နှစ်နိုင်ငံနယ်စပ်မျဉ်းအနီးမှာ နေထိုင်သူတွေကို ICRC က ကူညီမည်

ရခိုင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ဖုန်းတင့် ကို ၂ဝ၁၈ ခုနှစ် အောက်တိုဘာလ ၁၂ ရက်နေ့က ရခိုင်ပြည်နယ် အစိုးရအဖွဲ့ရုံးမှာ တွေ့ရစဉ် / Photo: Min Thein Aung/RFA
ရခိုင်ပြည်နယ် မောင်တောမြို့နယ် တောင်ပြိုလက်ဝဲအနီးက မြန်မာ-ဘင်္ဂလားဒေ့ရ်ှ နှစ်နိုင်ငံနယ်စပ်မျဉ်းအနီးမှာ နေထိုင်ကြတဲ့ ရိုဟင်ဂျာ မွတ်စလင်တွေကို မြန်မာနိုင်ငံဘက်မှာရှိတဲ့ အပြည်ပြည်ဆိုင်ရာ ကြက်ခြေနီကော်မတီ (ICRC)က အကူအညီတွေပေးဖို့ သဘောတူထားတယ်လို့ ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ဖုန်းတင့်က ဒီနေ့ ပြောကြားလိုက်ပါတယ်။

နိုင်ငံတော် ဒုတိယသမ္မတ ဦးဟင်နရီဗန်ထီးယူဟာ ရခိုင်ပြည်နယ်အစိုးရရုံးမှာ ပြည်နယ်အစိုးရ တာဝန်ရှိသူတွေနဲ့ ဒီနေ့မနက်ပိုင်းက တွေ့ဆုံရာမှာ ဗိုလ်မှူးကြီး ဖုန်းတင့်က အဲဒီလို ပြောခဲ့တာပါ။

အဲဒီမွတ်စလင်တွေအတွက် အကူအညီတွေကို အရင်က ဘင်္ဂလားဒေ့ရ်ှနိုင်ငံဘက်ခြမ်းမှာရှိတဲ့ အပြည်ပြည်ဆိုင်ရာ ကြက်ခြေနီကော်မတီ(ICRC) အဖွဲ့က အကူအညီတွေပေးနေတာဖြစ်တယ်လို့ သိရပါတယ်။

ဒါပေမဲ့ နယ်စပ်မျဉ်းအနီးက မွတ်စလင်တွေ နေထိုင်နေကြတဲ့နေရာဟာ မြန်မာနိုင်ငံရဲ့ အချုပ်အခြာအာဏာ သက်ရောက်တဲ့နေရာဖြစ်တာကြောင့် မြန်မာနိုင်ငံဘက်မှာ အခြေစိုက်တဲ့ ICRC အဖွဲ့က ကူညီနိုင်ရေး စီစဉ်ခဲ့တာလို့ ပြောပါတယ်။

ဒီကိစ္စနဲ့ပတ်သက်ပြီး ICRC အဖွဲ့က ပြီးခဲ့တဲ့လက အဲဒီမွတ်စလင်တွေနဲ့ သွားရောက်တွေ့ဆုံ ဆွေးနွေးမှုတွေပြုလုပ်ခဲ့ သလို အကူအညီပေးရေးကိစ္စရပ်တွေကိုလည်း ရှေ့လမှာ ဆောင်ရွက်မှာဖြစ်တယ်လို့ ဗိုလ်မှူးကြီး ဖုန်းတင့်က ပြောပါတယ်။

မောင်တောဒေသမှာ ပြီးခဲ့တဲ့နှစ်ကဖြစ်ပွားခဲ့တဲ့ အကြမ်းဖက်ပဋိပက္ခတွေကြောင့် လူ ခုနစ်သိန်းလောက်ဟာ တစ်ဘက်ဘင်္ဂလားဒေ့ရ်ှနိုင်ငံကို ထွက်ပြေးခဲ့ကြရတာဖြစ်ပြီး ထောင်နဲ့ချီတဲ့လူတွေဟာ နှစ်နိုင်ငံနယ်စပ်မျဉ်းအနီးမှာ ယာယီတဲတန်းလျားတွေနဲ့ နေထိုင်နေကြရတာဖြစ်ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ