လဲချားမြို့နယ် ကြားဖြတ်ရွေးကောက်ပွဲ ကျားခေါင်းပါတီ အပြတ်အသတ်အနိုင်ရ

SNLD/ လဲချားမြို့နယ် ကြားဖြတ်ရွေးကောက်ပွဲအနိုင်ရ ပြည်သူ့လွှတ်တော်ကိုယ်စားလှယ် စိုင်းဥက္ကာ ခေါ် စိုင်းကောင်ခမ်း

နိုဝင်ဘာလ ၃ ရက် ၂၀၁၈

ယနေ့နိုဝင်ဘာ ၃ ရက် ၂၀၁၈ ခု တွင်းကျင်းပသော ကြားဖြတ်ရွေးကောက်ပွဲတွင် လဲချားမြို့နယ် ပြည်သူ့လွှတ်တော် ကိုယ်စားလှယ်နေရာအား ကျားခေါင်းပါတီ အမည်ရ SNLD ပါတီက ကျားဖြူပါတီ နှင့် NLD တို့အား မဲအပြတ်အသတ်ဖြင့် အနိုင်ရရှိခဲ့သည်ဟုသိရသည်။

ကျားခေါင်းပါတီ အမတ် စိုင်းဥက္ကာ ခေါ် စိုင်းကောင်ခမ်းက ထောက်ခံမဲ ၈၅၇၅ မဲ၊ ကျားဖြူပါတီ က ၁၆၅၃ မဲ ၊ အမျိုးသားဒီမိုကရေစီအဖွဲ့ချုပ် NLD ပါတီက ၁၀၂၃ မဲ အသီးသီးရရှိကာ ကျားခေါင်းပါတီ က အနိုင်ရရှိခဲ့သည်။

လဲချားမြို့နယ်အတွင်း မဲဆန္ဒရှင် ၄ သောင်းခန့်ရှိသည့်အနက် တသောင်းကျော်က ဆန္ဒမဲပေးခဲ့ကြသည်ဟုသိရသည်။

“ကျနော်တို့ရွေးကောက်ပွဲကော်မရှင်က ဒီနေ့ည အပြီးလုပ်မယ်တဲ့။ မဲက အားလုံးရည်တွက်ပြီးပြီ။ ကော်မရှင် က ထပ်မံစီစစ်နေတာ။ မဲပေးတဲ့သူ အားလုံးကို အထူးကျေးဇူးတင်ပါတယ် ”- ဟု အနိုင်ရရှိခဲ့သည့် စိုင်းဥက္ကာ ကပြောသည်။

ယနေ့ကြားဖြတ်ရွေးကောက် ပြီးမြောက်ခြင်းနှင့်ပတ်သက်၍ ကျားဖြူပါတီ အမတ်လောင်း စိုင်းရွှေဆိုင်း၊ NLD အမတ်လောင်း စိုင်းအောင်ထွန်းလေးတို့အား ဆက်သွယ်သော်လည်း ဆက်သွယ်မှုမရခဲ့ပေ။

လဲချားမြို့နယ်တွင် မဲဆန္ဒရှင် ၃၉၇၆၀ ဦးအနက် ပယ်မဲအပါအ၀င် ဆန္ဒမဲ လာပေးသူ ၁၂၀၀၀ ကျော် သာရှိသည်။ ၂၀၁၅ အထွေထွေရွေးကောက်ပွဲ တုန်းကလည်း ၅၄% သာ လဲချားမဲဆန္ဒရှင်များလာရောက် မဲထည့်ကြသည်။ မန္တလေးတိုင်းဒေသကြီး သျှမ်းတိုင်းရင်းသားရေးရာဝန်ကြီး နေရာအတွက်တွင်မူ NLD ပါတီ က အနိုင်ရဖွယ်ရှိသည်ဟု မန္တလေးသျှမ်းအသိုင်းအ၀ိုင်းများက ပြောဆိုနေကြသည်။

Panglong(Burmese)
သျှမ်းသံတော်ဆင့်၊ ဟွမ်ဟိန်း
https://www.facebook.com/ShanNewsBurmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ