နိရဉ္စရာ၊ အောက်တိုဘာ ၁၆
အောက်တိုဘာ ၁၅ ရက်နေ့တွင် နေပြည်တော်ရှိ ရွှေစံအိမ်ဟိုတယ်၌ အစိုးရနှင့် NCA-SEAO ခေါင်းဆောင်များ သီးသန့်အစည်းအဝေး လုပ်နေချိန်တွင် မြန်မာတပ်မတော်နှင့် အပစ်ရပ်စာချုပ် လက်မှတ် မရေးထိုးထားသော ရက္ခိုင့်တပ်မတော် (အေအေ) တို့အကြား မြန်မာနိုင်ငံ အနောက်ဘက်နယ်စပ်တွင် တိုက်ပွဲ နှစ်ကြိမ်ဖြစ်ပွားခဲ့သည်ဟု သတင်းရရှိသည်။
၎င်းတိုက်ပွဲများမှာ အောက်တိုဘာ ၁၄ ရက်နေ့ တစ်ကြိမ်၊ ၁၅ ရက်နေ့က တစ်ကြိမ်ဖြစ်ပွားခဲ့သည်ဟု အေအေ၏ ဖေ့စ်ဘွတ်စာမျက်နာတွင် သတင်းဖော်ပြသည်။
အောက်တိုဘာ ၁၄ ရက်နေ့ တိုက်ပွဲမှာ အိန္ဒိယ နယ်စပ်ရှိ ပလက်ဝမြို့နယ်၊ အုံးသီးဝရွာမြောက်ဖက်ရှိ (၅.၅) ကီလိုမီတာအကွာတွင် ညနေ(၄) နာရီ(၁၅) မိနစ်မှ (၆) နာရီအထိ ထိတွေ့ တိုက်ပွဲ ဖြစ်ပွားခဲ့သည်ဟု ဆိုသည်။
အောက်တိုဘာ ၁၅ ရက်နေ့က ဖြစ်ပွားခဲ့သည့် တိုက်ပွဲမှာ အောက်တိုဘာ ၁၄ ရက်နေ့ ဖြစ်ပွားခဲ့သည့် အုန်းသီးဝရွာ အနီးတွင် ထပ်မံ ဖြစ်ပွားခဲ့ပြီး နံနက်(၉) နာရီ (၄၅) မိနစ်မှ (၁၀) နာရီ (၁၅) မိနစ်အထိ မိနစ်သုံးဆယ်ကြာ တိုက်ပွဲဖြစ်ပွားခဲ့ခြင်း ဖြစ်သည်ဟု သတင်းတွင် ဖော်ပြသည်။
တိုက်ပွဲအတွင်း နှစ်ဖက် အထိအခိုက်အကျအဆုံးများကိုမသိရသေးပါ။
ယခုတိုက်ပွဲများမှာ ၂၀၁၈ ခုနှစ်၊ စက်တင်ဘာ(၂၁) ရက်နေ့တွင်နောက်ဆုံးတိုက်ပွဲဖြစ်ပွားခဲ့ပြီးနောက် ယခုမှပြန်လည်၍ထပ်မံဖြစ်ပွားခဲ့ခြင်းဖြစ်ကြောင်း သိရသည်။
Narinjara
https://www.facebook.com/Narinjara-151742128171206/
မြန်မာအနောက်ဘက်နယ်စပ်တွင် တိုက်ပွဲဖြစ်
Reviewed by THITHTOOLWIN
on
09:22
Rating: