မြောက်ဦးမြို့နယ်တွင် ကျပ်တစ်သောင်းတန်အတု ၃၇၉ ရွက်သိမ်းဆည်းရမိပြီးနောက် လူ ၅ဦး စစ်ဆေးခံနေရ

နိရဉ္စရာ၊ အောက်တိုဘာ ၈

ရခိုင်ပြည်နယ်၊ မြောက်ဦးမြို့နယ်၊ ကြိမ်ချောင်းကျေးရွာတွင် ကျပ်တစ်သောင်းတန်အတု ၃၇၉ ရွက်ကို သိမ်းဆည်းရမိပြီးနောက် လူ ၅ ဦးကို ရဲက ခေါ်ယူစစ်ဆေးနေကြောင်း သတင်းရရှိသည်။

၎င်းလူ ၅ ဦးမှာ မြောက်ဦးမြို့နယ် ဗူးရွက်မညိုးကျေးရွာမှ ၂ ဦး၊ ကြိမ်ချောင်းမှ တစ်ဦးနှင့် ရသေ့တောင်မြို့နယ်မှ ၂ ဦးဖြစ်ကြောင်း ကြိမ်ချောင်းကျေးရွာ အုပ်ချုပ်ရေးမှူး ဦးမောင်မောင်သိန်းက နိရဉ္စရာ သတင်းဌာနသို့ ပြောသည်။

“ စုစုပေါင်း ၅ ဦးကို ရဲကခေါ်ယူစစ်ဆေးနေပါတယ်။ ငွေက ၃၇ သိန်း ၉ သောင်းဖမ်းမိပါတယ်။ တစ်သောင်းတန်တွေပါ။ လူက ၅ ယောက်ပါ။ မြို့နယ်ခြားပါတယ်။ ဗူးရွက်မညိုး၊ ကြိမ်ချောင်း၊ ရသေ့တောင်မြို့နယ်က ပြင်ဝန်းက ၂ ဦးပါ” ဟု သူက ပြောသည်။

အဆိုပါ ကိစ္စနှင့် ပတ်သက်ပြီး မြောက်ဦးမြို့မ ရဲစခန်းသို့ ဆက်သွယ်မေးမြန်းရာ စခန်းမှူးက ငွေအတုနှင့် ပတ်သက်ပြီး စစ်ဆေးနေတုန်းဖြစ်ကြောင်း ပြောကြားသည်။

“ ဖမ်းဆီးတဲ့အဆင့်ကို မရောက်သေးပါဘူး။ စစ်ဆေးမေးမြန်းနေတုန်းဘဲ ဖြစ်ပါတယ်။ မနက်ဖြန်မှ အတိအကျ ထုတ်ပြန်နိုင်မှာ ဖြစ်ပါတယ်။ ငွေတွေက ကျွန်တော်တို့ သွားဖမ်းတာ မဟုတ်ပါဘူး။ လာအပ်တာ ဖြစ်ပါတယ်။ ငွေအတုတွေ့လို့ဆိုပြီး လာအပ်တာ ဖြစ်ပါတယ်” ဟု မြောက်ဦးမြို့မ စခန်းမှူးက ပြောကြားသည်။

ရသေ့တောင်မြို့နယ် ပြင်ဝန်းမှ လူနှစ်ဦးမှာ အဆိုပါ ကြိမ်ချောင်းရွာသို့ ကျွဲနွားဝယ်ရန် ရောက်ရှိနေသူများ ဖြစ်ကြောင်း သိရသည်။

Narinjara
https://www.facebook.com/Narinjara-151742128171206/