ရန်ကုန် ၂၀ နိုဝင်ဘာ
ရန်ကုန်တိုင်းဒေသကြီးရဲတပ်ဖွဲ့မှူး၏ ညွှန်ကြားချက်ဖြင့် ရန်ကုန်တိုင်းဒေသကြီးရဲတပ်ဖွဲ့မှူးရုံး၊ အုပ်ချုပ်မှုဌာနခွဲမှ ရဲတပ်ဖွဲ့ဝင်များသည် လှိုင်သာယာမြို့မရဲစခန်းမှ ရဲတပ်ဖွဲ့ဝင်များနှင့်အတူ နိုဝင်ဘာ ၁၇ ရက်က လှိုင်သာယာမြို့နယ်၊ ဗိုလ်အောင်ကျော်လမ်းမပေါ်တွင် ဇော်နောင်ထက်(၂၃)နှစ်၊ ထက်ထက်နိုင် (ခ)ထက်ထက်(၂၄)နှစ်၊ မိုးထက်(ခ) အောင်ပု(၂၂)နှစ်တို့အား CANDA CZI ဆိုင်ကယ်(၁)စီးနှင့်အတူ မသင်္ကာတွေ့ရှိ၍ စစ်ဆေးမေးမြန်းရာ အဆိုပါ ဆိုင်ကယ်အား နိုဝင်ဘာ ၁၆ ရက် ည ၁၁ နာရီခန့်က လှိုင်သာယာမြို့နယ် (၅)ရပ်ကွက် အတွင်း ရပ်ထားသည့် ဆိုင်ကယ်အား ခိုးယူခဲ့ကြောင်း၊ ၎င်းတို့(၃)ဦးအပြင် ဝေစိုး(ခ)ဝေအ(ခ)ဖြိုးလေးပါ ပါဝင်ကြောင်း ပေါ်ပေါက်ချက်အရ လိုက်လံစမ်းစုံရာ နိုဝင်ဘာ ၁၈ ရက် ညနေ ၅ နာရီတွင် ပီမိုးနင်းလမ်းပေါ်မှ ဝေစိုး(ခ)ဝေအ (ခ)ဖြိုးလေး(၂၃)နှစ် အား ဖမ်းဆီးရမိခဲ့ကြောင်း သိရသည်။
ဖမ်းဆီးရမိသည့် ပြစ်မှုကျူးလွန်သူ လေးဦးအား ခိုးမှုများနှင့် တိုက်ဆိုင်စစ်ဆေးရာ ထက်ထက်နိုင်(ခ)ထက်ထက်နှင့် ဝေစိုး(ခ)ဝေအ(ခ)ဖြိုးလေးတို့သည် နိုဝင်ဘာ ၉ ရက် ညပိုင်းက တွံတေးမြို့နယ်၊ တွံတေးလမ်းမကြီးတွင် ရပ်ထားသည့် BOBO CZI -125 ဆိုင်ကယ် တစ်စီး၊ နိုဝင်ဘာ ၁၅ ရက် ည ၈ နာရီခန့်က တွံတေးလမ်းမကြီးတွင် ရပ်ထားသည့် Feeling 125 ဆိုင်ကယ် တစ်စီး၊ နိုဝင်ဘာ ၁၂ ရက် ည ၉ နာရီခန့်က တွံတေးလမ်းမကြီးပေါ် ရပ်ထားသည့် KENBO 125 ဆိုင်ကယ် တစ်စီးတို့အား ခိုးယူခဲ့ကြောင်း စစ်ဆေးပေါ်ပေါက်ခဲ့သည်။
စစ်ဆေးပေါ်ပေါက်ချက်အရ သက်သေခံပစ္စည်းများ ပြန်လည်သိမ်းဆည်းနိုင်ခဲ့ကာ ပြစ်မှုကျူးလွန်သူ လေးဦးအား ဥပဒေနှင့်အညီအရေးယူဆောင်ရွက်လျက်ရှိကြောင်း သတင်းရရှိသည်။
ရန်ကုန်တိုင်းဒေသကြီးရဲတပ်ဖွဲ့
Myanmar Digital News
https://www.facebook.com/pg/MyanmarDigitalNews
မသင်္ကာသူ လေးဦးအား စစ်ဆေးရာမှ ဆိုင်ကယ် လေးစီးခိုးမှု ဖော်ထုတ်နိုင်ခဲ့
Reviewed by THITHTOOLWIN
on
08:53
Rating: