အာဖရိက အတွက် ဒေါ်လာဘီလီယံ ၆၀ တရုတ်ကူမည်

အာဖရိက အတွက် ဒေါ်လာဘီလီယံ ၆၀ တရုတ်ကူမည်
အာဖရိကတိုက် အတွင်း စက်မှုဖွံ့ဖြိုးရေးကနေအခြေခံ အဆောက်အဦ အထိ ကဏ္ဍပေါင်းစုံ အတွက် ရည်ရွယ်ပြီး တရုတ် အစိုးရက အာဖရိက အတွက် ရံပုံငွေ အသစ်အဖြစ် ဒေါ်လာ ၆၀ ဘီလီယံ ပိုတိုးပေးဖို့ ကတိပြုလိုက်ပါတယ်။ ဒါ့အပြင် အာဖရိက နိုင်ငံတွေ အနေနဲ့ အတိုးမဲ့ ချေးငွေတွေ ဒီနှစ်ကုန်ပိုင်းမှာ ပြန်ဆပ်ရတော့မယ့် အချိန်မှာဘဲ အကြွေးတွေ ပြန်ဆပ်စရာ မလိုအောင် ဆောင်ရွက်ပေးမယ်လို့ တရုတ်က ပြောဆိုလိုက်ပါတယ်။

တရုတ်သမ္မတ Xi Jinping က ဘေဂျင်းမြို့တော်မှာ ကျင်းပနေတဲ့ တရုတ် - အာဖရိက ပူးပေါင်းဆောင်ရွက်ရေး ဖိုရမ်မှာ ပြောကြားတဲ့ အဖွင့်မိန့်ခွန်းမှာ အခုလို ကတိပေးပြောကြားခဲ့တာ ဖြစ်ပါတယ်။ ဒီဖိုရမ်ကို သုံးနှစ်တကြိမ် ကျင်းပတာပါ။

ဘယ်နိုင်ငံတွေက အကြွေးတွေကို တရုတ်ဘက်က လျှော်ပစ်မယ် ဆိုတာကိုတော့ တရုတ် သမ္မတက ပြောမသွားပါဘူး။ ဒါပေမယ့် အာဖရိကတိုက်မှာ အကြွေးနဲ့ ပိပြီး နွံနစ်မယ့် အန္တရာယ်အတွက် စိုးရိမ်နေမှုတွေ ဖြစ်ပေါ်မလာအောင် လုပ်ဆောင်ဖို့ ကြိုးပမ်းတဲ့ အနေထားတွေ့ရပါတယ်။

အာဖရိကတိုက် အတွင်း တရုတ်ရဲ့ ရင်းနှီးမြှုပ်နှံမှုတွေမှာ နိုင်ငံရေး နှောင်ကြိုးမပါဘဲ ရင်းနှီးမြှုပ်နှံမှုနဲ့ ထိတွေ့ဆက်ဆံရေး ဆက်ပြီး ဆက်လက် ဆောင်ရွက်သွားမှာ ဖြစ်ကြောင်း တရုတ် သမ္မတ Xi က ဘေဂျင်းမြို့တော်က ပြည်သူ့ခန်းမဆောင်ကြီးမှာ တက်ရောက်လာကြတဲ့ အာဖရိက နိုင်ငံ ၃၀ ကျော်က ခေါင်းဆောင်တွေကို ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ