ဘာသာစော်ကားမှု အပေါ်ဆုံးဖြတ်ချက် ပါကစ္စတန်မှာ ပြဿနာတက်

သေဒဏ်ကင်းလွတ်ခွင့်ကို ပြန်လည်ဆိုင်းငံ့ခံထားရသူ ခရစ်ယာန်ဘာသာဝင် ပါကစ္စတန်အမျိုးသမီး Asia Bibi
အစ္စလမ်ဘာသာရဲ့တမန်တော်ကို ပုတ်ခတ်စော်ကားမှုနဲ့စွပ်စွဲခံထားရတဲ့ ခရစ်ယာန်အမျိုးသမီးတဦးနဲ့ ပတ်သက်တဲ့အမှုကို နိုင်ငံတော်တရားရုံးချုပ်က အပြစ်မရှိကြောင်းစီရင်ချက်ချခဲ့တဲ့အတွက် အစ္စလမ်မ ဘတ်မြို့မှာ ဆန္ဒပြမှုတွေဖြစ်ပွါးနေတာ သုံးရက်ရှိနေပါပြီ။

သောကြာနေ့နှောင်းပိုင်းတုန်းကတော့ ပါကစ္စတန်အစိုးရဲ့ ညှိနှိုင်းဖြန်ဖြေရေးအဖွဲ့ တခုရဲ့ဆောင်ရွက် ချက်ကြောင့် အစ္စလာမ်္မစ်အုပ်စုတွေနဲ့ သဘောတူညီမှုတခုရရှိ်ခဲ့ပါတယ်။ တရားရုံးက အယူခံကိုကြားနာ နေတဲ့ ကာလအတွင်း ပါကစ္စတန်နိုင်ငံကနေ အဲဒီခရစ်ယန်အမျိုးသမီး မထွက်ခွါသွားရေး ဥပဒေအရ တားမြစ်ရေးကိုဆောင်ရွက်ဖို့ အစိုးရကသဘောတူညီခဲ့တာပါ။

TLYR အစ္စလာမ်္မစ်အုပ်စုဝင်တွေက နိုင်ငံတ၀ှမ်းကမြို့ကြီးတွေရဲ့လမ်းမတွေကို ပိတ်ဆို့ခဲ့ကြပြီး ရဲတွေနဲ့လည်း တညလုံး ပဋိပက္ခတွေဖြစ်ခဲ့ကြတာပါ။ Asia Bibi ဆိုတဲ့ခရစ်ယာန်အမျိုးသမီးရဲ့အမှုမှာ အပြစ်မရှိကြောင်း နိုင်ငံတော် တရားရုံးကဆုံးဖြတ်ခဲ့ပြီးနောက်ပိုင်း ဗုဒ္ဓဟူးနေ့ကတည်းက ဆန္ဒပြပွဲတွေစ တင်ခဲ့တာပါ။

အငြင်းပွါးစရာဖြစ်နေတဲ့ ပါကစ္စတန်နိုင်ငံရဲ့ ဘာသာရေးစော်ကားမှုဆိုင်ရာဥပဒေအရ Asia Bibi ဟာ ၂၀၁၀ ခုနှစ်ကတည်းက သေဒဏ် အပြစ်ပေးမှုနဲ့ရင်ဆိုင်နေရတာပါ။ သူ့ကို ရေတိုက်တာကို ခရစ်ယာန်ဖြစ်တာကြောင့် ငြင်းခဲ့ရာက တခြားအမျိုးသမီးတွေနဲ့ အငြင်းအခုန်ဖြစ်ခဲ့ကြပြီးနောက်ပိုင်း သူဟာမဟုတ်မမှန်စွပ်စွဲခံခဲ့ရတယ်လို့ Asia Bibi ကပြောပါတယ်။

မနေ့တုန်းကလည်း တခြားဘာသာရေးအုပ်စုတွေရဲ့ဆန္ဒပြမှုတွေရှိခဲ့တယ်ဆိုပေမဲ့လည်း ငြိမ်းငြိမ်းချမ်းချမ်း ရှိခဲ့ပါ တယ်။ ဆန္ဒပြမှုတွေကိုတော့ ရုပ်မြင်သံကြားတွေကနေမထုတ်လွှင့်ဖို့ ပါကစ္စတန်အစိုးရက တားမြစ်ထား ပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ