နိုင်ငံခြားဘဏ်ခွဲတွေကို ချေးငွေဖြည့်ဆည်းမှု နဲ့ ဘဏ်လုပ်ငန်းဝန်ဆောင်မှုတွေ တိုးပေး

 မြန်မာနိုင်ငံ ဗဟိုဘဏ်
နိုင်ငံခြားဘဏ်ခွဲတွေ အနေနဲ့ မြန်မာပြည်မှာ ပြည်တွင်းဘဏ်တွေနည်းတူ ပြည်တွင်းစီးပွားရေး လုပ်ငန်းတွေကို ချေးငွေ ဖြည့်ဆည်းမှုနဲ့ အခြား ဘဏ်လုပ်ငန်း ဝန်ဆောင်မှုတွေ လုပ်ခွင့်ပြုလိုက်ပြီ ဖြစ်တယ်လို့ ဗဟိုဘဏ်က ထုတ်ပြန်ကြေညာလိုက်ပါတယ်။

အရင်ကတော့ နိုင်ငံခြားဘဏ်တွေဟာ နိုင်ငံခြားကုမ္ပဏီတွေ နဲ့ လုပ်ငန်းတွေလုပ်ဆောင်တာ၊ ပို့ကုန်ကိစ္စနဲ့ ပတ်သက်တာတွေမှာပဲ ဘဏ္ဍာရေးဝန်ဆောင်မှု ပေးနိုင်ခဲ့တာ ဖြစ်ပါတယ်။

အခုတော့ လုပ်ငန်းဝန်ဆောင်မှုတွေ ပိုမို ခွင့်ပြုလိုက်တဲ့အတွက် ဒီအပြောင်းအလဲက ပြည်တွင်းလုပ်ငန်းရှင်တွေအတွက် ကောင်းသတင်းမို့ စီးပွားရေး အသိုင်းအဝိုင်းကသာမက ပြည်တွင်းဘဏ်လုပ်ငန်းတွေကလည်း ကြိုဆိုကြပါတယ်။

ဗဟိုဘဏ် ရဲ့ နိုင်ငံခြားဘဏ် လုပ်ပိုင်ခွင့် ချဲ့ထွင်ပေးလိုက်တဲ့ ခြေလှမ်းနဲ့ ပတ်သက်လို့ ကမ္ဘောဇဘဏ်ဒုတိယ အမှုဆောင် အရာရှိချုပ် ဦးအောင်ကျော်မျိုးကလည်း 'အခု လုပ်ကိုင်ခွင့် ရသွားတာကတော့ နိုင်ငံခြားဘဏ်တွေအနေနဲ့ ပြည်တွင်းမှာရှိတဲ့ ကုမ္ပဏီလုပ်ငန်းရှင်တွေကို ငွေချေးခွင့်ရသွားသလို လုပ်ငန်းရှင်တွေကလည်း ချေးငွေရရှိဖို့ အခွင့်လမ်းကောင်း ရသွားတယ်' လို့ သူ့ရဲ့အမြင်ကို ပြောပါတယ်။

လောလောဆယ်မှာတော့ နိုင်ငံခြားဘဏ်ခွဲတွေကို ချေးငွေဖြည့်ဆည်းမှု ပိုမိုခွင့်ပြုပေးလိုက်တယ် ဆိုပေမယ့် ဘယ်လောက်အထိ လုပ်ခွင့်ပေးမလဲ ဆိုတာတော့ ဗဟိုဘဏ်ရဲ့ ထုတ်ပြန်ချက်မှာ တိတိပပ ဖော်ပြမထားပါဘူး။

ကမ္ဘောဇဘဏ်ဒုတိယ အမှုဆောင် အရာရှိချုပ် ဦးအောင်ကျော်မျိုးက 'ပြည်တွင်းဘဏ်ပဲဖြစ်ဖြစ် ပြည်ပဘဏ်ပဲ ဖြစ်ဖြစ် ငွေချေးမယ်ဆိုရင် လိုအပ်တဲ့မူဝါဒ ရှိပြီးသား ဖြစ်ပေမယ့် အခု နိုင်ငံခြားဘဏ်တွေကို လုပ်ကိုင်ခွင့် ပိုပေးတဲ့အပေါ် ဗဟိုဘဏ်အနေနဲ့ အသေးစိတ်အချက်အလက်တွေ ထုတ်ပြန်ဖို့ လိုတယ်'လို့ ပြောပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ