ရိုဟင်ဂျာလူငယ်တစ်ဦး သေနတ်နဲ့ ပစ်ခံရတယ်ဆိုတာ သတင်းမှားဖြစ်ကြောင်း မြန်မာသံရုံး ထုတ်ပြန်

ရခိုင်ပြည်နယ် နယ်စပ်ခြံစည်းရိုးမှာ လုံခြုံရေးယူနေတဲ့ ရဲသားတစ်ဦးကို တွေ့ရစဉ်
အသက် ၁၅ နှစ်အရွယ် ရိုဟင်ဂျာလူငယ်တစ်ဦးကို မြန်မာဘက်က သေနတ်နဲ့ ပစ်ခတ်ခဲ့တယ်ဆိုတဲ့ ဘင်္ဂလား နယ်ခြားစောင့်တပ် ပြောရေးဆိုခွင့်ရှိသူရဲ့ ပြောကြားချက်ကို ကိုးကားပြီး AFP က ဖော်ပြခဲ့တဲ့ သတင်းဟာ မှားယွင်းကြောင်း ဒါကာမြို့မှာရှိတဲ့ မြန်မာသံရုံးက ဒီနေ့ သတင်းထုတ်ပြန်လိုက်ပါတယ်။

မြန်မာနိုင်ငံဘက်က ပစ်ခတ်ခဲ့ခြင်း မရှိကြောင်း၊ အဲဒီကိစ္စနဲ့ပတ်သက်လို့ ဘင်္ဂလားဒေ့ရှ် နယ်ခြားစောင့်တပ် BGB ဘက်ကလည်း ကန့်ကွက်စာပေးပို့လာခြင်း မရှိကြောင်း ကြေညာချက်မှာ ဖော်ပြထားပါတယ်။

အဲဒီသတင်းဟာ မကြာမီကာလအတွင်း စတင်တော့မယ့် နေရပ်စွန့်ခွာဒုက္ခသည်တွေကို ပြန်လည်လက်ခံရေး လုပ်ငန်းစဉ် နှောင့်နှေးကြန့်ကြာအောင် ပြုလုပ်တာဖြစ်တယ်လို့လည်း မြန်မာသံရုံးက စွပ်စွဲလိုက်ပါတယ်။

ဒါ့အပြင် မြန်မာဘက်မှာ နေရပ်ပြန်လာမယ့် ဒုက္ခသည်တွေအတွက် လုံခြုံစိတ်ချဘေးကင်းတဲ့ အနေအထား မရှိသေးဘူးဆိုပြီး အထင်မှားစေလိုတဲ့ ရည်ရွယ်ချက်နဲ့ မဟုတ်မမှန် လုပ်ကြံဇာတ်လမ်းဆင် ဖော်ပြတာလို့လည်း သတင်းထုတ်ပြန်ခဲ့ပါတယ်။

နွားကျောင်းနေတဲ့ ရိုဟင်ဂျာလူငယ်တစ်ဦးကို မြန်မာနိုင်ငံ ရေမောင်ခလီ လုံခြုံရေးစခန်းဘက်က သေနတ်နဲ့ ၁၇ ချက် ပစ်ခတ်ခဲ့တယ်ဆိုပြီး AFP သတင်းဌာနရဲ့ သတင်းကို နိုဝင်ဘာ ၅ ရက်နေ့က Daily Star သတင်းစာမှာ ထပ်ဆင့်ဖော်ပြခဲ့တာဖြစ်ပါတယ်။

ဒီသတင်းကို RFA သတင်းထောက် မဇင်မာဝင်း ပေးပို့ထားတာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ