ဈေးရုံမှာ နို့လှန်တိုက်တာ တားခံရတဲ့ ကိစ္စ အုတ်အော်သောင်းတင်း ဖြစ်

အိန္ဒိယနိုင်ငံမှာ ကလေးမိခင်တွေ လူမြင်ကွင်းမှာ နို့တိုက်တာ အဆန်းတော့ မဟုတ်ပါဘူး။
အိန္ဒိယနိုင်ငံ အရှေ့ပိုင်း ကိုလ်ကတ္တားမြို့က ဈေးရုံကြီးတခုမှာ ရင်သွေးငယ်ကို မိခင်နို့တိုက်ကျွေးခွင့် တားမြစ်ခံခဲ့ရတဲ့ ကိစ္စနဲ့ ပတ်သက်လို့ လူမှုကွန်ရက်ပေါ်မှာ အပြန်အလှန် ရေးသားခဲ့ရာကနေ အုတ်အော်သောင်းတင်း ဖြစ်သွားခဲ့ပါတယ်။

အဘီလာရှာ အာရပ် ဒက်စ်အာဒီကာရီ ဆိုတဲ့ အမျိုးသမီးက ဈေးရုံကြီးထဲမှာ သူ့ကလေးကို နို့လှန်တိုက်ဖို့ လုပ်နေတာကို ဈေးရုံ အာဏာပိုင်တွေက လာတားမြစ်ခဲ့ပြီး အိမ်သာထဲမှာ နို့သွားတိုက်လို့ လာပြောခဲ့တယ် ဆိုတဲ့အကြောင်း ဈေးရုံရဲ့ ဖေ့စ်ဘွတ်ပေါ်မှာ အရင် ရေးခဲ့တာပါ။

အဲဒီဈေးရုံမှာ ကလေးနို့တိုက်ဖို့ နေရာ ရယ်လို့ သတ်သတ်မှတ်မှတ် ထားထားတာမျိုး မရှိဘူးလို့ သူက မကျေမနပ် ပြောထားပါတယ်။

ဒါကို ဈေးရုံ မန်နေဂျာက ကလေးနို့တိုက်တဲ့ အလုပ်ဟာ ကိုယ့်အိမ်မှာ ကိုယ်အပြီး လုပ်ရမယ့် ကိစ္စမျိုး ဖြစ်တယ်။ အစီအစဉ် ချပြီး ကလေးကို အိမ်မှာသာ နို့ကြိုတိုက်ခဲ့ရင် အပြင်မှာ ရုတ်တရက် နို့လှန်တိုက်စရာ လိုမှာ မဟုတ်ဘူးလို့ တုံ့ပြန် ရေးခဲ့ရာကနေ ဝေဖန်သံတွေ ဆူဆူညံညံ ပေါ်ထွက်လာခဲ့တာပါ။

အဲဒီနောက်မှာတော့ အဲဒီ တုံ့ပြန် ရေးသားချက်တွေကို ပြန်ဖျက်လိုက်တာ တွေ့ရပါတယ်။

ဒါပေမယ့် လူတွေက ဓာတ်ပုံရိုက်ပြီး အချင်းချင်း ပြန်ဖြန့်ခဲ့ကြတာမို့ လူတွေအကြား ဒီအကြောင်း ပျံ့နှံ့သွားခဲ့ပြီး ဖြစ်ပါတယ်။
ဂရီဟာလက်ရ်ှမီး မဂ္ဂဇင်းပါ မျက်နှာဖုံးပုံကြောင့် လူမှုကွန်ရက်ပေါ်မှာ ဝေဖန်သံတွေ ဆူဆူညံညံ ပေါ်ထွက်ခဲ့
ဈေးရုံ အာဏာပိုင်တွေက ဒီကိစ္စအတွက် ပြန်တောင်းပန်ခဲ့ပြီး ဖေ့စ်ဘုတ်ပေါ်က တုံ့ပြန် ရေးသားချက်ဟာ သူတို့ရဲ့ ခွင့်ပြုချက် မပါဘဲ ရေးခဲ့တာလို့ ပြန်ဖြေရှင်းခဲ့ပါတယ်။

သူတို့ ဈေးရုံက အထပ်တိုင်းမှာ ကလေးနို့တိုက် အနှီးလဲဖို့ အခန်း ထားထားပေးပါတယ်လို့လည်း ဆိုပါတယ်။

ဒါပေမယ့်လည်း ကလေးမိခင် အတော်များများကတော့ ဈေးရုံတွေမှာ သူတို့ကလေးတွေကို နို့တိုက်ဖို့ နေရာ အခက်အခဲ ရှိပုံတွေကို တုံ့ပြန် ရေးခဲ့ကြပါတယ်။

မိခင် တဦးက ဆိုရင် ကလေး ကိစ္စဟာ အိမ်မှာပဲ လုပ်ရတဲ့ အလုပ် မဟုတ်ဘူး။ ကလေး အသက်ရှင်အောင် လိုတဲ့အချိန် နို့ချို တိုက်ကျွေးရမှာပဲလို့ ဒေါသတကြီး တုံ့ပြန် ရေးထားပါတယ်။

နောက်တယောက်ကလည်း ကိုယ့်ကလေးကို အိမ်မှာ နို့တိုက်ပြီးမှ ကလေးအမေတွေကို ဈေးရုံမှာ ဈေးဝယ်ခွင့် ပြုမှာလားလို့ မေးခွန်းထုတ်ထားပါတယ်။

အိန္ဒိယနိုင်ငံမှာ ဆာရီဝတ် အမျိုးသမီးအတော်များများဟာ လူမြင်ကွင်းမှာ နို့တိုက်တဲ့အခါသူတို့ရဲ့ ဆာရီကို အကာအကွယ် ယူပြီး နို့တိုက်လေ့ ရှိပါတယ်။

လူဦးရေ တဘီလျံခွဲ နီးပါး ရှိတဲ့ အိန္ဒိယ နိုင်ငံမှာ အများသွားလာတဲ့ နေရာတွေ၊ ဆောက်လုပ်ရေး နေရာတွေ၊ လမ်းဘေးတွေမှာ မိခင်တွေ နို့တိုက်တဲ့ မြင်ကွင်းဟာ အဆန်းတော့ မဟုတ်ပါဘူး။

ဒါပေမယ့် လူမြင်ကွင်းမှာ မိခင် နို့တိုက်တဲ့ ကိစ္စကတော့ ကမ္ဘာတဝန်းမှာ အငြင်းပွားစရာ ကိစ္စတရပ် အဖြစ် ရှိနေဆဲပါ။

အခုနှစ် အစောပိုင်းတုန်းက မော်ဒယ် အမျိုးသမီး တဦး ကလေးနို့တိုက်နေတဲ့ ပုံကို အိန္ဒိယ မဂ္ဂဇင်း တခုရဲ့ မျက်နှာဖုံးမှာ ဖော်ပြခဲ့ရာမှာ မတူကွဲပြားတဲ့ တုံ့ပြန် ဝေဖန်သံတွေ အများအပြား ထွက်ပေါ်ခဲ့ပါတယ်။

BBC Burmese
https://www.bbc.com/burmese

အသက် ၁၈ နှစ်မပြည့်ခင် လက်ထပ်နိုင်တဲ့ ကလေးသူငယ်ဆိုင်ရာ ဥပဒေကြမ်းပါ အချက်ကို ကန့်ကွက်နေကြ

အသက် ၁၈ နှစ်မပြည့်ခင် လက်ထပ်နိုင်တဲ့ ဥပဒေကြမ်းကို ကန့်ကွက်နေကြ
ကလေးသူငယ် အခွင့်အရေးများဆိုင်ရာ ဥပဒေကို ပြင်ဆင်တဲ့ ဥပဒေကြမ်းကို ပြည်သူ့လွှတ်တော်မှာ ဆွေးနွေးအတည်ပြုရာမှာ လက်ထပ်ထိမ်းမြားခြင်း ဆိုင်ရာ အချက်မှာတော့ လက်ထပ်ဖို့ ပဋိဉာဉ် ပြုနိုင်တဲ့ အသက်အရွယ်က ၁၈ နှစ်ပြည့်ပြီးဖြစ်ရမယ် ဆိုတဲ့ အချက်ကို ဖြုတ်ဖို့ ပြည်သူ့လွှတ်တော်က ဆုံးဖြတ်လိုက်ပါတယ်။

ကလေးသူငယ် အခွင့်အရေးများဆိုင်ရာ ဥပဒေဟာ ကလေးသူငယ်တွေအပေါ် ကန့်သတ်ထားချက်၊ ကလေးသူငယ်တွေရဲ့ ဂုဏ်သိက္ခာနဲ့ ရပိုင်ခွင့် အခွင့်အရေးတွေကို ရရှိစေဖို့အတွက် ပြဌာန်းထားတဲ့ ဥပဒေဖြစ်ပါတယ်။

ဒီဥပဒေကြမ်း ပုဒ်မ ၂၃ မှာ အမျိုးသားနဲ့ အမျိုးသမီးတို့ရဲ့ ထိမ်းမြားလက်ထပ်နိုင်တဲ့ အသက်ဟာ သက်ဆိုင်ရာ တည်ဆဲဥပဒေနဲ့ ဓလေ့ထုံးတမ်း ဥပဒေတွေမှာ သတ်မှတ်တဲ့အတိုင်း ဖြစ်စေရမယ်လို့ ဆိုပါတယ်။

ဒါ့အပြင် ထိမ်းမြားလက်ထပ်ရာမှာ စာချုပ်ချုပ်ဆို လက်ထပ်မယ်ဆိုရင် ပဋိဉာဉ် ပြုနိုင်တဲ့ အသက်ဟာ ၁၈ နှစ်ပြည့်ပြီး ဖြစ်ရမယ်လို့ ပြဌာန်းပါရှိပါတယ်။

အသက် ၁၈ နှစ်ပြည့်ပြီးဖြစ်ရမယ် ဆိုတဲ့အချက်ကိုဖြုတ်ဖို့ ပြည်သူ့လွှတ်တော်က ဆုံးဖြတ်ခဲ့တာနဲ့ ပတ်သက်လို့ စစ်ကိုင်းတိုင်း ပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က "ကျွန်မတို့ ရှင်းရှင်းလင်းလင်းသိပြီး ပြောနိုင်တာကတော့ ပုဒ်မ ၂၃ ရဲ့ ဆိုလိုရင်းက လက်ထပ်ထိမ်းမြှားတာဟာ တိုင်းရင်းသားတွေရဲ့ ဓလေ့ထုံးတမ်းတွေအရ ဆောင်ရွက်နိုင်တယ်။ တည်ဆဲဥပဒေအရလည်း ဆောင်ရွက်နိုင်တယ် လို့ ဆိုထားတာပါ၊ ပြောချင်တာက အသက် ၁၈ နှစ်အောက်တွေဟာ လက်ထပ်နိုင်တယ်လို့ ပြောထားတာ မဟုတ်ဘူးလို့ " လို့ ဆိုပါတယ်။

ကလေးသူငယ် အခွင့်အရေးများဆိုင်ရာ ဥပဒေပြဌာန်းနိုင်ဖို့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနက ၂၀၁၇ ခုနှစ်ထဲက တင်သွင်းခဲ့တာ ဖြစ်ပါတယ်။

တိုင်းရင်းသားတွေရဲ့ ဓလေ့ရိုးရာထဲမှာ တချို့ ရိုးရာတွေကို ပြင်သင့်တာ ပြင်နေချိန်မှာ အခုလို အသက် ၁၈ နှစ်ပြည့်မှ လက်ထပ်ရမယ်ဆိုတဲ့ ဟန့်တားချက်ကို ဖြုတ်လိုက်တဲ့အတွက် ငယ်ငယ်ရွယ်ရွယ်နဲ့ အိမ်ထောင်ပြုတာတွေကို အားပေးရာ ရောက်တယ်လို့ အမျိုးသမီးရေး လှုပ်ရှားသူတွေက ပြောပါတယ်။

နိုင်ငံတကာမှာ ကောက်ခံထားတဲ့ စစ်တမ်းတွေအရ အသက်မပြည့်ပဲ အိမ်ထောင်ပြုသူတွေမှာ အမျိုးသားက နည်းပြီး အမျိုးသမီးက ၉၅ ရာခိုင်နှုန်းအထိရှိနေလို့ အမျိုးသမီးငယ်တွေအပေါ် ပိုထိခိုက်တဲ့အပြင် စာသင်ခန်းပြင်ပ ရောက်နေသူတွေကိုပါ အသက်မပြည့်ဘဲ အိမ်ထောင်ပြုဖို့ အားပေးရာရောက်တယ်လို့ အမျိုးသမီးအခွင့်အရေးလှုပ်ရှားသူ မစန္ဒာသန့်က ပြောပါတယ်။

ကန့်ကွက်ရတဲ့ အခြေအနေနဲ့ ပတ်သက်လို့ ရန်ကုန်တိုင်း ကျောက်တန်းမြို့နယ် ပြည်သူ့လွှတ်တော် ကိုယ်စားလှယ် ဒေါ်အေးမြမြမျိုးက "ဒီဟာက ၁၈ နှစ်အောက်ကို ဓလေ့ထုံးတမ်းအရ ခွင့်ပြုလိုက်သလို ဖြစ်စေတာမို့ ကျွန်မတို့ လူ့အဖွဲ့အစည်းအတွက် အန္တရာယ်ဖြစ်စေတယ်" လို့ ပြောပါတယ်။

ပြည်သူ့လွှတ်တော်က အတည်ပြု ဆွေးနွေးခဲ့တဲ့ ကလေးသူငယ်အခွင့်အရေးဆိုင်ရာ ဥပဒေကို ပြင်ဆင်တဲ့ ဥပဒေကြမ်းကို အမျိုးသားလွှတ်တော်မှာ ထပ်မံဆွေးနွေးရဦးမှာ ဖြစ်ပြီး အဲ့ဒီအဆင့်ရောက်ရင် တင်ပြ ကန့်ကွက်မှုတွေ ဆက်လုပ်သွားမယ်လို့ လွှတ်တော် ကိုယ်စားလှယ်တချို့နဲ့ အရပ်ဘက် အဖွဲ့တချို့က ပြောပါတယ်။

BBC Burmese
https://www.bbc.com/burmese
 

အိန္ဒိယနိုင်ငံတွင် အရက်တုဖြစ်ဖွယ်ရှိသည်ကို သောက်သုံးမိ၍ လူ ၁၂ ဦးသေဆုံး

အရက်ခွက်များစီထားသည်ကို တွေ့ရစဉ် (ဓာတ်ပုံ-အင်တာနက်)
 နယူးဒေလီ၊ နိုဝင်ဘာ ၃၀ ရက် (ဆင်ဟွာ)

    အိန္ဒိယနိုင်ငံ အရှေ့ပိုင်း West Bengal တွင် အတုဖြစ်နိုင်သောအရက်ကို သောက်သုံးမိ၍ လူ ၁၂ ဦးထက်မနည်း သေဆုံးပြီး အခြားသူ ၂၅ ဦးမှာ နေထိုင်မကောင်းဖြစ်ခဲ့ကြောင်း တာဝန်ရှိသူများက နိုဝင်ဘာလ ၂၈ ရက်တွင် ပြောကြားခဲ့သည်။

အဆိုပါ အရက်များအား West Bengal ပြည်နယ်၏ မြို့တော် ကိုလ်ကတ္တားမြို့မြောက်ဘက် ၁၁၆ ကီလိုမီတာအကွာရှိ Rohtas ခရိုင်တွင် နေထိုင်သူများက သောက်သုံးခဲ့ခြင်း ဖြစ်သည်။

တာဝန်ရှိသူများ၏ အဆိုအရ ထိုလူများသည် နိုဝင်ဘာလ ၂၈ ရက်က အရက်သောက်သုံးခဲ့ပြီးနောက် ၅ ဦးမှာသေဆုံးခဲ့ကာ အခြားသူ ၃၂ ဦးမှာ နေထိုင်မကောင်းဖြစ်သွားခဲ့ကြောင်း၊ နောက်ပိုင်းတွင် သေဆုံးသူအရေအတွက်မှာ ၁၂ ဦးအထိ ရှိလာခဲ့ကြောင်း သိရသည်။

၎င်းတို့၏ မိသားစုဝင်များက အရက်အတုများကြောင့် ၎င်းတို့၏ ဆွေမျိုးများသေဆုံးကြောင်း စွပ်စွဲခဲ့သော်လည်း ထိုသေဆုံးမှုများနှင့် ပတ်သက်၍ ရဲတပ်ဖွဲ့က အတည်ပြုထားခြင်း မရှိသေးပေ။

“ကျွန်တော်တို့ သေဆုံးကြောင်းစစ်ဆေးချက်ကို စောင့်နေပါတယ်။ အဲဒါကသာ သေဆုံးရခြင်းအကြောင်းရင်းကို သေချာအောင် လေ့လာစိစစ်နိုင်ပါလိမ့်မယ်” အဆင့်မြင့်ရဲအရာရှိတစ်ဦးက ပြောခဲ့သည်။

(Xinhua)
http://www.xinhuamyanmar.com

မန္တလေးတိုင်းဒေသကြီး အောင်မြေသာစံမြို့နယ်၌ မီးလောင်မှုကြောင့် နေအိမ် ၉ လုံး မီးလောင်ဆုံးရှုံး

အောင်မြေသာစံမြို့နယ် ၊ အမရဌာနီ အရှေ့ရပ်ကွက်၌ မီးလောင်မှု ဖြစ်စဉ်အား တွေ့ ရစဉ်(ဓာတ်ပုံ- Ministry of Home Affairs, Myanmar)
ရန်ကုန် ၊ နိုဝင်ဘာ ၃၀ ရက်(ဆင်ဟွာ)

    မန္တလေးတိုင်းဒေသကြီး အောင်မြေသာစံမြို့နယ်၌ ဖြစ်ပွားခဲ့သည့် မီးလောင်မှုကြောင့် နေအိမ် ၉ လုံး မီးလောင် ဆုံးရှုံးခဲ့ကြောင်း ပြည်ထဲရေး ၀န်ကြီးဌာနမှ ယနေ့ သတင်း ထုတ်ပြန်မှု အရ သိရသည်။

အောင်မြေသာစံမြို့နယ် ၊ အမရဌာနီ အရှေ့ရပ်ကွက်၌ နိုဝင်ဘာ ၂၉ ရက်တွင် ၈၀×၈၁ လမ်း၊ ၈×၉ လမ်းကြားနေ ဒေါ်မြမြ၏ နေအိမ် အောက်ထပ်ရှိ ဂဟေဆော်သည့်ဂတ်စ်အိုးမှ ဂတ်စ်ယိုစိမ့်ထွက်၍ Spark(မီးပွား)ဖြစ်ကာ မီးအလုံးအရင်းအဖြစ် ပေါက်ကွဲပြီး မီးစတင် လောင်ကျွမ်းခဲ့ကြောင်း သိရသည်။

မီးလောင်ဆုံးရှုံးခဲ့သည့် နေအိမ်များမှ အိမ်ထောင်စု ၁၃ စု၊ လူဦးရေ ၅၅ ဦးမှာ အဆိုပါ ရပ်ကွက်ရှိ ရေနား ဘုန်းကြီး ကျောင်းတွင် ဖွင့်လှစ်သည့် ယာယီကယ်ဆယ်ရေးစခန်း၌ နေထိုင်လျက်ရှိပြီး ဒေါ်မြမြအား အမှတ်(၄) အောင်မြေ သာစံ နယ်မြေရဲစခန်း(ပ)၅၅၂/၂၀၁၈၊ ရာဇသတ်ကြီးပုဒ်မ ၂၈၅(မီးလောင်မှု)ဖြင့် အမှုဖွင့် စစ်ဆေးလျက် ရှိကြောင်း သိရသည်။

(Xinhua)
http://www.xinhuamyanmar.com
 

ကျောက်မဲမြို့၌ နွားများသယ်ဆောင်လာသော ၁၂ ဘီးယာဉ် သေနတ်ဖြင့် ပစ်ခတ်ခံရ


ကျောက်မဲ၊နိုဝင်ဘာ ၃၀

ရှမ်းပြည်နယ်မြောက်ပိုင်း၊ ကျောက်မဲမြို့နယ်၊ စခန်းသာကျေးရွာအုပ်စု၊ ပေါက်အင်းလေးကျေးရွာလမ်းခွဲတွင် နိုဝင်ဘာ၂၉ ရက် ည ၇ နာရီခွဲကျော်ခန့်က နွားများသယ်ဆောင်လာသော ၁၂ ဘီးယာဉ် တစ်စီး သေနတ်ဖြင့်ပစ်ခတ်ခံ ခဲ့ရကြောင်း သိရှိရသည်။

ဖြစ်စဉ်မှာ WORLD MANကုမ္မဏီ၏ တရားဝင်နွားများသယ်ဆောင်ခွင့် အထောက်အထားများဖြင့် ၁၂ ဘီးယာဉ် ၅ စီးသည် နွားများတင်ဆောင်၍ တောင်ငူမြို့မှ မူဆယ်မြို့သို့ ထွက်ခွာလာစဉ် ပြည်ထောင်စုလမ်းမကြီး မိုင်တိုင်အမှတ် (၁၀၃/ ၁-၂) ကြား ကျောက်မဲမြို့နယ်၊ စခန်းသာကျေးရွာအုပ်စု ၊ ပေါင်အင်းလေးကျေးရွာလမ်းခွဲအရောက် ယာဉ်မောင်း ဦးသန်းတင်၊ မိတ္ထီလာမြို့နေသူ မောင်းနှင်လာသော9p/........ Nissan အမျိုးအစား ၁၂ ဘီးယာဉ်အား အမည်မသိ လက်နက်ကိုင်အဖွဲ့မှ သေနတ်ဖြင့်ပစ်ခတ်မှုကြောင့် ယာဉ်မောင်းတွင် ယာဘက်လက်မောင်းနှင့် ယာဘက်နားရွက် ပေါက်ပြဲဒဏ်ရာ ၊ ဦးခေါင်းနောက်စေ့ ပေါက်ပြဲဒဏ်ရာ၊ ယာဉ်နောက် လိုက်နှင့်နွားထိန်းတို့မှာလည်း ဒဏ်ရာအသီးသီး(မစိုးရိမ်ရ)ရရှိခဲ့ပြီး ထွက်ပြေးလာခဲ့ကာ ကျောက်မဲပြည်သူ့ဆေးရုံကြီးတွင် ဆေးကုသမှုခံယူလျှက်ရှိသည်။ ယာဉ်ပေါ်တွင် သယ်ဆောင်လာ သောနွားများအနက် နွား ၄ ကောင်မှာ သေဆုံးသွားခဲ့ကြောင်း သိရသည်။

ကျောက်မဲခရိုင် (ပြန်/ဆက်)
Myanmaalinn
https://www.facebook.com/MYANMAALINNNEWS/

တရုတ်-မြန်မာ စီးပွားရေးစင်္ကြန်လမ်း အကောင်အထည်ဖော်ရေး ဒေါ်အောင်ဆန်းစုကြည် ဦးဆောင်မည်

တရုတ်နိုင်ငံ၊ အမျိုးသားဖွံ့ဖြိုးတိုးတက်ရေးနဲ့ ပြုပြင်ပြောင်းလဲရေးကော်မရှင် ဒုတိယဥက္ကဋ္ဌ Mr. Ning Jizhe ကို ဒေါ်အောင်ဆန်းစုကြည်နဲ့အတူ ၂ဝ၁၈ ခုနှစ် နိုဝင်ဘာလ ၂၆ ရက်နေ့က နေပြည်တော် နိုင်ငံခြားရေးဝန်ကြီးဌာနမှာ တွေ့ရစဉ်/ Photo: Myanmar State Counsellor Office
တရုတ်-မြန်မာစီးပွားရေး စင်္ကြန်လမ်း “The Belt and Road” အကောင်အထည်ဖော် ဆောင်ရွက်ရေးဆိုင်ရာ ဦးဆောင်ကော်မတီကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဥက္ကဋ္ဌအဖြစ် ဦးဆောင်ပြီး မြန်မာအစိုးရက ဖွဲ့စည်းထားပြီးဖြစ်ကြောင်း မြန်မာနိုင်ငံဆိုင်ရာ တရုတ်သံရုံးက သတင်းထုတ်ပြန်ပါတယ်။

တရုတ်-မြန်မာ စီးပွားရေးစင်္ကြန်လမ်း လက်တွေ့အကောင်အထည်ဖော်နိုင်ဖို့ တရုတ်နိုင်ငံ၊ အမျိုးသားဖွံ့ဖြိုး တိုးတက်ရေးနဲ့ ပြုပြင်ပြောင်းလဲရေးကော်မရှင် ဒုတိယဥက္ကဋ္ဌ Mr. Ning Jizhe က အခုလ ၂၄ ရက်နေ့ကနေ ၂၇ ရက်နေ့အထိ မြန်မာနိုင်ငံကို လာရောက်ခဲ့တယ်လို့ မနေ့က ထုတ်ပြန်ချက်မှာ ရေးသားထားပါတယ်။

သူရဲ့ခရီးစဉ်အတွင်း ဒေါ်အောင်ဆန်းစုကြည် အပါအဝင် ဝန်ကြီးဌာန ၇ ခုက ပြည်ထောင်စု ဝန်ကြီးတွေ၊ ပြည်ထောင်စု ရှေ့နေချုပ်ရုံး၊ နိုင်ငံတော် ဗဟိုဘဏ်၊ စီးပွားရေးဖွံ့ဖြိုးတိုးတက်ရေး သုတေသနဌာန စတဲ့ဌာနဆိုင်ရာ တာဝန်ရှိသူတွေနဲ့ တွေ့ဆုံဆွေးနွေးခဲ့တယ်လို့ သိရပါတယ်။

တဆက်တည်းမှာပဲ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ ရန်ကုန်တိုင်းဒေသကြီးလွှတ်တော် ဥက္ကဋ္ဌ ဦးတင်မောင်ထွန်းတို့နဲ့ တွေ့ဆုံပြီး နှစ်နိုင်ငံစီးပွားရေး ဖွံ့ဖြိုးတိုးတက်ရေး စီမံကိန်းတွေ၊ တရုတ်-မြန်မာ စီးပွားရေး စင်္ကြန်လမ်း ပူးတွဲတည်ထောင်ရေးကို တွန်းအားပေးဖော်ဆောင်ဖို့နဲ့ ရန်ကုန်မြို့သစ်ဖော်ဆောင်ရေး လုပ်ငန်းတွေကို ဆွေးနွေးခဲ့တယ်လို့လည်း တရုတ်သံရုံးက သတင်းထုတ်ပြန်ထားပါတယ်။

ဒီသတင်းကို RFA သတင်းထောက် မဝေမာထွန်း ပေးပို့တာပါ။

RFA Burmese
https://www.rfa.org/burmese

ပြည်တွင်းစစ်ကြောင့် စွန့်ခွာထွက်ပြေးနေရတဲ့ စစ်ရှောင်တို့ရဲ့မြေတွေ သိမ်းခံရမလား

 ပြည်တွင်း စစ်ကြောင့် အိမ်ရှင်တွေ စွန့်ခွာခဲ့ရတဲ့ ကချင်ရွာ တစ်ရွာက နေအိမ်
အစိုးရက စက်တင်ဘာလအတွင်းမှာ အသစ် ပြဋ္ဌာန်းထုတ်ပြန်လိုက်တဲ့ မြေလွတ်မြေလပ်နဲ့ မြေရိုင်းများ စီမံခန့်ခွဲခွင့် ဥပဒေကို ပြင်ဆင်တဲ့ ဥပဒေဟာ နေရပ်ကို မပြန်လာနိုင်သေးတဲ့ စစ်ဘေးရှောင် ပြည်သူတွေရဲ့ မြေနေရာ ဘေးကင်းလုံခြုံမှုကို ခြိမ်းခြောက်နေတယ်လို့ စစ်ရှောင် ဒုက္ခသည်တွေက သဘောထား ထုတ်ပြန်ခဲ့ပါတယ်။

ဒီဥပဒေဟာ တိုင်းရင်းသားတွေရဲ့ ရိုးရာဓလေ့ စီမံခန့်ခွဲမှုကို အသိအမှတ်မပြုထားဘူးဆိုပြီး ဒေသခံ တိုင်းရင်းသားတွေက ကန့်ကွက်နေကြသလို မြေပြန့်က တောင်သူတွေကလည်း ဒီဥပဒေကြောင့် သူတို့အားထားနေရတဲ့ စိုက်ပျိုးမြေတွေကို ဆုံးရှုံးမှာ စိုးရိမ်နေကြကြောင်း မြေယာလှုပ်ရှားသူတွေက ပြောပါတယ်။

အခု ပြင်ဆင် ပြဋ္ဌာန်းလိုက်တဲ့ မြေလွတ်မြေလပ်နှင့်မြေရိုင်းဥပဒေအရ တစ်နိုင်ငံလုံးမှာရှိတဲ့ အသုံးပြုနေတဲ့ မြေလွတ် မြေလပ်နဲ့ မြေရိုင်းတွေကို ၆ လ အတွင်း အသုံးပြုခွင့်လျှောက်ထားရမှာဖြစ်ပြီး အချိန် ၆ လကျော်ပါက အသုံးပြုခွင့် လျှောက်ထားမှု မရှိတဲ့ မြေတွေကို ပြန်လည် သိမ်းဆည်းမယ့်အပြင် အသုံးပြုသူတွေကို ထောင်ဒဏ် ၂ နှစ်၊ ငွေဒဏ် ၅သိန်းနဲ့ ဒဏ်နှစ်ရပ်စလုံး ချမှတ်မယ်လို့ ပြဋ္ဌာန်းချက်မှာ ပါရှိပါတယ်။

ဒါကြောင့် စစ်ဘေးကြောင့် ရှောင်တိမ်းနေရတဲ့ ကချင်နဲ့ ရှမ်းဘက်က ဒုက္ခသည်တွေ ထားရစ်ခဲ့တဲ့ မြေတွေကိုပါ မှတ်ပုံတင်ဖို့ လိုအပ်နေတာဖြစ်ပါတယ်။
စစ်ရှောင်စခန်းက နေအိမ်များ
ရှမ်းပြည်နယ် မြောက်ပိုင်း ကွတ်ခိုင်မြို့နယ် မန်တုံဒေသကနေ စစ်ရှောင်ထွက်ပြေးလာရပြီး လာရှိုးက ဒုက္ခသည် စခန်းမှာ နေထိုင်နေရတဲ့ ဒေါ်လရှီခေါင်က သူတို့နေရပ်မှာ တိုက်ပွဲတွေ လက်ရှိဖြစ်နေတာကြောင့် ဥပဒေအတိုင်း မှတ်ပုံတင်ဖို့က ခက်ခဲနေတယ်လို့ ဆိုပါတယ်။

"ကျွန်မတို့ရဲ့ ရွာမှာလည်း စစ်တပ်တွေက တပ်စခန်းချထားတာတွေရှိတယ်၊ ပြန်ဖို့ဆိုတာက လုံးဝမဖြစ်သေးဘူး၊ ဒီဥပဒေကြီးပေါ်လာတော့ ကျွန်မတို့က အရမ်းစိုးရိမ်လာတာပေါ့ လို့ ဒေါ်လရှီခေါင်က ပြောပါတယ်။

ကချင်နှစ်ခြင်းခရစ်ယာန်အသင်းချုပ် (KBC) ရဲ့ စာရင်းဇယားတွေအရ ၂၀၁၁ ခုနှစ် ဇွန်လ (၉)ရက်နေ့က စတင်ခဲ့တဲ့ ကချင်လွတ်မြောက်ရေးတပ် (KIA) နဲ့ တပ်မတော်တို့ကြား တကျော့ပြန် တိုက်ပွဲတွေကြောင့် စစ်ပြေးဒုက္ခသည် ၁၂၀,၀၀၀ ကျော် ၊ စစ်ပွဲအတွင်း ကျေးရွာပေါင်း (၃၆၇) ရွာ၊ လူနေအိမ်ခြေ (၁၅,၀၀၀) နီးပါးနဲ့ ဘာသာရေး အဆောက်အဦးတွေ အပါအဝင် ခရစ်ယာန် ဘုရားရှိခိုးကျောင်း (၂၇၂) ကျောင်း ပျက်စီးခဲ့ရတယ်လို့ ဆိုပါတယ်။

ရွာသားတွေဟာ စစ်ပွဲတွေ ပြန်စတဲ့ ၂၀၁၁ ခုနှစ် သြဂုတ်လ ကတည်းက ထွက်ပြေးတိမ်းရှောင်နေရတာ ဖြစ်ပြီးတော့ ရွာကို ပြန်မရောက်တာ အခုဆိုရင် ခုနှစ်နှစ်ကျော် ရှိနေပြီဖြစ်တာကြောင့် အခြေအနေ ပေးရင် ပြန်လာချင်နေကြတယ်လို့ ကချင်လွတ်မြောက်ရေးအဖွဲ့ (KIO) ထိန်းချုပ်နယ်မြေ လိုင်ဇာနဲ့ ၁၀ မိုင်ကျော်က စစ်ရှောင်စခန်းမှာ နေထိုင်နေတဲ့ ကချင်နှစ်ခြင်းခရစ်ယာန် အသင်းက ဆရာတော် Chin Le Zau Awng က ဘီဘီစီကို ပြောပါတယ်။

"ရွာမှာစစ်တပ်တွေရှိတယ်၊ ပြန်လို့က မလွယ်သေးခင် သူတို့က တရုတ်ကုမ္ပဏီတွေနဲ့ ချိတ်ဆက်ပြီးတော့ ငှက်ပျောခြံတွေ လုပ်တယ် ဆိုတော့ ကျွန်တော်တို့ မြေတွေပါသွားမှာကို ဒီက လူတွေက သိပ်စိတ်လှုပ်ရှားနေကြတယ်၊ ဒီကိစ္စကို ကျနော်တို့လည်း KIO အစိုးရဘက်ကို တင်ပြဖို့ လုပ်နေပါတယ်၊ ကျွန်တော်တို့ဆီမှာ မြေလွတ်မြေရိုင်းတွေ အများကြီးရှိသေးတယ်လို့ ဆရာတော်က ဆိုပါတယ်။

ဒီအခြေအနေတွေအရ အစိုးရက လက်မှတ်ထုတ်ပေးမှ သူတို့တွေက ဒီမြေမှာ ပြန်လုပ်ကိုင်ခွင့်ရသလို ဖြစ်နေလို့ ကန့်ကွက်ရတာလည်း ဖြစ်တယ်လို့ စစ်ရှောင်ဒုက္ခသည်တွေက ပြောပါတယ်။
ချမ်းအေးဒဏ်ကို မီးလှုံရင်း အန်တုနေတဲ့ စစ်ရှောင်စခန်းက ကလေးငယ်များ
ကချင်ပြည်နယ်၊ ဝိုင်းမော်မြို့နယ်က သူတို့စွန့်ခွာ ခဲ့တဲ့ ကျေးရွာနားမှာလည်း တရုတ် တစ်ရှုး ငှက်ပျောဧက ၄၀၀ ကျော်စိုက်ပျိုးနေတာကြောင့် အခုပြဋ္ဌားလိုက်တဲ့ ဥပဒေအရ သူတို့ထားခဲ့တဲ့ မြေတွေကိုပါ ကုမ္ပဏီက မှတ်ပုံတင်ပြီး သိမ်းယူမှာကို စိုးရိမ်ကြတယ်လို့ မြစ်ကြီးနားမြို့က စစ်ရှောင်စခန်းမှာ နေကြတဲ့ ဒုက္ခသည်တွေက ပြောပါတယ်။

ဒီမြေတွေဟာ သူတို့ရဲ့ ဘိုးဘွားအစဉ်အဆက် လုပ်ကိုင်လာတဲ့ ဥယျာဉ်ခြံမြေတွေ ဖြစ်ပြီး မြေလွတ်မြေလပ် မဟုတ်လို့ မှတ်ပုံ မတင်ချင်ကြဘူးလို့ ကချင်ပြည်နယ် ဝိုင်းမော်မြို့နယ် ဂါဒီးရန်းကျေးရွာကနေ စစ်ရှောင် ထွက်ပြေးတဲ့ ဦးတူးနန်က ဆိုပါတယ်။

သတ်မှတ်ပါရှိတဲ့ ဥပဒေ ပြဋ္ဌာန်းမှုအရ မိရိုးဖလာ မြေတွေကို မြေလွတ်၊ မြေလပ်၊ မြေရိုင်းအဖြစ် မှတ်ပုံတင်မယ် ဆိုရင် ဘယ်အချိန်ကစပြီး လုပ်ခဲ့တယ်၊ ဘယ်လိုမြေအမျိုးအစားဖြစ်တယ် စတဲ့ အသေးစိတ် အချက်အလက်တွေကို ရေးသားပြီး အစိုးရဆီမှာ လျှောက်ထားရမှာဖြစ်ပါတယ်။

BBC Burmese
https://www.bbc.com/burmese

ပုသိမ်မြို့ အမှတ် ၄ အထပ်သားစက်ရုံ ဝန်ထမ်းလိုင်းခန်းတွင် မီးလောင်မှုဖြစ်ပွားရာ ဝန်ထမ်းနေအိမ် ၂ ခန်းတွဲ ၃ ခန်း မီးလောင်ဆုံးရှုံး


ဧရာဝတီတိုင်းဒေသကြီး ပုသိမ်မြို့နယ် ရွှေမြင်တင်ကျေးရွာအနီးရှိ အမှတ် ၄ အထပ်သားစက်ရုံဝန်းရှိ ဝန်ထမ်းလိုင်းခန်းတွင် နိုဝင်ဘာ ၂၉ ရက် နံနက်ပိုင်းက မီးလောင်မှု ဖြစ်ပွားခဲ့ပြီး ဝန်ထမ်းနေအိမ် ၂ ခန်းတွဲ ၃ ခန်း မီးလောင်ဆုံးရှုံးခဲ့ကြောင်း ပုသိမ်ခရိုင် မီးသတ်ဦးစီးဌာနမှ သိရှိရသည်။


ဧရာဝတီတိုင်းဒေသကြီး မီးသတ်ဦးစီးမှူးရုံးရှိ comon center မီးစောင့်ကြည့်ရေး ကင်မရာမှ ပုသိမ်ရွှေမြင်တင် ကျေးရွာဘက်မှ မီးလောင်နေကြောင်း တွေ့ရှိသဖြင့် မီးငြှိမ်းယာဉ် ၆ စီး ရေသယ်ယာဉ် ၄ စီး အုပ်ချုပ်မှုယာဉ် ၂ စီး၊ မနောဖြူ လူမှုရေးအဖွဲ့မှ ရေသယ်ယာဉ် ၁ စီး တို့ဖြင့် ထွက်ခွာမီးငြှိမ်းသတ်ခဲ့ရာ နံနက် ၉ နာရီ ၂၀ မိနစ် အချိန်တွင်မီးငြှိမ်းသတ်နိုင်ခဲ့ကြောင်း သိရသည်။


“မီးလောင်တဲ့အခန်းက ဝန်ထမ်းအိမ်ယာနေ ဦးယဉ်ကျော်ရဲ့ အခန်းကစလောင်တာပါ ဘာကြောင့်လောင်လဲ ဆိုတာကတော့ စုံစမ်းစစ်ဆေးဆဲဖြစ်ပါတယ် မနက်ပိုင်းအိမ်တွေမှာ လူလဲတစ်ယောက်မှ မရှိကြဘူး။”ဟု ပုသိမ်ခရိုင် မီးသတ်ဦးစီးဌာနမှ ဦးစီးမှူး ဦးကျော်သူရက ပြောသည်။
မီးလောင်ကျွမ်းမှုကြောင့် ဝန်ထမ်းလိုင်းခန်း ၃ ခန်းတွဲ နှစ်ထပ် အဆောက်အဦ မီးလောင်ပျက်စီးသွားပြီး အိမ်ထောင်စု ၅ စု လူ ၂၀ ဦးအိုးမဲ့အိမ်မဲ့ဖြစ်ခဲ့ရပြီး ဆုံးရှုံးမှုတန်ဖိုး ကျပ် ၁၈ သိန်း ရှိကာ မီးလောင်မှုကြောင့် လူ တိရိစ္ဆာန် ထိခိုက်ဒဏ်ရာ ရရှိမှု မရှိကြောင်း သိရသည်။

မီးလောင်မှုနှင့် ပတ်သတ်၍ ပုသိမ်မြို့မ ရဲစခန်းမှ ပုဒ်မ ၂၈၅ ဖြင့် အမှုဖွင့်ကာ မီးလောင်ရခြင်း အကြောင်းအရင်းကို စုံစမ်းစစ်ဆေးလျက်ရှိကြောင်း သိရသည်။

ရတနာပုံ နေ့စဉ်သတင်းစာ
https://www.facebook.com/yadanabonnewspaper

သီရိလင်္ကာ ကာကွယ်ရေး ဦးစီးချုပ် လူသတ်မှုတွေ ဖုံးကွယ်မှု စွပ်စွဲချက်နဲ့ အဖမ်းခံရ

ဗိုလ်ချုပ်ကြီးရာဗင်ဒရာကတော့ စွပ်စွဲချက်တွေကို ငြင်းဆိုထား
သီရိလင်္ကာမှာ ပြည်တွင်းစစ် အတွင်းက သတ်ဖြတ်မှုတွေကို ဖုံးကွယ်ပေးခဲ့တယ် ဆိုတဲ့ စွပ်စွဲချက်နဲ့ ထိပ်တန်း စစ်ခေါင်းဆောင်တစ်ဦးကို ရမန်နဲ့ ချုပ်မိန့်ပေးလိုက်ပါတယ်။

ကာကွယ်ရေး ဦးစီးချုပ် ရာဗန်ဒရာ ဝီဂျာဂရာနာရဒီဟာ သူ့ကို ဖမ်းဝရမ်း ထုတ်ခံရပြီးနောက်မှာ တရားရုံးမှာ အမှုလာရင်ဆိုင်ခဲ့ရပါတယ်။

ခွဲထွက်ရေး တမီလ် ကျား သူပုန်တွေနဲ့ ဖြစ်ပွားခဲ့တဲ့ သီရိလင်္ကာ ပြည်တွင်းစစ် အဆုံးသတ်ပိုင်း ကာလတွေ အတွင်းမှာ လူငယ် ၁၁ ယောက်ကို သတ်ဖြတ်ခဲ့တယ် ဆိုပြီး စွပ်စွဲခံရတဲ့ အဓိက သံသယ တရားခံ ရေတပ်ထောက်လှမ်းရေး အရာရှိ တစ်ယောက်ကို ဗိုလ်ချုပ်ကြီး ရာဗင်ဒရာက ကာကွယ် ပေးခဲ့တယ် ဆိုပြီး အစိုးရရှေ့နေတွေက ပြောပါတယ်။

ဖမ်းဆီးချုပ်နှောင်ခံထားရတဲ့ ဗိုလ်ချုပ်ကြီးရာဗင်ဒရာကတော့ စွပ်စွဲချက်တွေကို ငြင်းဆိုထားပါတယ်။

မြို့တော် ကိုလံဘိုမှာ ရှိတဲ့ တရားရုံးက သူ့ကို ဒီဇင်ဘာ ၅ ရက်နေ့ အထိ ရမန်ယူပြီး ချုပ်မိန့် ချမှတ်ထားပါတယ်။

ရေတပ်ဗိုလ်ချုပ်ကြီးလည်း ဖြစ်တဲ့ ရာဗင်ဒရာကို ဖမ်းဆီးဖို့ အတွက် ဝရမ်း ၃ စောင် နိုဝင်ဘာလ အစောပိုင်း ကတည်းက ထုတ်ပြန်ခဲ့တာပါ။ ဒါပေမယ့် နိုဝင်ဘာလ ၂၉ ရက်နေ့ကျမှ စစ်ယူနီဖောင်း ဝတ်စုံ ပြည့် ဝတ်ဆင်ပြီး ရေတပ် အရာရှိတွေနဲ့ ထောက်ခံသူတွေ ဝန်းရံကာ အောက်တရားရုံး ရှေ့မှောက်မှာ အစစ်ဆေးခံခဲ့တာပါ။

သူ့ရဲ့ အာမခံ လျှောက်ထားမှုကို တရားရုံးက ပယ်ချခဲ့ပါတယ်။ တရားရုံး ကြားနာမှုကို လာရောက် သတင်းယူတဲ့ သတင်းထောက် တချို့ တိုက်ခိုက်ခံခဲ့ရတယ်လို့လည်း သတင်းထောက်တွေက ပြောပါတယ်။

သီရိလင်္ကာ ပြည်တွင်းစစ် အဆုံးပိုင်း အချိန်မှာ ကျား သူပုန် ခေါင်းဆောင်ပိုင်းအပါအဝင် တမီလ် လူမျိုး သောင်းနဲ့ ချီ သတ်ဖြတ်ခံခဲ့ရပါတယ်။ ပြည်တွင်းစစ် အတွင်းမှာ နှစ်ဖက်လုံးက ကြမ်းကြုတ် ရက်စက်မှုတွေ ကျူးလွန်ခဲ့တယ် ဆိုပြီး စွပ်စွဲမှုတွေ ဖြစ်ပေါ်ခဲ့ပါတယ်။

လူ့အခွင့်အရေး အဖွဲ့တွေက ဒီ့အတွက် စုံစမ်းပြီး တရားစွဲဆို စစ်ဆေးဖို့ ကာလ ရှည်ကြာ တောင်းဆိုခဲ့ကြပေမယ့် အခု အချိန်အထိတော့ ဒါက မဖြစ်မြောက်သေးပါဘူး။

ရေတပ်ဗိုလ်ချုပ်ကြီး ရာဗန်ဒရာ ကာကွယ်ပေးခဲ့တယ် ဆိုတဲ့ ရေတပ်အရာရှိကိုတော့ သြဂုတ်လကတည်းက ဖမ်းဆီးထားပါတယ်။ အဲဒီ ရေတပ်အရာရှိ သတ်ဖြတ်ခဲ့တယ်လို့ ဆိုတဲ့ တမီလ် အများစုပါတဲ့ လူငယ် ၁၁ ယောက်ရဲ့ အလောင်းကိုတော့ အခု အချိန် အထိ ရှာမတွေ့သေးပါဘူး။

၂၀၀၈-၀၉ ခုနှစ်တွေ တုန်းက ကိုလံဘိုက ပြန်ပေးဆွဲ ငွေတောင်းမှုတွေ အများစုက ရေတပ် အရာရှိတွေ ဦးဆောင်တဲ့ အဖွဲ့တစ်ခုက ကျူးလွန်ခဲ့တာလို့ အရင်တုန်းက တရားရုံး စစ်ဆေးချက်တွေမှာ ရဲအရာရှိတွေက ထွက်ဆိုခဲ့ဖူးတာ ရှိပါတယ်။
 ပြည်တွင်းစစ်ရဲ့ နောက်ဆုံးကာလတွေမှာ တမိလ် အရပ်သားတွေ ကြုံတွေ့ခဲ့ရတဲ့ ဖြစ်ရပ်တွေ အတွက် မေးခွန်းများစွာ ကျန်ရှိနေဆဲ
ပြည်တွင်းစစ်ရဲ့ ဆိုးကျိုးတွေက ဘာတွေလဲ

၂၆ နှစ် ကြာ ဖြစ်ပွားခဲ့တဲ့ သီရိလင်္ကာ ပြည်တွင်းစစ်မှာ နှစ်ဖက် အကျအဆုံးက လူ ၁၀၀,၀၀၀ ထက် မနည်း ရှိခဲ့ပါတယ်။ တမီလ် ကျားသူပုန်တွေက သူတို့ဟာ သီရိလင်္ကာ မြောက်ပိုင်းမှာ နေထိုင်ကြတဲ့ လူနည်းစု တမီလ် လူမျိုးတွေ အတွက် တိုက်ခိုက်ခဲ့တာလို့ ဆိုပါတယ်။

စစ်ပွဲရဲ့ နောက်ဆုံးပိုင်း လတွေ အတွင်းမှာ သေဆုံးခဲ့ရတဲ့ သောင်းဂဏန်းအထိရှိတဲ့ အရပ်သား အများ သေဆုံးခဲ့ရမှု အတွက် တိကျတဲ့ စာရင်းဇယားတွေ အခုအချိန်အထိ မရှိသေးပါဘူး။

စစ်ပွဲရဲ့ အဆုံးပိုင်း လတွေမှာ တမီလ် ကျားသူပုန် (LTTE) အဖွဲ့ ထိန်းချုပ်ထားတဲ့ အရှေ့မြောက်ပိုင်းဒေသမှာ တမီလ်လူမျိုး သိန်းနဲ့ချီဟာ ပိတ်မိနေခဲ့တာပါ။

အဲဒီ အချိန်မှာ အစိုးရ စစ်တပ်က အရပ်သားနဲ့ သူပုန် မခွဲခြားဘဲ အမြောက်တွေ ပစ်၊ ဗုံးတွေကြဲခဲ့လို့ လူအမြောက်အမြား သေဆုံးစေခဲ့တယ် ဆိုပြီး စွပ်စွဲခံရသလို သူပုန်ဘက်ကလည်း အရပ်သားကို လူသားဒိုင်းသဖွယ် အသုံးချခဲ့ပြီး ထွက်ပြေးသူတွေကို ပစ်သတ်ခဲ့တယ်လို့ စွပ်စွဲ ခံခဲ့ရပါတယ်။

အခုအချိန်အထိ ကျန်ရှိနေသေးတဲ့ စွပ်စွဲချက်တွေကတော့ အစိုးရတပ်ဟာ သူပုန်အဖွဲ့ခေါင်းဆောင်တွေကို ဖမ်းဆီးမိချိန် သို့မဟုတ် သူတို့ လက်နက်ချ ပြီး ချိန်မှာ သတ်ဖြတ်ခဲ့တယ် ဆိုတာပါ။

သီရိလင်္ကာ ပြည်တွင်းစစ် အတွင်း အရပ်သားတွေကို ပိုမို အကာအကွယ် ပေးခဲ့သင့်တယ်လို့ ၂၀၁၂ ခုနှစ်မှာတော့ ကုလသမဂ္ဂက ဝန်ခံ ခဲ့ပါတယ်။

စစ်ပွဲအတွင်းက ရက်ရက်စက်စက် ပြုမူခဲ့တာတွေကို ချယ်နယ်လ် ၄ သတင်းဌာနနဲ့ ကုလသမဂ္ဂက အမြာက်အမြား မှတ်တမ်းတင်ခဲ့ပါတယ်။

စုံစမ်းစစ်ဆေးမှု တစ်ခု အရ စစ်ပွဲရဲ့ အဆုံးသတ် ၅ လ အတွင်းမှာ လူ ၄၀၀,၀၀၀ အထိ သေဆုံးခဲ့နိုင်ဖွယ် ရှိတယ်လို့ ဆိုပါတယ်။ သေဆုံးခဲ့သူ အရေအတွက်က ဒီ့ထက်လည်း ပိုနိုင်တယ်ဆိုပြီး ပြောဆိုကြသူတွေလည်း ရှိပါတယ်။

BBC Burmese
https://www.bbc.com/burmese

အာရှပစိဖိတ် ဆွေးနွေးပွဲတက်ဖို့ ဒေါ်အောင်ဆန်းစုကြည် နီပေါနိုင်ငံကို ရောက်ရှိ

နိုင်ငံတော်အတိုင်ပင်ခံ ပုဂ္ဂိုလ် တာဝန်ယူပြီးကတည်းက ဒေါ်အောင်ဆန်းစုကြည်ရဲ့ ပထမဆုံး နီပေါ ခရီးစဉ်
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဟာ သုံးရက်ကြာ ကျင်းပမယ့် အာရှပစိဖိတ် ထိပ်သီးဆွေးနွေးပွဲ တက်ရောက်ဖို့ နီပေါနိုင်ငံ ခတ္တမန္ဒူမြို့ကို ရောက်ရှိလာပါတယ်။

ဒေါ်အောင်ဆန်းစုကြည် ဦးဆောင်တဲ့ မြန်မာ ကိုယ်စားလှယ်အဖွဲ့ကို နီပေါ ဒုတိယ ဝန်ကြီးချုပ်၊ ကာကွယ်ရေး ဝန်ကြီး အစ်ရ်ှဝါ ပေါ့ခ်ရယ်လ် က ဂုဏ်ပြု တပ်ဖွဲ့နဲ့ ကြိုဆိုခဲ့ပါတယ်။

သောကြာနေ့မှာ နီပေါ သမ္မတ ဘီဒယာ ဒေဗီ ဘန်ဒါရီ၊ ဝန်ကြီးချုပ် ကေ ပီ ရှားမား အိုလီ တို့နဲ့ ဒေါ်အောင်ဆန်းစုကြည် တွေ့ဆုံဖို့ ရှိပါတယ်။

ဒီခရီးစဉ်ဟာ နိုင်ငံတော် အတိုင်ပင်ခံ ပုဂ္ဂိုလ် တာဝန် ယူခဲ့ပြီးကတည်းက စလို့ ဒေါ်အောင်ဆန်းစုကြည်ရဲ့ ပထမဆုံး နီပေါနိုင်ငံ ခရီးစဉ် ဖြစ်ပါတယ်။

ဒီဇင်ဘာလ ၁ ရက်နေ့မှာ ကျင်းပမယ့် အာရှ ပစိဖိတ် ထိပ်သီးဆွေးနွေးပွဲမှာ ရေရှည်ဖွံ့ဖြိုးတိုးတက်ရေး၊ ငြိမ်းချမ်းရေး၊ ဘာသာပေါင်းစုံ ယှဉ်တွဲနေထိုင်ရေးနဲ့ ဆင်းရဲနွမ်းပါးမှု တိုက်ဖျက်ရေး ကိစ္စရပ်တွေကို ဆွေးနွေးဖို့ ရှိပါတယ်။

BBC Burmese
https://www.bbc.com/burmese

လမ်းကျော်တက်သည့် မော်တော်ယာဉ် ၀င်တိုက်၍ ဆိုင်ကယ် မောင်းနှင်သူသေဆုံး

ဖရူဆိုမြို့၌ လမ်းကျော်တက်သည့် မော်တော်ယာဉ်မှ အရှိန် မထိန်းနိုင်ဘဲ မော်တော်ဆိုင်ကယ်အား ၀င်တိုက်၍ ဆိုင်ကယ် မောင်းနှင်သူသေဆုံးမှုဖြစ်ပွား
ဖရူဆို နိုဝင်ဘာ ၂၈

ဖရူဆိုမြို့မရဲစခန်းမှ စခန်းမှူး ဒုရဲမှူး ဇော်လင်းဦးစီး တပ်ဖွဲ့ဝင် (၇)ဦးတို့သည် နိုဝင်ဘာ ၂၆ ရက်နေ့ ညနေ ၂ နာရီက ဖရူဆိုမြို့နယ် မာခရော်ရှေ့ ကျေးရွာအုပ်စု၊ ထားလဲကျေးရွာအနီး ရှိ လွိုင်ကော် - ဘောလခဲ ကားလမ်းမ ၊မိုင်တိုင်အမှတ် (၁၄၉/၅) နှင့် (၁၄၉/၆)ကြား ယာဉ်တိုက်မှုဖြစ်ပွားကြောင်း သတင်းအရ သွားရောက်စစ်ဆေး ခဲ့ကြောင်းသိရသည်။

ဖြစ်စဉ်မှာ လွိုင်ကော်မှ ဘောလခဲသို့ ယာဉ်မောင်း မောင်စိုင်းနှောင်မိုး အသက် (၂၅)နှစ် မောင်နှင်း၍ မသန္တာစိုး အသက် (၁၈)နှစ်၊ မယ်စဲ့မြို့နယ် ၊ နန်းပလ္လင်ကျေးရွာနေသူတို့ စီးနှင်းလာသည့် မော်တော်ဆိုင်ကယ် ၇ယ/---- (HONDA WAVE 110) အား နောက်မှ ယာဉ်မောင်း ဒိုးဒိုးစေး (ခ) ပေါ်တီး အသက် (၃၀)နှစ် ၊ ယူကော်ခိုကျေးရွာ ၊ မော်ချီးမြို့နယ်ခွဲနေသူ မောင်းနှင်လာသည့် ယာဉ်အမှတ် ၊ YGN – 3D/----၊ HILUX SURF ယာဉ်မှ လမ်းကျော်တက်စဉ် အရှိန်မထိန်းနိုင်ဘဲ ၀င်ရောက်တိုက်မိရာ ဆိုင်ကယ်မောင်းနှင်သူ မောင်စိုင်းနောင်မိုးတွင် အခင်းဖြစ်နေရာ၌ သေဆုံးပြီး ၊ မသန္တာစိုးမှာ ဒဏ်ရာ (မစိုးရိမ်ရ) ၊ HILUX SURFယာဉ်ပေါ်မှ လိုက်ပါလာသူ မနော်လယ်ဝါး၊ဒဏ်ရာ (မစိုးရိမ်ရ) ၊ မဆာရေးထူး အသက် (၃၆)နှစ်၊ ခေါင်းမူး (မစိုးရိမ်ရ) ဒဏ်ရာများရရှိကြောင်း စစ်ဆေးတွေ့ရှိရသည်။

ယာဉ်တိုက်မှုနှင့်ပတ်သက်၍ ဖရူဆိုမြို့မရဲစခန်းမှ အမှုဖွင့် လက်ခံစစ်ဆေးလျက်ရှိကြောင်း သတင်းရရှိသည်။

ကိုစိုင်း (လွိုင်ကော်)
Myanmaalinn
https://www.facebook.com/MYANMAALINNNEWS

တရုတ်နယ်စပ်မှ အလုပ်သမား ၁၀၀ ကျော် တရားမ၀င်နေထိုင်မှုနဲ့ အဖမ်းခံရ

မြန်မာ-တရုတ် နယ်စပ်ဂိတ်ကို တွေ့ရစဉ်/ Photo: Kan Thar/ RFA
မြန်မာ-တရုတ် နယ်စပ် တရုတ်ပြည်ထဲမှာ သွားရောက်အလုပ်လုပ်ကိုင်နေကြတဲ့ မြန်မာအလုပ်သမား တစ်ရာကျော်ခန့် ဖမ်းဆီးထိန်းသိမ်းခံထားရတယ်လို့ သိရပါတယ်။

ဖမ်းဆီးခံထားရသူတွေထဲမှာ နမ့်ဆန်နဲ့ သီပေါမြို့နယ် ကျေးရွာတွေက တအာင်းလူငယ် အယောက် ၄၀ ကျော်လောက်ရှိပြီး နိုဝင်ဘာလ ၂၅ နဲ့ ၂၆ ရက်တွေက မန်စီနဲ့ ရွှေလီမြို့တွေမှာ အဖမ်းခံရတာလို့ တအာင်းဥပဒေ အထောက်အကူပြုရေးအဖွဲ့ က မိုင်းမျိုးအောင်က RFA ကို ဒီနေ့ ပြောပါတယ်။

ရှမ်းပြည်မြောက်ပိုင်းမှာ တိုက်ပွဲတွေက မကြာမကြာ ဖြစ်ပွားနေပြီး အလုပ်အကိုင်လည်း ရှားပါးနေလို့ လူငယ်အတော်များများဟာ တရုတ်ပြည်ထဲမှာ ပန်းရံ၊ ကြံစိုက်စတဲ့ အလုပ်ကြမ်းတွေကို သွားရောက် လုပ်ကိုင်ကြတာလို့ ပြောပါတယ်။

အဖမ်းခံထားရသူတွေဟာ တရားမဝင် သွားရောက် အလုပ်လုပ်ကိုင်နေကြသူတွေဖြစ်ပြီး တရုတ်အာဏာပိုင်တွေရဲ့ စီမံချက်နဲ့ အဖမ်းအဆီးကာလမှာ အခုလို အစုလိုက်အပြုံလိုက် အဖမ်းခံရတာလို့ သိရပါတယ်။

တရုတ်ပြည်ထဲကို သွားမယ်ဆိုရင် တရုတ်ယွမ် ၁၀၀ ကျော် (မြန်မာငွေကျပ် ၂ သောင်းလောက်နဲ့) တစ်ပတ်လောက် နေခွင့်ရပြီး သက်တမ်းတိုးဖို့အတွက် သူတို့အလုပ်တဲ့နေရာဟာ ရွာတွေဖက်ကို ရောက်နေချိန်နဲ့ ခရီးဝေးတာတွေကြောင့် သက်တမ်းမတိုးမိလို့ ဖြစ်ရတာလို့လည်း မိုင်းမျိုးအောင်က ပြောပါတယ်။

သူတို့တွေ ပြန်လွတ်လာရေးအတွက် မူဆယ်မြို့က ဌာနဆိုင်ရာတွေထံ သွားရောက်တင်ပြဖို့ စီစဉ်နေ တယ်လို့လည်း သိရပါတယ်။

ဒီသတင်းကို RFA သတင်းထောက် ကိုကျော်သူ ပေးပို့လိုက်တာပါ။

RFA Burmese
https://www.rfa.org/burmese

ဓလေ့ထုံးတမ်းအရ ၁၈ နှစ်အောက် ထိမ်းမြားနိုင်ဖို့ ပြည်သူ့လွှတ်တော် အတည်ပြု

ပြည်သူ့လွှတ်တော် အစည်းအဝေး ကျင်းပနေစဉ်
လက်ထပ်ထိမ်းမြားခြင်းဆိုင်ရာ အသက်အရွယ်ကို ၁၈ နှစ်မပြည့်ရင်လည်း ခွင့်ပြုသင့်ကြောင်းနဲ့ ဓလေ့ထုံးစံအတိုင်း လက်ထပ်နိုင်ကြောင်း ဒီကနေ့ ပြည်သူ့လွှတ်တော်မှာ ဆုံးဖြတ်လိုက်ပါတယ်။

ကလေးသူငယ် အခွင့်အရေးဆိုင်ရာဥပဒေကို ပြင်ဆင်တဲ့ ဥပဒေကြမ်းကို ဒီကနေ့ ပြည်သူ့လွှတ်တော်မှာ ဆွေးနွေးအတည်ပြုရာမှာ အဲဒီအချက်ကို လွှတ်တော်က အတည်ပြုလိုက်တာဖြစ်ပါတယ်။

ကလေးသူငယ် အခွင့်အရေးဆိုင်ရာဥပဒေကို ပြင်ဆင်တဲ့ အချက် ၁၂၉ ချက်ထဲက မူလဥပဒေကြမ်းမှာ လက်ထပ် ထိမ်းမြားနိုင်တဲ့ အသက်ဟာ တည်ဆဲဥပဒေနဲ့ ဓလေ့ထုံးတမ်း ဥပဒေအတိုင်းဖြစ်ရမယ်လို့ သာပါရှိပါတယ်။

ဒါပေမဲ့ တချိန်တည်းမှာပဲ ထိမ်းမြားခြင်းစာချုပ်ချုပ်ဆိုရင် ပဋိညာဉ်ပြုနိုင်တဲ့ အသက် ၁၈ နှစ်ပြည့်ပြီးဖြစ်ရမယ်လို့ ပါရှိပါတယ်။

ပြည်သူ့လွှတ်တော် ဥပဒေကြမ်းကော်မတီကတော့ ၁၈ နှစ်ပြည့်ပြီးဖြစ်ရမယ်ဆိုကိုထည့်ရင် ဓလေ့ထုံးစံအရ လက်ထပ်ထိမ်းမြားမှုတွေ ဥပဒေနဲ့မညီ ဖြစ်သွားမှာဖြစ်တဲ့အတွက် ရှေ့နောက်မညီဖြစ်နေတဲ့အတွက် ၁၈ နှစ်ပြည့်ပြီးဖြစ်ရမယ်ဆိုတဲ့အချက်ကို ပြင်ဆင်လိုက်တာဖြစ်ပါတယ်။

ကျောက်တန်းမြို့နယ်၊ ပြည်သူ့လွှတ်တော် ကိုယ်စားလှယ် ဒေါ်အေးမြမြမျိုးက ၁၈ နှစ်အောက် ကလေးတွေဟာ ပညာရေး၊ စီးပွားရေး၊ လူမှုရေးအရ ပြည့်စုံတဲ့ အခြေအနေမဟုတ်သေးလို့ အိမ်ထောင်မပြုသင့်သေးဘူးလို့လည်း ပြောပါတယ်။

ပြည်သူ့လွှတ်တော်က ဒီကနေ့ အတည်ပြုထားတဲ့ ကလေးသူငယ် အခွင့်အရေးဆိုင်ရာ ဥပဒေကိုပြင်ဆင်တဲ့ ဥပဒေကို အမျိုးသားလွှတ်တော်ကို ထပ်မံပေးပို့မှာဖြစ်ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese

ဟွာဝေး ရဲ့ 5G ကွန်ရက် ပစ္စည်း ကိရိယာတွေ ကို အသုံးမပြုဖို့ နယူးဇီလန် နဲ့ သြစတြေးလျ ပိတ်ပင်


တရုတ် နိုင်ငံက ဟွာဝေး ဆက်သွယ်ရေး ကုမ္ပဏီ က အခြေခံ ပစ္စည်း ကိရိယာ တွေကို အသုံးမပြု ဖို့ ပိတ်ပင် ခဲ့တဲ့ နိုင်ငံတွေထဲမှာ နယူးဇီလန် နိုင်ငံလည်း ပါဝင် လာခဲ့ပါပြီ။

ဟွာဝေး ကုမ္ပဏီ ရဲ့ ပစ္စည်းတွေကို အသုံးပြုမယ် ဆိုရင် နိုင်ငံ့ လုံခြုံရေး ကို စိုးရိမ် ရတဲ့ အတွက်လို့လည်း နယူးဇီလန် ဘက် က အကြောင်းပြပါတယ်။

နယူးဇီလန် က ဆက်သွယ်ရေး ကုမ္ပဏီ တခု ဟာ ဟွာဝေး ရဲ့ 5G ကွန်ရက် အခြေခံ အဆောက်အဉီး အတွက် ပစ္စည်းကိရိယာ တွေကို အသုံးပြုလိုတာပါ။ ဒါပေမယ့် အစိုးရ လုံခြုံရေး အေဂျင်စီ က သတင်းအချက်အလက် ပေါက်ကြား နိုင်တဲ့ အန္တရာယ်ကို အလွန် စိုးရိမ် ရတယ်လို့ ဆိုပါတယ်။

လုံခြုံရေး ပိုင်းဆိုင်ရာမှာ ချိုးဖောက်မှု တွေ ရှိနိုင်တယ်ဆိုပြီး တရုတ် ဆက်သွယ်ရေး ကုမ္ပဏီကြီး ကို တခြား နိုင်ငံတွေကလည်း စွပ်စွဲထား ကြပါတယ်။

ဆိုတော့ ဟွာဝေး ကုမ္ပဏီရဲ့ ဆက်သွယ်ရေး ကိရိယာ တွေကို အသုံးပြုဖို့ နယူးဇီလန် အပါအဝင် တခြား နိုင်ငံက အစိုးရတွေက ဘာကို စိုးရိမ် နေကြ တာပါလဲ။


ဘာကိုစိုးရိမ်တာလဲ။

ဟွာဝေး ကုမ္ပဏီ အနေနဲ့ ကုန်ထုတ်လုပ်မှု ဆိုင်ရာ သတင်း အချက်အလက် တွေ၊ ထိပ်တန်း လျှို့ဝှက်ချက် သတင်းတွေကို တရုတ် အစိုးရဆီကို ကူညီ ပေးပို့ နေတယ်လို့ သံသယ ရှိနေကြတာ ဖြစ်ပါတယ်။

တရုတ် အစိုးရ အနေနဲ့ လည်း ဒီကုမ္ပဏီတွေကို အသုံးချပြီး စုံစမ်း ထောက် လှမ်းရေး သူသျှို အလုပ် တွေ လုပ်ဆောင် လာမှာ ကို နိုင်ငံရပ်ခြား အစိုးရ တွေက စိုးရိမ် ပူပန် နေကြတာ ဖြစ်တယ်လို့ ကျွမ်းကျင်သူတွေက ဆိုပါတယ်။

တရုတ် နိုင်ငံ အနေနဲ့ သတင်း အချက်အလက် ရယူမှုကို နှစ်ပေါင်း များစွာ လုပ်ဆောင်ဖို့ သံန္နိဋ္ဌာန် ချမှတ် ထားတာကို တွေ့ ရှိရတယ်လို့ ဩစတြေးလျ နိုင်ငံတကာ ဆိုက်ဘာ မဟာဗျူဟာ နဲ့ မူဝါဒ ဌာနမှာ တာဝန် ထမ်းဆောင် နေတဲ့ တွန် ရမ် က ပြောပါတယ်။

တရုတ် ဆက်သွယ်ရေး ကုမ္ပဏီ တွေဟာ သူလျှို လုပ်ငန်း အတွက် အစိုးရ ရဲ့ တွန်းအား ပေးမှု ရှိနေတယ်လို့လည်း သူက ဆိုပါတယ်။

ပြီးခဲ့တဲ့ နှစ်တုန်း က တရုတ်မှာ နိုင်ငံလုံး ဆိုင်ရာ သတင်း အချက်အလက် ရရှိမှုအတွက် ကူညီ ရမယ်ဆိုတဲ့ ဥပဒေ ပြဋ္ဌာန်း ခဲ့တာ ကြောင့် လည်း သူသျှိုလုပ်ငန်းတွေ လုပ်ဆောင် နိုင်တယ် ဆိုတဲ့ သံသယ တွေကို ပိုကြီး စေခဲ့တာပါ။

ဒါကြောင့် ဟွာဝေး နဲ့ ဇက်တီအီး ကုမ္ပဏီ တွေရဲ့ ဆက်သွယ်ရေး ဆိုင်ရာ ကုန် ပစ္စည်းတွေကို အသုံးပြုမယ်ဆိုရင် သတင်းအချက်အလက် ခိုးယူ ခံရနိုင်တယ်ဆိုပြီးတော့ နိုင်ငံရပ်ခြား အစိုးရတွေက စိုးရိမ် နေကြတာ ဖြစ်ပါတယ်။


ဒီအချိန်ကျမှ ဘာကြောင့် ဖြစ်လာတာလဲ။

မိုလ်ဘိုင်း ဖုန်း တွေ အတွက် ဆက်သွယ်ရေး ပိုမိုလျင်မြန် လာစေမယ့် မျိုးဆက် ၅ 5G ကွန်ရက်တွေကို နိုင်ငံ တချို့မှာ တည်ဆောက်လာကြပါတယ်။

ဟွာဝေး ကုမ္ပဏီဟာ ဆက်သွယ်ရေး ပစ္စည်း ကိရိယာ တွေကို ထုတ်လုပ် ရောင်းချတဲ့ ကမ္ဘာ့အကြီးဆုံး ကုမ္ပဏီ ကြီးပါ။ နယူးဇီလန် နိုင်ငံက ဆက်သွယ်ရေး ကုမ္ပဏီ ဟာ ဟွာဝေး ကုမ္ပဏီရဲ့ 5G ပစ္စည်း ကိရိယာ တွေကို အသုံးပြုဖို့ စီစဉ် နေတာ ပါ။

ဒီလို ကုမ္ပဏီ ရဲ့ ပစ္စည်း ကိရိယာ တွေကို ဆက်သွယ်ရေး ကွန်ရက်တွေမှာ အသုံးပြု မယ် ဆိုရင် တရုတ် အစိုးရ ရဲ့ သူလျှို လုပ်ငန်း ကို အထောက်အကူ ပေးရာ ရောက်မယ်ဆိုပြီး နယူးလီလန် အစိုးရ ဆက်သွယ်ရေး လုံခြုံမှု ဗျူရို GCSB က ယုံကြည် နေတာ ဖြစ်ပါတယ်။

တခြား နိုင်ငံတွေရဲ့ စိုးရိမ်မှု။

ဩစတြေးလျ ဟာလည်း နိုင်ငံ လုံခြုံရေး ကို အကြောင်းပြပြီး ဟွာဝေး နဲ့ ဇက်တီအီး ကုမ္ပဏီ က 5G ဆက်သွယ်ရေး ကွန်ရက် ပစ္စည်းတွေကို အသုံး မပြုဖို့ တားမြစ် ခဲ့ပါတယ်။

ဟွာဝေး ကုမ္ပဏီ ဘက်ကလည်း ဒါဟာ အချက်အလက် မခိုင်လုံတဲ့ စွပ်စွဲမှု အဖြစ် တုံ့ပြန်ပြီး၊ ဩစတြေးလျ အစိုးရ ရဲ့ အကျိုးအကြောင်း မဆီလျော်တဲ့ လုပ်ရပ် သာ ဖြစ်ကြောင်း ပြန်လည် ဝေဖန် ခဲ့ပါတယ်။

ကုမ္ပဏီ ကို လုပ်သား တွေက သာ ပိုင်ဆိုင်ပြီး၊ ပုဂ္ဂလိက ကုမ္ပဏီ ဖြစ်တာ ကြောင့် လွတ်လပ်စွာ ရပ်တည် ဆောင်ရွက် နေတာ ဖြစ်တယ်လို့လည်း ပြောဆိုပါတယ်။ နောက်ပြီး အစုရှယ်ယာ ရှင်တွေရဲ့ ထည့်ဝင်မှုတွေ နဲ့ ကုမ္ပဏီ ကို ရပ်တည် နေတာ မဟုတ်ဘူးလို့လည်း သူက ဆိုပါတယ်။

ဟွာဝေး က ထုတ်လုပ်တဲ့ 5G ဆက်သွယ်ရေး ကွန်ရက် ပစ္စည်း ကိရိယာ တွေကို ဩစတြေးလျ အစိုးရ အေဂျင်စီ တွေ က စစ်ဆေးမှုတွေ ဆောင်ရွက် နိုင်တယ်လို့ ပြောပါတယ်။

ဩစတြေးလျ နိုင်ငံ တခုတည်း ကတင် စိုးရိမ် ပူပန် နေတာတော့ မဟုတ်ပါဘူး။ အမေရိကန်၊ ဗြိတိန် တို့ကလည်း ဟွာဝေး ကုမ္ပဏီ ရဲ့ ပစ္စည်း တွေနဲ့ ပတ်သက်လို့ စိုးရိမ်မှုတွေ ရှိနေကြတာပါ။

နောက်ပြီး ဂျာမနီ၊ ဂျပန် နဲ့ တောင်ကိုရီးယား နိုင်ငံ တို့မှာ ဟွာဝေး ရဲ့ ပစ္စည်း ကိရိယာတွေကို ပြန်လည် ကြည့်ရှု စစ်ဆေးမှုတွေ လုပ်နေကြပါပြီ။

အမေရိကန် အစိုးရ ဟာ ကြိုးမဲ့ ဆက်သွယ်ရေး ကို ဝန်ဆောင်မှု ပေးနေတဲ့ ကုမ္ပဏီ တွေ အနေနဲ့ ဟွာဝေး ရဲ့ ကုန်ပစ္စည်းတွေကို အသုံးမပြုဖို့ ဖျောင်းဖျ ခဲ့တယ်လို့ World Street ဂျာနယ်မှာ ရေးသား ခဲ့ပါတယ်။

ပြီးခဲ့တဲ့ ဇူလိုင်လတုန်း က ဗြိတိန် အစိုးရ က ဖွဲ့စည်းပေးထားတဲ့ လျှို့ဝှက် ကော်မတီ တခု ဟာ ဟွာဝေး ရဲ့ ကုန်ပစ္စည်း တွေဟာ လုံခြုံရေး မချိုးဖောက် ဘူး ဆိုတဲ့ အာမခံချက် ကို အနည်းငယ်ပဲ ပေးနိုင်တယ်လို့ သတိပေးထား ခဲ့ပါတယ်။

ဟွာဝေးရဲ့ ဆက်သွယ်ရေး ကွန်ရက် ပစ္စည်းတွေကို အသုံးပြု ဖို့ မီးစိမ်း ပြခဲ့တဲ့ နိုင်ငံ ကတော့ ပါပူဝါ နယူးဂီနီ ပါ။

ပြီးခဲ့တဲ့ တပတ် ကမှ ပါပူဝါ နယူး ဂီနီ အစိုးရ က က ခွင့်ပြု ပေးခဲ့တာလည်း ဖြစ်ပါတယ်။

တရုတ် နိုင်ငံဟာ ပစိတ်ဖိတ် သမုဒ္ဒရာ ပိုင်းက ပါပူဝါ နယူးဂီနီ မှာ အလုံးအရင်း နဲ့ ရင်းနှီးမြုပ်နှံမှုတွေ လုပ်ဆောင် နေတာလည်း ဖြစ်ပါတယ်။
ဟွာဝေး ဖုန်း အသုံးပြုသူတွေ အချက်အလက် တွေခိုးယူ ခံရနိုင်လား 
BBC Burmese
https://www.bbc.com/burmese

ဘေဂျင်းနားက ဓာတုစက်ရုံ ပေါက်ကွဲမှုအတွင်း လူ ၂၂ ဦး သေဆုံ

စက်ရုံအပြင်ဘက်မှာ မီးလောင်နေတဲ့ ကားတွေ တွေ့ရပုံ
တရုတ်နိုင်ငံ မြောက်ပိုင်းက ဓာတု စက်ရုံတခုရဲ့ အပြင်ဘက်မှာ ပေါက်ကွဲမှု ဖြစ်ပွားခဲ့ရာမှာ အနည်းဆုံး လူ ၂၂ ဦး သေဆုံးခဲ့ပြီး နောက်ထပ် ၂၂ ဦး ဒဏ်ရာ ရခဲ့ပါတယ်။

ဘေဂျင်းမြို့ မြောက်ဘက်က ဂျန်ဂျီယာကူမြို့မှာ ဓာတုပစ္စည်းတွေ သယ်ဆောင်လာတဲ့ မော်တော်ယာဉ် တစ်စင်း ဟီဘေ ရှန်ဂွာ ဓာတု ကုမ္ပဏီ စက်ရုံထဲ ဝင်ဖို့ စောင့်ဆိုင်းနေစဉ် ပေါက်ကွဲခဲ့တာပါ။

စက်ရုံ အပြင်ဘက်က လမ်းပေါ်မှာ တန်းစီနေတဲ့ ထရပ်ကား ၃၂ စင်းနဲ့ ကား ၁၂ စင်း မီးလောင် ပျက်စီးခဲ့တယ်လို့ မြို့တာဝန်ရှိပုဂ္ဂိုလ်တွေက ပြောပါတယ်။

စက်ရုံ ထုတ်လုပ်မှုတွေ အခုအခါ ရပ်ဆိုင်းထားလိုက်တယ်လို့လည်း ဆိုပါတယ်။

ဂျန်ဂျီယာကူမြို့ဟာ ၂၀၂၂ ခုနှစ် ဆောင်းရာသီ အိုလံပစ် ပွဲတော်အတွက် စကီးနဲ့ နှင်းလျှောစီး ပြိုင်ပွဲတွေ ကျင်းပဖို့ စီစဉ်ထားတဲ့ မြို့ဖြစ်ပါတယ်။

ဂျန်ဂျီယာကူမြို့ဟာ ဘေဂျင်းမြို့နဲ့ ၂၀၀ ကီလိုမီတာ အကွာမှာ တည်ရှိ
တရုတ်နိုင်ငံမှာ စီးပွားရေး အလျင်အမြန် တိုးတက်ဖြစ်ထွန်းနေပေမယ့် စက်မှုလုပ်ငန်း ဘေးကင်းလုံခြုံမှု ကိစ္စရပ်တွေမှာတော့ ပြဿနာတွေ ရှိနေဆဲ ဖြစ်ပြီး ဓာတု ပေါက်ကွဲမှုတွေ မကြာခဏ ဖြစ်လေ့ ရှိတယ်လို့ ဘေဂျင်းမြို့က ဘီဘီစီ သတင်းထောက်က ပြောပါတယ်။

ဇူလိုင်လတုန်းကလည်း စီချွမ်မြို့က ဓာတု စက်ရုံတခုမှာ ဖြစ်ပွားခဲ့တဲ့ ပေါက်ကွဲမှုအတွင်း အနည်းဆုံး လူ၁၉ ဦး သေဆုံးခဲ့ပါတယ်။

၂၀၁၅ ခုနှစ်က နိုင်ငံ အရှေ့မြောက်ပိုင်း တီယန်ဂျင် ဆိပ်ကမ်းမြို့က ဓာတု သိုလှောင်ရုံ တခု ပေါက်ကွဲခဲ့ရာမှာ လူ ၁၇၃ ဦး သေဆုံးခဲ့ပါတယ်။

ဘေးကင်းလုံခြုံရေး စနစ်တွေကို ဂရုမစိုက်ဘဲ အမြတ်အစွန်း ပိုရအောင် အဂတိလိုက်စားမှုတွေ၊ နိုင်ငံရေး ဆက်နွယ်ပတ်သက်နေမှုတွေ၊ အစိုးရတာဝန်ရှိသူတွေနဲ့ ပေါင်းလုပ်တာတွေ ရှိခဲ့တယ်လို့ ဒီပေါက်ကွဲမှုကို စုံစမ်း စစ်ဆေးမှုအရ သိရပါတယ်။

BBC Burmese
https://www.bbc.com/burmese

မော်လမြိုင်လေယာဉ်ကွင်းတွင် မြန်မာအမျိုးသား လေကြောင်းလိုင်းမှ အမောင်းသင်လေယာဉ်တစ်စီး လေယာဉ်ပြေး လမ်းဘေးထိုးဆင်းမှုဖြစ်ပွာ


မွန်ပြည်နယ်၊ မော်လမြိုင်မြို့ရှိ မော်လမြိုင်လေယာဉ်ကွင်းတွင် မြန်မာအမျိုးသား လေကြောင်းလိုင်းမှ အမောင်းသင် လေယာဉ်တစ်စီး နိုဝင်ဘာ ၂၇ ရက်က ဆင်းသက်ခဲ့ရာ လေယာဉ်ပြေးလမ်းဘေး ထိုးဆင်း ခဲ့သော်လည်း လေယာဉ်ပေါ်ပါ လူများ ထိခိုက်မှု မရှိခဲ့ကြောင်း မော်လမြိုင် လေဆိပ်မှ သိရှိရသည်။

မြန်မာ အမျိုးသား လေကြောင်းလိုင်းမှ XY-AMB (Cesskna အမျိုးအစား) အမည်ရှိ လေယာဉ်တစ်စီးသည် ရန်ကုန်မြို့မှ နံနက် ၈း၄၇ နာရီမှ အမြင့်ပေ ၇၀၀၀ နှင့် ပြန်သန်းခဲ့ရာ မော်လမြိုင်လေယာဉ်ကွင်းတွင် နံနက် ၉း၂၈ နာရီတွင် ဆင်းသက်ရာ ပြေးလမ်းဘေး ထိုးဆင်းခဲ့ကြောင်း သိရသည်။

''လေယာဉ်က အမောင်းသင်ဖို့လာတဲ့ လေယာဉ်ပါ မော်လမြိုင် လေယာဉ်ကွင်းမှာ အမောင်းသင်နေကျပါ။ အမောင်းသင်တဲ့ လေယာဉ်တွေက လေယာဉ်အဟောင်းတွေ မဟုတ်ဘူး။ မော်လမြိုင် လေယာဉ်ကွင်းမှာ ဒီလိုဖြစ်တာ ပထမဆုံးအကြိမ်လို့ ပြောရမယ်။ ကြီးကြီးမားမား ထိခိုက်မှုတော့ မရှိပါဘူး။ လေယာဉ်ဘီး လမ်းချော်တာ မဟုတ်ဘူး။ ဘေးထိုးဆင်းသွားတာပါ။လူတင် လေယာဉ်လဲ မဟုတ်ဘူး။''ဟု မော်လမြိုင်လေဆိပ် မန်နေဂျာ ဦးလှဦးက ပြောသည်။

လေယာဉ်လမ်းဘေးထိုးဆင်းမှုကြောင့် လေယာဉ်ပေါ်ပါ လေယာဉ်မောင် ၅ ဦးနှင့် လေယာဉ်မယ် ၄ ဦးမှာ ထိခိုက်ဒဏ်ရာ မရရှိဘဲ လေယာဉ်ရှေ့ဘီးကျိုးပြီး ပန်ကာကွေ့ကောက်ခဲ့ကြောင်း သိရသည်။

အဆိုပါ အမောင်းသင်လေယာဉ်သည် လူတင်စီးပါက ၁၂ ယောက်စီးနင်းနိုင်မည်ဖြစ်ပြီး တစ်စင်းလုံး ငှားရမ်းသည့် လေယာဉ်ဖြစ်ကာ လေယာဉ်ပြေးလမ်း အမှတ် ၀၄ တွင် လေယာဉ်မှာ လမ်းဘေးထိုးဆင်းမှု ဖြစ်ပွားခဲ့ကြောင်း သိရသည်။

မော်လမြိုင်လေယာဉ်ကွင်းသည် တနင်္လာနေ့အပတ်တိုင်း ကော့သောင်း- မော်လမြိုင်၊ ရန်ကုန်- မော်လမြိုင်သို့ ပြေးဆွဲလျက်ရှိရာ ၂၀၁၈-၁၉ ဘဏ္ဍာနှစ်အတွင်း မော်လမြိုင်လေယာဉ်ကွင်းအား တိုးချဲ့ရန်ရှိကြောင်း သိရသည်။

ရတနာပုံ နေ့စဉ်သတင်းစာ
https://www.facebook.com/yadanabonnewspaper

မွတ်စလင်ဒုက္ခသည် ၉၃ ဦးကို ထိန်းသိမ်းထား

ထားဝယ်ခရိုင် လောင်းလုံဘုတ်ကျွန်းအနီးက ပင်လယ်ပြင်မှာ ၂၀၁၈ နိုဝင်ဘာလ ၂၅ ရက်နေ့က လှေနဲ့ထွက်ပြေးလာတဲ့ မွတ်စလင်ဒုက္ခသည်တွေကို ဖမ်းဆီးရမိစဉ်/ ဓါတ်ပုံ - တနင်္သာရီတိုင်းရဲတပ်ဖွဲ့
တနင်္သာရီတိုင်းဒေသကြီး၊ ထားဝယ်ခရိုင် လောင်းလုံမြို့နယ်ရဲ့ အနောက်တောင်ဘက် ဘုတ်ကျွန်းအနီး ပင်လယ်ပြင် မှာ ရခိုင်ပြည်နယ်ကနေ ထွက်ပြေးလာတဲ့ မွတ်စလင်ဒုက္ခသည် ၉၃ ယောက် လိုက်ပါလာတဲ့ လှေတစ်စီးကို နိုဝင်ဘာ ၂၅ ရက်နေ့ညက တွေ့ရှိခဲ့တယ်လို့ သိရပါတယ်။

အဲဒီလှေပေါ်မှာ အမျိုးသား ၂၈ဦး၊ အမျိုးသမီး ၃၃ ဦး၊ ကလေး ၃၂ ဦး စုစုပေါင်း ၉၃ ဦးပါဝင်ပြီး သူတို့ကို စမ်းလှမ်းကျေးရွာအနီးက ရေပြင်မှာ ထိန်းသိမ်းထားတယ်လို့ တိုင်းရဲတပ်ဖွဲ့မှတ်တမ်းတွေအရ သိရပါတယ်။

သူတို့ကို အစားအသောက်တွေ ထောက်ပံ့ပေးထားတယ်လို့ လောင်းလုံမြို့နယ် တိုင်းလွှတ်တော်ကိုယ်စားလှယ် ဦးဗိုလ်ထွေး က ပြောပါတယ်။

အဲဒီဒုက္ခသည်တွေဟာ စစ်တွေမြို့၊ သဲချောင်းကျေးရွာအုပ်စု၊ ဒါးပိုင်ကျေးရွာ ဒုက္ခသည်စခန်းကနေ ထွက်ပြေးလာ သူတွေဖြစ်ပြီး မလေးရှားနိုင်ငံကို သွားဖို့ ကြိုးစားကြသူတွေဖြစ်တယ်လို့ ထွက်ဆိုထားကြောင်းလည်း ရဲတပ်ဖွဲ့မှတ်တမ်းမှာ ဖော်ပြထားပါတယ်။

ဒုက္ခသည်တွေကို စစ်ဆေးနေဆဲဖြစ်ပြီး ပြည်ထောင်စုအစိုးရရဲ့ ညွှန်ကြားချက်ကို စောင့်ဆိုင်းနေကြောင်း တိုင်းရဲတပ်ဖွဲ့ တာဝန်ရှိသူတစ်ဦးက ပြောပါတယ်။

ပြီးခဲ့တဲ့ နိုဝင်ဘာ ၁၆ ရက်နေ့ကလည်း ရခိုင်ပြည်နယ်ကနေ ထွက်ပြေးလာတဲ့ မွတ်စလင်ဒုက္ခသည် အယောက် ၁၀၀ ကျော်ကို ရန်ကုန်တိုင်း ကျောက်တန်းမှာ ဖမ်းမိခဲ့တဲ့အတွက် ရက်ပိုင်းလောက် ထိန်းသိမ်းစစ်ဆေးပြီးနောက် နေရပ်ကို ပြန်လည်ပို့ဆောင်ခဲ့ပါတယ်။

လှေပေါ်မှာ လိုက်ပါလာတဲ့ မွတ်စလင်ဒုက္ခသည်တွေဟာ ပွဲစားကို တစ်ဦးအတွက် မြန်မာငွေကျပ် ၅ သိန်းပေးကာ လိုက်လာကြတာဖြစ်ပြီး မလေးရှားနိုင်ငံကို ထွက်ခွာဖို့ ရခိုင်ပြည်နယ်၊ ဒါးပိုင်ကျေးရွာ ဒုက္ခသည်စခန်းကနေ နိုဝင်ဘာလ ၁၈ ရက်နေ့က စတင်ထွက်ခွာလာတာဖြစ်တယ်လို့ ရဲတပ်ဖွဲ့မှတ်တမ်းအရ သိရပါတယ်။

ဒါပေမဲ့ ပင်လယ်ပြင်မှာ လမ်းပျောက်ပြီး တပ်မတော်ရေယာဉ်နဲ့ တွေ့ရှိခဲ့တာကြောင့် လက်ရှိမှာ လောင်းလုံမြို့နယ် စမ်းလှမ်းကျေးရွာက ကမ်းခြေအနီးမှာ ထိန်းသိမ်းခံထားရတာဖြစ်ပါတယ်။

လောင်းလုံမြို့နယ် တိုင်းဒေသကြီးလွှတ်တော်ကိုယ်စားလှယ် ဦးဗိုလ်ထွေး က အခုလိုပြောပါတယ်။

"ဘင်္ဂါလီတွေကို ဖမ်းမိထားတာတော့ confirm ဖြစ်ပါတယ်၊ အသေးစိတ်ဘာတွေကို ဆက်ပြီး ဆောင်ရွက် မလဲဆိုတာ အစိုးရအဖွဲ့လည်း ပြည်ထောင်စုဆီ လှမ်းတင်ထားတယ်လို့ သိရတယ်၊ ဒီမှာတော့ medical cover တို့ဘာတို့တော့ အပြည့်အစုံလုပ်ပေးထားတယ်၊ ၂၅ ရက်နေ့ညမှာ တွေ့တယ်လို့ သိရတယ်ပေါ့နော်၊ လောလော ဆယ်တော့ ကမ်းနဲ့သိပ်တော့ မဝေးဘူးဗျ၊ စက်လှေကြီးပေါ်မှာ နေရာချထားတာရှိပါတယ်၊ အစားအသောက် ကတော့ ကမ်းကနေ သွားပို့တာပေါ့နော်၊ အုပ်ချုပ်ရေးကနေ စီစဉ်ပြီးပေါ့လေ"

စစ်ဆေးတွေ့ရှိချက်တွေအရ အဲဒီဒုက္ခသည်တွေ အားလုံးဟာ စစ်တွေမြို့နယ် သဲချောင်းကျေးရွာအုပ်စုအတွင်း နေထိုင်ကြသူတွေဖြစ်ပြီး တချို့က White Card ရှိပြီး တချို့မှာ အသိအမှတ်ပြု သက်သေခံလက်မှတ်ရှိတယ်လို့လည်း သိရပါတယ်။

ဖမ်းမိထားသူအားလုံးကို သူတို့ရဲ့နေရပ်တွေကို ပြန်ပို့ပေးသွားမှာဖြစ်ပြီး လတ်တလောမှာ တပ်မတော်ဘက်က တာဝန်ယူထိန်းသိမ်းထားတယ်လို့ တနင်္သာရီတိုင်းရဲတပ်ဖွဲ့ ဒုတိယရဲမှူးကြီး စိန်ဝင်း က အခုလို ပြောပါတယ်။

"စစ်ကြောချက်အရ သူတို့နေရပ်ပေါ့၊ ရခိုင်ပြန်ပို့ပေးဖို့ရှိပါတယ်၊ သင်္ဘောတို့ ဘာတို့အကုန်လုံးက ပြည်ထောင်စုက ကူညီပေးတာပါ၊ ပင်လယ်ထဲက လှေပေါ်မှာ ထိန်းသိမ်းစောင့်ရှောက်ထားပါတယ်၊ သူတို့ရဲ့စားဝတ်နေရေး အကုန်လုံး တပ်မတော်ကနေ တာဝန်ယူပေးထားပါတယ် "

တနင်္သာရီတိုင်းအစိုးရအဖွဲ့က ပြည်ထောင်စုအစိုးရကို တင်ပြပြီး ညွှန်ကြားချက်တွေအတိုင်း လုပ်ဆောင်နေတယ်လို့ RFA ကို ပြောပေမယ့် လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာန ပြည်ထောင်စု ဒုတိယ၀န်ကြီး ဦးစိုးအောင် ကို RFA က မေးမြန်းကြည့်ရာမှာတော့ ဒီကိစ္စနဲ့ပတ်သက်ပြီး မသိရှိသေးကြောင်း ပြောပါတယ်။

"ဘယ်သူမှ မတင်ပြထားသေးဘူး၊ ပြီးခဲ့တဲ့ ကျောက်တန်းဘက်က ဘင်္ဂါလီတွေတုန်းကတော့ လိုအပ်တဲ့ စားနပ် ရိက္ခာထောက်ပံ့ပေးတာတွေ လုပ်ပေးတာပေါ့၊ အ၀တ်အစားတွေလည်း ပါမလာဘူးဆိုတော့ အ၀တ်အစား ဆင်ပေးလိုက်တာပေါ့ဗျာ၊ အဲတာတော့ ကျနော်တို့ဝန်ကြီးဌာနအပိုင်းက လုပ်ပေးတာပေါ့ဗျာ၊ ဒါပေမဲ့ ကျနော်တို့ ဘက်က လုပ်မယ်ဆိုရင်လည်း ဟိုမှာကျနော်တို့ တိုင်းရုံးတွေရှိတာပဲလေ၊ လှမ်းအကြောင်းကြားလိုက်ရုံပါပဲ"

ဒါပေမဲ့ ဒီကိစ္စကို တိုင်းလူကယ်ပြန်က ကူညီပေးဖို့ရှိကြောင်း တိုင်းအစိုးရအဖွဲ့ လူမှုရေးဝန်ကြီး ဦးဟိုပင် က သတင်းရရှိထားတယ်လို့ RFA ကို အခုလို ဖြေကြားပါတယ်။

"ကျနော်တိုင်းအစိုးရနဲ့ အဆက်သွယ်ပြတ်နေတာ ၂ ရက်ရှိပြီ၊ မနေ့ကတော့ ရန်ကုန်မှာပေါ့လေ၊ အစည်းအဝေး တက်နေပါတယ်၊ မနက်ကတော့ ကျနော်ဆီကို လူကယ်ပြန်ကနေ ဖုန်းဆက်လာတာတော့ရှိတယ်၊ ဒုက္ခသည်တွေ ကို လူကယ်ပြန်က ထောက်ပံ့တဲ့နှုန်းထားအတိုင်း စားစရာတွေ ထောက်ပံ့ဖို့ရှိပါတယ်ဆိုပြီး ကျနော်ဆီ လှမ်းဖုန်း ဆက်တာရှိပါတယ်"

အလားတူဖြစ်ရပ်မျိုးဟာ နိုဝင်ဘာ ၁၆ ရက်နေ့က ရန်ကုန်တိုင်း ကျောက်တန်းမြို့နယ်မှာလည်း ဖြစ်ပွားခဲ့ပြီး အဲဒီတုန်းက စစ်တွေနဲ့ ပေါက်တောမြို့နယ်တွေက ထွက်ပြေးလာတဲ့ မွတ်စလင်ဒုက္ခသည် ၁၀၆ ယောက်ကို တွေ့ရှိခဲ့တာဖြစ်ပါတယ်။ သူတို့တွေကိုတော့ တပ်မတော်ရေယာဉ်နဲ့ နိုဝင်ဘာ ၁၈ ရက်နေ့က နေရပ်ပြန်ပို့လိုက်ပြီ ဖြစ်ပါတယ်။

ရခိုင်ပြည်နယ်ဟာ ဘင်္ဂလားပင်လယ်နဲ့ ထိစပ်တဲ့ဒေသဖြစ်တာကြောင့် လှေနဲ့ထွက်ခွာကြတာ အများဆုံးဖြစ်ပြီး တချို့ကတော့ ရခိုင်ရိုးမကိုဖြတ်ပြီး ကုန်းလမ်းကနေတဆင့် မော်တော်ကားတွေနဲ့ ထွက်ခွာကြတယ်လို့လည်း သိရပါတယ်ရှင်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

RFA Burmese
https://www.rfa.org/burmese

ရှမ်းမြောက်က ကွတ်ခိုင်မှာ ကချင်လူငယ်တွေကို ဖမ်းနေ

 ကေအိုင်အေ တပ်သားတစုကို တောတွင်းတနေရာမှာ တွေ့ရ
နိုဝင်ဘာလ ၂၆ ရက်က ရှမ်းပြည်မြောက်ပိုင်း ကွတ်ခိုင်မြို့မှာ လူငယ်တချို့ကို အစိုးရတပ်က ဖမ်းဆီးရိုက်နှက်တာတွေရှိသလို ကေအိုင်အေတပ်က စစ်သားစုဆောင်းဖို့ ဖမ်းခေါ်သွားတာတွေ ရှိခဲ့ပါတယ်။

ကွတ်ခိုင်နယ်မှာရှိတဲ့ ကချင်စစ်ရှောင်စခန်းအမှတ် ၂ က ကချင်လူငယ် အင်ခွန်ဇော်တောင်နဲ့ လဖိုင်ဇော်ဝမ်တို့ ဘော်လီဘောပြိုင်ပွဲအသွား မန်ပိန်းရွာနားမှာ ရှေ့တန်းတာဝန်ကျနေတဲ့ အစိုးရတပ်မတော်က ငါးနာရီကြာ ဖမ်းဆီးရိုက်နှက်တာကို ခံခဲ့ရပါတယ်။

ရိုက်နှက်ခံရသူတွေက ဆေးရုံမတက်ရဲ အမှုမဖွင့်ရဲဘဲ စခန်းထဲမှာ ဆေးကုနေကြတယ်လို့ စစ်ရှောင်စခန်းတာဝန်ခံက ပြောပါတယ်။ ဖုန်းထဲမှာ စစ်ဝတ်စုံနဲ့ အကသီချင်းပါလို့ အဖမ်းခံရတာလို့ ဆိုပါတယ်။

နောက် ကွတ်ခိုင်မြို့ပေါ်မှာ ညပိုင်း လက်ဖက်ရည်ဆိုင်ထိုင်နေတဲ့ မိုင်တဲဖုန်းကုမ္ပဏီ တာဝါတိုင်ဆောက်တဲ့ ဝန်ထမ်းတယောက်နဲ့ ကချင်လူငယ် ကိုးယောက်ကို ကေအိုင်အေ ကချင်လွတ်မြောက်ရေးတပ်မတော်ရဲ့ တပ်ရင်း ၉ က စစ်သား စုဆောင်းဖို့ ဖမ်းခေါ်သွားတယ်လို့ ဒေသခံ တွေကပြောပါတယ်။
ကွတ်ခိုင်ကျမ်းစာသင်ကျောင်း
ဗမာလူငယ် နှစ်ယောက်ကို ပြန်လွှတ်လိုက်ပြီး ကျမ်းစာသင်ကျောင်းက သုံးယောက်ပါသွားတယ်လို့ သိရပါတယ်။

ကျမ်းစာသင်ကျောင်းတာဝန်ခံတွေကလည်း သူတို့ကျောင်းက လူငယ်တွေကို လိုက်ရှာနေကြတယ်လို့ ဒေသခံ မမိုင်းမိုင်က ပြောပါတယ်။

ကေအိုင်အေအနေနဲ့ စစ်သားသစ်အတွက် စည်းရုံးစုဆောင်းတာရှိပေမယ့် အတင်းအဓမ္မခေါ်တာမျိုး မလုပ်ဘူးလို့ ကေအိုင်အေ ပြောရေးဆိုခွင့်ရှိသူ ဗိုလ်မှူးကြီးနော်ဘူက ပြောပါတယ်။

နိုဝင်ဘာ ၂၀ ရက်က ကွတ်ခိုင်မြို့နယ်မှာ ခလရ (၄၅)က ဗိုလ်ကြီးတယောက်ကို တီအန်အယ်လ်အေက ဖမ်းလို့ ခလရ ၄၅ ကလည်း ပန်ကူကျေးရွာ၊ မန်ဆာရွာက ဒေသခံ ကိုးယောက်ကို ပြန်ဖမ်းခဲ့ပါသေးတယ်။

ဖမ်းသွားခံရတဲ့ ပန်ကူရွာက ဒေသခံ ငါးယောက် ပြန်လွတ်ခဲ့ပေမယ့် ကျန်တဲ့သူတွေက မလွတ်သေးသလို ခလရ ၄၅ က ဗိုလ်ကြီးလည်း မလွတ်လာသေးဘူးလို့ နီးစပ်တဲ့ ဒေသခံတွေက ပြောပါတယ် ။

BBC Burmese
https://www.bbc.com/burmese

မလေးရှား ကွာလာလမ်ပူက ဟိန္ဒူဘုရားကျောင်း အဓိကရုဏ်း ကူးစက်မှာစို

လူမျိုးရေး အဓိကရုဏ်းတွေ ကူးစက်မှာ စိုးရိမ်
နိုဝင်ဘာလ ၂၆ ရက် မနက်အစောပိုင်းက ကွာလာလမ်ပူ နားက ဟိန္ဒူဘုရားကျောင်း တခု တိုက်ခိုက်ခံရလို့ လူမျိုးရေး အဓိကရုဏ်းတွေ ကူးစက်မှာ စိုးရိမ်နေကြပါတယ်။

အဲဒီမနက်က ကား ၁ဝ စီးကျော် မီးရှို့ခံရပြီး အများအပြား ဒဏ်ရာရခဲ့ပါတယ်။

ညပိုင်းမှာလည်း လူထောင်နဲ့ချီ ဆရီမဟာမာရီမန် ဘုရားကျောင်းနားမှာ စုရုံးခဲ့ကြပြီး ကားတွေထပ်မီးရှို့သလို ရောက်လာတဲ့ မီးသတ်နဲ့ ကယ်ဆယ်ရေး ဝန်ထမ်းတွေကိုလည်း တိုက်ခိုက်ခဲ့ကြ ပါတယ်။

အရာရှိတယောက်ကို မီးသတ်ကားပေါ်က ဆွဲချပြီး လူအုပ်က ရန်ပြုလို့ အသည်းအသန်ကုသပေးနေရတယ်လို့ မလေးရှားကီနီ သတင်းဝက်ဆိုက်က ရေးပါတယ်။

ဒီအဓိကရုဏ်းဟာ မြေပိုင်ဆိုင်မှု အငြင်းပွားတာနဲ့ ပတ်သက်နေပြီး လူမျိုးရေး ဘာသာရေး အသွင် မဆောင်ဘူးလို့ မလေးရှားရဲက ဆိုပါတယ်။
တိုက်ခိုက်ခံရတဲ့ ဘုရားကျောင်း
တနင်္လာနေ့မနက် ၃ နာရီလောက်မှာ အမျိုးသားတစု ဘုရားကျောင်းထဲ ဝင်လာပြီး ရုပ်တုတွေကို ဖျက်ဆီးခဲ့ကြပါတယ်။ ဘုရားလူကြီးတွေကိုလည်း ဓားနဲ့ထောက်ပြီး ခြိမ်းခြောက်ခဲ့ကြပါတယ်။ အဲဒီမနက်က ကား ၁၈ စီး မီးရှို့ခံရတယ်လို့ အာဏာပိုင်တွေက ပြောပါတယ်။

မလေးရှားမှာ ရှိတဲ့ ဟိန္ဒူအများစုက အိန္ဒိယ နွယ်ဖွားတွေ ဖြစ်ကြပြီး ဘုရားကျောင်းထဲ ဝင်သောင်းကျန်းသူတွေကတော့ မလေးတွေလို့ သိရပါတယ်။

အဲဒီညမှာပဲ နောက်ထပ် လူတထောင်လောက် လာစုပြီး ဆူပူတိုက်ခိုက်ခဲ့ကြပါတယ်။ ကီနီ အင်တာနက် ရုပ်သံကပြတဲ့ ဗီဒီယိုမှာလည်း မီးသတ်ကားကို ဖျက်ဆီးနေတဲ့ လူအုပ်တွေကို တွေ့ရပါတယ်။

လူဆယ်ယောက်ကျော်ကို ဖမ်းဆီးထားပြီး "ကျူးလွန်ရန်စသူတွေ"ကို အရေးယူသွားမယ်လို့ အစိုးရက ကြေညာထားပါတယ်။

"ကြိုးကိုင်သူတွေ ရာဇဝတ်ဘေးက ပြေးမလွတ်နိုင်ဘူး" လို့ မလေးရှား ဝန်ကြီးချုပ် မဟာသီယာ မိုဟာမက်က ပြောပါတယ်။

ဒါပေမဲ့ ကွာလာလမ်ပူနဲ့ မိုင်တရာလောက် ဝေးတဲ့ မလက္ကာမြို့မှာလည်း ဗလီဝင်းထဲကို ဝက်သားပစ်ထည့်တာတွေ ဖြစ်တယ်လို့ သတင်းထွက်နေလို့ လူမျိုးရေး မငြိမ်မသက်မှုတွေ ဖြစ်လာမှာကို ပူပန်နေကြပါတယ်။

အင်တာနက်မှာ "လူမျိုးရေး တင်းမာမှုတွေ ဖြစ်အောင် " မရေးကြဖို့လည်း မလေးရှားနိုင်ငံသားတွေကို အစိုးရအာဏာပိုင်တွေက သတိပေးနေပါတယ်။
ကျူးလွန်ရန်စသူတွေကို အရေးယူမယ်
ဒီကိစ္စတွေ ဖြစ်ပြီးနောက် ဘာသာရေး အဆောက်အအုံတွေ ရှိတဲ့နားမှာ ရဲကင်းတွေ လှည့်နေတယ်လို့လည်း မလက္ကာရဲက ပြောပါတယ်။

တန်းတူအခွင့်အရေး ပေးဖို့ နိုင်ငံအနှံ့ ကျယ်ကျယ်ပြန့်ပြန့် ပြောဆိုနေကြချိန်မှာ ဒီအဓိကရုဏ်းတွေ ဖြစ်ခဲ့တာပါ။ မလေးလူမျိုးတွေ ကြီးစိုးနေတဲ့ အစိုးရကလည်း မငြိမ်မသက် ဖြစ်လာမှာကို သတိပေးနေပါတယ်။

မလေးရှား ဖက်ဒရယ် အခြေခံ ဥပဒေ အရ မလေးလူမျိုးတွေကို အထူးအခွင့်အရေးနဲ့ ခံစားခွင့်တွေ ပေးထားတာပါ။

ခွဲခြားဆက်ဆံမှုတွေ တိုက်ဖျက်ရေး နိုင်ငံတကာ သဘောတူညီချက်မှာ ပါဝင်လက်မှတ်ထိုးဖို့ မလေးရှား အစိုးရက ပြင်ဆင်နေချိန်မှာပဲ အင်အားအကြီးဆုံး မလေးပါတီကြီး ဖြစ်တဲ့ ယူအမ်အန်အိုရဲ့ ဥက္ကဋ္ဌက အဓိကရုဏ်းတွေ ဖြစ်လာနိုင်တယ်လို့ သတိပေးလိုက်ပါတယ်။

"မလေးတွေ ရန်စတဲ့ အချိန်ထိ မစောင့်နဲ့၊ ဒါမျိုးက သတိပေးရုံ မဟုတ်ဘူး၊ အဓိကရုဏ်း မဖြစ်စေချင်ရင် မစနဲ့" လို့ ယူအမ်အန်အိုဥက္ကဋ္ဌ အာမက် ဇာဟစ် ဟာမီဒီက ဒီလဆန်းက ပြောကြားကြောင်း မလေးမေး သတင်းစာက ရေးသားထားပါတယ်။

BBC Burmese
https://www.bbc.com/burmese

ဆိပ်ဖြူမြို့နယ်တွင် အရှည်(၁၀)ပေခန့်ရှိ စပါးအုံးမြွေကြီးဖမ်းမိ


မကွေးတိုင်းဒေသကြီး၊ ဆိပ်ဖြူမြို့နယ်က ဆိပ်ကမ်းသာလှေဆိပ်မှာ နိုဝင်ဘာ(၂၆)ရက် မနက်ပိုင်းက အရှည်(၁၀)ပေ၊ လုံးပတ်(၁)ပေခန့် ရှိတဲ့ စပါးအုံးမြွေကြီးတစ်ကောင်းကို ဖမ်းဆီးရမိခဲ့ပါတယ်။

အဲဒီစပါးအုံးမြွေကြီးကို လှေဆိပ်အနီးမှာ ရေလုပ်သားတွေက တွေ့ရှိ ဖမ်းဆီးခဲ့ပြီးနောက် မြို့နယ်သစ်တောဦးစီးမှူးရုံးကို အပ်နှံခဲ့တယ်လို့ သိရပါတယ်။

သတင်း-ကိုမောင်မောင်(ဆိပ်ဖြူ)
One News Myanmar
https://www.facebook.com/onenewsmyan

လက်သီးချင်းထိုးရာမှ လူသေမှုဖြစ်ပွား


ရန်ကုန် နိုဝင်ဘာ ၂၇

ရန်ကုန်တိုင်းဒေသကြီး အရှေ့ပိုင်းခရိုင်၊ ဒဂုံမြို့သစ်(ဆိပ်ကမ်း) မြို့နယ်၊ အမှတ်(၆၁) ရပ်ကွက်ဂီတဗိမ္မာန်အဆောက်အဦအနီး မြနန္ဒာလမ်းမပေါ်တွင် နိုဝင်ဘာ(၂၅)ရက်မွန်းလွဲ(၂း၃၀)ခန့်က လူတစ်ဦး သေဆုံးနေကြောင်းသတင်းအရ ဒဂုံမြို့သစ်(ဆိပ်ကမ်း)မြို့မရဲစခန်း ခေတ္တစခန်းမှူး ကျော်ကျော်ဝင်း နှင့်သက်သေရာအိမ်မှူး ဦးအောင်မိုးခိုင်၊ဦးမင်းသူတို့နှင့်အတူသွားရောက်စစ်ဆေးရာ ငစိုင်း(ခ)မြင့်နိုင်ဦး ဆိုသူသည် ၀ဲပါးပွန်းပဲ့ဖူးရောင် ဦးခေါင်းနောက်ဘက်ဖူးရောင်ဒဏ်ရာဖြင့် သေဆုံးနေပြီး သေဆုံးသူ၏အနီးတွင် ၀တုတ်(ခ)ဇော်ဇော်နိုင်အားတွေ့ရှိခဲ့ရသည်။

ဝတုတ်(ခ)ဇော်ဇော်နိုင်အားမေးမြန်းစစ်ဆေးရာ ထိုနေ့မွန်လွဲ ၁ နာရီခန့်က ၄င်းပိုင်ဆိုင်ကယ် DAYANG-125.နီ/နက် ရောင်ဖြင့် ကယ်ရီဆွဲရန်ထွက်လာစဉ် ဧရာဝဏ်လမ်းမပေါ်အရောက်
တစ်ရပ်ကွက်တည်းနေ ငစိုင်း(ခ)မြင့်နိုင်ဦး မှယုဇနဥယျာဉ်မြို့တော်ဘက်သို့လိုက်ပါပို့ဆောင်ရန်ငှါးရမ်းသဖြင့်လိုက်ပါပို့ဆောင်ခဲ့ကြောင်း အမှတ်(၆၁)ရပ်ကွက် မြနန္ဒာလမ်း ဂီတဗိမ္မာန်အဆောက်အဦ ရှေ့ အရောက်တွင် ငစိုင်းက အပေါ့သွားမည်ပြောသဖြင့်ရပ်ပေးခဲ့ကြောင်း ငစိုင်း ကအပေါ့သွားပြီးပြန်လာကာ မပြောမဆို သူ့အားလက်သီးဖြင့်ထိုးကြောင်း ထို့ကြောင့်၎င်းကပြန်လည်ထိုးကြိတ်ရာ ပက်လက်လန်လဲကျသွားပြီးနောက်စေ့နှင့်ကွန်ကရစ်လမ်းရိုက်မိပြီး သေဆုံးခြင်းဖြစ်ကြောင်းပြောပြခဲ့သည်။

စုံစမ်းသိရှိရပြီးနောက် ရဲအုပ်ကျော်ကျော်ဝင်းနှင့်သက်သေများသည် ငစိုင်း၏အလောင်းအားသင်္ကန်းကျွန်းစံပြဆေးရုံကြီးသို့ ပိုဆောင်အပ်နှံရာ(PR.80)ဖြင့်လက်ခံထားရှိခဲ့သည်။

ထို့ကြောင့် ၀တုတ်(ခ)ဇော်ဇော်နိုင်၊အသက်(၃၂)နှစ် ၊ အမှတ်(၆၀) ရပ် ကွက်ငွေရတနာလမ်း(ကျူး)၊ဒဂုံမြို့သစ်(ဆိပ်ကမ်း)မြို့နယ် တွင်နေထိုင်သူအား ဒဂုံမြို့သစ်(ဆိပ်ကမ်း) မြို့မ
ရဲစခန်းက အမှုဖွင့်ဆောင်ရွက်ထားကြောင်းသတင်းရရှိသည်။

မင်းမင်း(ဆိပ်ကမ်း)
Myanmaalinn
https://www.facebook.com/MYANMAALINNNEWS/

မြိုင်မြို့နယ်တွင် ဆီသယ်ယာဉ်တစ်စီးမီးလောင်မှုဖြစ်ပွား


မြိုင် နိုဝင်ဘာ ၂၇

မကွေးတိုင်းဒေသကြီးမြိုင်မြို့နယ်တွင် နိုဝင်ဘာ၂၇ရက် ည ၁၃း၁၅ နာရီအချိန်ကပေါက်မြို့နယ် လယ်အိုရေနံမှော်မှ မုံရွာမြို့သို့ ပို့ဆောင်ရန်မောင်းနှင်လာသည့် (၁၈)ဘီးမော်တော်ယာဉ်သည် ဂန့်ဂေါ-မြိုင်- ပခုက္ကူလမ်း(အာဆီယံလမ်း)မိုင်တိုင်အမှတ် ဝ/၃ အနီးတွင် ရှေ့ဘီးတာယာ ရုတ်တရက်အပူလွန်ပြီး မီးလောင်မှုဖြစ်ပွားခဲ့ကြောင်းသိရသည်။

အဆိုပါမီးလောင်မှုဖြစ်ပွားရာနေရာသို့မြို့နယ်အုပ်ချုပ်ရေးမှူး ဦးသန့်ဇင်ခိုင်၊မြို့နယ်ရဲတပ်ဖွဲ့မှူး ရဲမှူးဝင်းအောင်နှင့်တပ်ဖွဲ့ဝင်များ၊ မြို့နယ်မီးသတ်ဦးစီးမှူး နှင့်တပ်ဖွဲ့ဝင်များရောက်ရှိပြီး ဝိုင်းဝန်းမီးငြိမ်း သတ်ရာ ၀၃း၄၅ အချိန်တွင် မီးငြိမ်းသွားခဲ့သည်။


၎င်းဖြစ်စဉ်တွင်နောက်ဆက်တွဲယာဉ်အားစတင်လောင်ကျွမ်းစဉ် ကဖြုတ်ချပြီး ရှေ့ဆွဲခေါင်းယာဉ် အားဖယ်ရှာထားသည့်အတွက် နောက်တွဲယာဉ်ဘီးတာယာများနှင့်တွဲအောက်ပိုင်းအစိတ်ပိုင်းများ လောင်ကျွမ်းကာ ကာလတန်ဖိုး (၂၅၀၀၀၀-)ဆုံးရှုံးပျက်စီး ခဲ့ကြောင်းနှင့် ယာဉ်မောင်းအား ဥပဒေနှင့်အညီအမှုဖွင့် အရေးယူသွားရန်စီစဉ်ဆောင်ရွက်လျက်ရှိကြောင်းသိရသည်။

ဖြိုးမွန်ကျော်
Myanmaalinn
https://www.facebook.com/MYANMAALINNNEWS/

ရန်ကုန်-စစ်တွေကားလမ်းမတွင် ကားမီးလောင်မှုဖြစ်ပွား


ရခိုင်ပြည်နယ်၊ မြေပုံမြို့နယ်၊ လေသွန်ကျေးရွာအနီး ရန်ကုန်-စစ်တွေ ကားလမ်းမကြီးမှာ နိုဝင်ဘာ(၂၆)ရက် ည(၁၁)နာရီခွဲ အချိန်က လိုက်ထရက်ကား(၁)စီး မီးလောင်မှု ဖြစ်ပွားခဲ့တယ်လို့ သိရပါတယ်။ အဲဒီကားမီးလောင်တာကို အနီးနားက ကျေးရွာသားတွေနဲ့ အရန်မီးသတ်တပ်ဖွဲ့ဝင်တွေ ဝိုင်းဝန်းငြှိမ်းသတ်ခဲ့ရာ ည(၁၂) နာရီကျော်မှာ မီးငြှိမ်းသတ်နိုင်ခဲ့တယ်လို့ သိရပါတယ်။

ကားခေါင်းခန်းက ဝါယာလျှော့ဖြစ်ပြီး မီးစတင်လောင်းကျွမ်းခဲ့တာလို့ ကမ်းထောင့်ကြီးနယ်မြေ မီးသတ်စခန်းက လက်ထောက် မီးသတ်ဦးစီးမှူး ဦးညီညီအောင်က ပြောပါတယ်။ အဲဒီမီးလောင်ကျွမ်းတာကြောင့် ထိခိုက်ဒဏ်ရာရတာမရှိခဲ့ဘဲ ကျပ်သိန်းသုံးဆယ်ခန့် ဆုံးရှုံးခဲ့တယ်လို့ သိရပါတယ်။ ဒီမီးလောင်မှုနဲ့ပတ်သက်ပြီး ကားပိုင်ရှင်ကိုစုံစမ်းနေပြီး ကမ်းထောင့်ကြီးနယ်မြေရဲစခန်းက (ပ)၆၂/၂၀၁၈ ပုဒ်မ၂၈၅/၂၇၉ နဲ့ အမှုဖွင့်အရေးယူထားတယ်လို့ သိရပါတယ်။

သတင်း- ကျော်လွင်
One News Myanmar
https://www.facebook.com/onenewsmyan

အလုံမြို့နယ် G&G စတိုးအတွင်း ၀င်ရောက် လုယူသူများအား ဖမ်းဆီးရမိ

ရန်ကုန်တိုင်းဒေသကြီး ၊ အလုံမြို့နယ် ၊ ဌာနလမ်းထိပ်ရှိ G&G စတိုးဆိုင်အတွင်း ၀င်ရောက်ကာ ခြိမ်းခြောက် ပြောဆိုပြီ၊ ပစ္စည်းနှင့်ငွေ လုယက်ယူဆောင်သွားသူများကို ဖမ်းဆီးရမိကြောင်း ရန်ကုန်တိုင်းဒေသကြီး ရဲတပ်ဖွဲ့ က ယနေ့ သတင်းထုတ်ပြန်ပါသည်။

အလုံမြို့နယ် ၊ ဌာနလမ်းထိပ်တွင် G&G စတိုးဆိုင်အား ဖွင့်လှစ်ရောင်းချနေစဉ် ၂၄.၁၁.၂၀၁၈ ရက်နေ့ ၀၁း၂၀ အချိန်ခန့် က လူငယ်သုံးဦးခန့် ဆိုင်အတွင်းသို့ ၀င်လာပြီး အရောင်းဝန်ထမ်းအား ထိုးကြိတ်မည်ပြောဆိုကာ အင်္ကျီအိတ်ကတ်အတွင်း ထည့်ထားသော Vivo ဖုန်းအား ဆွဲယူပြီး အံဆွဲအတွင်းမှ ဈေးရောင်းရငွေ ၃၈၀၀၀ ကျပ်အား ယူဆောင်ထွက်ပြေးသွားသဖြင့် အရောင်းဝန်ထမ်းမှ အလုံမြို့မရဲစခန်း (ပ) ၄၃၅/၂၀၁၈ ၊ ရာဇသတ်ကြီးပုဒ်မ ၃၈၂ ဖြင့် တိုင်တန်း၍ အမှုရေးဖွင့်ခဲ့ပါသည်။

 ၂၅.၁၁.၂၀၁၈ ရက်နေ့ ၂၀၄၅ အချိန်တွင် အလုံမြို့နယ်၊ စောရန်နိုင် အနောက်ရပ်ကွက် ၊ ဆွမ်းသိမ်းပွဲစတိတ်ရှိုးပွဲပြုလုပ်သည့်နေရာ၌ လုယက်မှုတွင် ပါဝင်သည့် လသာမြို့နယ်၊ (၇)ရပ်ကွက်နေ စိုင်းအောင်ကောင်မြတ်(ခ)ဖိုးပြည့်စုံ(ခ)အရိုး (၁၇)နှစ်၊ တာမွေမြို့ နယ်၊ နတ်ချောင်းရပ်ကွက်နေ မင်းသန့်ကို(ခ)မင်းသန့် (၁၇)နှစ်၊ အလုံမြို့နယ်၊ ဂဠုန်ရပ်ကွက်နေ စိုးသီဟ(ခ)မိချောင်း (၁၇) နှစ် တို့အား ဖမ်းဆီးရမိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့ ၏ သတင်းထုတ်ပြန်ချက်တွင် ဖော်ပြထားပါသည်။

သစ်ထူးလွင်

လားရှိုး တပ်မတော်ထောက်ခံပွဲတွင် ပါဝင်သူတဦးကျပ် ငါးထောင်အထိ ပါတီကြီးတခုက ပေးသည်ဟုဆို

Photo by SHAN / နိုဝင်ဘာလ ၂၅ ရက် လားရှိုးမြို့တွင်ပြုလုပ်သော တပ်မတော်ထောက်ခံပွဲမြင်ကွင်းတချို့
သျှမ်းပြည်မြောက်ပိုင်း လားရှိုးမြို့တွင် တနင်္ဂနွေနေ့က တပ်မတော်ထောက်ခံပွဲ တရပ်ပြုလုပ်ခဲ့ရာ ပါဝင်တက်ရောက်လာသူ ၁၀၀၀ ကျော်ရှိကြောင်းသိရသည်။

နိုဝင်ဘာလ ၂၅ ရက် မနက်ပိုင်း ၉ နာရီက လားရှိုး၊ မိုင်းရယ်၊ သိန္နီ ၊ နောင်ချို၊ ကျောက်မဲ၊ သီပေါ၊ ကွတ်ခိုင် အပြင် မြို့နယ်တော်တော်များများက ဒေသခံ ၁၀၀၀ ကျော်မှာ တပ်မတော်ထောက်ခံပွဲ လမ်းလျှောက်ချီတက်ပွဲအတွက် လားရှိုးမြို့ စစ်မှုထမ်းဟောင်းအဖွဲ့နှင့် အားဖြည့်ပူးပေါင်းရန်  တဦးကျပ် ငါးထောင်အထိ ပါတီကြီးတခုက  ပေးသည်ဟု သိရသည်။

လမ်းလျှောက်ချီတက်ပွဲတွင်ပါဝင်သောမိုင်းရယ်ဒေသခံတဦးက – “ကျမ မိုင်းရယ်ဒေသခံပါ။ ကြံ့ခိုင်ရေးပါတီက ဆင့်ခေါ်လိုက်တာပါ။ သူများအော်တာလိုက်အော်ရင်ရပြီဆိုပြီး လမ်းစရိတ်ကို ကြံ့ခိုင်ရေးပါတီက တယောက် ၅၀၀၀ ထွက်ပေးတယ်။” – ဟု သျှမ်းသံတော်ဆင့်အားပြောသည်။

အလားတူ သိန္နီမှလာသော ဒေသခံအမျိုးသမီးတဦးကလည်း-“ ဒို့အရေး အော်ဖို့ခေါ်လာတာ။ လမ်းစရိတ် ၂၀၀၀ ပေးတယ်။ ရွာမှာတုန်းက တယောက် ၅၀၀၀ ပေးတယ်။ ကြံ့ခိုင်ရေးပါတီက ခေါ်လာတာ”- ဟု ပြောသည်။

လားရှိုးမြို့တော်ခန်းမ မှလားရှိုးကြီးဘော်လုံးကွင်းအထိ တပ်မတော်ထောက်ခံခြင်း လမ်းလျှောက်ချီတက် ခဲ့ကြပြီး အများစုမှာ စစ်မှုထမ်းဟောင်းမိသားစုဝင်များနှင့် စစ်တပ်မိသားစုဝင်များ ဖြစ်ကြကြောင်းသိရသည်။
Photo by SHAN / နိုဝင်ဘာလ ၂၅ ရက် လားရှိုးမြို့တွင်ပြုလုပ်သော တပ်မတော်ထောက်ခံပွဲမြင်ကွင်းတချို့
တပ်မတော်ထောက်ခံသူများမှာ တိုင်းရင်းသားစည်းလုံးညီညွတ်မှုမပြိုကွဲရေး ဒို့အရေး၊ မြန်မာနိုင်ငံစစ်မှု ထမ်း ဟောင်းအဖွဲ့၊ စစ်မှုထမ်းဟောင်းများ၏ တပ်မတော်ကိုထောက်ခံခြင်းနှင့် ပြင်ပ စွက်ဖက်လုပ်ဆောင်မှုများအား ဆန့်ကျင်သည့်ဆန္ဒဖော်ထုတ်ပွဲ – အစရှိ ဗီနိုင်းများ ကိုင်ဆောင်ကာ ဒို့တာဝန်အရေးသုံးပါးကို အော်ဟစ်ကြွေးကြော်ခဲ့ကြကြောင်းသိရသည်။

နိုဝင်ဘာလဆန်းပိုင်းကစပြီး တပ်မတော်ထောက်ခံပွဲများကို သျှမ်းပြည်တွင်း မြို့တော်တောင်ကြီးအပါအဝင် ကျိုင်းတုံ၊ နမ့်စန် နှင့်တခြားမြို့တို့တွင်ပြုလုပ်ခဲ့ကြကြောင်းသိရသည်။

သျှမ်းသံတော်ဆင့်၊ဟွမ်ဟိန်း
https://burmese.shannews.org/

နိုင်ငံတော်အတိုင်ပင်ခံ နီပေါ ကို မကြာမီ သွားမည်


မြန်မာနိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အာရှ-ပစိဖိတ် ထိပ်သီးစည်းဝေးပွဲ ၂၀၁၈ အခမ်းအနားကို တက်ဖို့အတွက် နီပေါနိုင်ငံ၊ ခတ္တမန္ဓူမြို့ကို မကြာခင် တရားဝင် သွားရောက်မယ်လို့ နိုင်ငံခြားရေးဌာနက တနင်္လာနေ့မှာ ကြေညာပါတယ်။ဒေါ်အောင်ဆန်းစုကြည်ဟာ နီပေါဝန်ကြီးချုပ် K.P. Sharma Oli ရဲ့ ဖိတ်ကြားချက်အရ သွားရောက်မှာ ဖြစ်ပါတယ်။

အတိုက်အခံခေါင်းဆောင်တဦးအနေနဲ့ ၂၀၁၄ ခုနှစ်၊ ဇွန်လအတွင်းက သွားရောက်ပြီးတဲ့နောက် နိုင်ငံတော်အတိုင်ပင်ခံ ပုဂ္ဂိုလ်အဖြစ်နဲ့ ပထမဆုံးအကြိမ် နီပေါနိုင်ငံကို သွားရောက်မှာ ဖြစ်ပါတယ်။

အခုကျင်းပမယ့် အာရှ-ပစိဖိတ် ထိပ်သီးစည်းဝေးပွဲရဲ့ ဦးစားပေးမှုကတော့ - လွတ်လပ်တဲ့ အချုပ်အခြာအာဏာပိုင်ဆိုင်မှု၊ နှစ်ဘက်အကျိုးတူ ဖွံ့ဖြိုးတိုးတက်မှုနဲ့ နိုင်ငံတကာစံထားချက်စတဲ့ အရေးကြီးတဲ့ အကဲစမ်းမှုတွေကို အဓိကထား ဆွေးနွေးကြဖို့ ဖြစ်ပါတယ်။

ဒီ ထိပ်သီးစည်းဝေးပွဲကို နိုင်ငံတကာအစိုးရတွေက အကြီးအကဲတွေ၊ လွှတ်တော်အမတ်တွေ၊ စီးပွားရေးလုပ်ငန်းရှင်တွေနဲ့ အာရှ ပစိဖိတ် ဒေသအတွင်းက အရပ်ဘက် လူမှုအဖွဲ့အစည်းတွေ တက်ရောက်ကြမှာဖြစ်ပါတယ်။ ကုလသမဂ္ဂရဲ့ ရေရှည်တည်တန့်တဲ့ ဖွံ့ဖြိုးရေး အစီအစဉ် ၂၀၃၀ စီမံကိန်းကို အကောက်အကူ ပြုစေမယ့် ရာသီဥတုပြောင်းလဲမှု၊ ငြိမ်းချမ်းရေးနဲ့ ဖွံ့ဖြိုးရေး၊ ကောင်းမွန်သော အုပ်ချုပ်ရေးစံနစ်၊ ပဋိပက္ခဖြေရှင်းရေးတို့အပြင် ထိမ်းမြားလက်ထပ်ခြင်းနဲ့ မိသားစုဘ၀ တောင့်တင်းခိုင်မာရေး စတဲ့ အကြောင်းအရာတွေကို ဆွေးနွေးကြမှာ ဖြစ်ပါတယ်။

ပြီးခဲ့တဲ့ သြဂုတ်လတုန်းက နီပေါနိုင်ငံမှာ ကျင်းပခဲ့တဲ့ ဘင်္ဂလားပင်လယ်ကွေ့နိုင်ငံများ နည်းပညာ ကဏ္ဍစုံနဲ့ စီးပွားရေး ပူးပေါင်း ဆောင်ရွက်ရေးအဖွဲ့ BIMSTEC ထိပ်သီးစည်းဝေးပွဲကို သမ္မတ ဦးဝင်းမြင့် တက်ရောက်ခဲ့ပြီးတဲ့နောက် ဒေါ်အောင်ဆန်းစုကြည် နီပေါနိုင်ငံကို သွားရောက်မှာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

အင်္ဂါဂြိုလ်ပေါ် NASA စူးစမ်းလေ့လာရေး ယာဉ်အောင်မြင်စွာ ဆင်းသက်


အင်္ဂါဂြိုလ်ပေါ်မှာ အမေရိကန်အာကာသအေဂျင်စီ NASA ကလွှတ်တင်တဲ့ InSight ဆိုတဲ့ မောင်းသူမဲ့အာကာသစူးစမ်း လေ့လာရေး ယာဉ်တစီး အောင်အောင် မြင်မြင်ဆင်းသက်နိုင်ခဲ့ပြီလို့ နာဆာက ကြေညာပါတယ်။

အာကာသအတွင်း ကီလိုမီတာ သန်းပေါင်းများစွာဖြတ်သန်းပြီး အချိန်၆လကျော်ခရီးနှင်ခဲ့ရတဲ့ InSightယာဉ် တနင်္လာနေ့တုန်းကပဲ အနီရောင်အင်္ဂါဂြိုလ် ပေါ်ကို လုံခြုံစိတ်ချစွာဆင်း သက်နိုင်ခဲ့ပြီလို့ဆိုပါတယ်။ InSightယာဉ် အင်္ဂါဂြိုလ်ရဲ့လေထုအတွင်းထိုးဖေါက်ဝင်ရောက် ပြီး ဂြိုလ်ပေါ်ကိုဆင်းသက် နိုင်ဖို့ နောက်ဆုံး အချိန်၆မိနစ်ခွဲ ဟာ အတိမ်းအစောင်းမခံတဲ့ အသည်းအသန်အချိန်ပဲလို့ နာဆာအဖွဲ့ကပြောပါတယ်။

အဲဒီအချိန်မှာ InSight ဟာ သူ့မောင်းနှင်လာတဲ့အရှိန် တနာရီကို မိုင်တသောင်း၂ ထောင်နှုန်းကနေ တနာရီကို ငါးမိုင်နှုန်းအထိလျှော့ချခဲ့ပြီး အင်္ဂါဂြိုလ်ပေါ်ကိုဆင်းသက်နိုင်ခဲ့တယ်လို့ဆိုပါတယ်။ သိပံ္ပပညာ ရှင်တွေက InSight ယာဉ်ကိုတတ်ဆင်ပေးလိုက်တဲ့အထဲမှာ အင်္ဂါဂြိုလ်ပေါ်ဆင်းသက်နိုင်ရေး ညင်ညင်သာသာဖြစ်စေ မယ့် Shock Absorbing ဒေါက်တိုင်တွေကိုခြေထောက်အဖြစ်ဖန်တီးထားပြီး ဆင်းသက်ရေးဒုံး အငယ်စားတွေနဲ့ လေထီး တခုလည်းပါဝင်ပါတယ်။

အင်္ဂါဂြိုလ်ရဲ့မျက်နှာပြင်ပေါ် InSight ဆင်းသက်တဲ့အခါမှာ လေထီးကလည်းကောင်း ကောင်းမွန်မွန်နဲ့ပွင့်တယ်လို့ ဆိုပါတယ်။ ကယ်လီဖိုးနီးယားပြည်နယ်က နာဆာထိန်းချုပ်ရေးစခန်းက ရုပ်မြင်သံကြားမှာ မြင်ရတာကတော့ InSight အင်္ဂါဂြိုလ်ပေါ်ဆင်းနိုင်တဲ့အချိန်မှာ ထိန်းချုပ်ရေးစခန်းကအဖွဲ့သားတွေ ပျော်မြူးနေ ကြတာပါ။

ဗွီအိုအေ (မြန်မာပိုင်း)
https://burmese.voanews.com

ချောင်းသာ ကြိုးဝိုင်းအတွင်း ဟိုင်းဆင်တစ်ကောင် အဆိပ်လူးမြားဖြင့် အပစ်ခံရပြီး သေဆုံ


ပုသိမ် နိုဝင်ဘာ ၂၆

ဧရာဝတီတိုင်းဒေသကြီး ပုသိမ်မြို့နယ် ချောင်းသာကြိုးဝိုင်းအတွင်း အသက် ၁၅ နှစ် အရွယ်ခန့်ရှိ ဟိုင်းဆင်အထီးတစ်ကောင် သေဆုံးပြီး အရေခွံများ ခွာထားကြောင်း နိုဝင်ဘာ ၂၅ ရက် မွန်းတည့် ၁၂ နာရီခန့်တွင် တာဝန်သိ ပြည်သူများက သတင်းပေးပို့ခဲ့သည်။

သတင်းအရ ပုသိမ်မြို့နယ် သစ်တောဦးစီးဌာနမှ ဘိနယ်တာဝန်ခံ တောအုပ် လင်းသက်ထွန်းနှင့်အဖွဲ့သည် သစ်တောလုံခြုံရေးအဖွဲ့၊EER 4 (အရေးပေါ် ကွန်ဂျီဆင်များအဖွဲ့)၊ ချောင်းသာနယ်မြေစခန်းမှ နယ်ထိန်းခေါင်းဆောင် ဒုရဲအုပ် ဝ္ဏအောင် ဦးစီးအဖွဲ့တို့ပါဝင်သော ပူးပေါင်းအဖွဲ့သည် ဆိပ်ကြီး-ရွှေသောင်ယံလမ်းအတိုင်း ထွက်ခွာခဲ့ကြရာ ယင်းနေ့ ၃ နာရီခန့်တွင် ချောင်းသာကြိုးဝိုင်း အကွက်အမှတ် (၄) ဒေသ အခေါ် အောင်ကောင်းချောင်းအတွင်း အရေခွံများခွာထားသည့် ဟိုင်းဆင် အသေအား တွေ့ရှိခဲ့ရသည်။

သေဆုံးလျက်တွေ့ရှိရသော ဟိုင်းဆင်အထီးမှာ အလျား ခုနစ်ပေ၊ လုံးပတ် ၁၁ ပေ၊ အမြင့် ရှစ်ပေ၊ အသက် ၁၅ နှစ်ခန့်ရှိပြီး ရှေ့ယာဘက် လက်ပြင်၌ အဆိပ်လူးမြားဒဏ်ရာ တွေ့ရှိခဲ့ရသည်။ အဆိုပါဟိုင်းဆင်မှာ နိုဝင်ဘာ ၂၄ ရက်က သတ်ဖြတ်ခံရခြင်းဖြစ်နိုင်ကြောင်းနှင့် ပြစ်မှု ကျူးလွန်သူများကို ဖမ်းဆီးရမိနိုင်ရေး ဆက်လက်စုံစမ်းလျက်ရှိကြောင်း သိရသည်။

ကိုလွင် (ဆွာ)
Myanmaalinn
https://www.facebook.com/MYANMAALINNNEWS/

သျှမ်းမြောက် စစ်ရေးပဋိပက္ခကြောင့် ကောက်ရိတ်နေသည့် ကျောက်မဲဒေသခံ တဦးဖမ်းဆီးခံရ

လက်နက်ကိုင်တပ်ဖွဲ့များဖမ်းဆီးသွားသည့် ဒေသခံ လယ်သမားစိုင်းသြဘာအား အဖမ်းမခံရမှီက တွေ့ရသည့်ပုံ
နိုဝင်ဘာလ ၂၇ ရက် ၂၀၁၈

သျှမ်းပြည်မြောက်ပိုင်း သျှမ်းပြည်တပ်မတော် RCSS နှင့် မြောက်ပိုင်းမဟာမိတ်တပ်ဖွဲ့အကြား ဖြစ်ပွားနေသည့် စစ်ရေး ပဋိပက္ခကြောင့် ကောက်ရိတ်နေသည့် ကျောက်မဲမြို့နယ် ကျေးလက်ဒေသခံ တဦးအား ဖမ်းဆီး ခေါ်ဆောင်သွားသည်ဟုသိရသည်။

နိုဝင်ဘာလ ၂၅ ရက် ည ၁၁ နာရီအချိန်က ပုံးလုံရွာသား စိုင်းသြဘာအား ရွာထဲဝင်လာသည့် လက်နက် ကိုင်တပ်ဖွဲ့ တဖွဲ့က ၀င်ရောက်ဖမ်းဆီးသွားခြင်းဖြစ်ကြောင်း ဆွေမျိုးတော် စပ်သူ ပုံးလုံရွာသားတဦးက သျှမ်းသံတော်ဆင့်သို့ ပြောသည်။

“စပါးရိတ်ချိန်ဆိုတော့ လယ်ထဲသွားအိပ်စောင့်ရတယ်လေ။ တအာင်းလက်နက်ကိုင်အဖွဲ့တွေ ရွာထဲဝင် တာနဲ့ သေနတ်ပစ်တာ။ သူတို့သေနတ်သံကြားတော့ အတူတူသွားအိပ်တဲ့ရွာသားတွေ ကိုသူက အရင် ထွက်ပြေး ခိုင်း တာ။ သူက နောက်ဆုံးမှထွက်ပြေးတယ်။ မလွှတ်ဘူး။ အဖမ်းခံရတယ်သူ။ ဒီမနက် သူ့အမျိုးတွေက သူ့ ကို လိုက်ရှာကြတယ်။ မိုင်းငေါ့နဲ့ ပုံးလုံကြားက နမ့်မန်းရွာ သဘာဝ စားသောက်ဆိုင်ရှေ့မှာ သူ့ဦးထုပ်နဲ့ဖိနပ် သွား တွေ့တယ် ။ သူ့ဦးထုပ်မှာ သွေးစွန်းနေ တယ်။ လူတော့ဘယ်ဆီကိုခေါ်သွားမလဲမသိ ဘူးခုထိ။ ”- ဟု အမျိုး တော်စပ်သူ တဦးက ပြော သည်။

အဆိုပါ ကိစ္စနှင့် ပတ်သက်ပြီး TNLA အားသျှမ်းသံတော်ဆင့်မှ ကြိုးစားဆက်သွယ်သော်လည်း ဆက်သွယ်၍ မရခဲ့ပေ။ TNLA ၏ မဟာမိတ် ဖြစ်သည့် သျှမ်းပြည်တပ်မတော် SSPP/SSA အရာရှိတဦးက RCSS နှင့် ပတ်သက်ဆက်နွယ်သည့်သူမဟုတ်ပါက စိုင်းသြဘာ လွတ်မြောက်ရေးအတွက် ကြိုးပမ်းပေးသွားမည်ဟု သျှမ်းသံတော်ဆင့်သို့ပြောသည်။

အသက် ၅၀ ကျော်အရွယ်ရှိ စိုင်းသြဘာသည် ပုံးလုံအုပ်စု အုပ်ချုပ်ရေး မှူးဟောင်းတဦးဖြစ်ပြီး သားသမီး ၅ ဦးရှိသည်။ ၄င်းကျေးရွာအကြီးအကဲအဖြစ် တာဝန်ထမ်းဆောင်စဉ်က အစိုးရတပ်နှင့် လက်နက်ကိုင်တပ်ဖွဲ့များ ရွာအတွင်းနှင့် ရွာအနီးတ၀ိုက် တိုက်ပွဲမဖြစ်ပွါးအောင် အစဉ်ကြိုးစားဆောင်ရွက်ခဲ့ဖူးသူတဦးဖြစ်သည့်အပြင် ရွာသားများအတွက်လည်း ဖြောင့်မတ်တည်ကြည်သူတဦးဖြစ်သည်ဟု ရွာသားများပြောပြချက်အရ သိရသည်။

“အခုတော့ အုပ်ချုပ်ရေးမှူးတော့မဟုတ်တော့ဘူး။ ဒါပေမယ့် အတိုင်ပင်ခံ ပေါ့နော် ရပ်မိရပ်ဖ ပေါ့။ သူက ရပ်ရွာသာရေးနာရေးမှာတက်ကြွလှုပ်ရှားတဲ့သူဖြစ်တယ်။ ရပ်ရွာအေးချမ်းသာယာအောင်ဆောင်ရွက်ပေးသူဖြစ်လို့ အခုလိုသူ့ကိုဖမ်းသွားတာ တရွာလုံးက စိတ်မကောင်းဖြစ်နေရတယ်။ အဲတာကို မြောက်ပိုင်းမဟာမိတ်တပ်ဖွဲ့ဝင် ဖြစ်တဲ့ SSPP/SSA ကနေ ကူညီပြောဆိုဆောင်ရွက်ပေးဖို့ ရွာသားတွေကနေ တောင်းဆိုချင်ပါတယ်ခင်ဗျ ”- ဟု ရွာတွင်းရပ်မိရပ်ဖတဦးကလည်းပြောသည်။

ကျောက်မဲမြို့နယ်အတွင်း အစိုးရတပ်မတော် နှင့် TNLA ၊ TNLA နှင့် RCSS ၊ RCSS နှင့် SSPP တို့ တဖွဲ့နှင့်တဖွဲ့ကြား စစ်မက်ရေးရာထိခိုက်မှု မကြာခဏ ဖြစ်ပွားလက်ရှိသည်။ အဆိုပါ တပ်ဖွဲ့များကြားဖြစ်ပွားသော စစ်ရေးပဋိပက္ခကြောင့် လွန်ခဲ့သည့် အောက်တိုဘာလဆန်းပိုင်းက မြို့တွင်းနေရ အထင်ကရ ဆရာတော် တပါးပင် အမည်မသိ လူတစုက ပျံလွန်တော်မူသည်အထိ သေနတ်ဖြင့် ပစ်ခတ်သတ်ဖြတ်ခဲ့ပါသေးသည်။

သျှမ်းသံတော်ဆင့်၊ ဟွမ်ဟိန်း
https://www.facebook.com/ShanNewsBurmese

အမေရိကန် GM ကုမ္ပဏီ လုပ်သား ၁၅% လျှော့ချ


အမေရိကန်ပြည်ထောင်စုက အကြီးမားဆုံးကားကုမ္ပဏီဖြစ်တဲ့ GM လို့အတိုကောက်ခေါ်တဲ့ General Motors က ကုမ္ပဏီ လုပ်အားရဲ့ ၁၅ရာခိုင်နှုန်းကိုလျှော့ချမယ်လို့ မနေ့ကပဲကြေညာပါတယ်။

၂၁ရာစုနည်းပညာတွေနဲ့အတူလုပ်လာနိုင်အောင်နဲ့ ကုမ္ပဏီရဲ့ဖွဲ့စည်းပုံကိုလည်း ပြောင်းလဲမှာဖြစ်တာကြောင့်အခုလိုလုပ်အားလျှော့ချမှုလုပ်တာလို့ဆိုပါတယ်။ GM ကုမ္ပဏီမှာ လုပ်ကိုင်နေကြတဲ့အရာရှိတွေနဲ့အလုပ်သမားစုစုပေါင်းတသောင်းခွဲလောက်အထိအလုပ်ပြုတ်မယ့်အခြေအနေကြုံနေရပါ တယ်။ ကားထုတ်လုပ်တဲ့စက်ရုံ၇ရုံကိုပိတ်ပစ်မှာပါ။

အမေရိကန်ပြည်ထောင်စုထဲက Detroit, Baltimore, Lordstown, Ohio, Warren, Michiganမြို့တွေမှာရှိတဲ့စက်ရုံတွေ နဲ့ ကနေဒါနိုင်ငံ တိုရွန်တိုအနီးက စက်ရုံတခုအပါအ၀င် မြောက် အမေရိကတိုက်အပြင်မှာရှိတဲ့ စက်ရုံ၂ရုံလည်းပိတ်ဖို့ရှိနေပါတယ်။

တောင်ကိုရီးယားနိုင်ငံ Gunsan မြို့က GM စက်ရုံကို ပိတ်ပစ်လိုက်တဲ့အကြောင်းကြေညာထားပါတယ်။ အမေရိကန်ဈေးကွက်အတွက်GM ကုမ္ပဏီက ထုတ်လုပ်နေတဲ့ Chevrolet Cruze, Cadillac CT6နဲ့ Buick Lacrosse အမျိုးအစားကားတွေကိုလည်း တည်ဆောက်တာတွေရပ်တော့ မှာပါ။ GM ကုမ္ပဏီကထုတ်လုပ်တဲ့ Sedans နဲ့ကားအသေးစားတွေ၊ ဓါတ်ဆီသုံးကားတွေနဲ့ မိသားစုစီးတဲ့ကားတွေရောင်း ချမှုတွေလည်းရပ်ထားပါပြီ။ လောလောဆယ်မှာ GM ရဲ့ ထရပ်ကားအသေးတွေနဲ့ ပြိုင်ကားတွေကို သဘောကျနေတဲ့သူ တွေအများအပြားရှိနေသေးတာပါ။

ဒါပေမဲ့လည်း ဈေးကွက်မှာအခုနောက်ပိုင်း လူတွေသဘောကျလာတာက မောင်းသူမဲ့ ကားနဲ့လျှပ်စစ်သုံး ကားတွေဖြစ်တာကြောင့် ဒီလိုကားတွေကိုပြောင်းလဲထုတ်လုပ်ရေး GM ဘက်ကစဉ်းစားနေပါတယ်။ သမ္မတဒေါ်နလ်ထရမ့်ရဲ့ အလူမီနီယံနဲ့ သံမဏိသွင်းကုန်တွေအပေါ်အခွန်တိုးမြင့်လိုက်တာကလည်း GM ကုမ္ပဏီကိုထိခိုက် စေတယ်လို့ ကုမ္ပဏီရဲ့အကြီးအကဲ Marry Barra ကပြောပါတယ်။

ဗွီအိုအေ (မြန်မာပိုင်း)
https://burmese.voanews.com

ရုရှားရန်ကာကွယ်ဖို့ ယူကရိန်းမှာ စစ်အုပ်ချုပ်ရေးထုတ်ပြန်


ပင်လယ်နက်အတွင်း ယူကရိန်းရေတပ်သင်္ဘော ၃ စင်းနဲ့အတူ ၀န်ထမ်းတွေ အားလုံးကို ရုရှားတို့ ဖမ်းဆီး ထိန်းသိမ်းလိုက်ပြီးတဲ့နောက် ယူကရိန်းနိုင်ငံအတွင်းက ဒေသတချို့မှာ မာရှယ်လော - ညမထွက်ရအမိန့် ထုတ်ပြန်ဖို့ သမ္မတ Petro Poroshenko ရဲ့ အဆိုပြုချက်ကို လွှတ်တော်က အတည်ပြုပေးလိုက်ပါတယ်။

ရုရှားနဲ့ ယူကရိန်းအကြား ၂၀၁၄ ခုနှစ်မှာ ပြဋိပက္ခတွေဖြစ်သွားခဲ့ပြီးတဲ့ နောက်ပိုင်း အခုလို ညမထွက်ရအမိန့်ထုတ်ပြန်တာ ဒါ ပထမဆုံးအကြိမ် ဖြစ်ပါတယ်။

အခုလို မာရှယ်လော ထုတ်ပြန်လိုက်ခြင်းအားဖြင့် နိုင်ငံတကာဥပဒေအရ ရုရှားတို့က သွေးအေးစွာနဲ့ အရှိန်မြင့် ကျူးကျော် ရန်စလာတဲ့ လုပ်ရပ်ကို ကာကွယ်ဖို့ ယူကရိန်းနိုင်ငံရဲ့ ကာကွယ်ရေးစံနစ်ကို ပိုမို အားကောင်းလာစေတယ်လို့ သမ္မတ Poroshenko က ပြောပါတယ်။ ဒါ့အပြင် ယူကရိန်းနိုင်ငံအနေနဲ့ နိုင်ငံတကာက လိုက်နာရမယ့် တာဝန် ၀တ္တရားအတိုင်း လိုက်နာ ဆောင်ရွက်သွားမယ်လို့လည်း သမ္မတ Poroshenko က ပြောပါတယ်။

အခုထုတ်ပြန်လိုက်တဲ့ မာရှယ်လော ဥပဒေဟာ ရက်ပေါင်း ၃၀ ကြာမြင့်မှာဖြစ်တာကြောင့် ဒီဇင်ဘာလအတွင်း ကျင်းပဖို့ ရှိနေတဲ့ ရွေးကောက်ပွဲအတွက် အတိုက်အခံတွေရဲ့ တောင်းဆိုချက်ကို သမ္မတ Poroshenko က တနည်းအားဖြင့် လိုက်လျောပေးလိုက်တာလည်း ဖြစ်ပါတယ်။

တနင်္လာနေ့ အစောပိုင်းတုန်းကတော့ ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley က ရုရှားတို့ရဲ့ လုပ်ရပ်ဟာ ယူကရိန်းနိုင်ငံရဲ အချုပ်အခြာအာဏာ ပိုင်ဆိုင်မှုကို ပြောင်ချိုးဖောက်လိုက်ရာရောက်ကြောင်း ယူကရိန်းရေတပ်သင်္ဘော ၃ စင်းကို ရုရှားတို့က ပင်လယ်နက်အတွင်း ဖမ်းဆီး ထိန်းသိမ်းလိုက်တဲ့ကိစ္စနဲ့ ပတ်သက်လို့ တုန့်ပြန် ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ပုသိမ်-မုံရွာကားလမ်း မိုင်တိုင်အမှတ် ၂၂၇/၁ အနီး တောစပ်လျှိုတစ်ခုထဲတွင် ပုန်းနေသော တရားမ၀င် ၀င်ရောက်လာသူ ဖမ်းမိ


မင်းလှ နိုဝင်ဘာ ၂၅

မကွေးတိုင်းဒေသကြီး မင်းလှမြို့နယ် ရေနံမနယ်မြေ ရဲတပ်ဖွဲ့ မင်းတုန်းမြို့နယ် ရဲတပ်ဖွဲ့ဝင်များ နှင့် ဒေသခံ အုပ်ချုပ်ရေး အဖွဲ့အစည်းများ၏ ပူးပေါင်းဆောင်ရွက်မှုဖြင့် ပုသိမ်-မုံရွာကားလမ်း မိုင်တိုင်အမှတ် ၂၂၇/၁ အနီးတောစပ်လျှိုတစ်ခု တွင် ပုန်းအောင်းနေသော တရားမ၀င် ၀င်ရောက်လာသူ ၆ ဦးအား နိုဝင်ဘာ ၂၅ရက် နံနက်ပိုင်းက ဖမ်းဆီးရမိခဲ့ကြောင်း သိရသည်။

ရဲတပ်ဖွဲ့များသည် မင်းလှမြို့နယ် ဘန့်ပြင်ကျေးရွာလမ်းပေါက် ရွှေချောင်းကျေးရွာတောင်ဘက်ထိပ် မင်းတုန်း မြို့နယ် ကန်လယ် တံတားတို့တွင် ပိတ်ဆို့ရှာဖွေရေးလုပ်ဆောင်ခဲ့ကြကြောင်း ၊ နိုဝင်ဘာ ၂၅ရက် နံနက် ၃နာရီအချိန် ခန့် က မိုင်တိုင်အမှတ် ၂၃၇/၃ အနီးရှိ မသကာင်္စရာယာဉ်တစ်စီးပေါ်သို့ လူများ တင်ဆောင်နေ သည်ကိုတွေ့ရ၍ စစ်ဆေးရန် သွားရောက်တားမြစ်ခဲ့ရာ မောင်းနှင် ထွက်ပြေးသွားခဲ့ကြပြီး မိုင်တိုင်အနီးလှည်းလမ်းဘေးတောစပ်မှ ခိုးဝင်သူများအား ကားပေါ်တင် ပေးခဲ့သူ(၂)ဦးကို ဖမ်းဆီး ရခဲ့ကြောင်း ၊ ထွက်ပြေးသွားသောကားနောက်ကိုလိုက်ရာမှ နံနက် ၆နာရီအချိန်တွင်ကား နှင့် နံနက် ၆နာရီခွဲအချိန်တွင် ယာဉ်မောင်း၊ ယာဉ်နောက်လိုက်တို့အား တွေ့ရှိစစ်ဆေးရာ နံနက် ၇နာရီအချိန် တွင် မိုင်တိုင်အမှတ် ၂၂၇/၁ အနီးတောစပ်လျှိုတစ်ခုတွင် ပုန်းအောင်းနေသော တရားမ၀င် ၀င်ရောက်လာသူ ကျား ၄ဦး ၊မ ၂ဦး ကို ဖမ်းဆီးရမိခဲ့ခြင်းဖြစ်ကြောင်း မင်းလှမြို့ နယ်ရဲတပ်ဖွဲ့ မှ သိရှိရသည်။

ခိုးဝင်သူများဖမ်းဆီးရေးတွင် မကွေးတိုင်းရဲတပ်ဖွဲ့မှ ရဲအုပ်ရဲနိုင်မြင့် ၊ ရဲအုပ်ဇင်မင်းထွန်း ၊ ရေနံမနယ်မြေစခန်းမှူး ရဲအုပ်မျိုးမင်းထွန်း၊ ဒုရဲအုပ်အောင်လှိုင်ဝင်း၊ ဒုရဲအုပ် တင်အောင်စန်း၊ သရက်ခရိုင်ရဲ ဒုရဲအုပ်သိန်းမင်း၊ တိုင်တားရဲကင်းစခန်းမှ ရဲတပ်သား ကိုကိုအောင်၊ ရဲတပ်သားသက်ကိုကို နှင့် ရဲတပ်ဖွဲ့ဝင်များပါဝင် ခဲ့ကြပြီး မင်းလှမြို့နယ်အတွင်း၌ ယခုနှစ်အတွင်း အထောက် အထားမဲ့ခိုးဝင်၁၂၀ဦး၊သယ်ဆောင်သူ၁၃ဦးအား တားဆီး အရေးယူနိုင်ခဲ့ကြောင်း မြို့နယ်ရဲတပ်ဖွဲ့မှူးထင်အောင်လင်း ထံမှ သိရသည်။

ဖမ်းဆီးရမိသော ရခိုင်ပြည်နယ်၊ မြောက်ဦး နှင့်မင်းပြားမြို့နယ် ကျေးရွာများမှ အထောက်အထားမဲ့ တရားမ၀င် ၀င်ရောက်လာသူ ၆ဦး နှင့် သယ်ဆောင်သူ ဗမာလူမျိုး ၂ဦး ၊ လမ်းပြပို့ဆောင်သူ ချင်းလူမျိုး ၂ဦးတို့အား မင်းတုန်းမြို့မရဲစခန်းသို့ လွှဲအပ်ထားပြီး သရက်ခရိုင်ရဲတပ်ဖွဲ့ ၊ ဒုရဲအုပ်သိန်းမင်းမှ တရားလိုပြုလုပ် အမှုဖွင့်ဆောင်ရွက်လျက်ရှိကြောင်း သိရသည်။

ဇေယျတု(မကွေး)
Myanmaalinn
https://www.facebook.com/MYANMAALINNNEWS/

မြိတ်ကမ်းနားလမ်းမီးပုံးတိုင်ပေါ်မှ လူတစ်ဦးခုန်ချမှုဖြစ်ပွား


မြိတ်မြို့၊ ထားဝယ်စုရပ်၊ ကမ်းနားလမ်း မီးပုံးတိုင်ပေါ်မှ နိုဝင်ဘာ ၂၅ ရက်၊ ညနေ ၃ နာရီခွဲအချိန်ခန့်က လူတစ်ဦး ခုန်ချခဲ့ကြောင်းသိရပါတယ်။


ကျွန်းစုမြို့နယ်၊ မအိုင်ကျေးရွာအုပ်စု၊ ပထက်ကမ်း(ရှင်မယဉ်သာ)မှ စိုးတင့် ၃၆ နှစ်၊ ဆိုသူသည် မီးပုံးတိုင်ပေါ်ဖက်တက်ပြီး အမြင့်ပေ ၃၀ ခန့်မှ ခုန်ချခဲ့ကြောင်းသိရပါတယ်။


မီးပုံးတိုင်ပေါ်မှ ခုန်ချခဲ့တာကြောင့် စိုးတင့်တွင် ဦးခေါင်းဒဏ်ရာရရှိပြီး ချမ်းမြေ့ကျန်းမာရေးအထောက်အကူပြုယာဉ်ဖြင့် မြိတ်ပြည်သူ့ဆေးရုံသို့ တင်ပို့ပေးခဲ့ကြောင်းသိရပါတယ်။


မြတ်ထွဋ် (မြိတ်)
https://www.facebook.com/pg/Myat-Htut-Myeik-222869948053294
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ