ဆော်ဒီသတင်းစာဆရာ အသတ်ခံရမှုအပေါ် အမေရိကန်တုံ့ပြန်မှု ရည်းစားဖြစ်သူဝေဖန်

သတ်ဖြတ်ခံရသူ ဆော်ဒီသတင်းထောက် Jamal Khashoggi ရဲ့ချစ်သူ Hatice Cengiz
ဆော်ဒီသတင်းစာဆရာ Jamal Khashoggi သတ်ဖြတ်ခံရမှုအပေါ် အမေရိကန်အစိုးရရဲ့ တုံ့ပြန်ပုံဟာ ကိုယ်ကျင့်သိက္ခာအခြေခံတွေ ကင်းမဲ့နေကြောင်း ရည်းစားဖြစ်သူက ဝေဖန်လိုက်ပါတယ်။

သတ်ဖြတ်မှုမှာ တာဝန်ရှိသူတွေကို တရားဥပဒေရှေ့မှောက် အရောက်ပို့နိုင်အောင် နိုင်ငံတွေ အားလုံး ထဲမှာ အမေရိကန်က ဦးဆောင်သင့်ကြောင်း သတင်းစာဆရာ Khashoggi ရဲ့ ချစ်သူဖြစ် တဲ့ Hatice Cengiz က ဒီနေ့ထုတ် Washington Post သတင်းစာရဲ့ သဘောထားအမြင် ဆောင်းပါးမှာ ရေးသား လိုက်တာပါ။ ဒါပေမဲ့လည်း ၀ါရှင်တန်က တချို့လူတွေဟာ အချိန်ဆွဲတဲ့ နည်းဗျုဟာကိုသုံးပြီး မေ့မေ့ပျောက်ပျောက် ဖြစ်ဖို့ မျှော်လင့်နေကြောင်းလည်း ပြောဆိုထားပါတယ်။

Khashoggi သေဆုံးမှုအတွက် တရားမျှတမှုရရှိစေရေး သမ္မတ Donald Trump အစိုးရကို ဆက်လက် တွန်းအားပေးသွားမှာဖြစ်ပြီး အမှန်တရားကို ဖုံးကွယ်လို့ မရနိုင်ကြောင်းလည်း ဖော်ပြ ထားပါတယ်။ New York Times သတင်းစာကတော့ အမေရိကန်သမ္မတ အိမ်ဖြူတော် တာဝန် ရှိသူတွေ အောက်တို ဘာလ ၉ ရက်နေ့က ဆော်ဒီအိမ်ရှေ့မင်းသား Mohammed bin Salman နဲ့ တယ်လီဖုန်းဆက် စကားပြောဆိုရာမှာ အိမ်ရှေ့မင်းသားက Khashoggi ကို အန္တရာယ်ရှိသူ အစ္စလာမ်ဝါဒီတဦးအဖြစ် သဘောထားတဲ့အတွက် ဒါဟာ သတ်ဖြတ်ခဲ့တဲ့အကြောင်းရင်း ဖြစ်နိုင်တယ် ဆိုတာကို သိရှိထားပြီး ဖြစ်တဲ့အကြောင်း နီးစပ်သူ ၂ ဦးကို ကိုးကားပြီး ဒီကနေ့ပဲ ဖော်ပြခဲ့တာပါ။

ဒါပေမဲ့လည်း အရှေ့အလယ်ပိုင်း ဒေသရေးရာ မူဝါဒတွေမှာ ဆော်ဒီအိမ်ရှေ့မင်းသားကို အဓိက ဦးဆောင်သူအဖြစ် အားထားနေတဲ့အတွက် သူ့သြဇာအရှိန်အ၀ါကို အထိခိုက်မခံဖို့ သမ္မတ Trump အစိုးရက ဆုံးဖြတ်ခဲ့တယ်လို့လည်း ရေးသားထားပါတယ်။ အမေရိကန်မှာ အခြေစိုက်နေထိုင်တဲ့ ဆော်ဒီသတင်းစာဆရာ Khashoggi ဟာ ပြီးခဲ့တဲ့လထဲမှာပဲ တူရကီနိုင်ငံ အီစတန်ဘူလ်မြို့က ဆော်ဒီကောင်စစ်ဝန်ရုံးမှာ လက်ထပ်ဖို့ လိုအပ်တဲ့ အထောက်အထားတွေရဖို့ သွားရောက်ခဲ့ပြီးနောက် ပျောက်ဆုံးသွားခဲ့တာ ဖြစ်ပါတယ်။

 ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ