VOA Hausa ဌာန ၀န္ထမ္း (၁၅) ဦးကို ရာထူးမွထုတ္ပယ္

VOA Hausa ဌာန ၀န္ထမ္း (၁၅) ဦးကို ရာထူးမွထုတ္ပယ္
VOA က Hausa ဌာနက ဝန္ထမ္းထက္ဝက္ေက်ာ္ကို အလုပ္ျဖဳတ္တာ ဒါမွမဟုတ္ အလုပ္ျဖဳတ္ဖို႔ လုပ္ေတာ့မွာ ျဖစ္ေၾကာင္း ၾကာသပေတးေန႔မွာပဲ ေၾကညာခဲ့ပါတယ္။ သူတုိ႔ဟာ အေနာက္အာဖရိကႏိုင္ငံက ႏိုင္ငံျခားအရာရွိတဦးရဲ့ မေလွ်ာ္ကန္တဲ့ ေငြေပးမႈကို လက္ခံယူခဲ့ေၾကာင္း စစ္ေဆးေတြ႔ရွိခဲ့ၿပီးတဲ့ေနာက္ အေရးယူ ခံၾကရတာ ျဖစ္ပါတယ္။

ဗဟိုအစိုးရ ေထာက္ပံ့မႈနဲ႔ လည္ပတ္ေနတဲ့ VOA ရံုးရဲ့ ဒါရိုက္တာ Amanda Bennett က ဝန္ထမ္းအားလံုးကို အီးေမးလ္နဲ႔ အသိေပးခဲ့တာ ျဖစ္ပါတယ္။ ဒါဟာ ဗဟိုအစိုးရ ဥပေဒနဲ႔ စည္းမ်ဥ္း စည္းကမ္းအရ အေရးယူတာျဖစ္ၿပီး Hausa ဌာနက ဝန္ထမ္း ၁၅ ေယာက္ကို အလုပ္က ျဖဳတ္ပစ္တာ ဒါမွမဟုတ္ ျဖဳတ္ပစ္ေတာ့မွာ ျဖစ္ေၾကာင္း ေျပာၾကားခဲ့တာပါ။

ဒီ VOA ဝန္ထမ္းေတြဟာ သူတုိ႔ သတင္းယူတဲ့ ေဒသက အရာရွိတဦးရဲ့ မေလွ်ာ္ကန္တဲ့ ေငြေပးမႈကို လက္ခံရယူခဲ့ေၾကာင္း စြပ္စြဲမႈေတြအတြက္ VOA ဝန္ထမ္းနဲ႔ စစ္ေဆးေရးအရာရွိခ်ဳပ္ရံုးက တၿပိဳင္နက္ စစ္ေဆးမႈေတြလုပ္ခဲ့ၿပီးေနာက္မွာ အခုလို အေရးယူတာျဖစ္ေၾကာင္းလည္း Amanda Bennett ေျပာပါတယ္။

VOA က Hausa ဌာနဟာ အဓိက ႏိုင္ဂ်ီးရီးယား ႏုိင္ငံ အျပင္ နီေဂ်း၊ ဂါနာ၊ ခ်တ္နဲ႔ ကင္မရြန္း ႏိုင္ငံေတြက ျပည္သူေပါင္း သန္း ၂၀ ေလာက္ အတြက္ ထုတ္လႊင့္ေနတဲ့ ဌာန ျဖစ္ပါတယ္။

လာဘ္ေငြကို ကိုယ္တိုင္ လက္ခံယူခဲ့မယ္လုိ႔ သံသယရွိတဲ့ Hausa ဌာနအႀကီးအကဲ အပါအဝင္ ဝန္ထမ္း ၁၅ ဦးနဲ႔ ၾကာသပေတးေန႔ မနက္မွာပဲ VOA ရံုးေရွ႕မွာ ေတြ႔ဆံုခဲ့ေၾကာင္းနဲ႔ သူတို႔ဟာ သူတုိ႔ရဲ့ ရံုးဝင္ခြင့္ကဒ္ျပားေတြ အသိမ္းခံရၿပီး အေရးယူေၾကာင္း ေရးသားထားတဲ့ စာေတြကို လက္ခံရယူခဲ့ၾကတယ္လို႔ က်န္ခဲ့တဲ့ Hausa ဝန္ထမ္းေတြက ေျပာပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ