ဈေးကွက် အတွင်း ရောင်းချနေသည့် စားသုံးရန် မသင့်သော အစားအသောက် အမှတ်တံဆိပ် ၇ မျိုးအား အသိပေး ကြေညာ

စားသုံးရန် မသင့်သည့် အစားအသောက်များအား ထုတ်ပြန် ကြေညာထားမှုအား တွေ့ ရစဉ်(ဓာတ်ပုံ-MOI)
 ရန်ကုန် ၊ စက်တင်ဘာ ၂၀ ရက်(ဆင်ဟွာ)

    ဈေးကွက်များတွင် ရောင်းချလျက်ရှိသော အစားအသောက်များကို ဝယ်ယူစစ်ဆေးရာ အစားအသောက် အမှတ်တံဆိပ် ၇ မျိုးတွင် ခွင့်မပြုဆိုးဆေးများ ပါဝင်ခြင်းတို့ကြောင့် စားသုံးရန် မသင့်ကြောင်း ကျန်းမာရေး နှင့် အားကစား ၀န်ကြီးဌာနမှ ထုတ်ပြန် ကြေညာခဲ့သည်။

စားသုံးရန် မသင့်သည့် အစားအသောက် အမျိုးအစားများတွင် အရောင်တင်မှုန့် ၊ လက်ဖက် ၊ ပဲကြီးလှော် ၊ လက်ဖက်နှပ် ၊ ပုဇွန် ငါးပိထောင်း ၊ မျှင်ငါးပိထောင်း ၊ စိမ်းစား ငါးပိထောင်း အမျိုးအစားများ ထုတ်လုပ်သည့် အမှတ်တံဆိပ် ၇ မျိုး ပါဝင်ကြောင်း သိရသည်။

အစားအသောက်ထုတ်လုပ်၊ ဖြန့်ဖြူးရောင်းချသူများသည် အစား အသောက်တွင် သုံးစွဲရန် ခွင့်မပြုသော ဆိုးဆေးများကို လုံးဝအသုံးမပြုရန်နှင့် လိုက်နာဆောင်ရွက်ခြင်းမရှိပါက အမျိုးသား အစားအသောက် ဥပဒေပုဒ်မ ၂၈(က)အရ အရေးယူမည်ဖြစ်ကြောင်း ထုတ်ပြန်ချက်တွင် သတိပေး ဖော်ပြထားသည်။

ကျန်းမာရေးနှင့် အားကစားဝန်ကြီးဌာနသည် အရည်အသွေးစစ်မှန် ကောင်းမွန်ပြီး ဘေးအန္တရာယ်ကင်းရှင်းသော အစားအသောက်များကို အများပြည်သူတို့စားသုံးနိုင်ရန် စဉ်ဆက်မပြတ် စိစစ် ဆောင်ရွက်လျက် ရှိကြောင်း သိရသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ