ယီမင္တြင္ ေဆာ္ဒီဦးေဆာင္၍ ေလေၾကာင္းတိုက္ခုိက္မႈေၾကာင့္ လူ ၅ဦးေသဆံုး



Share/Bookmark
ယီမင္တြင္ ေဆာ္ဒီဦးေဆာင္၍ ေလေၾကာင္းတိုက္ခုိက္မႈမ်ား ျပဳလုပ္စဥ္ (ဆင္ဟြာ)
ဆာနား၊ ေအာက္တိုဘာ ၁၁ ရက္ (ဆင္ဟြာ)

အီရန္က ေက်ာေထာက္ေနာက္ခံေပးထားေသာ ရွီယိုက္ဟူသီသူပုန္မ်ားကို တိုက္ခိုက္ေနေသာ ေဆာ္ဒီဦးေဆာင္သည့္ ညႊန္႔ေပါင္းတပ္ဖြဲ႕သည္ ယီမင္ႏုိင္ငံ ပင္လယ္နီဆိပ္ကမ္းၿမိဳ႕ျဖစ္သည့္ Hodeidah ၿမိဳ႕ရွိ ေရေပးေဝသည့္ ေရစုပ္စက္တစ္ခု အနီး၌ ေအာက္တိုဘာ ၁၀ ရက္ေန႕က ေလေၾကာင္းတိုက္ခိုက္မႈတစ္ခု ျပဳလုပ္ခဲ့ရာ လူ ၅ဦးေသဆံုးေၾကာင္း ျပည္နယ္ဆိုင္ရာ ေဆးရံုတစ္ခုကေျပာၾကားခဲ့သည္။

Al-Jah ခရိုင္တြင္ျဖစ္ပြားခဲ့ေသာ ေလေၾကာင္းတိုက္ခိုက္မႈေၾကာင့္ ေသဆံုးခဲ့သူမ်ားသည္ လယ္သမားမ်ားျဖစ္ေၾကာင္း အမည္မေဖာ္လိုသူ ေဆးရံုသတင္းရင္းျမစ္တစ္ခုက ဆင္ဟြာသို႔ ဖုန္းျဖင့္ေျပာၾကားခဲ့သည္။

ေအာက္တိုဘာ ၈ ရက္တြင္လည္း Hodeidah ၿမိဳ႕ Salef ဆိပ္ကမ္းအေရွ႕ပိုင္း Dakwanah ဧရိယာ ရွိ ပ်ားေမြးျမဴေရးစခန္းတစ္ခု သုိ႔ ညႊန္႕ေပါင္းတပ္ဖြဲ႕က ေလေၾကာင္းစစ္ဆင္မႈ ျပဳလုပ္ခဲ့ရာ ပ်ားေမြးျမဴေရးလုပ္သား ၅ဦးေသဆံုးခဲ့ေၾကာင္း သိရသည္။

Hodeidah ဆိပ္ကမ္းသည္ ယီမင္ႏိုင္ငံ၏ စားနပ္ရိကၡာ၊ ေဆးဝါး၊ ေထာက္ပံ့ေရးပစၥည္း ႏွင့္ ေလာင္စာဆီမ်ား၏ ၇၀ရာခိုင္ႏႈန္း ဝင္ေရာက္ရာ အဓိကဝင္ေပါက္တစ္ခုျဖစ္ေၾကာင္း သိရသည္။

လြန္ခဲ့ေသာ လတြင္ ကုလသမဂၢက ဂ်ီနီဗာ၌ ျပဳလုပ္ေသာ ၿငိမ္းခ်မ္းေရးဆိုင္ရာ ညွိႏိႈ္င္းမႈတစ္ခုသုိ႔ တက္ေရာက္ရန္ ဟူသီသူပုန္မ်ားက ျငင္းပယ္ခဲ့ၿပီးေနာက္ အဆိုပါ ဆိပ္ကမ္းၿမိဳ႕ ၌ တိုက္ပြဲမ်ား ထြက္ေပၚလာခဲ့ေၾကာင္း သိရသည္။

(Xinhua)
http://www.xinhuamyanmar.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ