မြန်မာ့ဒီမိုကရေစီအရေး ကန်ဆက်ကူညီမည်ဟု Pompeo ပြော

အမေရိကန် နိုင်ငံခြားရေး ၀န်ကြီး Mike Pompeo
စကာင်္ပူနိုင်ငံမှာ ကျင်းပတဲ့ အရှေ့တောင်အာရှ နိုင်ငံများ အသင်း အာဆီယံ အစည်းအဝေးတွေအတွင်း မြန်မာ့အရေးကိုလည်း အလေးထား ဆွေးနွေးခဲ့ကြောင်း အမေရိကန် နိုင်ငံခြားရေး ၀န်ကြီး Mike Pompeo က ပြောဆိုခဲ့ပါတယ်။

"မြန်မာနိုင်ငံရဲ့ လက်ရှိ ဆောင်ရွက်နေကြတဲ့ ဒီမိုကရေစီ အသွင်ကူးပြောင်းရေးကို ထောက်ခံအားပေးကြောင်း၊ ရခိုင်ပြည်နယ်တွင်းက လူသားချင်း စာနာထောက်ထားမှု ဆိုင်ရာ ပြသနာတွေ ပြေလည်စေရေး အတွက် အရေးတကြီး ဆောင်ရွက်စရာတွေကို ဆွေးနွေးခဲ့ကြကြောင်း " သတင်းစာရှင်းလင်းပွဲ အတွင်း အမေရိကန် နိုင်ငံခြားရေး ၀န်ကြီးက ပြောဆိုခဲ့တာပါ။

ASEAN အစည်းအဝေး အတွင်းမှာ အမေရိကန် နိုင်ငံခြားရေး ၀န်ကြီး Mike Pompeo က မြန်မာနိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီး ဦးကျော်တင်နဲ့ တွေ့ဆုံတာမှာတော့ ဖမ်းဆီးထားတဲ့ ရိုက်တာ သတင်းထောက် နှစ်ဦးကို ချက်ချင်း ပြန်လွှတ်ပေးဖို့ တောင်းဆိုခဲ့ပါတယ်။

အာဆီယံ အစည်းအဝေးတွေ အတွင်း မြန်မာ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီး ဦးကျော်တင်နဲ့ သီးခြားတွေ့ဆုံတာမှာ အမေရိကန် နိုင်ငံခြားရေး ၀န်ကြီးက ဒီကိစ္စကို ပြောဆိုခဲ့တာ ဖြစ်ကြောင်း အမေရိကန် နိုင်ငံခြားရေး ဌာန ပြောခွင့်ရ Hauert က ဗွီအိုအေကို ပြောပါတယ်၊ ရိုက်တာ သတင်းထောက် ၂ ဦးကို ဖမ်းဆီးထားမှု အပေါ် အမေရိကန်က အထူးဘဲ စိုးရိမ်မကင်း ဖြစ်ကြောင်းလည်း ထပ်လောင်း ပြောပါတယ်။ ရိုက်တာ သတင်းထောက် နှစ်ဦးတို့ ဖြစ်တဲ့ ကိုဝလုံးနဲ့ ကိုကျော်စိုးဦးတို့ နှစ်ဦးကို နိုင်ငံတော် လျို့ဝှက်ချက် အက်ဥပဒေနဲ့ စွဲချက်တင် ရုံးထုတ်နေတာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ