တောင်ကိုရီးယားက ပန်းလိုနူးညံ့တဲ့ ယောက်ျားလေးများနဲ့ သွယ်ပျောင်းတဲ့ ပုရိသဆန်မှု၊

မိတ်ကပ်လိမ်းတဲ့ အမျိုးသားတယောက်ကို လမ်းပေါ်မှာ တွေ့ရရင် မနှစ်မြို့တဲ့ အကြည့်တွေနဲ့ ကြုံရနိုင်ပါတယ်။ ကျားကျားလျားလျားမှ ဟုတ်ရဲ့လား၊ မိန်းမစိတ်ဝင်နေသလား စတဲ့ မေးခွန်း တွေနဲ့လည်း ရင်ဆိုင်ရနိုင်ပါတယ်။ တောင်ကိုရီးယားမှာတော့ ယောက်ျားတယောက် အနေနဲ့ ကြည့်ကောင်းအောင် ဘယ်လိုနေရမယ် ဆိုတဲ့ အမြင်တွေ ပြောင်းနေသလို ကမ္ဘာမှာလည်း ရိုက်ခတ် နေတာကို ဘီဘီစီ သတင်းထောက် ဆိုင်ရာ အက်ရှာကလေ့လာတင်ပြထားပါတယ်။

ဆိုးလ်မြို့တော်က ၁၆ နှစ်သား ယူကျု လူငယ်တယောက်ရဲ့ မိတ်ကပ်ဆောင်တာကို ဗီဒီယိုကို ဘီဘီစီကနေ ထုတ်လွှင့်လိုက်တဲ့အခါ အမြင်တွေ အမျိုးစုံ ပေါ်လာတာ တွေ့ရပါတယ်။ သဘောကျ နှစ်ခြိုက် တာကနေ စက်ဆုပ် ရှုတ်ချတဲ့အထိပါပဲ။

သူ့ကို မစိတ်ဝင်တယ်လို့ ဆိုသူကဆို၊ တချို့ကလည်း သူ့ဘာသာ လွတ်လပ်စွာ နေခွင့်ရှိတယ် ပြောသူနဲ့ ယောက်ျားမပီသတဲ့ အမူအရာတွေကို တီဗီမှာ မပြသင့်ဘူး ပြောသူနဲ့ ဝေဖန်မှု မျိုးစုံကို တွေ့ရပါတယ်။

ကင်ဆူဟွမ်ကတော့ ဒါမျိုးတွေကို ရိုးနေပါပြီ။ သူပေးတဲ့ မိတ်ကပ်လိမ်းနည်း သင်တန်းတွေကြောင့် သူ့ကို ကိုရီးယားတချို့က မိန်းမလျာလို့ ခေါ်တာကြာပြီလို့လည်း ဆိုပါတယ်။

မိတ်ကပ်လိမ်းရင် သူ့ကိုယ်သူ မိန်းမဆန်တယ်လို့ ထင်သလား မေးကြည့်တဲ့အခါ သူ တခါမှ မစဉ်းစားမိတဲ့ ပုံစံမျိုး ပြပါတယ်။

"ကျွန်တော် ဒီလိုမထင်ပါဘူး၊ ဒီလိုပြင်ရင် မိန်းကလေးဆန်မယ်လို့ တခါမှ မထင်မိတာပါ " လို့ သူကဆိုပါတယ်။ ဒါက ကြည့်ကောင်းဖို့ပဲလို့လည်း ဆိုပါတယ်။

အမျိုးသား ဗြူတီပါလာထဲမှာ

အမျိုးသားတွေ မိတ်ကပ်လိမ်းတာ မနှစ်သက်တဲ့သူတွေအဖို့ ဆိုးလ်မြို့တော် ဂန်နမ်ရပ်ကွက်က ဈေးကြီးတဲ့ အမျိုးသား ဗြူတီပါလာကို သွားရင် အဆန်းတကြယ် ဖြစ်နေမှာပါ။ ဒါဟာ ယဉ်ကျေးမှု အပြောင်းအလဲမှာ ထူးခြားတဲ့ နေရာတခုပါပဲ။

နာမည်ကြီးတဲ့ မိတ်ကပ်ဆရာ ဟန်ညွန်ဂျေး ဆိုရင် အမျိုးသားတွေကို ဖောင်ဒေးရှင်းခရင်မ်လိမ်းတာ၊ အိုင်းလိုင်နာ ချယ်တာနဲ့ နှုတ်ခမ်းနီဆိုးပေးရာမှာ ကျော်ကြားပါတယ်။ အမျိုးသမီးတွေ ကြိုက်တဲ့ တံဆိပ်မျိုးစုံထဲကနေ ယူလိမ်းပေးတာပါ။ နောက် ကေပေါ့ ကိုရီးယားအဆိုတော်တွေနဲ့ တူအောင်လည်း ပြင်ပေးတတ်ပါတယ်။ ဒီလို အလှပြင်နည်းက ပိုပို လူကြိုက်များလာနေပါတယ်။

ယောက်ျားလေးတွေ ခပ်တည်တည်နဲ့ ဗြူတီပါလာမှာ လာအလှပြင်ပြီး ကျော့ရှင်းသပ်ရပ်စွာ ထွက်သွားကြတာပါ။ ဒီကို လာသူ အများစုက ရှိုးပွဲသွားမယ့် အဆိုတော်တွေ၊ မင်းသားတွေပါ။

"တိုနာနဲ့ လိုးရှင်းလူးတယ်၊ နောက် အရောင်ပြင်တဲ့ ခရင်မ်လိမ်းတယ်။ မျက်နှာသစ်ပြီးရင် မျက်နှာဖုံးကပ်ပြီး ချေးချွတ်မယ်"

အမျိုးသား တယောက်ကတော့ သူ့မင်္ဂလာဆောင်အတွက် လာအလှပြင်တာပါ၊ ဒါ တောင်ကိုရီးယားမှာ မဆန်းတော့ဘူးလေ။ သူ့အတွက် နေ့ထူးနေ့မြတ်မှာ နှုတ်ခမ်းနီနီလေးနဲ့ ဖြစ်ချင်လို့ပါပဲ။

"သူတို့ အသားအရေတွေ ပိုသန့်လာအောင်၊ မျက်ခုံးတွေ ပိုနက်လာအောင် သူတို့မျက်နှာတွေကို ပုံဖော်ပေးတယ်၊ သူတို့မှာ ရှိတဲ့ ယောက်ျားပီသမှုကို သူတို့ဘာသာ မဖော်နိုင်တာကို ဆွဲထုတ်ပြပေးတာပေါ့ " လို့ မိတ်ကပ်ဆရာ ဟန်က ပြောပါတယ်။ သူ့ဆိုင်လာတဲ့ အမျိုးသားတွေက သူတို့အကြိုက် ကေပေါ့ နာမည်ကြီးတွေနဲ့ တူအောင်ပြင်ချင်လို့ လာကြတာပါတဲ့။

ဒီနှစ်ပိုင်းအတွင်း တောင်ကိုရီးယားမှာ ကေပေါ့ တီးဝိုင်းအဖွဲ့တွေနဲ့ ကိုရီးယား ဇာတ်လမ်းတွဲတွေက လူငယ်တွေကြားမှာ သြဇာလွှမ်းမိုးမှု တအားကြီးလာပါတယ်။ မနှစ်ကဆိုရင် ကေပေါ့က အမေရိကန်နဲ့ ဗြိတိန်ထိ ပေါက်တာ တွေ့ရပါတယ်။

"ကိုရီးယားဟာ ယောက်ျားအလှ ယဉ်ကျေးမှုမှာ ကမ္ဘာမှာ မဟုတ်တောင် အာရှမှာတော့ ရှေ့ဆောင်ပါပဲ" လို့ တောင်ကိုရီးယားရဲ့အလှ သုတေသနပြုနေတဲ့ အနောက်သြစတြေးလျ တက္ကသိုလ်က ဂျုန်နာ အဲ့လ်ဖ်ဗင်းဟွမ်က ပြောပါတယ်။

"ကေပေါ့စတားတွေရဲ့ ပြုပြင်ချယ်သပုံကြောင့် လိင်တူနှစ်ခြိုက်သူ၊ လိင်ကွဲမှ စုံမက်သူ စတဲ့ ကွဲပြားတဲ့ ယောက်ျားတွေကြားမှာ အလှဆိုင်ရာ အမြင်တွေ အမျိုးမျိုး ပေါ်လာအောင် ပိုလက်ခံလာနိုင်အောင် လမ်းဖွင့် ပေးပါတယ်။ လမ်းပေါ်က လူတွေထိ သက်ရောက်လာတာပါ" လို့လည်း ဂျုန်နာက မှတ်ချက်ပေးပါတယ်။

BBC Burmese
https://www.bbc.com