အစိုးရတပ် ချောင်းမြောင်းပစ်ခတ်ခံရမှုကြောင့် ဖျက်ဆီးခံရသည့် ပြောင်းခြံများ၏ ပိုင်ရှင်များအား ကျေနပ်ကြောင်းလက်မှတ်ထိုးခိုင်း

Photo: Sipaw Sai အစိုးရတပ် ပစ်ခတ်ခံရပြီးနောက် မန်လီဒေသခံများ၏ပြောင်းခြံများအား ဘူဒိုဇာဖြင့် ထွန်ယက်ဖျက်ဆီးနေပုံ
သျှမ်းပြည်မြောက်ပိုင်း သီပေါမြို့နယ် နမ့်လန်အုပ်စုဝင် မန်လီရွာတွင် ယမန်နေ့က အဆိုပါရွာစခန်းချ အစိုးတပ်အား အမည်မသိအဖွဲ့မှ ၀င်ရောက်ပစ်ခတ်ပြီးနောက်ပိုင်း တပ်စခန်းအနီးရှိ ပြောင်းခြံများအား တပ်မှထွန်ယက်ဖျက်ဆီးခဲ့ပြီးနောက် ပြောင်းခြံပိုင်ရှင်များအား ကျေနပ်ကြောင်း လက်မှတ် ရေးထိုး ခိုင်းသည်ဟုသိရသည်။

“မနေ့က သေနတ်သံထွက်ပြီးတာနဲ့ တပ်နဲ့ကပ်လျက် ပြောင်းခြံ ၅ ခြံထက်မနည်းကို သူတို့ ထွန်စက်ကြီးနဲ့ ချက်ချင်းဝင်ရှင်းလိုက်တာ။ လယ်ရှင်ကိုတောင် အသိပေးချိန်မရဘူး။ ပြောင်းက နောက်တပတ်လောက်ဆိုရင်ချိုးရတော့မှာ။ သူတို့တပ်နားက တတောလုံးတတောင်လုံးကပြောင်းခြံကိုသူတို့ဖျက်မယ်လို့ပြောတော့ ရွာသားတွေနဲ့အုပ်ချုပ်ရေးမှူးတွေတပ်ကိုသွားပြီး တောင်းပန်တော့ ဖျက်တာရပ်သွားတယ်။ ဒါတောင်မှ တပ်ကပြောသေးတယ် ပြောင်းခြံထက်လူ့အသက်က အရေးကြီးတယ် ဒါကြောင့် ဖျက်ရမယ်တဲ့။ ဒီနေ့ပြောင်းတွေအပြီးချိုးပါ့မယ်လို့ကတိပေးမှ လက်ခံတာ။ ဒီနေ့တော့ လယ်ရှင်တွေကို ကျေနပ်ကြောင်းလက်မှတ်ထိုးခိုင်းနေတယ်။ “– ဟု မန်လီဒေသခံပြောင်းခြံပိုင်ရှင်တဦးကပြောသည်။

အဆိုပါပြောင်းခြံများသည် မန်လီရွာတရွာလုံးမှဒေသခံများ၏ ပြောင်းခြံများဖြစ်ကြောင်းသိရသည်။
ပျက်စီးသွားသော ပြောင်းခြံများလျော်ကြေးပြန်ရရေးအတွက် လက်ရှိတွင် ကုန်ကျစရိတ်များ မေးမြန်းစုဆောင်းနေကြောင်း၊ ကျန်ပြောင်းခြံများမှာလည်းလက်ရှိတွင်ပြောင်းခူးချိန်မတန်သေးကြောင်း ရပ်ရွာအကြီးအကဲတဦးဖြစ်သည့် လုံးစိုင်းကပြောသည်။

“လက်သည်ကဘယ်အဖွဲ့လည်းဆိုတာတော့ဘယ်သူမှလည်းမသိသေးဘူး။ တပ်ဘက်ကလည်း မပြောဘူး။ အဲ့မတိုင်ခင်ကတော့ လူစိမ်းတယောက် ကိုသူတို့တွေ့တယ်လို့ပြောတယ်။ ဘယ်အဖွဲ့လည်းတော့မသိဘူး”– ဟုလည်း သီပေါလူငယ် စိုင်းခမ်းက ပြောသည်။

နမ့်လန်အုပ်စုတွင်ယခုနှစ်အတွင်း ထိုသို့ချောင်းမြောင်းပစ်ခတ်မှု မကြာခဏ ဖြစ်ပေါ်နေပြီး ပြီးခဲ့သည့် ၃-၄ လကလည်း ဒေသခံလူထုအား ၂ ကြိမ် အစိုးရတပ်သားများအား ၂ ကြိမ်ချောင်းမြောင်းပစ်ခတ်မှုဖြစ်ပွါးခဲ့ကြောင်းသိရပါသည်။

စက်တင်ဘာလ ၁၃ ရက် ယမန်နေ့က မန်လီရွာတွင်စခန်းချ ခမရ ၁၇ အား အမည်မသိအဖွဲ့တဖွဲ့က ၀င်ရောက်ပစ်ခတ်မှုကြောင့်အစိုးရတပ်သားတဦးသေဆုံးပြီး တဦး ဒဏ်ရာရရှိခဲ့သည်။

သျှမ်းသံတော်ဆင့်၊ ဟွမ်ဟိန်း
http://burmese.shannews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ