တောင်ကိုရီးယားသမ္မတဟောင်းကို အကျင့်ပျက်ခြစားမှုနဲ့ ထောင်ဒဏ် ၁၅ နှစ်ချမှတ်

၂ဝ၁၈ ခုနှစ် စက်တင်ဘာလ ၆ ရက်နေ့က ဆိုးလ်မြို့ရှိ တရားရုံးသို့ ရောက်ရှိလာသည့် တောင်ကိုရီးယားသမ္မတဟောင်း လီမြောင်ဘတ်။ (Photo: AFP)

 တောင်ကိုရီးယားသမ္မတဟောင်း လီမြောင်ဘတ်ကို အကျင့်ပျက်ခြစားမှုနဲ့ ဆိုးလ်တရားရုံးက ထောင်ဒဏ် ၁၅ နှစ်နဲ့ ငွေဒဏ်အဖြစ် ကိုရီးယားဝမ်ငွေ (၁၃) ဘီလျံ ချမှတ်လိုက်ပါတယ်။

သမ္မတဟောင်း လီမြောင်ဘတ်ဟာ မော်တော်ကားပစ္စည်းထုတ်လုပ်ရေး ကုမ္ပဏီတစ်ခုကနေ အမေရိကန် ဒေါ်လာ ၂၂ သန်းနီးပါး အလွဲသုံးစားလုပ်ခဲ့မှု၊ Samsung ကုမ္ပဏီနဲ့ တခြားကုမ္ပဏီတွေဆီက လာဘ်ငွေရယူခဲ့မှု တို့အတွက် အပြစ်ရှိကြောင်း ဆိုးလ်မြို့ဗဟိုတရားရုံးက ဆုံးဖြတ်ခဲ့တာပါ။

နိုင်ငံ့ခေါင်းဆောင်ဖြစ်တဲ့ သမ္မတတယောက်အနေနဲ့ အခုလိုပြုမူတာဟာ သမ္မတရုံးရဲ့ဂုဏ်သိက္ခာကို ကျဆင်းစေရုံမက၊ အစိုးရရုံးတခုလုံးအပေါ် လူထုရဲ့ယုံကြည်မှု ပျက်ပြားစေတယ်လို့ တရားသူကြီးက ပြောပါတယ်။
အသက် (၇၆) နှစ် ရှိပြီဖြစ်တဲ့ လီမြောင်ဘတ်ကတော့ တရားရုံးဆုံးဖြတ်ချက်ဟာ လက်ရှိသမ္မတ မွန်းဂျေအင်းရဲ့ နိုင်ငံရေးအရ ဖိအားပေးမှုတွေကြောင့်လို့ ပြောဆိုပြီး သူ့မှာ အပြစ်မရှိကြောင်း ငြင်းဆိုခဲ့ပါတယ်။

၂ဝဝ၈ ခုနှစ်ကနေ ၂ဝ၁၃ ခုနှစ်အထိ တောင်ကိုရီးယားသမ္မတတာဝန် ထမ်း ဆောင်ခဲ့တဲ့ လီမြောင်ဘတ်ဟာ လာဘ်စားမှုနဲ့ ထောင်ဒဏ်ချမှတ်ခံရတဲ့ လေးယောက်မြောက်သမ္မတ ဖြစ်ပါတယ်။

RFA Burmese
https://www.facebook.com/rfaburmese