Eleven မီဒီယာသတင်းထောက်သုံးဦးကို ဝင်ရောက်ဖမ်းဆီး

၂ဝ၁၈ အောက်တိုဘာလ ၉ ရက်နေ့ညပိုင်းက ရန်ကုန်မြို့ Eleven မီဒီယာရုံးခန်းရှေ့တွင် ရဲတပ်ဖွဲ့ဝင်များ စောင့်ဆိုင်းနေသည်ကို တွေ့ရစဉ်။ /Photo: RFA
Eleven မီဒီယာ သတင်းထောက်သုံးဦးကို တာမွေမြို့နယ်ရဲတပ်ဖွဲ့က နိုင်ငံတော်အကြည်ညိုပျက်စေမှု ပုဒ်မ ၅ဝ၅ (ခ) နဲ့ ဖမ်းဆီးဖို့ ကြိုးစားခဲ့ပါတယ်။

Eleven မီဒီယာ အယ်ဒီတာချုပ် ကိုကျော်ဇောလင်းနဲ့ တာဝန်ခံအယ်ဒီတာ ကိုနရီမင်းနဲ့ အကြီးတန်းအယ်ဒီတာ ကိုဖြိုးဝေတို့ သုံးဦးကို ဖမ်းဆီးဖို့ Eleven မီဒီယာရုံးမှာ ဒီနေ့ညပိုင်းက သွားရောက်ရှာဖွေခဲ့တာပါ။ လောလောဆယ်တော့ သူတို့သုံးဦးလုံး လွတ်မြောက်နေဆဲပဲဖို့ စုံစမ်းသိရပါတယ်။

သူတို့သုံးဦးကို ဖမ်းဆီးဖို့ ရန်ကုန်တိုင်းအစိုးရအဖွဲ့က တရားလိုလုပ်ပြီး တိုင်ကြားခဲ့တယ်လို့ သတင်းတွေ ထွက်ပေါ်နေတာနဲ့ ပတ်သက်ပြီး RFA က အတည်ပြုဖို့ ကြိုးစားနေဆဲ ဖြစ်ပါတယ်။ တာမွေမြို့နယ်ရဲစခန်းကို တယ်လီဖုန်းနဲ့ ဆက်သွယ်ခဲ့ရာမှာလည်း လက်ခံဖြေဆိုခြင်း မရှိပါဘူး။

အမှုဖွင့်ဖမ်းဆီးဖို့ ကြိုးစားတဲ့ အကြောင်းရင်းကို အတိအကျ မသိရသေးပေမယ့် ရန်ကုန်ခေတ်သစ်မီဒီယာ သတင်းဌာနကတော့ … “စာရင်းစစ်အဖွဲ့ရဲ့ အစီရင်ခံစာနဲ့ မေးခွန်းထုတ်ရတော့မယ့် ရန်ကုန်အစိုးရအဖွဲ့ရဲ့ ပြည်သူ့ဘဏ္ဍာရှင်းတမ်း” အမည်နဲ့ အောက်တိုဘာလ ၇ ရက်နေ့က Eleven မီဒီယာမှာ ဖော်ပြခဲ့တဲ့ သတင်းသုံးသပ်ချက်ဆောင်းပါးနဲ့ ပတ်သက်တယ်လို့ ယူဆရကြောင်း ရေးသားထားပါတယ်။

ပြီးခဲ့တဲ့ ၂ဝ၁၆ ခုနှစ်ကလည်း “ဝန်ကြီးချုပ်တစ်ဦးက ကျပ်သိန်းတစ်ထောင်ကျော်တန် နာရီကို လက်ဆောင်အဖြစ် ယူတယ်” ဆိုပြီး Eleven မီဒီယာ အယ်ဒီတာအာဘော်မှာ ရေးသားဖော်ပြခဲ့တာနဲ့ ပတ်သက်ပြီး ရန်ကုန်တိုင်းအစိုးရက Eleven မီဒီယာ အမှုဆောင် အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုးတို့ကို ပုဒ်မ ၆၆ (ဃ) နဲ့ အမှုဖွင့်ဖမ်းဆီးခဲ့ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ