ဆောမြို့ ကျောက်မီးသွေးတွင်း ပေါက်ကွဲမှု ပိတ်မိသူတွေ မကယ်ထုတ်နိုင်သေး

ပေါက်ကွဲမှုဖြစ်ခဲ့တဲ့ ဆောမြို့နယ် ကျောက်မြောင်းရွာအနီးက ကျောက်မီးသွေးတွင်းမှာ ကယ်ဆယ်ရေးလုပ်နေတာကို တွေ့ရစဉ် / Photo: Tun Tun Win Facebook
မကွေးတိုင်းဒေသကြီး ဆောမြို့နယ် ကျောက်မြောင်းကျေးရွာအနီးမှာရှိတဲ့ ကျောက်မီးသွေးတွင်း ပေါက်ကွဲမှုမှာ တွင်းအတွင်း ပိတ်မိနေသူ ၄ ဦး ကို ကယ်ထုတ်နိုင်ခြင်းမရှိသေးဘူးလို့ သိရပါတယ်။

လက်ရှိအချိန်အထိ မကယ်ထုတ်နိုင်သေးတာကြောင့် အသက်ရှင်ရက်ကယ်ထုတ်နိုင်ဖို့ မျှော်လင့်ချက်နည်းပါးတယ်လို့  ဆောမြို့နယ်က တိုင်းဒေသကြီးအမှတ် (၁) က လွှတ်တော်ကိုယ်စားလှယ်  ဦးထင်လင်းက RFA ကို ဒီနေ့ပြောပါတယ်။

"အင်မတန် ကံကောင်းမှပဲဖြစ်တော့မယ်။ ကျင်းကလည်းပဲ မိန်းပေါက်တစ်ခုပဲ လေအ၀င်အထွက်က လုပ်နေတာ။ ဂယ်ပေါက် နှစ်ပေါက်က တစ်ပေါက်လည်း လွန်ခဲ့တဲ့ နှစ်လလောက်က ပိတ်သွားတာပေါ့နော်။ လေထွက်ပေါက် တစ်ပေါက်ကလည်း လွန်ခဲ့တဲ့ တစ်ပတ်လောက်က ပိတ်သွားတယ်။ ဓာတ်ငွေ့ရဲ့ အနေအထားအရဆို အောက်ဆီဂျင်ပြတ်လို့ ဆုံးတယ်လို့ အယူအဆအရဆိုရင် အသက်ရှင်ဖို့က ခက်ခဲတယ်လို့ ယူဆတယ်"

အဲဒီနေရာကို မကွေးတိုင်းဒေသကြီးက လျှပ်စစ်ဝန်ကြီးနဲ့ သယံဇာတ ကော်မတီဝင်တွေ ဒီနေ့ သွားရောက်စစ်ဆေး ခဲ့တယ်လို့ ပြောပါတယ်။

ကျောက်မီးသွေးတွင်းထဲမှာ မီသိန်းဓာတ်ငွေ့ရှိနေသေးတဲ့အတွက် ဆင်းဖို့အခက်အခဲရှိသလို အထဲမှာပိတ်မိနေတဲ့ လုပ်သားတွေဟာ ကျွမ်းကျင်တဲ့သူတွေ မဟုတ်တဲ့အတွက် အရေးပေါ်ဖြစ်လာရင် ဘာတွေလုပ်ဆောင်ရမယ် ဆိုတာကို သိတဲ့အပိုင်းမှာ အားနည်းတယ်လို့ ဦးထင်လင်းကပြောပါတယ်။

စက်တင်ဘာလ ၆ ရက်နေ့က ထွန်းရာဇာ ကျောက်မီးသွေး တူးဖော်ရေးကုမ္ပဏီမှာ ဖြစ်ပွားခဲ့တဲ့ ပေါက်ကွဲမှုမှာ ၄ ယောက် သေဆုံးခဲ့ပါတယ်။ အသက်ရှင်ကျန်ရစ်ခဲ့တဲ့ ၃ ယောက် ကလည်း စိုးရိမ်စရာအခြေအနေမှာ ရှိနေတယ်လို့ သိရပါတယ်။

အဲဒီပေါက်ကွဲမှုအတွက် သတ္တူတူးဖော်ရေး မန်နေဂျာကို ပေါ့လျော့မှု၊ လူသေမှု၊ ပြင်းထန်နာကျင်စေမှုတွေနဲ့ ဆော မြို့မရဲစခန်းမှာ အမှုဖွင့်ထားတယ်လို့ ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ