ပြည်နယ်အစိုးရရဲ့ စွပ်စွဲပြောဆိုချက်ဟာ မှန်ကန်မှုမရှိကြောင်း KNPP ထုတ်ပြန်

ကရင်နီအမျိုးသားတိုးတက်ရေးပါတီ KNPP ရဲ့ ၂၀၁၈၊ အောက်တိုဘာ ၂၁ ရက်နေ့ ထုတ်ပြန်ချက်ကို တွေ့ရစဉ်

ကရင်နီအမျိုးသားတိုးတက်ရေးပါတီ (KNPP) က အပစ်အခတ်ရပ်စဲရေး သဘောတူညီချက်ကို ချိုး ဖောက်တယ်လို့ ကယားပြည်နယ်အစိုးရအဖွဲ့ရဲ့ စွပ်စွဲပြောဆိုချက်ဟာ မှန်ကန်မှုမရှိကြောင်း KNPP က ကြေညာချက် ထုတ်ပြန်ပါတယ်။

ဖရူဆိုမြို့အခြေစိုက် ခမရ (၄၂၈) တပ်နဲ့ KNPP တပ်ဖွဲ့ဝင် ၇ ဦးဟာ နန်းကစ်နဲ့ ဘဟန်းလော့ရွာကြားမှာ အောက်တိုဘာလ ၂၀ ရက်နေ့က နှစ်ဖက်တိုက်ပွဲ ဖြစ်ပွားခဲ့ပါတယ်။

အဲဒီလိုတိုက်ပွဲဖြစ်ပွားတာဟာ KNPP ဖက်က ပြည်နယ်အဆင့် ပြည်ထောင်စုအဆင့် ဆွေးနွေးပွဲတွေ ကနေရလာတဲ့ အပစ်အခတ်ရပ်စဲရေးသဘောတူချက်ကို ဖောက်ဖျက်ရာရောက်တယ်လို့ ပြည်နယ်ဝန်ကြီးချုပ်ကိုယ်စား လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး မြင့်ဝေ က  အောက်တိုဘာ ၂၀ ရက်နေ့က KNPP လွိုင်ကော်ဆက်ဆံရေးရုံးကို စာပေးပို့ခဲ့တာပါ။ ပြည်နယ်အစိုးရရဲ့ အကြောင်းကြားစာအပေါ် ဝေဖန်မှုတွေလည်း ရှိနေပါတယ်။

တပ်မတော်အနေနဲ့ နယ်မြေရှင်းလင်းမယ်ဆိုရင် ကြိုတင်အကြောင်းကြားဖို့ နှစ်ဦးနှစ်ဖက် သဘောတူညီချက် ရထားခဲ့ပေမယ့် KNPP တပ်တွေ ပုံမှန်သွားလာတဲ့နေရာတွေအထိ ရောက်ရှိလာတဲ့အတွက် အခုလို ထိပ်တိုက်ဖြစ်ပွားခဲ့တာလို့ KNPP ထုတ်ပြန်ချက်မှာ ပါရှိပါတယ်။

ဒါ့အပြင် KNPP ဖက်က ခမရ ၄၂၈ ကို ဆက်သွယ်မေးမြန်းရာမှာ ဒု-ရင်းမှူးက တပ်မတော်အနေနဲ့ ပြည်ထောင်စု နယ်မြေအတွင်း တပ်မတော်က သွားလိုတဲ့နေရာ သွားမှာဖြစ်ကြောင်း၊ ကန့်ကွက်စရာ အကြောင်းကြားစရာ မလိုကြောင်း တုံ့ပြန်ဖြေကြားခဲ့တယ်လို့လည်း ထုတ်ပြန်ချက်မှာ ဖော်ပြထားပါတယ်။

အဲဒီလို ပြောဆိုချက်ဟာ နှစ်ဦးနှစ်ဖက် သဘောတူညီချက်ကို ချိုးဖောက်တဲ့အပြင် နယ်မြေ တည်ငြိမ်မှုမရှိအောင် ပြုလုပ်တာဖြစ်ပြီး အပစ်အခတ်ရပ်စဲရေး သဘောတူညီချက်ကို ချိုးဖောက်ရာ ရောက်တယ်လို့လည်း KNPP က ပြောလိုက်ပါတယ်။

KNPP နဲ့ အစိုးရတပ်မတော်တို့အကြား ထိတွေ့မှုဖြစ်ပွားခဲ့ပြီး အပြန်အလှန် ကန့်ကွက်ပြောဆိုမှုတွေ ရှိနေတဲ့အတွက် ဒေသခံပြည်သူတွေအကြား စိုးရိမ်ကြောက်လန့်မှုတွေ ဖြစ်နေသလို မလုံမခြုံခံစားနေရတယ်လို့ ကရင်နီပြည်နယ် အတွင်းက အရပ်ဖက်အဖွဲ့အစည်း ၂၀ နီးပါးက ဒီနေ့ ထုတ်ပြန်လိုက်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ