လားရှိုးမြို့မြောက်ဘက်တွင် အစိုးရတပ်နှင့် TNLA တိုက်ပွဲဖြစ် ရွာသားတချို့ စစ်ဘေးရှောင်နေရ

မိုင်းယော်တိုက်နယ်အတွင်း အစိုးရတပ်နှင့် တအာင်းတပ်တို့တိုက်ပွဲဖြစ်ပွါးသည့်နေရာပြမြေပုံ ( Photo from Saikaung facebook)
သျှမ်းပြည်မြောက်ပိုင်း လားရှိုးမြို့နယ် မိုင်းယော်တိုက်နယ်အတွင်း အစိုးရတပ်နှင့် တအာင်း TNLA တပ်တို့ တိုက်ပွဲဖြစ်ပွါးမှုကြောင့် ဒေသခံလူထု မိုင်းယော်သို့ စစ်ဘေးရှောင် ရောက်ရှိနေကြောင်းသိရသည်။

သြဂုတ်လ ၂၁ ရက် ယနေ့မနက် ၈ နာရီ ၄၅ မိနစ်မှ ၉ နာရှိခွဲကျော်အထိ ပစ်ခတ်တိုက်ခိုက်မှုသံများ၊ လက်နက်ကြီးသံများ ကြားရကြောင်းမိုင်းယော်ဒေသခံများကပြောဆိုသည်။

“မိုင်းယော်တောင်ဘက်အရပ်က လွယ်ပန်ဖီး ဘက်မှာ ပစ်ခတ်မှုအသံကြားရတယ်။ အရင် သကဆဖ ပြည်သူ့စစ် တပ်စခန်းဟောင်းရှိတဲ့တောင်ကြောဘက်မှာတိုက်ကြတာ။ တိုက်ပွဲက လွယ်ပန်ဖီးနဲ့ ၀မ့်ပန်ခုတ်ရွာကြား လောက်မှာဖြစ်လိမ့်မယ်။ ၂ ဖက်တပ်တွေ ရွာဘက်ကို ရောက်ရှိလာလို့ လွယ်ပန်ဖီးက ဒေသခံတချို့ မိုင်းယော်ထဲကိုရောက်လာတယ်။ နီးစပ်ရာဆွေမျိုးတွေဆီမှာခိုလှုံနေကြတာတွေ့တယ်။” – ဟု မိုင်းယော်ဒေသခံ စိုင်းဖှ က သျှမ်းသံတော်ဆင့်အား ပြောသည်။

မိုင်းယော်တိုက်နယ် တောင်ဘက် ခြမ်း ၈ မိုင်ခန့်အကွာရှိတောင်ကြောဘက်တွင် ပစ်ခတ်မှုဖြစ်ပွါးခြင်းဖြစ်ပြီး တိုက်ပွဲကြောင့်သေကြေဒဏ်ရာရမှုသတင်းတော့ မကြားသိရကြောင်း ၊ အဆိုပါ တောင်ကြောတွင် တအာင်းနှင့် တရုတ်လူမျိုးများ နေထိုင်ကြပြီး ပဲ၊ပြောင်း တောင်ယာ စိုက်ပျိုးရေး လုပ်ငန်းလုပ်ကိုင်ကြသည်။

“ပစ်ခတ်မှုတွေခန ခနဖြစ်ရင်ကျမတို့ ရွာဘက်မှာ ဈေးသွားရောင်းဖို့တော့ မရဲတော့ဘူး။ ခုနောက်ပိုင်းက ပစ်ခတ်သံတွေက မကြာမကြာဆိုသလိုကြားနေရတာဘဲ။ ၀မ်းရေးအတွက်တော့အခက်အခဲဖြစ်ရတာပေါ့”- ဟု ရွာဈေးနေ့များသို့ စားသောက်ကုန်ပစ္စည်းများ လှည့်ပတ်ရောင်းနေသည့် ဈေးသည်အမျိုးသမီးတဦး ကပြောသည်။
မိုင်းယော်တိုက်နယ်အတွင်း အစိုးရတပ်နှင့် တအာင်းတပ်တို့တိုက်ပွဲဖြစ်ပွါးသည့်နေရာပြမြေပုံ ( Photo from Saikaung facebook)
မိုင်းယော်တိုက်နယ်ဘက်တွင် အစိုးရစစ်တပ်နှင့် သကဆဖ ဌာနေပြည်သူ့စစ်တို့ အခြေချလှုပ်ရှား နေထိုင်ကြောင်း၊ ယခုနောက်ပိုင်း တအာင်းတပ်ဖွဲ့၊ သျှမ်းတပ်ဖွဲ့များလည်းဝင်ရောက်လှုပ်ရှားလာကြောင်း ဒေသခံများပြောပြချက်အရသိရသည်။

လားရှိုးမြို့အရှေ့မြောက်ဘက် မိုင် ၃၀ ကျော်အကွာရှိ မိုင်းယော်တိုက်နယ် အရှေ့ဘက် ပန်ခါးရွာဘက်တွင်လည်း ပြီးခဲ့သည့်အပတ်က အစိုးရတပ်နှင့် တအာင်းတပ်တို့ ပစ်ခတ်မှုဖြစ်ပွါးခဲ့ပါသေးသည်။

သျှမ်းသံတော်ဆင့်၊ ဟွမ်ဟိန်း
http://burmese.shannews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ