 |
| ရှီဘူရဇာနည်နဲ့ ဒေါ်အောင်ဆန်းစုကြည် |
အဲဒီဖက်ရှင်ဒီဇိုင်းတွေကို မြန်မာနိုင်ငံ ကရင်ပြည်နယ်က ထွက်တဲ့ပိုးချည်နဲ့ ဖန်တီးပြုလုပ်ထားတယ်လို့ အဲဒီဖက်ရှင်ကို တီထွင်သူ မြန်မာပြည်ဖွား ဂျပန်ဒီဇိုင်နာ ရှီဘူရဇာနည် က ဘီဘီစီကို ပြောပါတယ်။
ကရင်ပြည်နယ်က ပိုးချည်တွေနဲ့ ဖန်တီးပြုလုပ်ထားတဲ့ တိုကျိုမြို့က မြန်မာ-ဂျပန်ဖက်ရှင်ဒီဇိုင်းပြခန်း ကိုလည်း ဒေါ်အောင်ဆန်းစုကြည်က အောက်တိုဘာလ ၈ ရက်မှာ လာရောက်လည်ပတ်ခဲ့ပါတယ်။
စုကြည်ပိုးချည်လို့ နာမည်မှည့်တာကတော့ ဂျပန်ဘက်က တောင်းဆိုခဲ့တာပါ။ ကမ္ဘာကျော်အောင် ဘယ်လိုဒီဇိုင်းလုပ်ပြီး ဖန်တီးမလဲဆိုတာ ကျွန်တော်အတူ ပါဝင်လုပ်ဆောင်တာပါ။ ဘာဖြစ်လို့လဲ ဆိုတော့ အဲဒီဆန္ဒက ဒေါ်အောင်ဆန်းစုကြည်ရဲ့ဆန္ဒပါ။ သူကလည်း လက်ခံပြီးတော့ လက်မှတ်ထိုးပေးခဲ့ပါတယ်။ စုကြည်ပိုးချည်ဖက်ရှင်ကို ၂ဝ၁၉ ခုနှစ်မှာ တရားဝင် ထုတ်ပြန် ကြေညာမယ် လို့ ကိုဇာနည်က ပြောပါတယ်။
စုကြည်ပိုးချည် လို့ အမည်ပေးထားတဲ့ ကုန်အမှတ်တံဆိပ် ဟာ မြန်မာအစိုးရနဲ့ ဂျပန်ရိုးရာဝတ်စုံ ကီမိုနို ထုတ်လုပ်တဲ့ ကုမ္ပဏီတခုက ပူးပေါင်းဆောင်ရွက်တဲ့ ပိုးချည်အထည်ချုပ် စီမံကိန်းတခုဖြစ်ပြီး ဒီဇိုင်နာ ကိုဇာနည်က ဒီဇိုင်းဆွဲထုတ်လုပ်ဖို့ တာဝန်ယူထားတာပါ။
 |
| သွားလေရာ မြန်မာဝတ်စုံကို ပွဲထုတ်တဲ့ ဒေါ်အောင်ဆန်းစုကြည် |
ဒီစီမံကိန်းကြောင့် ကရင်ပြည်နယ် ဘားအံမြို့က အထည်ချုပ် အလုပ်သမ အမျိုးသမီးတွေက စက်ချုပ်အတတ်ပညာကို သင်ယူခွင့်ရခဲ့သလို အလုပ်အကိုင် အခွင့်အလမ်းလည်း ရရှိခဲ့တယ်လို့ ကိုဇာနည်က ပြောပါတယ်။
စုကြည်ပိုးချည်ကို မြန်မာပြည်သာမက နိုင်ငံတကာကိုလည်း တင်ပို့ရောင်း ချမယ်လို့ သူက ဆိုပါတယ်။
ဒီပိုးချည်ကို လာမယ့် နိုဝင်ဘာလ တရုတ်နိုင်ငံ ရှန်ဟိုင်းမြို့မှာ ကျင်းပမယ့် ဖက်ရှင်ပြပွဲတခုမှာလည်း မိတ်ဆက်ဖို့ စီစဉ်ထားတယ်လို့ ကိုဇာနည် က ပြောပါတယ်။
BBC Burmese
https://www.bbc.com
ဒေါ်အောင်ဆန်းစုကြည် နာမည်နဲ့ ကမ္ဘာ့အဆင့်မီဖက်ရှင်
Reviewed by THITHTOOLWIN
on
11:32
Rating:
Reviewed by THITHTOOLWIN
on
11:32
Rating:
