိုင်ရာ ခိုးယူတဲ့ အမှုပေါင်း ၂ သိန်းကျော်ကို ကြားနာစစ်ဆေးခဲ့ရပြီး ဒါဟာ ၂၀၁၆ ခုနှစ်ကနဲ့ ယှဉ်ရင် ရာခိုင်နှုန်း ၄၀ တိုးလာခဲ့တာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

တရုတ်ပြည် ကုန်ထုတ်လုပ်မှု ကျဆင်း

တရုတ်နိုင်ငံကားထုတ်စက်ရုံတစ်ခုအတွင်းအလုပ်လုပ်နေတဲ့အလုပ်သမားများ။ (Photo - Reuters)
တရုတ်နိုင်ငံဟာ အမေရိကန်နဲ့ဖြစ်ပွားနေတဲ့ ကုန်သွယ်ရေးစစ်ပွဲနောက်ပိုင်း ပြည်တွင်း ကုန်ထုတ်မှုကဏ္ဍမှာ ကျဆင်းလာတယ်လို့ ဒီနေ့ ထုတ်ပြန်တဲ့ အစိုးရရဲ့ တရားဝင် ထုတ်ပြန်မှုစာရင်းမှာ ဖေါ်ပြပါတယ်။

ထုတ်ကုန်ဝယ်လိုအားရည်ညွှန်းကိန်း PMI ကိန်းဂဏန်းတွေအရ ပြီးခဲ့တဲ့ နိုဝင်ဘာလက ၅ဝ ရှိခဲ့ရာက အခုလမှာ ၄၉.၄ ကိုကျဆင်းလာတယ်လို့ အမျိုးသားစာရင်းအင်းဗြူရို NBS ရဲ့ ထုတ်ပြန်ချက်မှာ ဖေါ်ပြထားပါတယ်။ ဒါဟာ ၂နှစ်အတွင်း အနိမ့်ဆုံးအခြေအနေဖြစ်ပါတယ်။

NBS အဆိုအရ တချို့သောကုန်ထုတ်လုပ်ငန်းတွေဟာ ထုတ်လုပ်မှုရပ်ဆိုင်းဖို့ အခြေအနေကို ရောက်ရှိလာနေသလို၊ ဈေးကွက်အပေါ်မှာထားရှိတဲ့ မျှော်လင့်ချက်အပေါ်မှာလည်း သတိထားနေကြတယ်လို့ ဆိုပါတယ်။

တရုတ်ဘက်က အမေရိကန်ဆန်တွေပြန်ဝယ်ဖို့ သောကြာနေ့က သဘောတူလိုက်သလို၊ အမေရိကန်ကားတွေနဲ့ အပိုပစ္စည်းအပေါ် အခွန်တိုးကောက်ဖို့ အစီအစဉ်ကိုလည်း ဆိုင်းငံ့လိုက်ပါတယ်။

RFA Burmese
https://www.facebook.com/rfaburmese

တခါသုံး ပလတ်စတစ်အိတ်တွေ တောင်ကိုရီးယား ပိတ်ပင်


 တောင်ကိုရီးယားနိုင်ငံက ကုန်တိုက်ကြီးတွေမှာ တခါသုံးပလတ်စတစ်အိတ်တွေ သုံးစွဲတာကို ပိတ်ပင်လိုက်ကြောင်း တောင်ကိုရီးယား ပတ်ဝန်းကျင်ရေးရာဝန်ကြီးဌာနက ဒီကနေ့ ကြေညာလိုက်ပါတယ်။

လက်ရှိဥပဒေမှာ ပြင်ဆင်ချက်အဖြစ် ပြဌာန်းမယ့် အဲဒီအမိန့်ဟာ မနက်ဖြန် အင်္ဂါနေ့မှာ စတင်အသက်ဝင်မှာဖြစ်ပြီး ကုန်တိုက်ကြီး နှစ်ထောင် နဲ့ ကုန်တိုက်ငယ် တသောင်းကျော် အကျုံးဝင်မယ်လို့ သိရပါတယ်။

အဲဒီ ကုန်တိုက်တွေမှာ ပလစ်စတစ်အိတ်တွေအစား ပြန်လည်အသုံးပြုနိုင်တဲ့ စက္ကူ သို့မဟုတ် ချည်ထည်အိတ်တွေကို အစားထိုးသုံးစွဲမှာဖြစ်ပြီး မလိုက်နာရင် ဒဏ်ငွေ အဖြစ် ကန် ဒေါ်လာ ၂၇ဝဝ နဲ့ ညီမျှတဲ့ ကိုရီးယား ဝမ်ငွေ ၃ သန်း အထိ ချမှတ်မယ်လို့ ဆိုပါတယ်။

သဘာဝပတ်ဝန်းကျင် ထိန်းသိမ်းတဲ့အနေနဲ့ အဲဒီ တခါသုံး ပလစ်စတစ်အိတ်တွေကို လက်ရှိမှာ ဗြိတိန်၊ တရုတ်၊ ပြင်သစ်၊ နယူးဇီလန်နဲ့ နယ်သာလန်အပါအဝင် ကမ္ဘာ့နိုင်ငံ တဒါဇင်ခန့်မှာ သုံးစွဲမှုပိတ်ပင်တဲ့ ဥပဒေ သို့မဟုတ် အခွန်ငွေကောက်ခံဖို့ အမိန့်တွေ ထုတ်ပြန်ထားပြီး ဖြစ်ပါတယ်။

(FILE PHOTO/ Reuters)
RFA Burmese
https://www.facebook.com/rfaburmese

အိမ်အကူကို ထိပါးတဲ့ ဖိလစ်ပိုင် သမ္မတ ဒူတာတေးထွက်ဖို့ ဖိအားပေးခံရ

သမ္မတ ရာထူးက ဆင်းပေးဖို့ တောင်းဆို ခံနေရတဲ့ ဒူတာတေး
ဖိလစ်ပိုင်မှာ သမ္မတ ရိုဒရီဂို ဒူတာတေးက သူ လူပျိုပေါက်ဘဝမှာ သူ့အိမ်က အိမ်အကူအမျိုးသမီးကို လိင်ပိုင်းဆိုင်ရာ ထိပါးတာတွေ အကြိမ်ကြိမ် လုပ်ခဲ့ကြောင်း ပြောခဲ့အပြီး သူ နုတ်ထွက်ပေးဖို့ တောင်းဆိုမှုတွေနဲ့ ရင်ဆိုင်နေရပါတယ်။

အဲဒီတုန်းက အိပ်ပျော်နေတဲ့ အမျိုးသမီး အခန်းထဲကို သူဝင်ပြီး သူ့အဝတ်အစားတွေအောက် လက်နှိုက်လို့ ထိခဲ့ကိုင်ခဲ့ကြောင်း ဒီဇင်ဘာ ၂၉ ရက်နေ့က ပြောခဲ့တဲ့ မိန့်ခွန်းမှာ မစ္စတာ ဒူတာတေးက အသေးစိတ် ပြောပြခဲ့ပါတယ်။

လိင်ပိုင်းဆိုင်ရာ စော်ကားမှုတွေ၊ အဓမ္မကျင့်မှုတွေကို သမ္မတက အပြောင်အပျက်ပြောလေ့ရှိတာဟာ အမျိုးသမီးတွေ စော်ကားခံရဖို့ ပိုဖြစ်စေတယ် ဖိလစ်ပိုင် တလွှားမှာ ပြောဆိုမှုတွေ ရှိနေပါတယ်။

မစ္စတာ ဒူတေးဟာ သမ္မတ ရာထူးနဲ့ ထိုက်တန်သူ တယောက် မဟုတ်ဘူးလို့ ဆိုကာ အမျိုးသမီးအရေး တက်ကြွ လှုပ်ရှားတဲ့ ဂါဘရီရဲလား အဖွဲ့က သူ့ကို ရာထူးက ဆင်းပေးဖို့ တောင်းဆို ထားပါတယ်။

အခုလို စေ့ဆော် ရန်စမှု ဖြစ်စေတဲ့ ပြောဆိုမှု တော်တော်များများကို သမ္မတ ဒူတာတေးက မကြာခဏ ဆိုသလို ပြောဆိုလေ့ ရှိသလို သူ့ရဲ့ ကျော်ကြားမှုကလည်း ကျဆင်း မသွားခဲ့ပါဘူး။

အခုနောက်ဆုံး ထွက်ပေါ်လာတဲ့ ပြောဆိုချက်မှာတော့ ကျွန်တော် သူခြုံထားတဲ့ စောင်ကိုမပြီး သူ့အတွင်းခံ ဘောင်းဘီအောက်ထဲ နှိုက်လိုက်တာ သူလည်းနိုးလာရော၊ ကျွန်တော်လည်း အဲဒီ အခန်းထဲက ထွက်ပြေးခဲ့တာပဲလို့ မစ္စတာ ဒူတာတေးက ပြောခဲ့တာ ဖြစ်ပါတယ်။
အမျိုးသမီးတွေအပေါ် အပြောင်အပျက် စကားပြောတာဟာ စော်ကားမှုကို တွန်းအားပေးသလို ဖြစ်စေတယ်လို့ အမျိုးသမီးအရေး တက်ကြွသူတွေကပြော
အဲဒီနောက် စော်ကားခံရတဲ့ အမျိုးသမီး အခန်းထဲ ပြန်ဝင်သွားခဲ့ပြီး ဗလက္ကာရ ထပ်လုပ်ဖို့ ကြိုးစားခဲ့တယ်လို့ ခရစ်ယာန်ဘုန်းကြီးကို ပြောပြခဲ့ကြောင်း မစ္စတာ ဒူတာတေးက ရှင်းပြခဲ့ပါတယ်။

အဲဒီအခါ ခရစ်ယာန် ဘုန်းတော်ကြီးက သူ့ရဲ့ အပြစ်တွေကို ဆေးကြောပစ်ဖို့ ပြောခဲ့တယ်လို့ သမ္မတ ဒူတာတေးက ဆိုပါတယ်။

ဖိလစ်ပိုင်မှာ ချမ်းသာကြွယ်ဝတဲ့ အိမ်ထောင်စုတွေမှာ အိမ်အကူတွေ ခန့်ထားလေ့ရှိပြီး အာရှနဲ့ အရှေ့အလယ်ပိုင်း ဒေသတွေမှာ အိမ်တွင်း ဗာဟီရ လုပ်ကိုင်ဖို့ အမျိုးသမီးတွေကို ထားလေ့ရှိတာ ဖြစ်ပါတယ်။

အခုလို အမျိုးသမီးတွေ အပေါ် မထီလေးစား ပြောဆိုမှုတွေကြောင့် သမ္မတ ဒူတာတေး အနေနဲ့ ရာထူးက နုတ်ထွက်ပေးဖို့ ကျောင်းဆရာတွေနဲ့ အတိုက်အခံ နိုင်ငံရေးအဖွဲ့တွေက တောင်းဆိုနေပါတယ်။

သမ္မတရုံးကတော့ သမ္မတဟာ ကက်သလစ်ဘုရားကျောင်းရဲ့ အမှားတွေကို ထောက်ပြတဲ့အနေနဲ့ မိန့်ခွန်းပြောရင်း သူငယ်ငယ်က ဖြစ်ပျက်ခဲ့တယ်ဆိုတာကို လုပ်ကြံပြီး ရယ်စရာ အဖြစ်ပြောခဲ့တာပါလို့ ဆိုပါတယ်။

အာရှ ပစ္စဖိတ် တလွှား လူကုန်ကူးမှုတွေကို ပူးပေါင်း တိုက်ဖျက်နေတဲ့ အဖွဲ့ကလည်း သမ္မတရဲ့ အခုလို ပြောဆိုချက်တွေက ပြည်ပရောက် ဖိလစ်ပိုင် အိမ်အကူတွေအပေါ် အကျပ်ရိုက်စေတယ်လို့ သတိပေးထားပါတယ်။

ဖိလစ်ပိုင်မှာ ပြည်ပထွက် အိမ်အကူ လုပ်နေသူ တသန်းကျော် ရှိတယ်လို့ အစိုးရ က ထုတ်ပြန်တဲ့ ကိန်းဂဏန်းတွေ အရ သိရပါတယ်။
လူထုရှေ့မှောက် အမျိုးသမီးတယောက်ကို နမ်းပြတဲ့ ဒူတာတေး
ခုနှစ်လယ်ပိုင်းတုန်းကလည်း တောင်ကိုရီးယား နိုင်ငံကို ရောက်ခိုက် ပြည်ပရောက် ဖိလစ်ပိုင် အလုပ်သမတယောက်ကို နမ်းခဲ့တဲ့ အပြုအမူအတွက် သမ္မတ ဒူတာတေးဟာ အပြင်းအထန် အဝေဖန် ခံခဲ့ရပါတယ်။

လူထု ဧည့်ပရိသတ်ကို စကားပြော ရင်းမှာပဲ ဒူတာတေးက အမျိုးသမီး တဦးကို စင်ပေါ် ဖိတ်ခေါ်ပြီး သူ့ကို နမ်းလို့ ပြောဆို ခဲ့တာ ဖြစ်ပါတယ်။

အဲဒီနောက် အမျိုးသမီးနဲ့သူ နှုတ်ခမ်းချင်း နမ်းကြတာကို တိုက်ရိုက်လွှင့်နေတဲ့ ရုပ်မြင်သံကြားပေါ် အထက်ပါပုံ အတိုင်း တွေ့ မြင် ရပါတယ်။

အနမ်းပေးကြစဉ် အခါတုန်းကတော့ လူအုပ်ထဲကနေ ဩဘာပေးသံတွေ ထွက်လာခဲ့ပြီး အများစုက တောင်ကိုရီးယားရောက် ဖိလစ်ပိုင် အလုပ်သမားတွေ ဖြစ်ကြပါတယ်။

ဒူတာတေးရဲ့ လုပ်ရပ်ဟာ လူပုံအလယ် ထူးခြားလိုစိတ်နဲ့ တမင်ကျူးလွန်တဲ့ အင်မတန် စက်ဆုပ်ဖွယ် အပြုအမူ ဖြစ်ပြီး ဖိုဝါဒီ သမ္မတ တယောက် ဖြစ်တယ်လို့ အမျိုးသမီး အခွင့်အရေး လှုပ်ရှားနေသူတွေကတော့ ပြင်းပြင်းထန်ထန် ဝေဖန် ခဲ့ကြပါတယ်။

ဒူတာတေးရဲ့ အပြုအမူဟာ မိန်းမသားထု အပေါ် အလေးမထားတဲ့ ဖိုဝါဒီ တစ်ယောက်ရဲ့ အပြုအမူ ဖြစ်တယ်လို့ ဝေဖန်တဲ့ ဂေဘရီလာ အဖွဲ့ကတော့ သမ္မတ ဒူတာတေးဟာ အလားတူ အမူအကျင့်တွေ ထပ်ပြန်တလဲလဲ ကျူးလွန်နေသူ ဖြစ်တယ်လို့ ထောက်ပြခဲ့ပါတယ်။

အခုလို ဝေဖန်မှုတွေ ပြင်းပြင်းထန်ထန် ရှိနေပေမယ့်လည်း မစ္စတာ ဒူတာတေးဟာ ဖိလစ်ပိုင် ပြည်သူတွေ အကြား လူကြိုက် များနေဆဲ ဖြစ်ပြီး နိုင်ငံခြားရောက် ဖိလစ်ပိုင် အလုပ်သမား အဖွဲ့ OFW ကလည်း သမ္မတ အပေါ် ထောက်ခံ ကြတယ်လို့ ဖိလစ်ပိုင်ဆိုင်ရာ ဘီဘီစီ သတင်းထောက် ဟောင်းဝါ့ဒ် ဂျွန်ဆင်က ဆိုပါတယ်။

ဒူတာတေးဟာ ဖိလစ်ပိုင်ရဲ့ ပုံရိပ်ကို ခိုင်ခိုင်မာမာ ပုံဖော် ပြသနိုင်ပြီး အိမ်ထောင် ဦးစီး ဖခင်သဖွယ် တိုင်းပြည်ကို ဦးဆောင်ရင်းမှာပဲ နိုင်ငံခြားရောက် ကိုယ့်နိုင်ငံသား အလုပ်သမားတွ အပေါ်လည်း စောင့်ရှောက်သူ အဖြစ် ရှုမြင်ခံနေရတယ်လို့ ဟောင်းဝါ့ဒ် ဂျွန်ဆင်က ပြောကြားခဲ့ဖူးပါတယ်။

အနောက် မီဒီယာတွေဟာ ဒူတာတေး အပေါ် မလို မုန်းထားစိတ်နဲ့ တလွဲတွေ ပုံဖော် နေတယ်လို့ လန်ဒန်မြို့က ဆေးရုံတစ်ရုံမှာ သူနာပြုအဖြစ် အလုပ်လုပ်ကိုင်နေတဲ့ ဖိလစ်ပိုင် အမျိုးသမီး တစ်ယောက်ကလည်း ဘီဘီစီကို ပြောပါတယ်။

BBC Burmese
https://www.bbc.com/burmese

အင်ဒိုနီးရှားသမ္မတလောင်းတွေ ကိုရမ်ကျမ်းစာမေးပွဲ စစ်ဆေးခံဖို့ အဆိုပြု


အင်ဒိုနီးရှား သမ္မတရွေးကောက်ပွဲဝင်ပြိုင်မယ့် သူတွေအနေနဲ့ အစ္စလမ် ကိုရမ်ကျမ်းစာနဲ့ပတ်သက်ပြီး အစစ်ဆေးခံကြဖို့ဆိုတဲ့ အင်ဒိုနီးရှားနိုင်ငံ အာချေးပြည်နယ် ဘာသာရေးဆရာတွေရဲ့ တိုက်တွန်းချက်ဟာ လူမျိုးရေးညီညွတ်မှုကို ထိခိုက်စေတယ်လို့ အစ္စလာမ်ဘာသာရေး ကျွမ်းကျင် သူတွေက အပြင်းထန် ဝေဖန်လိုက်ကြပါတယ်။

လာမယ့် ၂၀၁၉ ဧပြီလ အင်ဒိုနီးရှားရွေးကောက်ပွဲကို ဝင်ပြိုင်ကြမယ့် လက်ရှိသမ္မတ Joko Widodo နဲ့ အတိုက်အခံ Prabowo Subianto တို့ အနေနဲ့ အာချေးပြည်နယ်မျာ ဇန်နဝါရီလ(၁၅)ရက်နေ့ ကျင်းပမယ့် ကိုရမ်ကျမ်းစာ အာဂုံဆောင်ပွဲမှာ လာရောက်အစစ်ဆေး ခံကြဖို့ အာချေးမှာရှိတဲ့ အစ္စလမ်ဘာသာရေးကောင်စီတခုက ပြီးခဲ့တဲ့ စနေနေ့က ဖိတ်ကြားစာ ပေးပို့ခဲ့တာပါ။

အာချေးပြည်နယ်မှာတော့ ဒေသဆိုင်ရာ ရွေးကောက်ပွဲတွေ ဝင်ပြိုင်တဲ့အခါ ကိုရမ်ကျမ်းစာနဲ့ ပတ်သက်ပြီးလည်း အစစ်ဆေး ခံကြရပါတယ်။

ဂျာကာတာမှာရှိတဲ့ ဟီဒါယာတူလာ- အစ္စလာမ်တက္ကသိုလ်က ပညာရှင် Dr. Komaruddin ကတော့ ကိုရမ်ကျမ်းစာ စာမေးပွဲဟာ လိုအပ်ချက် တခု မဟုတ်သလို ၊ ဘာသာရေးအတွက် အရေးကြီးတယ်လို့ ယူဆနေတာဟာလည်း ပုံကြီးချဲ့မှု တခုသာဖြစ်တယ်လို့ ဆိုပါတယ်။ အင်ဒိုနီးရှားမှာရှိတဲ့ အကြီးဆုံး မူဆလင်အဖွဲ့ကြီးဖြစ်တဲ့ Nahdlatul Ulama ရဲ့ တာဝန်ရှိပုဂ္ဂိုလ် Dr. Rumadi Ahmad ကတော့ ကိုရမ်ကျမ်းစာ စစ်ဆေးပွဲဟာ ဘာသာရေးကို နိုင်ငံရေးအတွက် အသုံးချမှုတခုသာဖြစ်တယ်လို့ ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

NY Time Square လုံခြုံရေးတင်းကြပ်


အမေရိကန်ပြည်ထောင်စု New York မြို့က အထင်ကရ Times Square နေရာမှာ ဒီကနေ့ညနေကျင်းပမယ့် နှစ်သစ်ကူးပွဲအတွက် လုံခြုံရေးတွေ တင်းကြပ်ထားပါတယ်။ ဒီနှစ်မှာ အဝေးထိန်း Drone ယာဉ်တွေကို ပထမဆုံးသုံးပြီး ကောင်းကင်ကနေ စောင့်ကြည့်နေမယ်လို့ ထောက်လှမ်းရေးနဲ့ အကြမ်းဖက်မှုတန်ပြန်ရေးဆိုင်ရာ ဒုတိယကော်မရှင်နာမင်းကြီးက ပြောပါတယ်။ နှစ်သစ်ကူးချိန်မှာ အမြင့်ကနေ တဖြည်းဖြည်းကျလာမယ့် ဧရာမ Crystal ဘောလုံးကြီးကို Times Square မှာလာကြည့်ပြီး နှစ်သစ်ကြိုဆိုမယ့်သူ ၂ သန်းလောက်ရှိမယ်လို့ N. Y မြို့တော်ဝန် Bill de Blasio ကပြောပါတယ်။

သတင်းထောက်တွေနဲ့ လွတ်လပ်စွာ ထုတ်ဖော်ပြောဆိုခွင့်ကို ဂုဏ်ပြုတဲ့အနေနဲ့ ဧရာမ Crystal ဘောလုံးကြီးကို နှိမ့်ချလိုက်တဲ့ခလုပ်ကို New York Times, Washington Post, CNN သတင်းဌာနတွေအပြင် အမေရိကန်မှာနာမည်ကြီး သတင်းထောက်တွေနဲ့ အယ်ဒီတာတွေက နှိပ်မှာဖြစ်ပါတယ်။ LED မီးသီးပေါင်း 3 သောင်း 2 ထောင်တပ်ဆင်ထားတဲ့ 6 တန်လောက် အလေးချိန်ရှိတဲ့ ဧရာမ Crystal ဘောလုံးကြီးကို မီးထွန်းမယ့်ခလုပ်ကိုတော့ အမေရိကန်တရုတ်ချစ်ကြည်ရေးအသင်းက နှိပ်ပြီး မီးထွန်းပေးမှာဖြစ်ပါတယ်။

နှစ်သစ်ကူးပွဲကျင်းပမယ့် N. Y မြို့လမ်းတွေတဝိုက် လုံခြုံရေး အစီအစဉ်တွေ တင်းတင်းကြပ်ကြပ်ချထားပြီး နှစ်သစ်ကူးပွဲတော်ကျင်းပမယ့် နေရာတဝိုက်ကားတွေ မဝင်နိုင်အောင် ရဲကား ၂၀၀ နီးပါးက လမ်းဆုံတွေမှာ ပိတ်ဆို့ထားမှာ ဖြစ်ပါတယ်။ လောလောဆယ် ခြိမ်းခြောက်မှု အန္တရာယ် တစုံတရာမရှိပေမဲ့ လုံခြုံရေးအတွက် သတိအနေအထားနဲ့ရှိနေမှာဖြစ်တယ်လို့ N. Y မြို့ ရဲတပ်ဖွဲ့တာဝန်ရှိသူတွေက ပြောပါတယ်။ ကမ္ဘာကြီးမှာ အားလုံးသဟဇာတဖြစ်ရေးကို မျှော်လင့်ပြီး ဒီနှစ်နှစ်သစ်ကူးပွဲတော်ကို "Gift of Harmony" လို့ နာမည်ပေးထားပါတယ်။

ဗွီအိုအေ (မြန်မာပိုင်း)
https://burmese.voanews.com

ဘင်္ဂလားဒေ့ရ်ှရွေးကောက်ပွဲမှာ လက်ရှိဝန်ကြီးချုပ်ရှိတ်ဟာစီနာ ပြန်အနိုင်ရ

တတိယသက်တမ်းအတွက် ထပ်မံအနိုင်ရသွားတဲ့ ဝန်ကြီးချုပ်ရှိတ်ဟာစီနာ
ဘင်္ဂလားဒေ့ရ်ှမှာ လက်ရှိဝန်ကြီးချုပ်ရှိတ်ဟာစီနာပြန်လည်အနိုင်ရရှိသွားတဲ့အတွက် ရခိုင်ကဒုက္ခသည် တွေပြန်လည်လက်ခံရေးဟာ အရင်အတိုင်းအခက်အခဲတွေရှိနေနိုင်တယ်လို့ နိုင်ငံရေးလေ့လာသုံးသပ်သူ တစ်ဦးဖြစ်တဲ့ ဦးမောင်မောင်စိုးကဘီဘီစီကိုပြောပါတယ်။

ဒီဇင်ဘာ ၃၀ ရက်နေ့မှာပြုလုပ်ခဲ့တဲ့ ဘင်္ဂလားဒေ့ရ်ှနိုင်ငံရဲ့ အထွေထွေရွေးကောက်ပွဲမှာ လက်ရှိ ဝန်ကြီးချုပ် ရှိတ်ဟာစီနာကသူ့ရဲ့ တတိယမြောက်သက်တမ်းအတွက် မဲအပြတ် အသတ်နဲ့ အနိုင်ရသွားခဲ့ ပြီလို့ ရွေးကောက်ပွဲကော်မရှင်က ဒီကနေ့ တနင်္လာနေ့မှာ ထုတ်ဖော်ပြောဆိုခဲ့ပါတယ်။

အာဏာရ ပါတီဟာ လွှတ်တော်အမတ်နေရာ ၃ ပုံ ၂ ပုံဖြစ်တဲ့ အမတ်နေရာ ၂၈၈ နေရာ ကို အတွက်နိုင် သွားတာပါ။ ဒါဟာပြီးခဲ့တဲ့အကြိမ်ရွေးကောက်ပွဲမှာအနိုင်ရခဲ့တဲ့ အရေအတွက်ထက် ကျော်လွန်ပြီး ရသွားခဲ့ တာဖြစ်ပါတယ်။

အဓိက အတိုက်အခံ BNP ပါတီ ကတော့ အမတ်နေရာ ၇ နေရာပဲ အနိုင်ရခဲ့ပါတယ်။
 မြန်မာဘက် ပြန်မလာဖို့ ဆန္ဒထုတ်ဖော်ခဲ့တဲ့ ဘင်္ဂလားဒေ့ရ်ှဘက်ခြမ်းက ဒုက္ခသည်တွေ
ရှိတ်ဟာစီနာရဲ့ အဝါမီလစ်ခ်ပါတီကပဲဆက်လက်အနိုင်ရသွားခဲ့တဲ့အတွက် မြန်မာနဲ့ဆပ်စပ်နေတဲ့ ကိစ္စရပ်တွေ အပေါ် မူဝါဒအပြောင်းအလဲကတော့ရှိလာမှာမဟုတ်ဘူးလို့ ဦးမောင်မောင်စိုးက သုံးသပ် ပြောဆိုပါတယ်။

'' ဒုက္ခသည်တွေပြန်ပို့ရေးနဲ့ပတ်သက်လို့တော့ တချို့ကိုပြန်ပို့ရေးတော့လုပ်လာနိုင်တယ်၊ ဒါကလည်း သိပ်တော့မလွယ်ဘူး၊ ဒုက္ခသည်ပြန်ပို့ရေးကနိုင်ငံရေးတောင်းဆိုမှုတွေနဲ့ ရောထွေးနေတဲ့အခါကျတော့ အဲဒါကိုလည်း ဘင်္ဂလားဒေ့ရ်ှအစိုးရက လက်ခံထားတယ်ဆိုရင်တော့ ဒုက္ခသည်ပြန်ပို့ရေးက သိပ်ထူးခြား မယ်မထင်ပါဘူး၊ ဒီပုံအတိုင်းသွားမယ်ဆိုရင်တော့ ဒီအရေးက ပါလက်စတိုင်းဒုက္ခသည်အရေးလိုပဲ နှစ်ပေါင်း များစွာကြာသွားနိုင်ပါတယ်'' လို့ ဦးမောင်မောင်စိုးကပြောပါတယ်။

ဘင်္ဂလားဒေ့ရ်ှဘက်ခြမ်းရောက်နေတဲ့ ဒုက္ခသည်တွေပြန်လာရေးကို နိုဝင်ဘာလမှာ လက်ခံဖို့ မြန်မာ ဘက်က ပြင်ဆင်ထားခဲ့ပေမယ့်လည်း ပြန်မလာနိုင်ခဲ့ဘဲ ရွေးကောက်ပွဲပြီးမှသာ ဒုက္ခသည်တွေအရေးကို ဆက်လက်ဆောင်ရွက်မယ်လို့ ဘင်္ဂလားဒေ့ရ်ှဘက်ကပြောဆိုထားခဲ့တာဖြစ်ပါတယ်။

ဘင်္ဂလားဒေ့ရ်ှကအတိုက်အခံ ပါတီကတော့ မနေ့တုန်းက ကျင်းပခဲ့တဲ့ရွေးကောက်ပွဲဟာ ရယ်ဖို့ကောင်းတဲ့ မဲပေးပွဲဖြစ်တယ် လို့ ပြောဆိုပြီး မဲပေးပွဲအသစ် ထပ်လုပ်ဖို့ တောင်းဆိုနေပါတယ်။

မဲပေးပွဲနေ့တုန်းကတော့ အာဏာရပါတီနဲ့ အတိုက်အခံပါတီကို ထောက်ခံသူတွေကြား ခိုက်ရန်ဖြစ်ခဲ့ကြလို့ အနည်းဆုံး လူ ၁၇ ဦး သေဆုံးခဲ့ပါတယ်။

"ဒီရလဒ်ကို ချက်ခြင်းပယ်ဖျက်ပေးဖို့ ကော်မရှင်ကို တိုက်တွန်းတယ်" လို့ အတိုက်အခံ ခေါင်းဆောင် ကာမယ်လ်ဟူစိန်ကတော့ ကန့်ကွက်ခဲ့ပါတယ်။

ဘက်မလိုက်တဲ့အစိုးရတစ်ရပ်ရဲ့အောက်မှာ ရွေးကောက်ပွဲအသစ်ကို တတ်နိုင်သလောက် အမြန်ဆုံးကျင်းပ ပေးဖို့ အကြံပြုတယ်လို့လည်း သူကပြောပါတယ်။

အတိုက်အခံ ဘီအန်ပီ ပါတီဟာ ပြီးခဲ့တဲ့ ၂၀၁၄ ခုနှစ်ကတည်းက ရွေးကောက်ပွဲဝင်ဖို့ကို သပိတ်မှောက် ထား ခဲ့တာဖြစ်ပြီး မနေ့က တနင်္ဂနွေနေ့မှာ ကျင်းပခဲ့တဲ့ ရွေးကောက်ပွဲကို ကို ပထမဆုံးပြန်လည် ပါဝင်ပြီး ရွေး ကောက်ခံခဲ့တာဖြစ်ပါတယ်။

BBC Burmese
https://www.bbc.com/burmese

ဖိလစ်ပိုင်တွင် ရေကြီး၊ မြေပြိုမှုများ ကြောင့် သေဆုံးသူ ၅၀ဦးအထိ မြင့်တက်လာ

ဖိလစ်ပိုင်နိုင်ငံ ၌ရေကြီး ရေလျှံမှုများဖြစ်ပွားနေစဉ် (ဆင်ဟွာ)
မနီလာ၊ ဒီဇင်ဘာ ၃၁ ရက် (ဆင်ဟွာ)

    ဖိလစ်ပိုင်နိုင်ငံ တွင် မိုးသည်းထန်စွာရွာသွန်းမှုကြောင့် ဖြစ်ပေါ်လာသော မြေပြိုမှုနှင့် ရေကြီးမှုများကြောင့် သေဆုံးသူဦးရေ သည် ၅၀ဦးအထိ မြင့်တက်လာကြောင်း အစိုးရသဘာဝဘေးအန္တရာယ်ဆိုင်ရာဌာနက ဒီဇင်ဘာ ၃၀ရက်တွင်ပြောကြားခဲ့သည်။

သေဆုံးမှုများသည် Bicol ဒေသတွင် ဖြစ်ပွားခဲ့သော မြေပြိုမှုများ နှင့် ရေကြီးမှုများကြောင့်ဖြစ်ကြောင်း အမျိုးသားသဘာဝဘေးအန္တရာယ်လျှော့ချရေး နှင့် စီမံခန့်ခွဲရေးကောင်စီ (NDRRMC) က ဒီဇင်ဘာ ၃၀ရက်တွင် နောက်ဆုံးထုတ်ပြန်ခဲ့သည်။

NDRRMC က Albay ပြည်နယ်တွင် လူ၁၅ဦး၊ Sorsogon ပြည်နယ်တွင် လူ ၆ဦး၊ Camarines Sur ပြည်နယ်တွင် လူ ၁၆ဦး၊ Camarines Norte ပြည်နယ် တွင် လူ ၆ဦး နှင့် Masbate ပြည်နယ်တွင် လူ ၇ဦး သေဆုံးခဲ့ကြောင်း နှင့် အနည်းဆုံး လူ၁၁ဦး ဒဏ်ရာရရှိခဲ့ကြောင်း ပြောကြားခဲ့သည်။

ကောင်စီက အနည်းဆုံး လူ ၁၁ဦးပျောက်ဆုံးနေဆဲဖြစ်ကြောင်း၊ Albay ပြည်နယ် တွင် ၇ဦး၊ Camarines Norte ပြည်နယ် တွင် တစ်ဦး၊ Camarines Sur ပြည်နယ်တွင် တစ်ဦး နှင့် Sorsogon ပြည်နယ်တွင် ၂ ဦးပျောက်ဆုံးနေကြောင်းပြောကြားခဲ့သည်။

ဖိလစ်ပိုင်နိုင်ငံ မြောက်ပိုင်း နှင့် အလယ်ပိုင်း ပြည်နယ်များတွင် ရေကြီးမှုများဖြစ်ပေါ်နေပြီး ပြည်နယ် ၆ခုမှ လူ ၇၉,၀၀၀ကျော် ရေကြီးမြေပြိုမှုဒဏ်ကို ခံစားခဲ့ရကြောင်း သိရသည်။

NDRRMC က လာမည့်ရက်များတွင် သေဆုံးသူအရေအတွက် မြင့်တက်လာနိုင်ကြောင်း သတိပေးထားသည်။

(Xinhua)
http://www.xinhuamyanmar.com

ဟိုတယ်ဝန်ထမ်းတစ်ဦး ကြိုးဆွဲချသေဆုံ


တာချီလိတ် ဒီဇင်ဘာ ၂၉

ရှမ်းပြည်နယ်(အရှေ့ပိုင်း)တာချီလိတ်မြို့၊ မကာဟိုခမ်းရပ် ကွက်ရှိ Crown ဟိုတယ်၌ ဟိုတယ်ဝန်ထမ်း အမျိုးသား တစ်ဦး ကြိုးဆွဲချသေဆုံးမှု ဒီဇင်ဘာ ၂၉ ရက်ည နေပိုင်းက ဖြစ်ပွားခဲ့ကြောင်း သိရပါတယ်။

သေဆုံးသူ ကျော်စွာထွန်း (၂၈ နှစ်)၊ ဟိုတယ်ဝန်ထမ်းသည် ၄င်း ဟိုတယ်၏ အနောက်ဘက် အရေးပေါ်ထွက်ပေါက်လှေကား အမြင့် ၁၀ ပေခန့်ရှိ သံချောင်းထုတ်တန်းတွင် အရှည် ၃ ပေခွဲခန့်ရှိ ပန်းရောင်မျက်နှာသုတ်ပါဝါ တစ်ထည်နှင့် ဂျင်း ပြရောင်ဘောင်းဘီ အရှည် တစ်ထည်တို့အား ဆက်လျက် လည်ပင်းတွင် ချည်နှောင်ပြီး ပြင်ပဒဏ်ရာမရှိဘဲ ကြိုးဆွဲချသေဆုံးနေကြောင်း စစ်ဆေးတွေ့ရှိတယ်လို့ ဆိုပါတယ်။

ဒီဇင်ဘာ ၂၉ ရက် ညနေ ၄ နာရီခွဲက တာချီလိတ် မြို့၊ မကာ ဟိုခမ်းရပ်ကွက်၊ Crown ဟိုတယ်တယ်ဖြစ်ပွားခဲ့ပြီး အခင်းဖြစ်ရပ်သို့ ခေတ္တ မြို့မ စခန်းမှူး ရဲအုပ် ကိုကိုဦး၊ တာဝန်မှူး ဒုရဲအုပ် မြင့်ကျော် တို့သည် သက်သေများနှင့်အတူ သွားရောက်စစ်ဆေးခဲ့ကြောင်းသိရပါတယ်။

အမှုမှ ကျော်စွာထွန်း (၂၈ နှစ်)၊ ဟိုတယ်ဝန်ထမ်း ကြိုးဆွဲချသေ ဆုံးခြင်းနှင့် ပတ်သက်၍ ဓမ္မတာအတိုင် သေဆုံးခြင်း ဟုတ်/မဟုတ် စစ်ဆေးနိုင်ရန် တာချီလိတ်မြို့မရဲစခန်းက သေမှုသေခင်း ရေးဖွင့် စစ်ဆေးဆောင်ရွက်လျက်ရှိကြောင်း သိရသည်။

မြင့်မိုရ်(တာချီလိတ်)
https://www.facebook.com/mjin.mou.1

ဘင်္ဂလားဒေ့ရ်ှရွေးကောက်ပွဲကြောင့် သေဆုံးသူ အနည်းဆုံး ၁၇ ဦးရှိ


ဘင်္ဂလားဒေ့ရှ် နိုင်ငံမှာ လက်ရှိဝန်ကြီးချုပ် Sheikh Hasina တတိယအကြိမ် သက်တမ်းအတွက် ပြန်လည်အရွေးခံရဖို့ များနေချိန်မှာပဲ တနင်္ဂနွေနေ့ ကျင်းပတဲ့ ရွေးကောက်ပွဲနဲ့ ဆက်နွယ်ပြီး ဖြစ်ပွားတဲ့ အကြမ်းဖက်မှုတွေကြောင့် သေဆုံးရသူ အရေအတွက်က အနည်းဆုံး ၁၇ ဦး ရှိနေပြီဖြစ်ပါတယ်။

ရွေးကောက်ပွဲကနဦး ရလဒ်တွေအရ Awami League ပါတီက လက်ရှိဝန်ကြီးချုပ် Hasina က အပြတ်အသတ် အနိုင်ရနေတာပါ။ ဒါပေမယ့် ရွေးကောက်ပွဲမှာ မဲမသမာမှုတွေနဲ့ ခြိမ်းခြောက်မဲဆွယ်မှုတွေ ရှိနေတယ်လို့ အတိုက်အခံတွေက ဝေဖန်နေကြပါတယ်။

တနင်္ဂနွေနေ့ ရွေးကောက်ပွဲဟာ ပုံမှန်မဟုတ်တဲ့အတွက် ရလဒ်တွေကို လက်မခံဖို့ အတိုက်အခံခေါင်းဆောင် Kamal Hossain က တောင်းဆိုနေတာပါ။

ရွေးကောက်ပွဲ ကျင်းပတဲ့နေ့မှာ စစ်တပ်နဲ့ တခြားလုံခြုံရေးတပ်သား ၆ သိန်းချထားတာ အပါအဝင် နိုင်ငံတလွှား လုံခြုံရေးတွေ တင်းတင်းကြပ်ကြပ် ထားရှိတဲ့ကြားကနေ အတိုက်အခံနဲ့ လက်ရှိအာဏာရ ပါတီကို ထောက်ခံသူတို့ကြား အကြမ်းဖက်မှုတွေ ဖြစ်ပွါးခဲ့တာ ဖြစ်ပါတယ်။

အာဏာရပါတီကို ထောက်ခံသူနဲ့ အတိုက်အခံပါတီကို ထောက်ခံကြသူတွေကြား ဖြစ်ပွါးတဲ့ အဓိကရုန်းကနေ ၁၃ ဦး သေဆုံးခဲ့ရသလို ရဲပစ်ခတ်မှုကြောင့် သေဆုံးရသူက ၃ ဦး ရှိတယ်လို့ ရဲကပြောပါတယ်။ လက်နက်ကိုင်ဆောင်ထားတဲ့ အတိုက်အခံ တက်ကြွလှုပ်ရှားသူ တဦးကြောင့် ရဲတဦးလည်း သေဆုံးခဲ့ရတယ်လို့ AP သတင်းက ဖေါ်ပြပါတယ်။

လက်ရှိဝန်ကြီးချုပ် Hasina ရဲ့ အဓိကပြိုင်ဘက် ဖြစ်တဲ့ ဝန်ကြီးချုပ်ဟောင်း Khaleda Zia ကတော့ အဂတိလိုက်စားမှုနဲ့ အကျဉ်းကျခံနေရတာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

ကွန်ဂို သမ္မတရွေးကောက်ပွဲ ကျင်းပ


ကွန်ဂိုနိုင်ငံမှာတော့ အချိန်အတ်ာကြာတဲ့ ရွေ့ဆိုင်းထားရတဲ့ သမ္မတရွေးကောက်ပွဲတွေ ဒီနေ့ပြုလုပ်ပြီး မဲဆန္ဒရှင်တွေ မဲပေးနေကြပါပြီ။ ဒီ ရွေးကောက်ပွဲဟာဆိုရင် ကွန်ဂိုနိုင်ငံမှာတော့ ပထမဆုံးအကြိမ် ငြိမ်းချမ်းပြီး ဒိမိုကရေစီနည်းကျ အာဏာလွှဲပြောင်းပေးမယ့် ရွေးကောက်ပွဲဖြစ်လာဖို့ မျှော်မှန်းထားပါတယ်။

ဒါကြောင့် ရွေးကောက်ပွဲမှာ မငြိမ်းမသက်မှုတွေ ဖြစ်လာမှာကိုလည်း စိုးရိမ်စရာရှိနေပါတယ်။ နိုင်ငံ အရှေ့ဖက်ခြမ်းမှာ အိုဘိုလာဗိုင်းရပ်ပိုး ကူးစက်ပြန်နှံတဲ့အခြေအနေကြောင့် နောက်ဆုံးအချိန်ကပ်ပြီး လူတသန်းလောက် မဲပေးခွင့်ကို ပိတ်ခဲ့ရပါတယ်။

ဒါဟာ ရွေးကောက်ပွဲကို ယုံကြည်စိတ်ချမှု ထိခိုက်စေတယ်ဆိုပြီး ဝေဖန်မှုတွေရှိနေပါတယ်။ လက်ရှိသမ္မတ Joseph Kabila က ရွေးချယ်ထားတဲ့ သမ္မတလောင်းဟာ အရင် ပြည်ထဲရေးဝန်ကြီး Emmanuel Ramazani Shadary ဖြစ်ပြီး သူကို ဥရောပသမဂ္ဂက အရေးယူဒဏ်ခတ်ထားပါတယ်။

သူနဲ့အပြိုင် အဓိက အတိုက်အခံကိုယ်စားလှယ်နှစ်ဦးကတာ့ Martin Fayulu နဲ့ Felix Tshisekedi တို့ဖြစ်ပါတယ်။ ကွန်ဂို ပြည်သူ သန်း၄၀ ဟာ ကွန်ပြူတာစနစ်ကိုသုံးပြီး ပထမဆုံးအကြိမ် မဲပေးခွင့်ရတာပါ။ မဲရလဒ်တွေ လိမ်ညာခံရနိုင်တယ်လို့ အတိုက်အခံတွေကတော့ စိုးရိမ်နေပါတယ်။

ဗွီအိုအေ (မြန်မာပိုင်း)
https://burmese.voanews.com

ဘားအံ-သထုံကားလမ်းတွင် ဘေးတွဲဆိုင်ကယ်တစ်စီး မြောင်းထဲထိုးကျ နှစ်ဦးဒဏ်ရာရပြီး တစ်ဦးသေဆုံး


ဘားအံ ဒီဇင်ဘာ ၃၀

ကရင်ပြည်နယ် ဘားအံမြို့နယ်တွင် ဒီဇင်ဘာ ၃၀ ရက် နံနက်က ဘေးတွဲဆိုင်ကယ်တစ်စီးမှာ တံတားပြုပြင် နေသဖြင့် ကာရန်ထား သော အချက်ပြတိုင်များကို ဝင်တိုက်၍ ဘေးတွဲဆိုင်ကယ်မှာ တံတားမြောင်းအတွင်းပြုတ်ကျတိမ်းမှောက်ခဲ့သဖြင့် ဘေးတွဲဆိုင်ကယ်ပေါ် လိုက်ပါလာသော အမျိုးသမီးသုံးဦးအနက် နှစ်ဦးဒဏ်ရာရရှိပြီး တစ်ဦးသေဆုံးသွားကြောင်းသိရသည်။

ဖြစ်စဉ်မှာ ဒီဇင်ဘာလ ၃၀ရက်နေ့ နံနက် ၅နာရီ ၄၅မိနစ်အချိန်က ဘားအံ-သထုံကားလမ်းအတိုင်း ဘားအံဘက်မှ သထုံဘက်သို့ ရဲမင်းနိုင် မောင်းနှင်ပြီး ဒေါ်ပိန်၊ ဒေါ်ဂွက်ထော်နှင့် ဒေါ်ချိုကြီး တို့ လိုက်ပါလာသော ဘေးတွဲဆိုင်ကယ်သည် ဘားအံမြို့နယ် မြိုင်ကလေးရွာကြီးကျေးရွာအနီး တံတားအမှတ် ၁/၂အရောက်တံတား ပြုပြင်နေ၍ တားဆီးကာရန်ထားသော အချက်ပြတိုင်များကို ဝင်ရောက်တိုက်မိပြီး အကျယ် ၁၀ ပေ အနက် ၅ပေ ၆ လက်မရှိသော တံတားမြောင်းအတွင်းသို့ ပြုတ်ကျ တိမ်းမှောက်ခဲ့သဖြင့် ဘေးတွဲဆိုင်ကယ်မောင်းသူ ရဲမင်းနိုင်တွင် ဒဏ်ရာရရှိခြင်းမရှိသော်လည်း ဘေးတွဲဆိုင်ကယ်ပေါ် လိုက်ပါလာသည့် ဒေါ်ခင်လှနှင့် ဒေါ်စန်းအေးတို့နှစ်ဦးတွင် မစိုးရိမ်ရ ဒဏ်ရာများနှင့် ဒေါ်ချိုကြီးမှာ အပြင်းအထန်ဒဏ်ရာများ ရရှိခဲ့၍ အခင်းဖြစ်ရပ်တွင် သေဆုံးသွားခဲ့ခြင်းဖြစ်သည်။

ဖြစ်စဉ်နှင့်ပတ်သက်ပြီး ဘေးတွဲဆိုင်ကယ်မောင်းသူ ရဲမင်းနိုင် ၂၅ နှစ်၊ အောင်နန်း (၄)လမ်း ၊ အမှတ် (၅ )ရပ်ကွက်၊ ဘားအံမြို့နေ သူအား ဘားအံမြို့မရဲစခန်းတွင် ယာဉ်(ပ)၇၃/၂၀၁၈ရာဇသတ်ကြီး ပုဒ်မ ၃၀၄-က/၃၃၈/၃၃၇တို့ဖြင့် အမှုဖွင့်စစ်ဆေးလျှက်ရှိကြောင်း သတင်းရရှိသည်။

မင်းသူ(ဘားအံ)
Myanmaalinn
https://www.facebook.com/MYANMAALINNNEWS/

မင်္ဂလာဒုံမြို့နယ်၌ ရေခဲသေတ္တာအပူလွန်ကဲပြီး လူနေအိမ် ၈လုံး မီးလောင်ဆုံးရှုံး

မီးလောင်ပြင်အား မီးငြိမ်းသတ်နေမှုအားတွေ့ရစဉ်(ပြည်ထဲရေး)
 ရန်ကုန်၊ ဒီဇင်ဘာ ၃၀ ရက် (ဆင်ဟွာ)

    ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ စမ်းကြီးဝရပ်ကွက်တွင် ဒီဇင်ဘာ ၂၉ ရက် နံနက် ၆နာရီ ၁၀မိနစ်က ရေခဲသေတ္တာအပူလွန်ကဲ၍ မီးစတင်လောင်ကျွမ်းခဲ့ရာ လူနေအိမ် ၈လုံးထိ ကူးစက်လောင်ကျွမ်းပြီး ဆုံးရှုံးခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

အဆိုပါ မြို့နယ်အတွင်းရှိ သွပ်မိုး၊ ပျဉ်ကာ၊ ပျဉ်ခင်း ၃ ခန်းတွဲနေအိမ်မှ ရေခဲသေတ္တာအပူလွန်ကဲ၍ မီးစတင်လောင်ကျွမ်းခဲ့ရာ လူနေအိမ် ၈ လုံးအား မီးကူးစက်လောင်ကျွမ်းခဲ့ပြီး အဆိုပါမီးလောင်ကျွမ်းမှု စတင်ဖြစ်ပေါ်ခဲ့သည့် နေအိမ်မှ ကိုသန့်ဇော်အား မင်္ဂလာဒုံမြို့မရဲစခန်း(ပ)၁၃၁၃/၂၀၁၈၊ ရာဇသတ်ကြီးပုဒ်မ ၂၈၅(မီးလောင်မှု)ဖြင့် အမှုဖွင့်စုံစမ်းလျက်ရှိကြောင်း သိရသည်။

“ သွပ်မိုးပျဉ်ကာအိမ်တွေဆိုတော့ မိနစ် ၂၀အတွင်း ၈လုံးအလျင်အမြန်ကူးစက်သွားတယ်၊ မီးဘေးသင့်တဲ့ မိသားစုတွေ အနီးနားက ဘုန်းကြီးကျောင်းမှာ ခေတ္တနေရာချပေးထားတယ်”ဟု စမ်းကြီးဝရပ်ကွက်က တာဝန်ရှိသူတစ်ဦးက ဆိုသည်။

ယင်း မီးလောင်ကျွမ်းမှုကို မြန်မာနိုင်ငံမီးသတ်တပ်ဖွဲ့က Level 2 အဆင့်သတ်မှတ်ပြီး ယာဉ်အုပ်စုများထွက်ခွာ ငြိမ်းသတ်ခဲ့ပြီး နံနက် ၆နာရီ၃၅မိနစ်တွင်မီးထိန်းနိုင်ကာ ၆နာရီ ၄၅ မိနစ်တွင် မီးငြိမ်းနိုင်ခဲ့ကြောင်း ထုတ်ပြန်ထားသည်။

(Xinhua)
http://www.xinhuamyanmar.com/myanmar

ပုဏ္ဏားကျွန်းမြို့နယ်မှ လူငယ်တစ်ဦး မိုင်းနင်းမိ၍ ဆေးရုံတင်ထားရ


နိရဉ္စရာ၊ ဒီဇင်ဘာ ၃၀

ရခိုင်ပြည်နယ်၊ ပုဏ္ဏားကျွန်းမြို့နယ်၊ လိပ်ဖကျေးရွာမှ မြိုတိုင်းရင်းသား လူငယ်တစ်ဦးကို မိုင်းနင်းမိ၍ ကျောက်တော် ဆေးရုံတွင် တင်ထားရသည်ဟု သတင်းရရှိသည်။

ဒီဇင်ဘာ ၂၉ ရက် နေ့လယ် ၁ နာရီခန့်တွင် လိပ်ဖကျေးရွာနေ ဦးထွန်းအောင်ကျော်၏ သား မင်းမင်း (၁၆)နှစ်သည် အစ်ကိုတော်စပ်သူ ကိုဦးကျော်သိန်းနှင့်အတူ ကျောက်တော်မြို့နယ် ကန်စောက်ကျေးရွာသို့ ဈေးဝယ်ရန်လာစဉ်တွင် လမ်းတွင် မိုင်းနင်းမိခဲ့သည်ဟု သိရသည်။

“သူနဲ့အတူပါလာတဲ့ အစ်ကိုတော်စပ်သူ ပြောပြတာကတော့ ကန်စောက်ကျေးရွာသို့ ဈေးဝယ်ဖို့ လာစဉ်မှာ ဖြစ်တယ်လို့ ပြောပါတယ်။ ဖြစ်တာက နေ့လယ် ၁ နာရီလောက်မှာလို့ ပြောပါတယ်။လိပ်ဖကျေးရွာနဲ့ ခမောင်းကျေးရွအကြား ကျောက်တော်မြို့နယ် ခမောင်းချောင်း အတက် အကွေ့နားမှာဖြစ်တယ်လို့ အစ်ကို တော်စပ်သူ ကိုဦးကျော်သိန်းက ပြောပါတတယ်”ဟု ဆေးရုံတင်ထားရသည့် လူနာသတင်းသွားမေးသူ ကျောက်တော်မြို့မှ လူထုဇော်ဝင်းကပြောသည်။

မိုင်းနင်းမိ၍ ဒဏ်ရာရရှိသူ မင်းမင်းအား ကျောက်တော်မြို့နယ် ဖြူစင်မေတ္တာပရဟိတမှ ယိုးချောင်းမှ တဆင့် ကျောက်တော်မြို့နယ်ဆေးရုံသို့ ပို့ဆောင်ခဲ့သည်ဟု သိရသည်။

လူနာကို ကိုယ်တိုင်သွားယူခဲ့သူ ကျောက်တော်မြို့နယ် ဖြူစင်မေတ္တာပရဟိတ အသင်းဥက္ကဋ္ဌ ကိုညီပုက “ကျွန်တော်တို့ ည ၇ နာရီ ၁၅ မိနစ်လောက်က သူကို ပုဏ္ဏားကျွန်းမြို့နယ် ယိုးချောင်းနားကနေ ကားနဲ့ သွားယူတယ်။ ကျောက်တော် ဆေးရုံကို ည ၈ နာရီနောက်မှာရောက်ပါတယ်။ ညာခြေနဲ့ လက်နှစ်ဖက် လုံးမှာတော့ ဒဏ်ရာတွေ ရထားတာတွေ့ပါတယ်။ ဒဏ်ရာကတော့ သိပ်စိုးရိမ်စရာမရှိဘူးလို့ ဆေးရုံက ပြောပါတယ်”ဟု ပြောသည်။

ကာယကံရှင် မိသားစုဝင်များထံသို့ အသေးစိတ်သိရှိနိုင်ရန် ဖုန်းဖြင့်ဆက်သွယ်ခဲ့ရာ ဆက်သွယ်မှု မရရှိခဲ့ပါ။

မင်းမင်းတွင် ညာခြေဖဝါး၊ ညာလက်နှင့် ဘယ်လက်တို့တွင် ဒဏ်ရာများ အသီးသီး ရရှိခဲ့သည်ဟု သိရသည်။

သိန်းဇော်(မောင်တော)
Narinjara
https://www.facebook.com/Narinjara

သထုံမြို့၌ ဘုရားဖူးယာဉ်တိမ်းမှောက်ရာ တစ်ဦးသေဆုံး၊ ၁၂ ဦးဒဏ်ရာရ

ယာဉ်တိမ်းမှောက်မှုအား ကူညီကယ်ဆယ်နေမှုအားတွေ့ရစဉ်(ပြည်ထဲရေး)
ရန်ကုန်၊ ဒီဇင်ဘာ ၃၀ ရက် (ဆင်ဟွာ)

    မွန်ပြည်နယ် သထုံမြို့၌ ဒီဇင်ဘာ ၂၉ ရက် နံနက်တွင် ဘုရားဖူးယာဉ် တိမ်းမှောက်မှုကြောင့် လူတစ်ဦး သေဆုံးပြီး ၁၂ ဦး ထိခိုက်ဒဏ်ရာရရှိခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

သထုံမြို့ နောင်ကုလားဘုရားလေးကျောင်းအနီးတွင် ဘုရားဖူးထွက်လာသောယာဉ်မှာ အရှိန်လွန်တိမ်းမှောက်သွားမှုကြောင့် ယာဉ်ပေါ်ပါအမျိုးသမီးတစ်ဦးသည် ထိခိုက်ဒဏ်ရာ မရှိဘဲ အထိတ်တလန့်ဖြစ်ပွားပြီး သေဆုံးသွားခဲ့ကြောင်း၊ ဒဏ်ရာရရှိထားသူ ၁၂ဦးသည် ထိခိုက်ပွန်းပဲ့သော ဒဏ်ရာများသာ ရရှိကြောင်း သိရသည်။

မွန်ပြည်နယ်၊ ဘီးလင်းမြို့နယ် ဒညင်းကုန်းကျေးရွာအုပ်စု ဘုရားရွာအနီး ဒီဇင်ဘာ ၂၅ ရက် နံနက်တွင် လည်း ခရီးသည် ၄၀ဦးပါယာဉ်တိမ်းမှောက်ပြီး ၅ဦးသေဆုံး၊ ၃၀ဦး ဒဏ်ရာရရှိခဲ့သည်။

(Xinhua)
http://www.xinhuamyanmar.com

သက်ကြီးစာပေပညာရှင်များ ပူဇော်ပွဲ ဗိုလ်ချုပ်ခင်ညွန့် ပါဝင်ခြင်းအတွက် ဝေဖန်မှုတွေ ထွက်ပေါ်

စာဆိုတော်နေ့ အထိမ်းအမှတ်အဖြစ် (၃၃) ကြိမ်မြောက် သက်ကြီးစာပေ ပညာရှင်များ ပူဇော်ကန်တော့ပွဲ အခမ်းအနားမြင်ကွင်း ( crd - original )
ရန်ကုန်မြို့က သက်ကြီးစာပေပညာရှင်များ ပူဇော်ကန်တော့ပွဲမှာ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက တချိန်က စစ်ထောက်လှမ်းရေးမှူးချုပ်ဦးခင်ညွန့်ကို တရင်းတနှီးနှုတ်ဆက်ပြီး အများနည်းတူ ကန်တော့ခဲ့တဲ့ လုပ်ရပ်ဟာ NLD ပါတီအပေါ် ရိုက်ခတ်မှုရှိစေတယ်လို့ ရန်ကုန်တိုင်းဒေသကြီး လွှတ်တော်ကိုယ်စားလှယ် တဦးက ဝေဖန်လိုက်ပါတယ်။ ဒီမိုကရေစီလှုပ်ရှားမှုကို ဖြိုခွင်းရာမှာ လက်သံပြောင်သူအဖြစ် နာမည်ကျော်ကြား ခဲ့သူတဦးအပေါ် ပြည်သူလူထုမဲနဲ့ တင်မြှောက်ခဲ့တဲ့ ဝန်ကြီးချုပ်တဦးက အခုလို ပြုမူဆက်ဆံခဲ့တဲ့လုပ်ရပ်ဟာ မသင့်တော်ကြောင်း ပြည်ပအခြေစိုက် ၀ါရင့်စာရေးဆရာ တချို့ကလည်း ဝေဖန်လိုက်ကြပါတယ်။ ဆက်သွယ် မေးမြန်းထားတဲ့ ကိုဉာဏ်ဝင်းအောင်က တင်ပြပေးထားပါတယ်။

မြန်မာနိုင်ငံ စာရေးဆရာအသင်းက ကြီးမှူးကျင်းပတဲ့ ၁၃၈၀ ပြည့်နှစ် မြန်မာနိုင်ငံ စာဆိုတော်နေ့ အထိမ်းအမှတ်အဖြစ် (၃၃) ကြိမ်မြောက် သက်ကြီးစာပေ ပညာရှင်များ ပူဇော်ကန်တော့ပွဲ အခမ်းအနားကို ဒီဇင်ဘာ ၂၉ ရက်နေ့ မနက် ၉ နာရီကရန်ကုန် မြို့တော်ခန်းမမှာ ကျင်းပခဲ့တာပါ။ အဲဒီပွဲကိုဖိတ်ကြားခဲ့တဲ့ သက်ကြီး စာရေးဆရာတွေထဲမှာ စစ်ထောက်လှမ်းရေး ညွှန်ကြားရေးမှူးချုပ် ဗိုလ်ချုပ်ကြီးဟောင်း ခင်ညွန့် ကိုလည်း ဖိတ်ကြားခဲ့ပါတယ်။

အသက် ၈၀ ရှိပြီဖြစ်တဲ့ ဦးခင်ညွန့်ဟာ ‘မှော်ဝန်းသား ခင်ညွန့်’ ဆိုတဲ့ ကလောင်နာမည်နဲ့ စစ်အစိုးရလက်ထက် သူ့အတွေ့အကြုံတွေကို ရေးသားတဲ့ စာအုပ်အနည်းငယ် ထုတ်ဝေခဲ့ ဖူးပါတယ်။ အဲဒီ သက်ကြီးစာပေပညာရှင် ကန်တော့ပွဲကို ရန်ကုန်တိုင်းဝန်ကြီးချုပ် ဦးဖြိုးမင်းသိန်းလည်း တက်ရောက်ခဲ့ပြီး ဦးခင်ညွန့်ကို တရင်းတနှီး နှုတ်ဆက်တာအပြင်၊ အများနည်းတူ အောက်ကနေ ထိုင်ကန်တော့ခဲ့တဲ့ လုပ်ရပ်ကြောင့် ဦးဖြိုးမင်းသိန်းအပေါ် လူမှုကွန်ယက် မီဒီယာပေါ်မှာ ဝေဖန်သံတွေ ကျယ်လောင်ခဲ့ပါတယ်။

ရန်ကုန်တိုင်းဝန်ကြီးချုပ်ရဲ့အခုလုပ်ရပ်ဟာ NLD ပါတီအပေါ် ရိုက်ခတ်မှု တစုံတရာဖြစ်စေတယ်လို့ ရန်ကုန်တိုင်း ဒေသကြီး ဆိပ်ကြီးခနောင်တိုမြို့နယ် NLD လွှတ်တော်ကိုယ်စားလှယ် ဒေါ်စန္ဒာမင်းက ထောက်ပြပါတယ်။

“ကိုယ်က ခေါင်းဆောင်တယောက်ဖြစ်မယ်ဆိုရင်၊ ပွဲတခုကိုတက်တော့မယ်ဆိုရင် ကျမတို့က ဒီပွဲကဘယ်သူလုပ်တဲ့ပွဲလည်း၊ အဓိက ဘယ်သူတွေလာမှာလဲ၊ ဘယ်သူတွေဖိတ်ထားတာလဲ၊ တက်သင့်တဲ့ ပွဲလား မတက်သင့်တဲ့ပွဲလား၊ အမြဲတမ်းကြည့်ရတယ်။ နောက်မကြာခင်တုန်းကဆိုရင် နိုင်ငံတော်ထိပ်ပိုင်းနဲ့ သက်ဆိုင်တဲ့ခေါင်းဆောင်တွေအကုန်လုံး တက်ရမယ့်ပွဲတွေ မတက်သင့်တဲ့ပွဲတွေဆိုတာ တရားဝင်ထုတ်ပြန်ကြေညာထားတာတွေလည်းရှိပါတယ်။ နိုင်ငံတာဝန်တွေယူထားရတဲ့ သူတွေဟာ နိုင်ငံတော်ကကျင်းပတဲ့ ပွဲတွေ၊ အစိုးရနဲ့သက်ဆိုင်တဲ့ပွဲတွေကို တက်လို့ရတယ်။ နောက်ပုဂ္ဂလိက ကကျင်းပတဲ့ပွဲတွေဆိုရင် မတက်ပါနဲ့လို့ပြောထားတာရှိပါတယ်။ နောက်တခုက တချို့ကိစ္စတွေမှာ ကိုယ်သည် ပါတီဝင်တယောက်ဖြစ်ခဲ့တယ်ဆိုရင် ကျမတို့ဟာ ကိုယ်လုပ်ခဲ့တဲ့ ကိစ္စရပ်တွေအားလုံးဟာ ပါတီကိုသွားပြီးတော့ ကောင်းတဲ့ကိစ္စဆိုရင် ကောင်းတဲ့အကျိုး၊ မကောင်းတဲ့ ကိစ္စရပ်ဆိုလျှင်လည်း မကောင်းတဲ့အကျိုး၊ ခံစားရနိုင်ပါတယ်။”

အမေရိကန် ပြည်ထောင်စု မေရီလန်းပြည်နယ်မှာနေထိုင်တဲ့ စာရေးဆရာမ မေငြိမ်းကတော့ သက်ကြီးစာပေ ပညာရှင်တွေထဲမှာ ဦးခင်ညွန့်ကို ထည့်သွင်း ဖိတ်ကြားတဲ့ကိစ္စဟာ လွဲမှားမှုတခု ဖြစ်တယ်လို့ သုံးသပ်ပါတယ်။

“ကျမတို့စဉ်းစားရမှာက သက်ကြီးစာရေးဆရာလို့ ကျမတို့ ဂုဏ်တပ်ပြီးတော့ လေးစားရလောက်တဲ့လူဆိုတာ ကျမတို့မှာအဆင့်အတန်းတခု ရှိတယ်။ သူတို့ရဲ့စာတွေကို ဘယ်လောက်အထိ ပြည်သူလူထုက လက်ခံသလဲ၊ ပြည်သူလူထုရဲ့ကြားထဲကို သူတို့ရဲ့စာတွေက ဘယ်လောက်အထိသြဇာလွှမ်းမိုးသလဲ။ သူတို့ရဲ့ရေးတဲ့စာတွေ ဘယ်လောက်အထိစေတနာပါသလဲဆိုတာ မူတည်ပြီးတော့မှ ကျမတို့က စာရေးဆရာဆိုတာကိုလည်း သတ်မှတ်ရတယ်။ ပြီးတော့ အဲဒီစာရေးဆရာဆိုသူတွေရဲ့ “၀ါ၊ သမ္ဘာ” ဆိုတာကိုလည်း သတ်မှတ်ရတယ်။ ဆိုတော့ ဦးခင်ညွှန့်ရဲ့စာတွေကိုလူဘယ်လောက်ကဖတ်သလဲ၊ ဘယ်လိုအနေထားနဲ့ဖတ်သလဲ၊ ကြည်ညိုလေးစားအပ်တဲ့ စာရေးဆရာအနေနဲ့ ဖတ်သလားဆိုတဲ့ စံကိုပဲ စဉ်းစားလိုက်ရင်ကိုပဲ သူကစာရေးဆရာဖြစ်ထိုက်သလား၊ မဖြစ်ထိုက်သလားဆိုတာ ကျမတို့သိပြီးသားလို့ထင်ပါတယ်။ အဲဒီတော့ အခုသူ့ကို သက်ကြီးပူဇော်ပွဲမှာ ထည့်ပြီးတော့ ပူဇော်ရလောက်အောင် စာရေးဆရာရဲ့ ဂုဏ်ပုဒ်တွေနဲ့၊ ဂုဏ်သက္ခာတွေနဲ့ ကိုက်ညီပြီးလားဆိုတာစဉ်းစားစေချင်တယ်လို့ ကျမကတော့ အဲဒီလိုပဲမြင်ပါတယ်။ ဒီစာရေးဆရာတွေ နုတ်ထွက်တယ်ဆိုတဲ့ကိစ္စမှာ ကျမသာမြန်မာပြည်မှာ ရှိရင် ထိပ်ဆုံးက နုတ်ထွက်တဲ့သူဖြစ်မှာပါပဲ။”

အမျိုးသားပြန်လည်သင့်မြတ်ရေးအတွက် ဦးဖြိုးမင်းသိန်းက ဦးခင်ညွန့်ကို အခုလို ဆက်ဆံတာဖြစ်နိုင်တယ်လို့ သုံးသပ်သူတွေလည်း ရှိပါတယ်။ ဒီအချက်ကို သဘောမတူသူက လန်ဒန်မြို့မှာနေထိုင်တဲ့ သမိုင်းပညာရှင် ဒေါက်တာအောင်ခင်ဖြစ်ပါတယ်။

“ဗမာအများစုက အမှတ်မရှိတဲ့အတွက် သင်္ဃန်းဝတ်တဲ့သူခိုးကို ၀ိုင်းပြီးတော့ ရှိခိုးကြတဲ့ ဗမာ့အစဉ်အလာရှိတာပေါ့။ အခုလည်းအဲဒီလိုဖြစ်နေတာပေါ့။ ဗိုလ်ခင်ညွှန့်က အရင်တုန်းက ဘယ်လောက်ပဲဆိုးဆိုး အခုတော့ လူကောင်းဖြစ်သွားပြီးဆိုပြီးတော့ ၀န်ကြီးချုပ်က စရှိခိုးတော့ ကျန်တဲ့လူတွေ အကုန်လုံး ထိုင်ရှိခိုးရမယ့်ပုံ ဖြစ်နေတာပေါ့။ အနောက်နိုင်ငံမှာ မဟုတ်တာလုပ်တဲ့သူတွေကို လူ့အဖွဲ့အစည်းထဲမှာ ပြန်ဝင်ဖို့ကမလွယ်ဘူး။ အပြစ်ရှိတဲ့လူက ၀န်ခံရတယ်။ မြန်မာပြည်မှာ အမျိုးသားပြန်လည်သင့်မြတ်ရေး၊ ဘာညာဆိုတာက စစ်ဗိုလ်လူသတ်သမားတွေက သူတို့မဟုတ်တာလုပ်တယ်ဆိုတာကို ဘယ်ကောင်မှ ၀န်ခံတာမှမဟုတ်ဘဲ။ အဲဒီကောင်တွေ ဘုန်းကြီးဝတ်ရင် ထိုင်ရှိခိုးကြအုံးမှာ။”

တကယ်တော့ သက်ကြီးစာပေပညာရှင် ပူဇော်ပွဲမှာ ဗိုလ်ချုပ်ကြီးဟောင်းခင်ညွန့်ကို ဖိတ်ကြားခဲ့တာကိုက မဖြစ်သင့်တဲ့လုပ်ရပ်လို့ အမေရိကန် နယူးရောက် မြို့မှာနေထိုင်တဲ့ စာရေးဆရာနဲ့ ကဗျာဆရာကြီး မောင်စွမ်းရည်က ပြောပါတယ်။

“ခင်ညွှန့်ဆိုတာက စစ်အစိုးရလက်ထက်မှာ စာရေးဆရာ၊ သတင်းစာဆရာတွေကို ထောင်သွင်းတာ၊ အကျဉ်းချတာ၊ ရိုက်နှက်တာ၊ သေအောင်လုပ်တာ အဲလိုလူမျိုးဟာ လာရင်တောင်မှ ဆီးပြီးတော့ ဖနှောင့်နဲ့ပေါက်လွှတ်ရမှာလေ။ အဲလိုလူမျိုးကို ဖိတ်တယ်၊ ကြားတယ်၊ တွေ့ဆုံတယ်ဆိုတဲ့ဥစ္စာက တွေ့တဲ့လူတွေက အင်မတန်ကိုပဲ နိုင်ငံရေးအမြင်ရော၊ စာပေအမြင်ရော အင်မတန်အောက်တန်းကျတယ်လို့ကျနော်ကတော့ ယူဆတယ်လေ။ ဒီလောက်ထိအောင် တလျှောက်လုံး တိုင်းပြည်ကို ဖိနှိပ် နှိပ်စက်လာတာမှာ ထိပ်တန်းကပါခဲ့တဲ့ လူတယောက်ကို လူရာသွင်းပြီးတော့ လုံးဝမဆက်ဆံသင့်ဘူးဗျာ။ အဲဒါလို့ပဲပြောချင်ပါတယ်။”

ရန်ကုန်တိုင်းဝန်ကြီးချုပ်ကတော် ဒေါ်ခင်မီကြွယ်ကတော့ ဗိုလ်ချုပ်ခင်ညွန့်ကြောင့် ဘဝတွေ၊ မိသားစုတွေ ပျက်စီးခဲ့ရတဲ့အတွက် စနေနေ့မှာ ကျင်းပခဲ့တဲ့ စာပေသက်ကြီးပူဇော်ပွဲကို ကန့်ကွက်ကြောင်း သူ့ရဲ့ Facebook စာမျက်နှာမှာ ရေးသားထားပါတယ်။ ဒါ့အပြင် ဒီသက်ကြီးပူဇော်ပွဲ သတင်းတွေတက်လာပြီးတဲ့နောက် စာရေးဆရာအသင်းက နုတ်ထွက်ကြောင်း ကြေညာတဲ့ စာရေးဆရာ ကဗျာဆရာတွေ ရှိသလို၊ NLD ပါတီဝင်နဲ့ လွှတ်တေ်ာ ကိုယ်စားလှယ်တွေ၊ မြန်မာ့နိုင်ငံရေး အသိုင်းအဝိုင်း ကြားမှာလည်း ဒီကိစ္စအပေါ် ပြင်းထန်စွာ ကန့်ကွက်ဝေဖန်မှုတွေ ထွက်ပေါ်နေပါတယ်။

စနေနေ့က ကျင်းပတဲ့ (၃၃) ကြိမ်မြောက် သက်ကြီးပူဇော်ပွဲမှာ အသက် ၈၀ နဲ့အထက် စာပေပညာရှင် ၂၄၅ ဦးကို ဖိတ်ကြားခဲ့ပြီး စုစုပေါင်း အလှူငွေကျပ်သိန်း (၃၀၀) နီးပါး လှူဒါန်းခဲ့တယ်လို့ သိရပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com

သိမ်းဆည်းလယ်ယာမြေပြန်လည်ရရှိဖို့ တောင်သူ ၁၀၀ ကျော် ဆန္ဒပြ

စစ်ကိုင်းတိုင်းဒေသကြီး၊ ကန့်ဘလူမြို့နယ်မှာ တပ်မတော်က သိမ်းဆည်းထားတဲ့ လယ်ယာမြေပြန်လည်ရရှိဖို့ တောင်သူတွေ ၂ဝ၁၈ ခုနှစ် ဒီဇင်ဘာလ ၃ဝ ရက်နေ့က ဆန္ဒပြခဲ့စဉ်/ ဓာတ်ပုံ - ကိုသိန်းထွန်းအောင်
တပ်မတော်အစိုးရလက်ထက်က MEC သကြားစက်ရုံနဲ့ အရက်ချက်စက်ရုံတွေ တည်ဆောက်ဖို့ သိမ်းဆည်းထားခဲ့တဲ့ စစ်ကိုင်းတိုင်းဒေသကြီး၊ ကန့်ဘလူမြို့နယ်အတွင်းက မြေဧက တစ်ထောင်ကျော်ကို ပြန်ပေးဖို့ ဒေသခံ တောင်သူ ၁၀၀ ကျော်က ဒီနေ့ ဆန္ဒပြတောင်းဆိုခဲ့ကြပါတယ်။

ထန်းတပင်၊ ပျင်းတော်၊ ချောင်းကန်၊ ထနောင်းကိုင်း ကျေးရွာအုပ်စုအတွင်းက မြေတွေကို တပ်မတော်က ၁၉၉၉ ခုနှစ်က သိမ်းယူခဲ့တာလို့ မြေဧက ၄၀ ခန့်သိမ်းဆည်းခံထားရတဲ့သူ ဦးသိန်းထွန်းအောင် ကပြောပါတယ်။

ဒီနေ့ ဆန္ဒပြပွဲမှာ ဒေသခံတောင်သူတွေက စက်ရုံဆောက်လုပ်ပြီး ပိုလျှံနေတဲ့ မြေတွေကို ဥပဒေနဲ့အညီ ပုံစံ ၇ နဲ့ တကွ တောင်သူတွေကို ပြန်ပေးဖို့၊ အဆောက်အဦးတွေဆောက်လုပ်ပြီးတဲ့ မြေတွေအတွက် လျော်ကြေးငွေကို ကာလပေါက်ဈေးနဲ့အညီပေးဖို့၊ နှစ်စဉ်ဆုံးရှုံးနစ်နာခဲ့တဲ့ သီးနှံလျော်ကြေးတွေပေးဖို့နဲ့ အနံ့ဆိုးတွေထွက်နေတဲ့ MEC စက်ရုံတွေကို ပိတ်သိမ်းပေးဖို့ စတဲ့အချက်တွေကို တောင်းဆိုခဲ့ကြပါတယ်။

မြေတွေသိမ်းယူခဲ့စဉ်က မြေ ၁ ဧကကို ကျပ် ၂၀၀၀ နှုန်းနဲ့ လျော်ကြေးပေးခဲ့ကြောင်း၊ အဲဒီအချိန်က မြေ ၁ ဧကက ပေါက်ဈေးဟာ ကျပ် ၈ သောင်းကနေ ၁ သိန်းဝန်းကျင် ရှိတယ်လို့ ပြောပါတယ်။

သိမ်းဆည်းမြေတွေကို ပြန်ပေးဖို့တောင်သူတွေရဲ့ တောင်းဆိုမှုအရ ပြည်ထောင်စုလွှတ်တော်က ၂၀၁၄ ခုနှစ်မှာ ကာလပေါက်ဈေးအတိုင်းလျော်ကြေးပေးဖို့ အစီရင်ခံစာထုတ်ပြန်ခဲ့ပေမယ့် လက်ရှိအချိန်အထိ လျော်ကြေးမရ ဘူးလို့ ဆန္ဒပြတောင်သူတွေက ပြောပါတယ်။

ဆန္ဒပြတောင်သူတွေဟာ ဇီးကုန်းမြို့ကနေ စက်ရုံရှေ့အထိ လမ်းလျှောက်ဆန္ဒပြခဲ့ကြတာဖြစ်ပါတယ်။

ဒီသတင်းကို RFA သတင်းထောက် မဝေမာထွန်း ပေးပို့တာပါ။

RFA Burmese
https://www.rfa.org/burmese

ကျေးရွာအုပ်ချုပ်ရေးမှူး အပါအ၀င် နှစ်ဦးကို တပ်မတော်ဖမ်းဆီးထားတယ်လို့ ဒေသခံတွေပြောဆိုချက်ကို တပ်မတော် ငြင်းဆို

ရသေ့တောင်မြို့ကို တွေ့ရစဉ် / Photo: RFA
ရခိုင်ပြည်နယ် ရသေ့တောင်မြို့နယ် ရေခေါင်းချောင်းကျေးရွာက ဆေးမှူးတစ်ဦးနဲ့ အုပ်ချုပ်ရေးမှူးတစ်ဦးကို နယ်မြေခံ တပ်မတော်က ဖမ်းဆီးထားတယ်လို့ ဒေသခံတွေက RFA ကို ပြောပါတယ်။

ဒါပေမဲ့ အမ်းအခြေစိုက် အနောက်ပိုင်းတိုင်းစစ်ဌာနချုပ် တိုင်းဦးစီး ဗိုလ်မှူးကြီး ဝင်းဇော်ဦးကတော့ ဖမ်းဆီးထားခြင်း မရှိကြောင်း ငြင်းဆိုလိုက်ပါတယ်။

ဆေးမှူးအဖြစ်လုပ်ကိုင်နေတဲ့ ဦးကျော်ထွန်းဆိုသူဟာ ဆေးကုသခွင့်လက်မှတ်မရှိဘဲ ဆေးကုနေလို့ဆိုပြီး ဦးကျော်ထွန်းအပြင် ကျေးရွာအုပ်ချုပ်ရေးမှူး ဦးထွန်းနိုင် ကိုပါ နယ်မြေခံတပ်ရင်းက ဒီဇင်ဘာလ ၂၈ ရက်နေ့ ညနေ ပိုင်းက ဖမ်းဆီးသွားတာလို့ ရေခေါင်းချောင်းကျေးရွာ ဒေသခံ ကိုဇော်မျိုးသန်းက ပြောပါတယ်။ ဒါနဲ့ပတ်သက်လို့ အနောက်ပိုင်းတိုင်းစစ်ဌာနချုပ် တိုင်းဦးစီး ဗိုလ်မှူးကြီး ၀င်းဇော်ဦးထံ RFA ဆက်သွယ်မေးမြန်းရာမှာ ဖမ်းဆီးတဲ့ဖြစ် ရပ်မျိုးမရှိကြောင်း ငြင်းဆိုခဲ့တာပါ။

ပြီးခဲ့တဲ့ ၃ ရက်လောက်က ရေခေါင်းချောင်းကျေးရွာအနီး တပ်မတော်နဲ့ ရက္ခိုင့်တပ်မတော် AA တို့တိုက်ပွဲတွေ ဖြစ်ပွားခဲ့ပြီး ဒေသခံတွေထွက်ပြေးတာတွေ ရှိခဲ့ကြောင်း လက်ရှိမှာ အဲဒီရွာရဲ့ ဘုန်းကြီးကျောင်းမှာ တပ်မတော်က အခြေစိုက် တပ်စွဲထားကြောင်း သိရပါတယ်။

ဒါ့အပြင် ကောက်စိုက်နေတဲ့ ရွာသားအချို့ကိုလည်း တပ်အပြောင်းအရွှေ့ လုပ်ချိန်တွေမှာ ဖမ်းခေါ်တာမျိုးတွေ ရှိတယ်လို့ ပြောဆိုချက်တွေကိုလည်း  အနောက်ပိုင်းတိုင်းစစ်ဌာနချုပ် တိုင်းဦးစီး ဗိုလ်မှူးကြီး ဝင်းဇော်ဦးကတော့ ငြင်းဆိုပါတယ်။

ဒီသတင်းကို RFA သတင်းထောက် ကိုအောင်သိင်္ခ ပေးပို့တာပါ။

RFA Burmese
https://www.rfa.org/burmese

ဘင်္ဂလားဒေ့ရ်ှမှာ အထွေထွေရွေးကောက်ပွဲကျင်းပ၊ရုန်းရင်းဆန်ခတ်မှုကြောင့် လူသေဆုံးမှုတွေရှိနေ

 ရွေးကောက်ပွဲမှာ မဲပေးနေတဲ့ လက်ရှိဝန်ကြီးချုပ် ရှိတ်ဟာစီနာ
အထွေထွေရွေးကောက်ပွဲရှိတာကြောင့် ဘင်္ဂလားဒေ့ရ်ှနိုင်ငံတဝှမ်းမှာ လုံခြုံရေးတပ်ဖွဲ့ဝင်တွေ အင်အား ၆ သိန်းလောက် ချထားတဲ့ကြားက ရုန်းရင်းဆန်ခတ်ဖြစ်ပြီး အနည်းဆုံးလူ ၇ ယောက်သေဆုံးခဲ့တယ်လို့သိရပါတယ်။

ဒါ့အပြင် ကောလာဟလတွေ ဝါဒဖြန့်ဝေမှုတွေကနေ ဆူပူအုံကြွတာတွေဖြစ်မလာစေဖို့ မြန်နှုန်းမြင့်မိုဘိုင်းအင်တာနက်ဝန်ဆောင်မှုတွေကို ရွေးကောက်ပွဲပြီးတဲ့အထိ ဖြတ်တောက်ထားမယ်လို့ အာဏာပိုင်တွေကပြောထားပါတယ်။

ဒီလို လုံခြုံရေးအင်အားတင်းကျပ်ထားတဲ့ကြားက ရွေးကောက်ပွဲ ပြုလုပ်နေစဉ်မှာပဲ ရုန်းရင်းဆန်ခတ် ဖြစ်ပွားမှုတွေကြောင့် အနည်းဆုံး လူ ၇ ဦး သေဆုံးသွား ခဲ့ပါတယ်။
လုံခြုံရေးကို တင်းတင်းကျပ်ကျပ်ချထား
ရွေးကောက်ပွဲမတိုင်ခင်ကလည်း နိုင်ငံရေးအုပ်စုတွေကြားပဋိပက္ခတွေကြောင့် လူ ၁၂ ယောက်ကျော် သေဆုံးခဲ့ပါသေးတယ်။

အဲဒီတိုက်ခိုက်မှုတွေအတွက် သူမရဲ့ပါတီမှာတာဝန်ရှိတယ်ဆိုတဲ့ စွပ်စွဲချက်တွေအပေါ် ဝန်ကြီးချုပ် ရှိတ်ဟာစီနာက လက်မခံဘဲပယ်ချခဲ့ပါတယ်။

လူ့အခွင့်အရေးအဖွဲ့တွေက အဲဒီအကြမ်းဖက်တိုက်ခိုက်မှုတွေကြောင့် ဒီမိုကရေစီလုပ်ငန်းစဉ်တွေထိခိုက်မယ့်အပေါ် စိုးရိမ်ကြောင်းထုတ်ဖော်ပြောကြားထားပါတယ်။
မဲပေးခွင့်ရှိသူဦးရေ သန်း ၁၀၀ ကျော်ရှိ
ဘင်္ဂလားဒေ့ရ်ှနိုင်ငံမှာ တနိုင်ငံလုံးအတိုင်းအတာနဲ့ မဲပေးခွင့်ရှိသူဦးရေ သန်း၁၀၀ ကျော်ရှိပါတယ်။

ဒီရွေးကောက်ပွဲကို လက်ရှိဝန်ကြီးချုပ် ရှိတ်ဟာဆီနာကလည်းသူ့ရဲ့ တတိယသက်တမ်းအတွက် ဝင်ရောက် ယှဉ်ပြိုင်နေပါတယ်။

သူမရဲ့အဓိကပြိုင်ဘက်ဖြစ်သူက လာဘ်စားမှုကြောင့် အကျဉ်းကျနေတာကြောင့် သူမပဲဆက်လက် အနိုင်ရ မယ်လို့ မျှော်လင့်နေပါတယ်။

BBC Burmese

Huawei နဲ့ မြန်မာပညာရေးဌာနအကြား သတင်းနဲ့ နည်းပညာဆိုင်ရာ MoU ထိုး

မြန်မာပညာရေးဝန်ကြီးဌာနလက်အောက် သတင်းနဲ့ဆက်သွယ်ရေးပညာတိုးတက်ရေးအတွက် နားလည်မှုစာချွန်လွှာထိုးခဲ့တဲ့ ဟွာဝေးကုမ္ပဏီ အမှတ်တံဆိပ်။
တရုတ်နိုင်ငံရဲ့ ဆက်သွယ်ရေးနည်းပညာကုမ္ပဏီကြီး Huawei နဲ့ မြန်မာနိုင်ငံ ပညာရေးဝန်ကြီးဌာန လက်အောက်ရှိ တက္ကသိုလ် ကထိကများကော်မတီတို့ကြား သတင်းနဲ့ ဆက်သွယ်ရေးနည်းပညာ ICT တိုးတက်ရေး နားလည်မှု စာချွန်လွှာ MoU ကို စနေနေ့မှာ ရေးထိုးခဲ့ပါတယ်။

ဒီနားလည်မှု စာချွန်လွှာမှာ ICT ဒီပလိုမာသင်တန်းစနစ် တည်ထောင်ရေး၊ Seeds for the Future အနာဂတ်အတွက် မျိုးစေ့များ အစီအစဉ်ကို ထောက်ပံ့ရေး၊ Huawei သတင်းအချက်အလက်နဲ့ ကွန်ယက် သင်တန်းကျောင်း တည်ထောင်ရေး၊ ထူးချွန်တဲ့ တက္ကသိုလ်ကျောင်းသားတွေကို ICT ပညာသင်ဆု ထောက်ပံ့ ရေး၊ Huawei စင်တာမှာ လူငယ်များ လာရောက်လေ့လာနိုင်တဲ့နေ့ ကျင်းပပေးရေးအပြင် မြန်မာနိုင်ငံတွင်း ICT နဲ့ သက်ဆိုင်တဲ့ သိပံသုတသနလုပ်ရာမှာ အထောက်အကူပေးရေး စတာတွေ ပါဝင်ပါတယ်။

မြန်မာနိုင်ငံ ICT တိုးတက်ရေးအတွက် Huawei ရဲ့ လုပ်ဆောင်မှုအပေါ် အားရကြောင်း အမျိုးသားပညာရေး မူဝါဒဆိုင်ရာကော်မရှင်ဥက္ကဋ္ဌ ဒေါက်တာ မျိုးကြွယ်က ပြောပါဆယ်။ ဒေသတွင်းတက္ကသိုလ်တွေ တိုးတက်မှုကို ပြည်တွင်းပြည်ပအင်အားတွေနဲ့ လက်တွဲလုပ်ဆောင်နေတဲ့အကြောင်း သူက ပြောပါတယ်။

၂၀၁၄ ခုနှစ်တုန်းကလည်း အလားတူ နားလည်မှုစာချွန်လွှာ ရေးထိုးခဲ့ပါသေးတယ်။ ပြီးခဲ့တဲ့ ၄ နှစ်အတွင်း ICT သင်တန်းသား ၁၅၀၀ ကျော်ကို သင်တန်းပေးခဲ့ပြီး ဖြစ်ပါတယ်။ မြန်မာနိုင်ငံရဲ့ လူသားအရင်းအမြစ် ဖွံ့ဖြိုး တိုးတက်ဖို့နဲ့ ရေရှည်ခံမယ့် စီးပွားရေးနဲ့လူမှုရေးဖွံ့ဖြိုးမှုတွေကို အားပေးဖို့ တခြားအဖွဲ့အစည်းတွေနဲ့ လူပုဂ္ဂိုလ် တွေကို မြန်မာနိုင်ငံဆိုင်ရာ Huawei ရဲ့ အကြီးအကဲ Zhang Liman က တိုက်တွန်းလိုက်ပါတယ်။

ဗွီအိုအေ (မြန်မာဌာန)
https://burmese.voanews.com

ယီမင်ဆိပ်ကမ်းမြို့ကနေ ဟူသီသူပုန်အဖွဲ့ စတင်ဆုတ်ခွာ

ကုလသမဂ္ဂ စောင့်ကြည့်ရေးအဖွဲ့က Dodeida ဆိပ်ကမ်းမြို့မှာ အပစ်ရပ်စဲမှုကို စောင့်ကြည့်နေစဉ်။ (ဒီဇင်ဘာ ၂၂၊ ၂၀၁၈)
ယီမင်နိုင်ငံ Hodeida ဆိပ်ကမ်း မြို့ ကနေ ဟူသီ သူပုန်အုပ်စုတွေ စတင်ဆုတ်ခွါနေပြီလို့ ကုလသမဂ္ဂ အရာရှိ တဦးက စနေနေ့မှာပြောပါတယ်။ ကုသမဂ္ဂကနေ ကမကထလုပ်ပြီး ဆွီဒင်နိုင်ငံမှာ ဒီလအစောပိုင်းက သဘော တူညီထားချက်တွေထဲမှာ ယီမင်နိုင်ငံရဲ့ အသက်သွေးကြောဖြစ်တဲ့ Hodeida မြို့ ကို လက်လွှတ်ဖို့လည်း ပါပါတယ်။

ခုလို သူပုန်တပ်တွေ ဆုတ်ခွါနေတာဟာ ၄ နှစ်ကြာ ယီမင်ပြည်တွင်းစစ်ကို အဆုံးသတ်စေမယ့် သဘောတူညီမှု တွေထဲက အချက်တခုလည်းဖြစ်ပါတယ်။ ပြည်တွင်း စစ်ပွဲကာလအတွင်း အီရန်တို့ ကျောထောက်နောက်ခံ ပေး ထားတဲ့ ဟူသီသူပုန်တွေနဲ့ဆေိာဒီအာရေဗျဦးဆောင်တဲ့ ညွှန့်ပေါင်းတပ်တွေ ကျောထောက်နောက်ခံ ပေးနေ တဲ့ ယီမင်အစိုးရတပ်တွေ ထိပ်တိုက် ရင်ဆိုင် တိုက်ခိုက်နေကြတာဖြစ်ပါတယ်။

Hodeida မြို့မှာ တပတ်ကြာ အပစ်အခတ်ရပ်စဲပြီးတဲ့နောက် သူပုန်တပ်တွေစတင်ဆုတ်ခွါလာတာ ဖြစ်ပါတယ်။ Hodeida မြို့ဟာ ယီမင်နိုင်ငံအတွက် ဆေးဝါး၊ အစားအစာနဲ့လောင်စာဆီတွေ ၇၀ ရာခိုင်နှုန်း ၀င်ရောက်တဲ့ နေရာဖြစ်ပြီး ဟူသီသူပုန်တွေက ဒီမြို့ကို လွန်ခဲ့တဲ့ ၂ နှစ်ကတည်းက ထိန်းချုပ်ထားတာဖြစ်ပါတယ်။ ယီမင် နိုင်ငံက လူပေါင်း ၁၄ သန်းတို့ဟာစစ်ဘေးကြောင့် ငတ်မွတ်မှုဘေးနဲ့ ရင်ဆိုင်ရလုနီး အခြေအနေရောက်နေပြီး ဒါဟာ ကမ္ဘာပေါ်က အဆိုးဆုံး လူသားချင်းစာနာမှုဆိုင်ရာ ကဒ်ဘေးကြီး တခုဖြစ်တယ်လို့ ကုလသမဂ္ဂက ပြောဆိုထားပါတယ်။

သူပုန်တွေဘယ်လောက် ဝေးဝေး ဆုတ်မလဲဆိုတာနဲ့ ဆိပ်ကမ်းကို ဘယ်သူထိန်းချုပ်မလဲဆိုတာ ကတေ့ာ ရှင်းရှင်းလင်းလင်းမရှိသေးပါဘူး။

ဗွီအိုအေ (မြန်မာဌာန)
https://burmese.voanews.com

ခရစ္စမတ်တဝိုက် ဖြစ်ခဲ့တဲ့ ရှမ်းပြည်နယ် တိုက်ပွဲတွေထဲ တပ်မတော် မပါဝင်ဘူးလို့ ငြင်းဆို

တိုက်ပွဲသတင်းတွေ အကြောင်း လက်နက်ကိုင် အဖွဲ့တွေရဲ့ ထုတ်ပြန်ချက်တွေ အပေါ်မှာပဲ မူတည်ပြီး သတင်းရေးနေတယ်လို့ တပ်မတော် စွပ်စွဲ
မြန်မာနိုင်ငံတဝန်း အခြေစိုက်ထားတဲ့ တိုင်းစစ်ဌာနချုပ် အသီးသီးက ပြောရေးဆိုခွင့် ရှိသူတွေရဲ့ အမည်စာရင်းကို တပ်မတော်က စာနယ်ဇင်းသမားတွေထံ အသိပေးလာပါတယ်။

တိုင်းဦးစီး ဗိုလ်မှူးကြီး အဆင့် ပုဂ္ဂိုလ်တွေရဲ့ အမည်စာရင်းကို စာနယ်ဇင်းကောင်စီထံ ပေးပို့လာတာ ဖြစ်ပါတယ်။

တပ်မတော်နဲ့ ပတ်သက်တဲ့ သတင်းတွေရေးသားတဲ့အခါ စစ်တိုင်းအလိုက် ပြောရေးဆိုခွင့် ရှိသူတွေကို မေးမြန်းနိုင်ဖို့ ဖြစ်တယ်လို့ ဆိုပါတယ်။

တပ်မတော်ဘက်က ဒီလို ဆက်သွယ်ရေး လမ်းကြောင်းတွေ ဖွင့်ပေးပြီး တာဝန်ယူ ဖြေကြားမယ့်သူတွေ ထားရှိဖို့ စာနယ်ဇင်း သမားတွေရဲ့ တောင်းဆိုမှုတွေ အစဉ်အဆက် ရှိခဲ့ပါတယ်။

အခုရက်ပိုင်းတွေ အတွင်း ရှမ်းပြည်နယ်ထဲက တိုက်ပွဲသတင်းတွေအကြောင်း ပြည်တွင်း ပြည်ပ မီဒီယာတချို့ ရေးသားမှုတွေ အပေါ် အစိုးရတပ်က ငြင်းပယ် ကန့်ကွက်တာတွေ ပြုလုပ် လာပြီးတဲ့နောက် အခုလို ပြောခွင့်ရ အမည်စာရင်း ထွက်လာတာ ဖြစ်ပါတယ်။
ရှမ်းတောင်ပိုင်းတပ်နဲ့ရော အစိုးရတပ်နဲ့ကြားပါ တိုက်ပွဲတွေ ခပ်စိတ်စိတ် ဖြစ်နေခဲ့တဲ့ တအာင်းတပ် TNLA
တပ်မတော်က ကချင်နဲ့ ရှမ်းပြည်နယ် အခြေစိုက် စစ်တိုင်း ၅ တိုင်းထဲမှာ ၄ လ ကြာ စစ်ရေးလှုပ်ရှားမှု မလုပ်ပဲ ရပ်ထား ပေးမယ် ဆိုပြီး ကြေညာခဲ့တဲ့နောက် ရက်ပိုင်း အတွင်းမှာပဲ ရှမ်းပြည်နယ်ထဲ ပေါ်ပေါက်ခဲ့တဲ့ တိုက်ပွဲတချို့မှာ တပ်မတော် ပါဝင်ပတ်သက်နေတယ် ဆိုတဲ့ သတင်းဖော်ပြမှုတွေ မီဒီယာ တချို့မှာ တွေ့လာ ခဲ့ရပါတယ်။

ဒီဇင်ဘာ ၂၄ ရက် တုန်းက ရှမ်းပြည်နယ်၊ ကွတ်ခိုင်မြို့နယ်ထဲမှာ တအာင်းလက်နက်ကိုင် TNLA နဲ့ အစိုးရတပ်ကြား တိုက်ပွဲဖြစ်တယ်ဆိုတဲ့ သတင်းကို သတင်းမီဒီယာတချို့ ရေးသားခဲ့တာ မှားယွင်းနေပြီး အဲဒီ ရေးသားမှုဟာ TNLA ရဲ့ ထုတ်ပြန်မှု အပေါ်မှာပဲ ကိုးကားပြီး ထပ်ဆင့် သတင်းထုတ်လွှင့်ခဲ့တာ ဖြစ်တယ်လို့ တပ်မတော် သတင်းမှန် ပြန်ကြားရေး အဖွဲ့က ကြေညာခဲ့ပါတယ်။

အလားတူ ဖြစ်ရပ်နှစ်ခုကိုလည်း အစိုးရတပ်က ထောက်ပြခဲ့တာမှာ သီပေါမြို့နယ်ထဲ ရှမ်းပြည်တောင်ပိုင်းနဲ့ မြောက်ပိုင်းတပ်တွေ အကြား ခရစ္စမတ်အကြိုနဲ့ ခရစ္စမတ်နေ့တွေမှာ ဖြစ်ခဲ့တဲ့ တိုက်ပွဲတွေ အတွင်း တပ်မတော်က တောင်ပိုင်းတပ် ဘက်က ကူပြီး လက်နက်ကြီးနဲ့ ပစ်ခတ် ခဲ့တယ်ဆိုတဲ့ သတင်းဟာလည်း မှားယွင်းနေတယ်လို့ ဆိုပါတယ်။

မိုင်းပန်နယ်ထဲ ပအိုဝ်းတပ် PNLO နဲ့ အစိုးရတပ်ပေါင်းပြီး ရှမ်းတောင်ပိုင်းတပ် RCSS ကို တိုက်ခဲ့တယ် ဆိုတဲ့ သတင်းဖော်ပြမှုဟာလည်း အလားတူ မှားယွင်းနေတယ်လို့ ဆိုပါတယ်။

တိုက်ပွဲသတင်းမှားယွင်းရေးရင် ငြိမ်းချမ်းရေးကို ထိခိုက်နိုင်တယ်လို့ တပ်မတော်ပြော
တပ်မတော် အဓိက ပြောနေတဲ့ အချက်ကတော့ တိုက်ပွဲ သတင်းတွေနဲ့ ပတ်သက်ပြီး တိုင်းရင်းသား လက်နက်ကိုင် အဖွဲ့တွေရဲ့ ထုတ်ပြန်ချက်တွေ အပေါ်မှာပဲ ကိုးကားပြီး သတင်းကို မစိစစ်ပဲ ထပ်ဆင့် လွှင့်နေတာတွေဟာ ငြိမ်းချမ်းရေး ရရန် ဆောင်ရွက်နေတာကို ပျက်ပြားစေဖို့ ရည်ရွယ်တာပဲလို့ ပြင်းပြင်းထန်ထန် ပြောဆိုတာ ဖြစ်ပါတယ်။

မိုင်းပန်နယ်ထဲ RCSS အဖွဲ့က လာရောက် ပစ်ခတ်လို့ တပ်မတော်သား တချို့ သေဆုံး ဒဏ်ရာရခဲ့တယ် ဆိုတဲ့ သတင်းကိုတော့ တပ်မတော်က ထုတ်ဖော် ပြောခဲ့ပါတယ်။

ဒီဇင်ဘာ ၂၁ ရက်နေ့ တစ်ဘက်သတ် အပစ်ရပ်ကြောင်း ကြေညာပြီးနောက်ပိုင်း စစ်ရေးလှုပ်ရှားမှုတွေ ရပ်ထားမယ် ဆိုတဲ့ အဲဒီ ဆုံးဖြတ်ချက်ကို ခိုင်မြဲအောင်လုပ်သွားမှာ ဖြစ်တယ်လို့လည်း တပ်မတော်က ဆိုထားပါတယ်။

စစ်တိုင်း ၅ တိုင်းမှာ အပစ်ရပ် ကြေညာပေးခဲ့ အပြီး နောက်ပိုင်း သူတို့ဘက်က အာမခံထားတဲ့ အတိုင်း ဘယ်လို စစ်ရေး လှုပ်ရှားမှုမှ မပြုလုပ်ဘူး၊ ပေါ်ပေါက်ခဲ့တယ် ဆိုတဲ့ တိုက်ပွဲတွေ အတွင်းမှာလည်း သူတို့ ပါဝင် ပတ်သက်တာမျိုး မရှိဘူးလို့ တပ်မတော်က ပြောနေတာ ဖြစ်ပါတယ်။

အပစ်ရပ် ကြေညာပြီး နောက်မှာလည်း တပ်မတော်က စစ်ရေးလုပ်ဆောင်မှုတွေ ရှိတယ် ဆိုတဲ့ သတင်းမျိုး မီဒီယာ တချို့က ရေးလာတဲ့ အခါ အဲဒီ လို ရေးသားမှုတွေနဲ့ ပတ်သက်ပြီး ဖြေရှင်းပေးဖို့ စာနယ်ဇင်း ကောင်စီ အထိ တပ်မတော်က အကြောင်းကြားလာ ခဲ့ပါတယ်။

ကချင်နဲ့ ရှမ်းနယ်တွေထဲ အပစ်ရပ် ကြေညာတဲ့ ကာချုပ်
ငြိမ်းချမ်းရေး တည်ဆောက်နေတဲ့ အချိန်တွေမှာ စစ်သတင်းမျိုးကို တိတိကျကျ ရေးသားဖို့ အရေးကြီးတယ်လို့ စာနယ်ဇင်းကောင်စီကလည်း သက်ဆိုင်ရာ မီဒီယာတွေကို အကြံပေး ခဲ့ပါတယ်။

တပ်မတော်ဘက်ကို မေးတဲ့ အခါ တာဝန်ယူ ဖြေကြားမယ့်သူ မရှိတာမျိုး၊ ဖုန်းမကိုင်တာမျိုးတွေပဲ ကြုံနေခဲ့ရလို့ ပုံမှန် ဆက်သွယ်ရေး လမ်းကြောင်း ဖွင့်ပြီး ပြောရေးဆိုခွင့် ရှိသူတွေ သတ်မှတ် ထားတာမျိုး၊ အဆင်သင့် ရေးသားထားတဲ့ သတင်းတွေပဲ ထုတ်ပြန်တာမျိုး မဟုတ်ဘဲ အပြန်အလှန် မေးခွန်းမေးခွင့် ပေးတာမျိုးတွေ လုပ်ဖို့ သတင်းထောက် တွေကလည်း အစဉ်အဆက် ထောက်ပြ နေခဲ့ပါတယ်။

အခုအခါမှာတော့ စစ်တိုင်းအလိုက် ဆက်သွယ်နိုင်တဲ့ လူပုဂ္ဂိုလ်နဲ့ ဖုန်းနံပါတ်တွေ ထုတ်ပြန်လာဖြစ်ပါတယ်။

ဒါ့အပြင် တပ်မတော်နဲ့ ပတ်သက်တဲ့ သတင်းတွေကို သက်ဆိုင်ရာ လုံခြုံရေးနဲ့ နယ်စပ်ရေးရာ ဝန်ကြီးတွေထံ မေးပြီး အတည်ပြုလို့ ရတယ်လို့လည်း သတင်းမှန် ပြန်ကြားရေးရဲ့ ထုတ်ပြန်ချက် တခုထဲ ရေးသား ထားပါတယ်။

အဲဒီလို ပြောခွင့်ရ ပုဂ္ဂိုလ်တွေနဲ့ စိစစ် အတည်ပြုတာမျိုး မလုပ်ပဲ သတင်း ဆက်လက် ထုတ်ပြန် နေဦးမယ် ဆိုရင် ဥပဒေနဲ့အညီ ဆောင်ရွက်သွားမယ်လို့ သတိပေးပါတယ်။

ဒီ အဓိပ္ပာယ်ဟာ တပ်နဲ့ ပတ်သက်တဲ့ သတင်းတိုင်းမှာ တပ်ရဲ့ ပြောခွင့်ရ တယောက်ယောက်မှာ အတည် မပြုရင် မရေးနိုင်၊ မထုတ်လွှင့် နိုင်တော့ဘူးလား ဆိုတဲ့ မေးခွန်းမျိုး ပေါ်ပေါက် လာစေပါတယ်။

တပ်ရဲ့ ပြောခွင့်ရ ပုဂ္ဂိုလ်ကို ဆက်သွယ်တဲ့အခါ မဖြေဆိုပဲနေတာ၊ ဖုန်းမကိုင်ပဲ နေတာမျိုးတွေ ရှိရင် တပ်ကို ဆက်သွယ်ပေမယ့် ဖြေဆိုခြင်း မရှိပါဘူး၊ ဖုန်းကိုင်ခြင်း မရှိပါဘူး ဆိုတာမျိုး ကိုယ့်ရဲ့သတင်းထဲ ထည့်ရေးနိုင်တယ်လို့ စာနယ်ဇင်းကောင်စီဝင် တဦးက အကြံပြုပါတယ်။

BBC Burmese
https://www.bbc.com/burmese

မူဆယ်-ကျင်ဆန်းကျော့လမ်းဟာ တရားမဝင်တာကြောင့် ပိတ်ထားတာ ဖြစ်ကြောင်း တပ်မတော်ပြော

ပိတ်မိနေတဲ့ သစ်သီးတင်ကုန်တင်ကားတွေကို တွေ့ရစဉ် / Photo: Ye Htet/ RFA
မူဆယ်- ကျင်ဆန်းကျော့ ကုန်သွယ်ရေးလမ်းကြောင်းကို အရှေ့မြောက်ပိုင်းတိုင်း စစ်ဌာနချုပ်လက်အောက်ခံ တပ်မ ၁၁ က ပိတ်ဆို့ထားတာဟာ တရားဝင်ကုန်သွယ်ရေးလမ်းကြောင်း မဟုတ်တာကြောင့်ဖြစ်ကြောင်း အရှေ့မြောက်ပိုင်းတိုင်း စစ်ဌာနချုပ်က ပြောပါတယ်။

တရုတ်- မြန်မာနယ်စပ်က အဲ့ဒီလမ်းကြောင်းဟာ ကုန်သွယ်ဖို့အတွက် နှစ်နိုင်ငံအစိုးရ သဘောတူညီထားတဲ့ လမ်းကြောင်းမဟုတ်တာကြောင့် ကုန်တင်ကားတွေကို တပ်မတော်က ဖြတ်သန်းသွားလာခွင့် ပိတ်ထားတာဖြစ်ကြောင်း အရှေ့မြောက်ပိုင်းတိုင်း စစ်ဌာနချုပ်က တိုင်းဦးစီး ဗိုလ်မှူးကြီး ဝင်းထွဋ်လေးက RFA ကို အတည်ပြုပြောဆိုပါတယ်။

အဲ့ဒီလမ်းကြောင်းကို ဒီဇင်ဘာလ ၂၇ ရက်နေ့မနက်ကစပြီး ဖြတ်သန်းသွားလာခွင့် ပိတ်လိုက်တာကြောင့် သစ်သီးတင်ကုန်တင်ကားတွေ အစီး ၁၀၀၀ ကျော် ပိတ်မိနေတယ်လို့ သိရပါတယ်။

ဒါကြောင့် ကုန်သည်တွေနဲ့ ကုန်တင်ယာဉ်မောင်းတွေက အခက်အခဲတွေဖြစ်နေကြောင်း မူဆယ် ၁၀၅ မိုင် သစ်သီးကုန်စည်ဒိုင်မှာ ဒီနေ့မနက်က သတင်းစာရှင်းလင်းပွဲကျင်းပခဲ့ပြီး မူဆယ်- ကျင်ဆန်းကျော့ လမ်းကို ပြန်ဖွင့်ပေးဖို့ကို တောင်းဆိုလိုက်ကြပါတယ်။

RFA Burmese
https://www.rfa.org/burmese

ဖမ်းဆီးထားတဲ့ ကျောင်းသား ၃ ဦးကို ရမန်ယူပြီး အိုးဘိုထောင် ကိုပို့

ဖမ်းဆီးထားတဲ့ ဗကသ ကျောင်းသား ၃ ဦးကို ၂၀၁၈၊ ဒီဇင်ဘာ ၂၉ ရက်နေ့က အမရပူရမြို့နယ် တရားရုံးမှာ တွေ့ရစဉ်/ Photo: Khaymani Win/ RFA
ရတနာပုံတက္ကသိုလ်မှာ မနေ့က ဆန္ဒပြခဲ့တာကြောင့် ဖမ်းဆီးထားတဲ့ ဗကသ ကျောင်းသား ၃ ဦးကို အမရပူရမြို့နယ် တရားရုံးမှာ ဒီနေ့ ရမန်ယူပြီး မန္တလေး အိုးဘိုထောင်ကို ပို့လိုက်ပါတယ်။

ဖမ်းဆီးထားသူတွေကို မနေ့ကစစ်ဆေးရာမှာ ဆန္ဒပြပွဲမှာ တခြားသူတွေ ပူးပေါင်းပါဝင်မှုရှိ၊ မရှိကို စစ်ဆေးခဲ့ကြောင်း ဖမ်းဆီးခံထားရတဲ့ ကျောင်းသား ကိုရဲမျိုးဆွေက တရားရုံးမှာ ရမန်ယူအပြီးမှာ RFA ကို ပြောပါတယ်။

ရတနာပုံတက္ကသိုလ်မှာ လုံခြုံရေး တိုးမြှင့်စီမံပေးဖို့ မန္တလေးတိုင်း အစိုးရတာဝန်ရှိသူအချို့နဲ့ ရတနာပုံတက္ကသိုလ် ပါမောက္ခချုပ်တို့ရဲ့ နာရေး အသုဘအခမ်းအနားပုံစံလုပ်ပြီး ကျောင်းအတွင်းမှာ မနေ့က ဆန္ဒပြတောင်းဆိုခဲ့တာကြောင့် သီဟရဲကျော်၊ ရဲမင်းထွန်းနဲ့ ရဲမျိုးဆွေတို့ ၃ ဦးကို ဖမ်းဆီးပြီး ပုဒ်မ ၅ ခုနဲ့တရားစွဲထားတာဖြစ်ပါတယ်။

ဒါ့အပြင် ဆန္ဒပြမှုမှာ ပူးပေါင်းပါဝင်တယ်လို့ ရဲတပ်ဖွဲ့က ယူဆတဲ့ နောက်ထပ် ကျောင်းသား ၅ ဦး ကိုလည်း ဖမ်းဝရမ်းထုတ်ထားပါတယ်။

မန္တလေးတိုင်းအတွင်းက ရတနာပုံ တက္ကသိုလ်၊ ဆိုက်ဘာစီးတီး တက္ကသိုလ်နဲ့ ကျောက်ဆည် တက္ကသိုလ်တွေမှာ ၆ လအတွင် ကျောင်းသား ၃ ဦးအသတ်ခံရပြီး ပစ္စည်းလုယက်ခံရတာတွေ ဖြစ်ခဲ့တာကြောင့် ကျောင်းပရဝုဏ်အတွင်း လုံခြုံရေး တိုးမြှင့်ပေးဖို့ ရတနာပုံ တက္ကသိုလ် ကျောင်းသားတွေက ဆန္ဒပြ တောင်းဆိုခဲ့ပါတယ်။

ဒါပေမဲ့ လုံခြုံရေးကို တိုးမြှင့် ဆောင်ရွက်တာမရှိတာကြောင့် မန္တလေးတိုင်း အစိုးရ တာဝန်ရှိသူအချို့နဲ့ ရတနာပုံ တက္ကသိုလ် ပါမောက္ခချုပ်တို့ရဲ့ နာရေး အသုဘအခမ်းအနား ပုံစံလုပ်ပြီး မနေ့က ရတနာပုံ တက္ကသိုလ်အတွင်းမှာ ကျောင်းသား သမဂ္ဂအဖွဲ့ဝင်တွေက ဆန္ဒပြခဲ့ကြပါတယ်။

အဲ့ဒီဆန္ဒပြပွဲကို ဦးဆောင်တဲ့ သီဟရဲကျော်၊ ရဲမင်းထွန်းနဲ့ ရဲမျိုးဆွေတို့ ၃ ဦးကို နိုင်ငံတော် အကြည်ညိုပျက်စေမှု၊ တာဝန်ဝတ္တရားနှောင့်ယှက်မှု၊ မီးရှို့မှု၊ အားပေး အားမြောက်မှု၊ ငြိမ်းစုစည် ပုဒ်မ ၅ ခုနဲ့ တရားစွဲ ရမန်ယူပြီး မန္တလေး အိုးဘိုထောင်ကို ဒီနေ့ ပို့လိုက်တာဖြစ်ပါတယ်။

ကျောင်းလုံခြုံရေး တိုးမြှင့်ပေးဖို့ တောင်းဆိုနေတာကို အစိုးရနဲ့ တာဝန်ရှိသူတွေဘက်က ဆောင်ရွက်ပေးတာမရှိတာကြောင့် အခုလို ဆန္ဒပြတာတွေဖြစ်လာဖြစ်ကြောင်း ဖမ်းဆီးခံရတဲ့ ကျောင်းသားတစ်ဦးဖြစ်တဲ့ ကိုရဲမျိုးဆွေက ပြောပါတယ်။

"ပုဒ်မတပ်တာ အစိုးရအလုပ်ပါ။ ကျနော်တို့ကတော့ ကိုယ်လုပ်စရာရှိတာ ကိုယ်လုပ်တယ်။ ကျောင်းသားအသတ်ခံရလို့  ပြောနေတာမဟုတ်ဘူး။ လွန်ခဲ့တဲ့ ၈ လပိုင်းကတည်းက မန္တလေးတိုင်းမှာ ဒါမျိုးတွေ ဖြစ်နေတယ်ဆိုတာ ဦးဇာနည်အောင် တို့၊ ဦးဇော်မြင့်မောင် တို့ကို ကျနော်တို့ပြောတယ်။ အကြိမ်ကြိမ် စာပို့တယ်။ လူကိုယ်တိုင်သွားတွေ့တယ်။ ဒီကြားထဲမှာ ဒါမျိုးဖြစ်သွားတယ်။ တခြားကျောင်းသားတွေ ငြိမ်ခံရင်ခံမယ်၊ ကျနော်တို့ ရတနာပုံ တက္ကသိုလ် ကျောင်းသား ဒါမျိုးဖြစ်ရင် ငြိမ်ခံမှာမဟုတ်ဘူးလို့ ပြောခဲ့ပြီးသား"

ဖမ်းဆီးထားသူတွေကို မနေ့ညက စစ်ဆေးမှုမှာ ဆန္ဒပြပွဲမှာ တခြားသူတွေ ပါဝင်တာတွေရှိလားဆိုတာ စစ်မေးတာတွေရှိခဲ့တယ်လို့လည်း ကိုရဲမျိုးဆွေက ပြောပါတယ်။

ကျောင်းသား ၃ ဦးကို လာမယ့် ဇန်နဝါရီလ ၁၁ ရက်နေ့မှာ ပထမဆုံးအကြိမ် ရုံးထုတ်စစ်ဆေးဖို့ အမရပူရမြို့နယ် တရားရုံးက ချိန်းဆိုလိုက်ပါတယ်။

ဒါ့အပြင် ဆန္ဒပြပွဲမှာ ပါဝင်တယ်လို့ ယူဆတဲ့ ကိုဘချစ်၊ ကိုဖုန်းမြင့်ကျော်၊ ကိုရဲလင်းအောင်၊ ကိုနေ၀င်းကျော်၊ ကိုနိုင်ရဲဝေတို့ ၅ ဦးကိုလည်း ဖမ်းဝရမ်းထုတ်လိုက်တာကြောင့် တချို့တွေက ထွက်ပြေး တိမ်းရှောင်နေကြတယ်လို့ သိရပါတယ်။

မနေ့ညက နေအိမ်မှာ လာရောက်ရှာဖွေသွားခြင်းခံရတယ်ဆိုတဲ့ ရတနာပုံ တက္ကသိုလ် ဗကသများ အဖွဲ့ချုပ်က သတင်းနှင့်ပြန်ကြားရေးတာဝန်ခံ ကိုဘချစ်က အခုလို ပြောပါတယ်။

"အခုဖမ်းတာက သုံးယောက်ပေါ့။ ကိုနိုင်ရဲဝေ ကလည်း ထောင့်မှာသွားထိုင်နေတယ်။ ကျနော်ကလည်း နောက်ကနေ ဘာမှကို မကိုင်ဘူး။ နောက်ကနေ ၀င်လိုက်တာ။ ၀င်ပြီးပြန်ထွက်လိုက်တယ်။ အဲဒီမှာ ကျနော်ပါသွားတယ်။ ဖြစ်စဉ်မှာပါတဲ့ ပစ္စည်း၊ အရာဝတ္တူတွေ လုံးဝမကိုင်ဘူး။ ဘာမှကိုမလုပ်ခဲ့ဘူး။ အဲဒါကို ကျနော်ကို ထည့်ဆွဲတာ။ ကျောင်းသားတွေက ဒီကိစ္စကို ပြည်ထဲရေးကိုရော၊ အစိုးရကိုရော အခုလိုလုပ်တာ ရှုံ့ချပါတယ်"

ဖမ်းဆီးအရေးယူတာတွေရှိပေမယ့် ကျောင်းပတ်ဝန်းကျင်မှာ လုံခြုံရေးတိုးမြှင့်ပေးဖို့ ဆက်လက်တောင်းဆိုသွားမယ်လို့လည်း ကျောင်းသားတွေက ပြောကြပါတယ်။

ကျောင်းသားတွေ ဖမ်းဆီးတရားစွဲခံရတာနဲ့ ပတ်သက်ပြီး အမရပူရစခန်းကို ဆက်သွယ်ခဲ့ပေမယ့် အခုအချိန်မှာ ဖြေကြားဖို့ အဆင်မပြေသေးဘူးလို့သာ တာဝန်ကျ ရဲအရာရှိတစ်ဦးက RFA ကို အကြောင်းပြန်ခဲ့ပါတယ်ရှင်။

ဒီသတင်းကို RFA သတင်းထောက် မခေမဏီဝင်း ပေးပို့တာပါ။

RFA Burmese
https://www.rfa.org/burmese

အီဂျစ်မှာ ပေါက်ကွဲမှုတစ်ခုကြောင့် ဗီယက်နမ်ခရီးသွားတွေသေဆုံး

ဗီယက်နမ်ခရီးသွား ၃ယောက်နဲ့ ဧည့်လမ်းညွှန်တစ်ဦး စုစုပေါင်း ၄ယောက်သေဆုံး
အီဂျစ်နိုင်ငံ ဂီဇာမြို့နားက ဘတ်စ်ကားတစ်စီးပေါ်မှာ ပေါက်ကွဲမှုဖြစ်ပြီး ဗီယက်နမ်ခရီးသွား ၃ယောက်နဲ့ ဧည့်လမ်းညွှန်တစ်ဦး စုစုပေါင်း ၄ယောက်သေဆုံးသွားတယ် လို့ အီဂျစ်အာဏာပိုင်တွေကပြောပါတယ်။

ဗီယက်နမ်ခရီးသွား ၁၄ဦးကို သယ်ဆောင်မောင်းနှင်လာတဲ့ ဘတ်စ်ကားပေါ်မှာ ပေါက်ကွဲမှု ဖြစ်ခဲ့တာပါ။

အဲဒီပေါက်ကွဲမှုကြောင့် ဘစ်ကားမောင်းနှင်သူ အီဂျစ်နိုင်ငံသားကလွဲပြီး ကျန်ဗီယက်နမ်ခရီးသွား ၉ဦးစလုံးလည်းထိခိုက်ဒဏ်ရာရသွားခဲ့ပါတယ်။

အဲဒီထဲက နှစ်ဦးကတော့ အရေးပေါ်အခြေအနေမှာရှိတယ်လို့ အီဂျစ်နိုင်ငံ ဝန်ကြီးချုပ် မိုစတာဖာက ပြောပါတယ်။

ဒီတိုက်ခိုက်မှုနဲ့ပတ်သက်ပြီး ဘယ်အဖွဲ့က လုပ်တယ်ဆိုတာကို ထုတ်ဖော်ပြောဆိုလာတာမျိုး မရှိသေးပေမယ့် အစ္စလာမ်မစ်စစ်သွေးကြွတွေကတော့ ပြီးခဲ့တဲ့ တိုက်ခိုက်မှုတွေမှာ ခရီးသွား တွေကို ပစ်မှတ်ထားတိုက်ခိုက်တာတွေရှိခဲ့ပါတယ်။

BBC Burmese
https://www.bbc.com/burmese

သတင်းမှားတွေ ထုတ်ပြန်ကြောင်း စွပ်စွဲချက်နဲ့ မီဒီယာတချို့ကို တပ်မတော်သတိပေး


မြန်မာစစ်တပ်က စစ်ရေးလှုပ်ရှားမှုတွေ ၄ လကြာ ရပ်ဆိုင်းဖို့ ကြေညာထားပေမဲ့ တိုက်ခိုက်မှုတွေ ရှိခဲ့ကြောင်း ဖော်ပြခဲ့တဲ့ သတင်းမီဒီယာ တချို့ရဲ့ ဖော်ပြချက်တွေဟာ မှားယွင်းကြောင်းနဲ့ မဟုတ်မမှန် သတင်းတွေကို ဆက်လက် ထုတ်ပြန်မယ်ဆိုရင် ဥပဒေနဲ့အညီ ဆောင်ရွက်မှာဖြစ်ကြောင်း တပ်မတော်က သတိပေးလိုက်ပါတယ်။ သတင်းမှားတွေ ဖော်ပြခဲ့တယ်လို့ စွပ်စွဲခံခဲ့ရတဲ့ သတင်းမီဒီယာတွေနဲ့ ပတ်သက်လို့ ဖြေရှင်းပေးဖို့လည်း မြန်မာနိုင်ငံ သတင်းမီဒီယာကောင်စီကို အကြောင်းကြားခဲ့တာပါ။ အပြည့်အစုံကိုတော့ ဆက်သွယ်စုံစမ်းထားတဲ့ မဆုမွန်က ပြောပြပေးမှာ ဖြစ်ပါတယ်။

စစ်ဆင်ရေးဒေသ တချို့မှာ စစ်ရေးလှုပ်ရှားမှုတွေ ရပ်ဆိုင်းထားဖို့ ကြေညာပြီး နောက်ပိုင်းမှာလည်း တိုက်တွဲတွေ ဆက်ဖြစ်နေတယ်ဆိုတဲ့ မကြာသေးခင်က သတင်းဖော်ပြချက်တွေဟာ မမှန်ကြောင်းနဲ့ ဒီလိုမမှန်ကန်တဲ့ အချက်အလက်တွေကို မဖော်ပြဖို့လည်း တပ်မတော်က ကြေညာချက် ထုတ်ပြန်သတိပေးလိုက်တာပါ။ မမှန်ကန်တဲ့ အချက်အလက်တွေကို အတည်ပြုချက် မယူပဲ ဖော်ပြခဲ့တယ်လို့ဆိုတဲ့ သတင်းဌာန ၇ ခုရဲ့ လုပ်ရပ်တွေကို ဖြေရှင်းပေးဖို့လည်း မြန်မာနိုင်ငံ သတင်းမီဒီယာကောင်စီကို အကြောင်းကြားခဲ့ပါတယ်။

မြန်မာစစ်တပ်ရဲ့ ဒီဇင်ဘာလ ၂၅ ရက်နေ့က အကြောင်းကြားစာနဲ့ ပတ်သက်လို့ တပ်မတော်နဲ့ သတင်းမီဒီယာတွေဘက်က လိုလားချက်တွေ၊ လိုအပ်ချက်တွေကိုတော့ သတင်းမီဒီယာကောင်စီက တရားဝင် ကြေညာချက်ထုတ်ပြန် အသိပေးခဲ့တဲ့အကြောင်း သတင်းမီဒီယာကောင်စီရဲ့ တွဲဖက်အတွင်းရေးမှူး တဦးဖြစ်တဲ့ ဦးမြင့်ကျော်က ဗွီအိုအေကိုပြောပါတယ်။

“အခုဟာက တိုင်စာတော့ မဟုတ်ဘူးပေါ့နော် တိုင်စာအဆင့်တော့ မဟုတ်ဘူးပေါ့။ သူက အဲဒီသတင်း မှားယွင်းတယ်ဆိုတဲ့အကြောင်း အချက်အလက် မှားယွင်းတဲ့အကြောင်း သူတို့ တပ်မတော်နဲ့ဖြစ်ပွားတာမဟုတ်ဘူးဆိုတဲ့ အကြောင်း အဲဒီမီဒီယာတွေက အဲဒီလိုမျိုး ဖော်ပြတဲ့ဟာက ငြိမ်းချမ်းရေးဖြစ်စဉ်ကို သွားပြီးသက်ရောက်စေနိုင်တယ်ဆိုတာ ရယ်။ နောက်တခုကတော့ သူတို့က အဲဒီ့မီဒီယာတွေကို ကောင်စီအနေနဲ့ တိုက်တွန်းပေးပါ ဆိုတဲ့အနေနဲ့ အဲဒီသဘောမျိုး။ နောက်နောင်ဆိုရင် အဲ့ဒီ့သတင်းအချက်အလက်ကို တိကျမှန်ကန်အောင် ရေးဖို့အတွက် ဒီလိုကိစ္စမျိုးတွေမှာ အဲလိုမျိုး သူတို့က တိုက်တွန်းခိုင်းတဲ့စာမျိုးပေါ့။ တိုင်တယ်ဆိုတဲ့အဆင့်တော့မဟုတ်ဘူး။ တိုင်တယ်ဆိုရင် ကျနော်တို့ကတော့ အဲဒီ မီဒီယာတွေကို ဖိတ်ခေါ်ပြီးတော့ ဘယ်လိုဖြေရှင်းနိုင်မလဲဆိုတဲ့ အဲလိုအချက်မျိုး အခုကတော့ တိုက်တွန်းတယ်ဆိုတဲ့ဟာမျိုးပဲ ဆိုတဲ့အတွက် အဲလိုပဲ ကောင်စီဘက်က အကျိုးအကြောင်း အသိပေးတဲ့စာရယ်၊ စာထဲမှာတော့ တပ်ဘက်ကလည်း ဒီလိုမျိုးသတင်းတွေကို ဖြေကြားပေးဖို့ လိုအပ်တယ်ဆိုတဲ့ဟာမျိုး။ အဲဒီဟာက access to information က အမြဲတမ်းရနေဖို့ အရေးကြီးတယ်ဆိုတဲ့ဟာမျိုးကိုလည်း အဲဒီစာထဲမှာ ကျနော်တို့လည်းဖော်ပြထားပါတယ်။ အဲဒါကတော့ တပ်ဖက်ကိုလည်း ကျနော်တို့တိုက်တွန်းတဲ့ဟာပါ။”

ဒီသီတင်းပတ် အစောပိုင်း ရှမ်းပြည်နယ် တောင်ပိုင်းမှာ ဖြစ်ခဲ့တဲ့ တိုက်ပွဲတွေနဲ့ ပတ်သက်လို့ တိုင်းရင်းသား လက်နက်ကိုင်အဖွဲ့တွေရဲ့ ဖော်ပြချက်တွေကို သတင်းတွေ ဖော်ပြရာမှာ၊ VOA နဲ့ သတင်းဌာနတချို့က တပ်မတော် တာဝန်ရှိသူတွေနဲ့ အတည်ပြု မေးမြန်းမှုတွေ ရှိခဲ့ပေမဲ့ ကျန်သတင်းဌာန ၇ ခုကတော့ အချက်အလက် မှန်ကန်မှုမရှိတဲ့ သတင်းတွေကို တဖက်သတ် ဖော်ပြခဲ့တယ်လို့လည်း တပ်မတော်ရဲ့ ကြေညာချက်က စွပ်စွဲထားတာပါ။

တပ်မတော်အနေနဲ့ ပြည်တွင်းငြိမ်းချမ်းရေးရဖို့ ကြိုးပမ်းနေချိန် အထင်အမြင် လွဲမှားစေနိုင်တဲ့ မဟုတ်မမှန် သတင်းထုတ်ပြန်တာတွေ၊ စိစစ်အတည်ပြုတာတွေ မလုပ်ပဲ မဖော်ပြကြဖို့နဲ့ ဖော်ပြခဲ့မယ်ဆိုရင် သက်ဆိုင်ရာသတင်းဌာနတွေကို ဥပဒေနဲ့အညီ ဆောင်ရွက်သွားမယ်လို့လည်း သတိပေးထားပါတယ်။ ဒါပေမဲ့လည်း သတင်းမီဒီယာတွေ အနေနဲ့ မြန်မာစစ်တပ် တာဝန်ရှိသူတွေ အပါအ၀င် အာဏာပိုင်တွေကို ဆက်သွယ်မေးမြန်းရာမှာ အခက်အခဲတွေလည်း ရှိနေတာပါ။

သတင်းမီဒီယာကောင်စီရဲ့ ကြေညာချက်နဲ့ ပတ်သက်လို့ တပ်မတော် တာဝန်ရှိသူတွေရဲ့ သဘောထားကို သိနိုင်ဖို့ ဗွီအိုအေက ကြိုးစားရာမှာလည်း ဆက်သွယ်မေးမြန်းလို့ မရခဲ့ပါဘူး။ ဒီအတွက်လည်း တာဝန်ရှိသူတွေ အနေနဲ့ သတင်းမီဒီယာတွေနဲ့ ထိတွေ့ဆက်ဆံနိုင်အောင် ဒီထက်ပိုပြီး ဆောင်ရွက်ပေးဖို့ လိုနေပြီလို့လည်း ၀ါရင့်သတင်းသမားတဦးဖြစ်တဲ့ ကိုသီဟသွေးက အကြံပြုပါတယ်။

“စိစစ်အတည်ပြုမှုရှိမရှိဆိုတာ ကျနော်တို့ အတည်ပြုနိုင်အောင်လို့ တဖက်ကလည်း အတည်ပြုနိုင်တဲ့ နည်းလမ်းတွေ အခွင့်အရေးတွေပေးထားဖို့လိုပါတယ်။ အခွင့်အရေးတွေနည်းလမ်းတွေ မပေးထားပဲနဲ့ စိစစ် အတည်မပြုဘူးလို့ ပြောလိုမရဘူးဗျ။ ကိုယ့်မီဒီယာဘက်က တခုရှိတာကလေ စိစစ်အတည်ပြု နိုင်တဲ့နည်းလမ်းတွေကို တတ်နိုင်သရွေ့ ကြိုးစားဖို့တော့ လိုတာပေါ့ဗျာ။ ကြိုးစားပြီးကာမှ မရတော့မှ ကျနော်တို့ ဒီသတင်းကို နည်းနည်းချင့်ချိန်ပြီးတော့ လွှင့်ရမှာပေါ့။ ဘာလို့လဲဆိုတော့ ကျနော်တို့မီဒီယာမှာလည်း နှစ်ဖက်အသံကိုနားထောင်ပြီး လွှင့်ရမယ်ဆိုတာ၊ ထုတ်ပြန်ရမယ်ဆိုတာ ကျနော်တို့ ethics မှာရှိပြီးသား။ တခြမ်းပဲ ကြားတဲ့အခါမှာ၊ တဖက်ကိုလည်း အတည်မပြုနိုင်တဲ့ဆိုတဲ့အခါမှာ ရေးတဲ့အခါမှာလည်း သတိထားပြီးရေးဖို့လိုတာပေါ့နော်။ တခြမ်းတည်း ကြားတာဖြစ်တဲ့အတွက် ရေးတဲ့အခါမှာလည်း ထိန်းထိန်းသိမ်းသိမ်းရေးသင့်တာပေါ့။ ကျနော်တို့ဘက်ကလည်း ကြိုးပမ်းဖို့လိုပါတယ်။ အဓိကကတော့ဗျာ တပ်မတော်ကပြောတယ် စိစစ်ပြီးမလုပ်ဘူးဆိုလို့ရှိရင် အရေးယူမယ်ဆိုတာက တခုလေးပါပဲ ဘယ်လိုစိစစ်လို့ရမလဲဆိုတဲ့နည်းလမ်းကို တပါးတည်းထုတ်ပြန်ပေးဖို့လိုတယ်။ အခုမီဒီယာကောင်စီနဲ့ ညှိနှိုင်းတဲ့အခါမှာ ဒီကိစ္စကို ရှေ့တန်းတင်ပြီး ညှိနှိုင်းနိုင်မယ်ဆိုရင် အဖြေရပါလိမ့်မယ်လို့ထင်ပါတယ်ဗျ။”

မကြာသေးခင်ကမှ အသစ်ဖွဲ့လိုက်တဲ့ မြန်မာသတင်းမီဒီယာကောင်စီက ပထမဆုံးအကြိမ်အဖြစ် ကာကွယ်ရေး ဦးစီးချုပ် အပါအ၀င် တပ်မတော် ထိပ်တန်းအရာရှိတွေနဲ့ ပြီးခဲ့တဲ့ သီတင်းပတ်ထဲ တွေ့ဆုံချိန်မှာလည်း သတင်းရယူခွင့်နဲ့ ပတ်သက်လို့ ဆွေးနွေးခဲ့ကြပါတယ်။ ဆွေးနွေးမှုတွေအတွင်း ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က သတင်းရယူနိုင်မယ့် နည်းလမ်းတွေကို တိုးတက်အောင် တပ်မတော်ဘက်က ဆောင်ရွက်ဖို့ ကတိပြုခဲ့ကြောင်းလည်း ဆွေးနွေးပွဲမှာ ပါဝင်သူတွေက ပြောဆိုထားကြပါတယ်။

မဆုမွန်  / ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ