ရသေ့တောင် ကြားဖြတ်ရွေးကောက်ပွဲ တပ်မတော်က လုံခြုံရေးဆောင်ရွက်မည်

ရခိုင်ပြည်နယ် ရသေ့တောင်မြို့နယ် ရွာသစ်ကေကျေးရွာမှာ ၂ဝ၁၈ ခုနှစ် နိုင်ဝင်ဘာလ ၂ ရက်နေ့က ကြိုတင်မဲပေးနေတဲ့ မဲဆန္ဒရှင်တစ်ဦးကို တွေ့ရစဉ်
ရခိုင်ပြည်နယ် ရသေ့တောင်မြို့နယ်မှာ မနက်ဖြန်ကျင်းပမယ့် ကြားဖြတ်ရွေးကောက်ပွဲအတွက် တပ်မတော်ကပါ လုံခြုံရေးဆောင်ရွက်မှာဖြစ်တယ်လို့ ရသေ့တောင်မြို့နယ် ရွေးကောက်ပွဲကော်မရှင် ဥက္ကဋ္ဌ ဦးဖြူထွန်းသာက ပြောပါတယ်။

ရွေးကောက်ပွဲ လုံခြုံရေးအခြေအနေတွေနဲ့ပတ်သက်ပြီး RFA က ဒီနေ့ မေးမြန်းခဲ့ရာမှာ ပြောဆိုခဲ့တာ ဖြစ်ပါတယ်။

ရသေ့တောင်မြို့နယ်ဟာ အကြမ်းဖက်တိုက်ခိုက်မှုတွေ ဖြစ်ပွားခဲ့တဲ့ ဒေသတစ်ခုဖြစ်တာကြောင့် မဲရုံတွေ လုံခြုံရေး ကို အရင်ရွေးကောက်ပွဲတွေထက် တိုးမြှင့်ချထားတယ်လို့ ဒေသခံတွေက ပြောပါတယ်။

ဒီနေ့အချိန်အထိ တပ်မတော်သား၊ ရဲတပ်ဖွဲ့ဝင်တွေ၊ အချုပ်သားတွေနဲ့ ကျောင်းသားတွေ ပေးထားတဲ့ ကြိုတင်မဲပေါင်း ၃၁၉ မဲအထိရှိနေတယ်လို့လည်း သိရပါတယ်။

ရသေ့တောင်မြို့နယ်မှာ လစ်လပ်နေတဲ့အမှတ်(၂) ပြည်နယ်မဲဆန္ဒနယ်အတွက် ရခိုင်အမျိုးသားပါတီက ဦးမောင်လှမြင့်၊ ရခိုင်ဒီမိုကရေစီအဖွဲ့ချုပ်ပါတီက ဦးသိန်းမောင်၊ အမျိုးသားဒီမိုကရေစီအဖွဲ့ချုပ်ပါတီက ဦးခင်သန်းမောင်နဲ့ တစ်သီးပုဂ္ဂအဖြစ် ဦးတင်မောင်ဝင်းတို့က ယှဉ်ပြိုင်ကြမှာဖြစ်ပါတယ်။

အဲဒီအထဲက တစ်သီးပုဂ္ဂလ ကိုယ်စားလှယ်လောင်း ဦးတင်မောင်ဝင်းဟာ ဒေါက်တာ အေးမောင်ရဲ့သားဖြစ်ပါတယ်။

ကျေးလက်ဒေသတွေမှာ ဒေါက်တာ အေးမောင်အပေါ် ထောက်ခံမှုများတာကြောင့် သားဖြစ်သူ ဦးတင်မောင်ဝင်းနဲ့ ရခိုင်အမျိုးသားပါတီရဲ့ ကိုယ်စားလှယ်လောင်း ဦးမောင်လှမြင့်ဟာ အပြင်းအထန်ယှဉ်ပြိုင်ကြရဖို့ ရှိနေပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ