မွတ်စလင်တွေကို မောင်တောတောင်ပိုင်းနဲ့ ရသေ့တောင်မှာ နေရာမချဖို့ ဆန္ဒပြတောင်းဆို

မွတ်စလင်တွေကို မောင်တောတောင်ပိုင်းနဲ့ ရသေ့တောင်မှာ နေရာမချဖို့ ၂ဝ၁၈ ခုနှစ် နိုဝင်ဘာလ ၄ ရက်နေ့က မောင်တောမြို့မှာ ဆန္ဒပြတောင်းဆိုကြစဉ်
ဘင်္ဂလားဒေ့ရ်ှကနေ ပြန်လာမယ့် မွတ်စလင်တွေကို ရခိုင်ပြည်နယ် မောင်တောမြို့နယ် တောင်ပိုင်းနဲ့ ရသေ့တောင်မြို့နယ်တွေမှာ နေရာမချထားဖို့ ဒေသခံ နှစ်ထောင်လောက်က မောင်တောမြို့မှာ ဒီနေ့ ဆန္ဒပြခဲ့ကြပါတယ်။

မွတ်စလင်တွေကို တောင်ဘက်ပိုင်းနေရာတွေမှာ ပြန်လည်နေရာချထားမယ်ဆိုရင် အကြမ်းဖက်မှုတွေ ထပ်မံဖြစ်ပွားလာနိုင်တာကြောင့် သဘောမတူတာလို့ ဆန္ဒပြသူတွေက ပြောပါတယ်။

အဲဒီဒေသတွေမှာ တိုင်းရင်းသားကျေးရွာတွေကိုသာ သီးသန့်ချထားပေးဖို့၊ အကြမ်းဖက်မှုကင်းစင်ပြီး တရားဥပဒေ စိုးမိုးရေး ဆောင်ရွက်ဖို့၊ တရားမဝင်ခိုးဝင်လာသူတွေကို အမြန်ဆုံးဖော်ထုတ်ပေးဖို့ တို့ကိုလည်း တောင်းဆိုခဲ့ကြ ပါတယ်။

ဘင်္ဂလားဒေ့ရ်ှနိုင်ငံကနေ ပြန်လည်ဝင်ရောက်လာကြမယ့် မွတ်စလင်တွေကို မောင်တောမြို့ရဲ့ မြောက်ဘက်ပိုင်းနဲ့ တောင်ဘက်ပိုင်းတွေမှာ ကျေးရွာတွေထူထောင်ပြီး ပြန်လည်နေရာချထားဖို့ အစိုးရက လျာထားတာပါ။

မောင်တော တောင်ဘက်ပိုင်းဟာ ပင်လယ်နဲ့ထိစပ်နေတဲ့ဒေသဖြစ်ပြီး အကြမ်းဖက်သမားတွေ ဝင်ထွက်သွားလာနိုင် တာကြောင့် မွတ်စလင်တွေကို နေရာချထားခြင်းမပြုဖို့ ရခိုင်ပြည်နယ် လွှတ်တော်က အစိုးရကို တိုက်တွန်းထား ပါတယ်။

ဒါပေမဲ့ အစိုးရဘက်ကတော့ ဒေသခံတွေရဲ့ တောင်းဆိုချက်အပေါ် တစ်စုံတစ်ရာ ထုတ်ပြန်ပြောဆိုထားတာ မရှိသေးပါဘူး။

မောင်တောမြို့မှာ နေထိုင်တဲ့ မွတ်စလင်တွေကတော့ ဒီနေ့ ဆန္ဒပြတောင်းဆိုမှုကို သဘောတူလက်ခံတဲ့သူရှိသလို ကန့်ကွက်သူတွေလည်း ရှိပါတယ်။

ဒီဆန္ဒပြပွဲကို ရသေ့တောင်၊ ဘူးသီးတောင်၊ မောင်တောမြို့နယ်တွေက ရခိုင်တိုင်းရင်းသားတွေ စုပေါင်းဆောင်ရွက် ခဲ့ကြတာ ဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ