ကြားဖြတ်ရွေးကောက်ပွဲအတွက် SNLD ၏ ပြင်ဦးလွင် စည်းရုံးရေးခရီးစဉ် တခုဟန့်တားခံရ

Photo By SNLD / ပြင်ဦးလွင်မြို့ ရပ်ကွက် ကြီး ၂၀ နောင်ခမ်းကြီးကျေးရွာသို့ SNLD ကျားခေါင်းပါတီ စည်းရုံးရေးဆင်းနေစဉ်
ကြားဖြတ်ရွေးကောက်ပွဲအတွက် မန္တလေးတိုင်းဒေသကြီး ပြင်ဦးလွင်မြို့နယ်အတွင်း သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ စည်းရုံးရေးဆင်းရာတွင် ရပ်ကွက်အုပ်ချုပ်ရေးမှူးမှ ဟန့်တားမှုပြုခဲ့သည်ဟု သိရှိရသည်။

စက်တင်ဘာလ ၂၁ ရက် SNLD ကျားခေါင်းပါတီ ကား ၆ စီးခန့်ရှိ စည်းရုံးရေးအဖွဲ့ က ပြင်ဦးလွင်မြို့ ရပ်ကွက် ကြီး ၂၀ နောင်ခမ်းကြီးကျေးရွာသို့ရောက်ရှိစဉ် – ရပ်ကွက်အုပ်ချုပ်ရေးမှူးမှ အိုးစည်ပုံမောင်း မတီးရန် တားမြစ် ခြင်း၊ စည်းရုံးရေးဆင်းနေစဉ် ဟောပြောနေသူ၊ နားထောင်နေသူဒေသခံများ အား ခွင့်ပြုချက်မတောင်းဘဲ ဓါတ်ပုံ ရိုက်ခြင်း၊ စည်းရုံးရေးဆင်းပြီးနောက် SNLD အားလက်ခံကြိုဆိုသည့် အိမ်ရှင်အားဖုန်းဆက် ခေါ်ယူကာ ခွင့်ပြုချက်မတောင်းဘဲ အိုးစည်ဗုံမောင်းတီးကြိုဆိုမှုပြုခြင်းသည် ရပ်ရွာလူကြီးအား မထေမဲ့မြင်ပြုလုပ်သည် ဟုဆိုကာ ခြိမ်းခြောက်ဟန့်တားမှုများ ပြုလုပ်ခဲ့ကြောင်းသိရသည်။

SNLD ကျားခေါင်းပါတီ ပြောခွင့်ရ စိုင်းလိတ်က –  “အန်အယ်ဒီပါတီ ကော ကြံ့ခိုင်ရေးပါတီကော စည်းရုံးရေးဆင်းပြီးသွားပြီ။ သူတို့အလှည့်တုန်းကလည်း ရွာသားတွေက အိုးစည်ဗုံမောင်းတီးပြီးတော့မှ ကြိုဆိုတယ်။ ဘာမှပြသနာမရှိဘူး။ အခု ကျနော်တို့ သွားတဲ့ အလှည့်ကျမှဘဲ အိုးစည်ဗုံမောင်းတီးခွင့်မရှိဘူးလို့ကန့်သတ်ချက်ထွက်လာတော့ ဒါမဲဆန္ဒရှင်ကိုတဖက်လှည့် ခြိမ်းခြောက်တာဘဲ။ တရားမဲ့ပြုကျင့်တာဘဲလို့ကျနော်တို့ယူဆတယ်။ ဒါကြောင့်ကျနော်တို့လုံးဝ ကန့်ကွက်တယ်။ နောက်နောင် ဒီလိုအလားသဏ္ဍာန်ထပ်ပေါ်ပေါက်ရင် လိုအပ်ရင် ယူအီးစီအထိ တိုင်ကြားသင့်ရင် တိုင်ကြားသွားမယ်လို့ ကျနော်တို့ ပြောချင်ပါတယ်။ “- ဟု သျှမ်းသံတော်ဆင့်အား ပြောပြသည်။
Photo By SNLD / စည်းရုံးဟောပြောမှုတွင် ခွင့်ပြုချက်မတောင်းဘဲ ဓါတ်ပုံဝင်ရိုက်သူမှာ ရာအိမ်မှူး ကိုနိုင်
SNLD ပါတီမှ ရပ်ကွက်ကြီး ၂၀ နောင်ခမ်းကြီးကျေးရွာ သားများနှင့် တွေ့ဆုံစည်းရုံးဟောပြောသည့်နေရာမှာ ပါနန်းကျောင်းအိမ် တို့၏အိမ်ဖြစ်ပြီး စည်းရုံးဟောပြောမှုပြုနေစဉ် ခွင့်ပြုချက်မတောင်းဘဲ အထက်လူကြီးအမိန့် အရ ဟုဆိုကာ ဓါတ်ပုံဝင်ရိုက်သူမှာ ရာအိမ်မှူး ကိုနိုင် ဆိုသူဖြစ်ကြောင်း ၊ အိမ်ရှင်အပါအဝင် ရပ်မိရပ်ဖ စိုင်းချစ်ဦး နှင့် စိုင်းအောင်ကြီးတို့အား ဖုန်းဆက်ဆင့်ခေါ်သူမှာ အုပ်ချုပ်ရေးမှူး အောင်ဇော်မြင့် ဆိုသူဖြစ်ကြောင်း လည်း စည်းရုံးရေးခရီးစဉ်တွင်လိုက်ပါသည့် SNLD ပါတီဝင်လူငယ်တဦးက သျှမ်းသံတော်ဆင့်အား ပြောပြသည်။

“ ဒီကိစ္စက ကျနော်တို့ခရိုင်ကော်မတီကို ဖုန်းဆက်ပြောပြီးပြီ။ ခရိုင်ကော်မတီဆီမှာခွင့်တောင်းထားပါလျှက်နဲ့ အခုလိုခြိမ်းခြောက်နှောင့်ယှက်တာမျိုးတော့မဖြစ်သင့်ဘူး။ ပြင်ဦးလွင် မြို့နယ်အုပ်ချုပ်ရေးမှူးကိုလည်း ကျနော်တို့ လွှတ်တော်ကိုယ်စားလှယ်တွေကနေ ဖုန်းဆက်တယ်။ မြို့နယ်အုပ်ချုပ်ရေးမှူးကလည်း ဒီကိစ္စ စီစစ်ပြီးတော့ ဆောင်ရွက်ပေးပါမယ်လို့ပြောတယ်။ ” – ဟု သျှမ်းပြည်မြောက်ပိုင်း SNLD ပါတီအတွင်းရေးမှူးလည်းဖြစ်သည့် အမျိုးသားလွှတ်တော်ကိုယ်စားလှယ် စိုင်းဝမ်းလျန်းခမ်း ကပြောသည်။

ပြင်ဦးလွင်မြို့နယ် နောင်ခမ်းကြီးကျေးရွာအုပ်စု ရပ်ကွက်ကြီး ၂၀ တွင် သျှမ်းလူမျိုး လူဦးရေ ၅၀၀ ကျော် အိမ်ခြေ ၁၅၀ ကျော်ရှိကြောင်း သိရသည်။ ၂၀၁၅ အထွေထွေရွေးကောက်ပွဲတွင် ဗမာအမျိုးသား ဦးကျော်ဇော က အမျိုးသားဒီမိုကရေစီအဖွဲ့ချုပ်မှ ၀င်ရောက်ယှဉ်ပြိုင်ပြီး မန္တလေးတိုင်းဒေသကြီး သျှမ်းတိုင်းရင်းသားရေး ရာဝန်ကြီးဖြစ်လာသည်။ သို့သော် ၂၀၁၈ ယခုနှစ်ဦးပိုင်းက ၄င်းကွယ်လွန်သွားသောကြောင့် သျှမ်းတိုင်းရင်း သား ရေးရာဝန်ကြီး နေရာလစ်လပ်လာခြင်းဖြစ်သည်။

မန္တလေးတိုင်းတွင် သျှမ်းတိုင်းရင်းသားရေးရာကိုယ်စားလှယ်အတွက် NLD ပါတီ ၊ ကြံ့ခိုင်ရေးပါတီ နှင့် SNLD ပါတီတို့အပြင် တသီးပုဂ္ဂလများလည်း ယှဉ်ပြိုင်မည်ဖြစ်ရာ ကျားခေါင်းပါတီမှ နန်းထွေးမှုံက ၀င်ရောက်ယှဉ်ပြိုင်မည်ဖြစ်ကြောင်းသိရသည်။ ယှဉ်ပြိုင်မည့်သူအားလုံးနီးပါးမှာ သျှမ်းတိုင်းရင်းသားများသာဖြစ်ကြောင်းလည်းသိရသည်။

ကြားဖြတ်ရွေးကောက်ပွဲကို ယခုနှစ် နိုဝင်ဘာလခန့်တွင်ကျင်းပမည်ဖြစ်ကြောင်းသိရသည်။

သျှမ်းသံတော်ဆင့်၊ ဟွမ်ဟိန်း
http://burmese.shannews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ