ကယ်လီဖိုနီးယားပစ်ခတ်မှု ၁၂ ထက်မနည်းသေဆုံး


ကယ်လီဖိုးနီးယားပြည်နယ် တောင်ပိုင်းက ဘားဆိုင်တခုမှာ မနေ့ညပိုင်းက သေနတ်သမားတဦးရဲ့ ပစ်ခတ်မှုကြောင့် ရဲတပ်ဖွဲ့ဝင်တဦး အပါအ၀င် လူ ၁၂ ယောက် သေဆုံးခဲ့ကြောင်း အာဏာပိုင်တွေက ပြောပါတယ်။

ကယ်လီဖိုးနီးယားပြည်နယ် Los Angeles မြို့ကနေ အနောက်ဖက် မိုင် ၄၀ လောက်အကွာမှာရှိတဲ့ Thousand Oaks မြို့က ပစ်ခတ်မှုဖြစ်ရာကို ပထမဆုံး ရောက်ရှိသွားတဲ့ ရဲတပ်ဖွဲ့ဝင်တွေထဲက တယောက်ဟာ သေနတ်သမားနဲ့ ရင်ဆိုင်ဖို့ ဆိုင်ထဲဝင်သွားတဲ့ အချိန်မှာပဲ အပစ်ခံခဲ့ရကြောင်းလည်း Ventura ခရိုင် ဒေသခံရဲတပ်ဖွဲ့ အကြီးအကဲ Geoff Dean က ပြောဆိုခဲ့တာပါ။

အသက် ၂၉ နှစ်အရွယ် တပ်ကြပ်ကြီး Ron Helus ဟာ ပစ်ခတ်ခံခဲ့ရတဲ့ ဒဏ်ရာနဲ့ ဒီနေ့အစောပိုင်းမှာပဲ ဆေးရုံမှာ သေဆုံးသွားခဲ့တယ်လို့လည်း ပြောပါတယ်။ ပစ်ခတ်မှုအတွင်း ထိခိုက်ဒဏ်ရာရသူတွေ ရှိပေမဲ့ ဆေးရုံကို သယ်သွားတဲ့အတွက် ကိန်းဂဏန်း အတိအကျ မသိရကြောင်းလည်း ပြောဆိုခဲ့တာပါ။

ဆိုးရွားလှတဲ့ ဒီလိုဖြစ်ရပ်တွေဟာ နိုင်ငံအနှံ့ ဖြစ်ပွားနေပြီး၊ ဘာကြောင့် ဖြစ်ရတယ်ဆိုတာကို စဉ်းစားဖို့ မလွယ်လောက်အောင် ဖြစ်နေရတဲ့အကြောင်းလည်း ဒေသခံရဲတပ်ဖွဲ့ အကြီးအကဲက သတင်းထောက်တွေကို ပြောဆိုခဲ့ပါတယ်။ စုံစမ်းစစ်ဆေးသူတွေကတော့ သေနတ်သမားနဲ့ ပစ်ခတ်မှု ကျုးလွန်ရတဲ့ အကြောင်းရင်းကို ဖော်ထုတ်နိုင်ဖို့ ပြည်ထောင်စု စုံစမ်းစစ်ဆေးရေးဗျုရို (FBI) ရဲ့ အကူအညီနဲ့ ကြိုးပမ်းနေကြပါတယ်။

သမ္မတ Donald Trump ကလည်း ပစ်ခတ်မှုနဲ့ ပတ်သက်လို့ သူ့ကို အပြည့်အ၀ အစီရင်ခံတင်ပြထားကြောင်း ဒီနေ့ပဲ Twitter လူမှုကွန်ယက်ကနေ ပြောဆိုခဲ့တာပါ။ ပစ်ခတ်မှုကို တုံ့ပြန်ခဲ့ကြတဲ့ လုံခြုံရေးတပ်ဖွဲ့ဝင်တွေကိုလည်း ချီးကျုးစကား ပြောဆိုခဲ့သလို၊ ထိခိုက်သေဆုံးသူတွေနဲ့ မိသားစုတွေကိုလည်း ဆုတောင်းစကား ပြောကြားခဲ့တာပါ။ ဆိုင်ထဲမှာ သေနတ်ဒဏ်ရာနဲ့ သေဆုံးနေတဲ့ သေနတ်သမားကို တွေ့ခဲ့ရကြောင်း ရဲတပ်ဖွဲ့အကြီးအကဲက ပြောဆိုခဲ့ပေမဲ့၊ ဘယ်သူ့လက်ချက်နဲ့ သေဆုံးတာလည်း ဆိုတာတော့ ရှင်းရှင်းလင်းလင်း မသိရသေးကြောင်းလည်း ပြောပါတယ်။ မျက်မြင်ကိုယ်တွေ့ ကြုံခဲ့ရသူတွေကတော့ ပစ်ခတ်မှု ဖြစ်ချိန်မှာ ထိတ်လန့်တကြား ပြေးလွှားပုန်းအောင်းခဲ့ကြရကြောင်း ပြောဆိုထားကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ