အလှူအိမ်တွင်ကျွေးသည့်အစားအစာများ စားပြီး လူ ၈၀ ကျော် အစာအဆိပ်သင့်မှုဖြစ်ပွား


သထုံ နိုဝင်ဘာ ၂

မွန်ပြည်နယ်၊သထုံမြို့နယ်၊ သုဝဏ္ဏဝတီမြို့၊ သိမ်ဆိပ်ရပ်ကွက်တွင် နိုဝင်ဘာလ ၂ ရက်၊ မွန်းလွဲပိုင်းက မွေးနေ့အလှူပွဲတစ်ခုမှ ဧည့်ခံသည့် အစားအစာများ စားသောက်ရာမှ လူ ၈၀ ကျော်ခန့် အစာအဆိပ်သင့်မှု ဖြစ်ပွားခဲ့ကြောင်း သိရသည်။

သိမ်ဆိပ်ရပ်ကွက်၊ မင်းလမ်းတွင် နံနက် ၁၀ နာရီခွဲခန့်က ပြုလုပ်သည့် ကလေးမွေးနေ့အလှူတစ်ခုမှ ဧည့်ခံကျွေးမွေးသည့် ခေါက်ဆွဲကြော်၊ ရေခဲမုန့်၊ ပဲကြမ်းကြော်၊ လဖက်သုပ်များစားသောက် သူများ မွန်းလွဲ ၁ နာရီခွဲခန့်မှစတင်ကာအော့အန်မူးဝေ၍ သိမ်ဆိပ် တိုက်နယ်ဆေးရုံသို့အရေးပေါ်လာရောက်ပို့ဆောင်ကုသကြရာ ကလေးလူကြီး စုစုပေါင်း ၈၀ ကျော်ခန့်ရှိပြီဖြစ်ကြောင်း မြို့နယ်ကျန်းမာရေးဌာနမှ တာဝန်ရိသူတစ်ဦး၏ ပြေကြားချက်အရ သိရသည်။

`ဒီမှာ စောင့်ကြည့် ကုသပေးနေသလို သထုံခရိုင်ဆေးရုံကြီးကို လည်း တစ်ချို့ခွဲပို့ပြီး စောင့်ကြည့်ကုသနေပါတယ်၊ စိုးရိမ်ရတဲ့အနေအထားရှိသူမတွေ့သေးပါဘူးအစားအစာတွေ
ကိုတော့ ဓာတ်ခွဲစစ်ဆေးဖို့ ရန်ကုန်ကိုချက်ချင်းပို့ထားပါတယ်´ ဟု သထုံမြို့နယ်ပြည်သူ့ကျန်းမာရေး ဦးစီးဌာနမှူး ဦးစိုးအောင်က ပြောသည်။

အဆိုပါ ဖြစ်ပွားရာသို့ သထုံခရိုင်အုပ်ချုပ်ရေးမှူး ဦးမျိုးမင်းထွန်း၊ မြို့နယ်အုပ်ချုပ်ရေးမှူး ဦးသိန်းဝင်း၊ ခရိုင်ပြည်သူ့ကျန်းမာရေး ဦးစီးဌာနမှူးဒေါက်တာဒေါ်သင်းသင်းအိ နှင့်သက်ဆိုင်ရာတာဝန်ရှိ သူများ၊ရဲတပ်ဖွဲ့ဝင်များ၊ လူမူကူညီရေးအသင်းများကလိုအပ်သည် များကိုကူညီဆောင်ရွက်ပေးနေကြကြောင်း သိရသည်။

သက်ဦး(သထုံ)
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ