နေပြည်တော်ကျောက်မျက်ပွဲ ၂၀၁၅ ခုနှစ်ကထက် ရောင်းအား ကျဆင်း

 မြန်မာကျပ်ငွေနဲ့ ရောင်းချတဲ့ နေပြည်တော်ကျောက်မျက်ပြပွဲ

နေပြည်တော်မှာ ကျင်းပခဲ့တဲ့ မြန်မာကျပ်ငွေနဲ့ ရောင်းချတဲ့ ကျောက်မျက်ရောင်းချပွဲမှာ ငွေကျပ်သန်းပေါင်း ၄ သောင်း ၈ ထောင် ကျော်ပဲ ရခဲ့ပြီး ဒါဟာ ပြီးခဲ့တဲ့ ၂၀၁၅ ခုနှစ် ဒီဇင်ဘာလတုန်းက ကျောက်မျက်ရောင်းချပွဲနဲ့ နှိုင်းစာရင် ရောင်းအား ထက်ဝက်နီးပါးလောက် ကျဆင်းခဲ့တာဖြစ်ပါတယ်။

နိုဝင်ဘာလ ၁၄ ရက်နေ့ကနေ ၁၇ ရက်နေ့ထိကျင်းပခဲ့တဲ့ ကျောက်မျက်ရိုင်း နဲ့ ကျောက်စိမ်းအသားကျောက်တွေ ရောင်းချပွဲမှာ ကျပ်ငွေ ၇၉၄ ဒဿမ ၉၀ သန်း တန်ဖိုးရှိတဲ့ ကျောက်မျက်ရိုင်းအတွဲ ၅၀ နဲ့ ကျပ်ငွေ ၄၈၂၉၈ ဒဿမ ၄၉ သန်း တန်ဖိုးရှိတဲ့ ကျောက်စိမ်းအသားကျောက်အတွဲ ၃၁၈၅ တွဲ အပါအဝင် စုစုပေါင်း ငွေကျပ်သန်းပေါင်း ၄ သောင်း ၈ ထောင်ကျော် ရောင်းချနိုင်ခဲ့ပါတယ်။

ဒီပမာဏာဟာ ပြီးခဲ့တဲ့ ၂၀၁၅ ခုနှစ် ဒီဇင်ဘာလမှာ ကျင်းပခဲ့တဲ့ ကျောက်မျက်ရိုင်းနဲ့ကျောက်စိမ်းရောင်းချပွဲမှာ ရောင်းရငွေနဲ့ နှိုင်းစာရင်တော့ ထက်ဝက်နီးပါးလောက် ရောင်းအားကျဆင်းခဲ့တာပါ။

၂၀၁၅ ဒီဇင်ဘာ ကျောက်မျက်ပွဲမှာတော့ ရောင်းရငွေက ကျပ်သန်းပေါင်း ၈ သောင်းကျော် ရှိခဲ့ပါတယ်။

အဲ့ဒီတုန်းက ကျောက်မျက်ပြပွဲမှာ ကျောက်မျက်နဲ့ကျောက်စိမ်း အတွဲပေါင်း စုစုပေါင်း ၇ ထောင်နီးပါးတင်ပြရောင်းချခဲ့ပေမဲ့လည်း အခု နေပြည်တော်က ကျောက်မျက်ပြပွဲမှာတော့ အတွဲပေါင်း ၃ ထောင် ၃ ရာကျော်ပဲ ရောင်းချခဲ့တာ ဖြစ်ပါတယ်။

ဒါ့အပြင် ၂၀၁၇ ခုနှစ် မတ်လတုန်းကမှာ ရောင်းချခဲ့တဲ့ ကျောက်မျက်ပွဲမှာဆိုရင်လည်း ရောင်းရငွေက ကျပ်သန်းပေါင်း ၆ သောင်း ၂ ထောင်နီးပါး ရှိခဲ့ပြီး ဒီနောက်ပိုင်း ကျောက်မျက်ပွဲတွေမှာ ကျောက်စိမ်းရောင်းရငွေက အရင်ကထက် တဖြည်းဖြည်းနည်းလာတယ်ဆိုပြီးတော့ ကျောက်စိမ်းလုပ်ငန်းကော်မတီ အတွင်းရေးမှူး ဦးကျော်ဦးလွင် က ပြောပါတယ်။

၂၀၁၇ ခုနှစ်တုန်းက နေပြည်တော်ကျောက်မျက်ပြပွဲ

နေပြည်တော် ကျောက်မျက်ပြပွဲ စီမံရေးရာလုပ်ငန်းကော်မတီဥက္ကဌ ဦးသန်းဇော်ဦး ကတော့ အခုလို ကျောက်မျက်ပြပွဲတွေမှာ တင်ပြရောင်းချတဲ့ ကျောက်မျက်အတွဲတွေ လျော့နည်း သွားတာဟာ ကျောက်မျက်ဥပဒေကြောင့် ဖြစ်တယ်လို့ သုံးသပ်ပါတယ်။

အစိုးရဟာ ကျောက်မျက်တူးဖော်ရေးနဲ့ဆိုင်တဲ့ဥပဒေကို ၁၉၉၅ ခုနှစ်က စတင်ပြဋ္ဌာန်းခဲ့ပြီး ပြီးခဲ့တဲ့ အစိုးရဆင်းခါနီး ၂၀၁၆ ခုနှစ်မှာ ဒီဥပဒေကို ပြန်လည် ပြင်ဆင်ခဲ့ပါတယ်။

ပြင်ဆင်လိုက်တဲ့ ဥပဒေအရ လက်လုပ်လက်စားနဲ့အသေးစားကျောက်မျက်တူးဖော်ရေးလုပ်ငန်းတွေကို သက်ဆိုင်ရာပြည်နယ် နဲ့ တိုင်းဒေသကြီး အစိုးရတွေက ခွင့်ပြုပေးရမှာ ဖြစ်ပေမယ့် အခုချိန်ထိ တချို့ဒေသတွေက ကျောက်မျက်တူးဖော်ရေးနဲ့လုပ်ပိုင်ခွင့်တင်ပြတာတွေမှာ အခုထိ ခွင့်ပြုချက် ချမပေးတာ ရှိတယ်လို့လည်း ဒေသဆိုင်ရာ လွှတ်တော်ကိုယ်စားလှယ်တချို့က ပြောပါတယ်။

ဒီလိုအခြေအနေတွေကြောင့် နောက်ပိုင်းတွေမှာ ကျင်းပမယ့် ကျောက်မျက်ပြပွဲတွေမှာ တင်ပြရောင်းချမယ့် ကျောက်မျက်နဲ့ကျောက်စိမ်းတွဲတွေရဲ့ အရေအတွက်ဟာ လျော့နည်းနိုင်သလို ရောင်းချလို့ရရှိမယ့် ပမာဏဟာလည်း လျော့နည်းလာနိုင်တယ်လို့ ဘီဘီစီသတင်းထောက်က သုံးသပ်ပါတယ်။

BBC Burmese
https://www.bbc.com