ေျမာက္ကိုရီးယားအေပၚ ပိတ္ဆို႔ဒဏ္ခတ္မႈ ဖယ္ရွားဖို႔ ေတာင္ကိုရီးယားသံုးသပ္



Share/Bookmark

ေျမာက္ကုိရီးယားအေပၚ ပိတ္ဆုိ႔ဒဏ္ခတ္ အေရးယူမႈေတြကုိ ဖယ္ရွားေပးဖုိ႔ ေတာင္ကုိရီးယားအစုိးရက စဥ္းစားေနေၾကာင္း ေတာင္ကုိရီးယား ႏုိင္ငံျခားေရး၀န္ႀကီး Kang Kyung-wha က ဒီေန႔ပဲ ေျပာလုိက္ပါတယ္။ Cheonan အမည္ရွိ ေတာင္ကုိရီးယား ေရတပ္စစ္သေဘၤာကုိ ၂၀၁၀ ျပည့္ႏွစ္မွာတုန္းက ေျမာက္ကုိရီးယားရဲ႕ ေတာ္ပီဒုိနဲ႔ ပစ္ခတ္တုိက္ခုိက္မႈေၾကာင့္ သေဘၤာသား ၄၅ ေယာက္ ေသဆုံးခဲ့ရၿပီးေနာက္ ေျမာက္ကုိရီးယားအေပၚ ခ်မွတ္ထားတဲ့ ပိတ္ဆုိ႔ဒဏ္ခတ္မႈေတြနဲ႔ ပတ္သက္လုိ႔ လႊတ္ေတာ္မွာ ႏုိင္ငံျခားေရး၀န္ႀကီးက ေျပာဆုိလုိက္တာပါ။

ဒါေပမဲ့လည္း ေျမာက္ကုိရီးယားရဲ႕ မစ္ဇုိင္းဒုံးနဲ႔ ႏ်ဴကလီးယား စမ္းသပ္မႈေတြေၾကာင့္ ႏုိင္ငံတကာက ပိတ္ဆုိ႔ဒဏ္ခတ္ အေရးယူမႈေတြ တင္းတင္းက်ပ္က်ပ္ ခ်မွတ္ထားတဲ့အတြက္ ေတာင္ကုိရီးယားရဲ႕ ဒဏ္ခတ္မႈေတြ ဖယ္ရွားမယ့္ အစီအစဥ္ဟာ ႀကီးႀကီးမားမား သက္ေရာက္မႈ မရွိႏုိင္ဘူးလုိ႔လည္း ယူဆထားၾကပါတယ္။

တခ်ိန္တည္းမွာပဲ အေမရိကန္နဲ႔ ေျမာက္ကုိရီးယား ေခါင္းေဆာင္ေတြရဲ႕ ထိပ္သီးေတြ႔ဆုံပဲြ ဒုတိယအႀကိမ္ က်င္းပမယ့္ အလားအလာေကာင္းေတြလည္း ထြက္ေပၚလာေနတာပါ။ အေမရိကန္ ႏုိင္ငံျခားေရး၀န္ႀကီး Mike Pompeo ကေတာ့ အစီအစဥ္အတြက္ အေသးစိတ္ ညွိႏႈိင္းမႈေတြမွာ ေတာ္ေတာ္မ်ားမ်ား နီးစပ္မႈရထားတဲ့အေၾကာင္း ေျပာဆုိထားပါတယ္။

သမၼတ Donald Trump ကေတာ့ ေတြ႔ဆုံမယ့္ ေနရာ ၃-၄ ခုေလာက္ကုိ စဥ္းစားထားေၾကာင္း ေျပာေပမဲ့ အေမရိကန္ လႊတ္ေတာ္ေရြးေကာက္ပဲြေတြ ေရွ႕လ ႏုိ၀င္ဘာလ ၆ ရက္ေန႔မွာ က်င္းပၿပီး ေနာက္ပုိင္းမွသာ ျဖစ္ႏုိင္ေၾကာင္းလည္း ေျပာဆုိထားတာပါ။ ႏ်ဴကလီးယား ကင္းစင္ေရး ေရွ႕ဆက္ေဆာင္ရြက္ႏုိင္မယ့္ ႀကီးမားတဲ့ တုိးတက္မႈေတြ ရွိေနေၾကာင္းလည္း သမၼတ Trump က ေျပာခဲ့ပါတယ္။ ႏုိင္ငံျခားေရး၀န္ႀကီး Pompeo ကလည္း ေရွ႕မွာ ေဆာင္ရြက္စရာ အမ်ားအျပား ရွိေနဆဲ ျဖစ္ေပမဲ့၊ ေျမာက္ကုိရီးယားမွာ ႏ်ဴကလီးယား ကင္းစင္ေရး အျပည့္အ၀ အေကာင္အထည္ေဖာ္၊ အတည္ျပဳႏုိင္မယ့္ လမ္းေၾကာင္းတခု ေပၚထြန္းလာေနၿပီျဖစ္ေၾကာင္း ေျပာဆုိခဲ့တာပါ။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ