လသာၿမိဳ႕နယ္ ၁၉ လမ္း၌ မီးပလပ္ခုံအပူလြန္ကဲရာမွ မီးေလာင္မႈျဖစ္၍ ကေလးတစ္ဦးေသဆုံး


ရန္ကုန္ ေအာက္တိုဘာ ၁၃
လသာၿမိဳ႕နယ္ အမွတ္(၄) ရပ္ကြက္ ၁၉ လမ္း (အလယ္) ရွိ ေလးထပ္တုိက္ေလးလႊာညာဘက္ခန္း ပုိင္ရွင္ ဦးေအာင္သန္း၏ တုိက္ခန္း၌ ေအာက္တုိဘာ ၁၃ ရက္ မြန္းလြဲ ၂ နာရီ ၂၅ မိနစ္က မီးေလာင္မႈ ျဖစ္ပြား၍ ကေလးငယ္တစ္ဦး ေသဆုံးသြားေၾကာင္း သိရသည္။

မီးေလာင္ရာသုိ႔ ပတ္ဝန္းက်င္ေနအိမ္မ်ားရွိ မီးသတ္ေဆးဘူးမ်ားျဖင့္ ဝိုင္းဝန္းၿငိႇိမ္းသတ္ခဲ့ၾကၿပီး ၿမိဳ႕နယ္မီးသတ္တပ္ဖြဲ႕မွ မီးၿငႇိမ္းသတ္ယာဥ္ ၁၂ စီး၊ အုပ္ခ်ဳပ္ေရးယာဥ္မ်ားျဖင့္ ဝုိင္းဝန္းၿငႇိမ္းသတ္ ခဲ့ၾကသျဖင့္ ညေန ၃ နာရီခန္႔တြင္ မီးၿငိမ္းသြား ခဲ့သည္။

မီးေလာင္စဥ္အတြင္း အေပၚထပ္ ထပ္ခုိး၌ အိပ္ေပ်ာ္က်န္ေနခဲ့ေသာ အသက္ ခုနစ္ႏွစ္ အရြယ္ ေမာင္ေအာင္ဟိန္းပုိင္မွာ မီးေလာင္ဒဏ္ရာမ်ားျဖင့္ ေသဆုံးခဲ့ရသည္။ ေသဆုံးသူအား ျဖဴစင္ေမတၱာ ပရဟိတယာဥ္ျဖင့္ ရန္ကုန္ျပည္သူ႔ေဆး႐ုံႀကီးသုိ႔ ပုိ႔ေဆာင္ေပးခဲ့ရသည္။

မီးေလာင္မႈ ျဖစ္ပြားရျခင္းမွာ လွ်ပ္စစ္မီး ပလပ္ခုံ၌ တီဗြီႏွင့္ အားသြင္းႀကိဳးမ်ား အားသြင္း ထားရာမွ အပူလြန္ကဲ၍ မီးေလာင္ရျခင္းျဖစ္ေၾကာင္း ၿမိဳ႕နယ္ရဲတပ္ဖြဲ႕မွ သိရသည္။ ျဖစ္စဥ္ႏွင့္ပတ္သက္၍ တုိက္ခန္းပိုင္ရွင္၏သမက္ျဖစ္သူ ဦးဇင္မုိးေအာင္ကို လသာၿမိဳ႕မရဲစခန္းမွ အမႈဖြင့္ထားေၾကာင္း သိရ သည္။

ကိုႀကီးတင္
Myanmaalinn
https://www.facebook.com/MYANMAALINNNEWS/

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ