မြောက်ဦးမှ လူ ၈ ဦးကို ထပ်မံတရားစွဲဆိုရန် ရမန်ယူ


နိရဉ္စရာ၊ စက်တင်ဘာ ၂၄

စစ်တွေမြို့နယ် တရားရုံးမှ ထောင် (၈) လချမှတ်ခံရသည့် လူငယ် ၈ ဦးကို ထပ်မံတရားစွဲဆိုရန် စစ်တွေမြို့နယ် တရားရုံးမှ ခရီးသွားရမန်ယူသွားသည်ဟု သိရှိရကြောင်း သူတို့အမှုအတွက် လိုက်ပါဆောင်ရွက်ပေးနေသူ ရှေ့နေ ဦးထွန်းအောင်ကျော်က ပြောသည်။

“ ကျွန်တော်တို့ အခုကြားတာက သူတို့အတွက် ခရီးသွားရမန်ယူသွားတယ်လို့ သိရပါတယ်။ အခု စစ်တွေအမှတ်(၁) ရဲစခန်းမှာ ချုပ်ထားတယ်လို့ သိရပါတယ်” ဟု ဦးထွန်းအောင်ကျော်က ပြောသည်။

ယနေ့ သူတို့ ၈ ဦးအား ပြစ်ဒဏ်နှင့် လွတ်ကြောင်း၊ သူတို့အား ယင်းအချိ်န်မှ လွတ်ပေးရမည် ဖြစ်ကြောင်း၊ သို့သော် လွတ်မပေးဘဲ ထောင်ကို ပြန်ယူကြောင်း၊ အခု သတင်းရသည်မှာ မြောက်ဦးမြို့နယ်မှူးတို့အပါအ၀င် စစ်တွေ မြို့နယ် တရားရုံးမှ အခုနက ခရီးသွားရမန်ယူသွားသည်ဟု သိရကြောင်း ဦးထွန်းအောင်ကျော်က ပြောကြားသည်။

တရားလွှတ်တော်ရှေ့နေ ဒေါ်အေးနုစိန်က “ကျမရယ် ရှေ့နေ ဦးထွန်းအောင်ကျော်ရယ်၊ ဦးတင်ညိုအပါအ၀င် လေးယောက် အခု တရားရုံးကို သွားနေကြပါတယ်။ လွတ် ၀ရမ်းရေး လိုက်တာက နေ့လယ် ၁၂ နာရီ လောက် ကတည်းကပါ။ အခုလို ထပ်မံတရားစွဲမယ်ဆိုတာက လုံးဝ ဥပဒေမရှိတဲ့ သဘောကို ဆောင်နေပါပြီ”ဟု နိရဉ္စရာသတင်းဌာနသို့ ပြောသည်။

ယခုကဲ့သို့ တရားရုံးက ထောင် (၈) လချမှတ်ပြီး ထောင်အချုပ်ရက်စေ့၍ လွတ်လာသူ ၈ ဦး၏ အခြေအနေကို စောင့်ကြည့်ကြရန် လိုကြောင်း၊ နောက်တစ်မှုနှင့် တရားစွဲဆိုမည်ဟု ကြားသိရကြောင်း၊ ယခုလိုမျိုး လုပ်ရပ်မှာ တရားလွန်သည်ဟု ယူဆကြောင်း ဦးထွန်းအောင်ကျော်က ပြောကြားသည်။

စံမောင်သန်း၊ စစ်တွေ
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ