KIA ဖမ်းသွားတဲ့ တာလောကြီးရွာသား ၄ ဦးထဲက ၃ ဦး လွတ်မြောက်လာ

KIA စခန်းတစ်ခုကို တွေ့ရစဉ်။ Photo: Kan Thar/RFA
ကချင်ပြည်နယ် မြစ်ကြီးနားမြို့နယ် တာလောကြီးရွာက ကချင်လွတ်မြောက်ရေးအဖွဲ့ KIA က ဖမ်းဆီးသွားခဲ့တဲ့ ရွာသား ၄ ဦးထဲက ၃ ဦး ပြန်လွတ်လာတယ်လို့ တာလောကြီးရွာ အုပ်ချုပ်ရေးမှူး ဦးအောင်ဆန်းထူးက RFA ကို ဒီနေ့ ပြောပါတယ်။

ဖမ်းခံထားရတဲ့ ရွာသား ၄ ဦးထဲက ရှမ်းလူမျိုး ၃ ဦးဟာ မနေ့ ညနေပိုင်း ၆ နာရီခန့်က ရွာကိုပြန်ရောက်လာပြီး ကချင်လူမျိုး တစ်ဦးကတော့ မလွတ်လာသေးဘူးလို့ ဦးအောင်ဆန်းထူးက ပြောပါတယ်။

"ဟုတ်ပါတယ်ဗျ။ ၃ ယောက်ပြန်လွတ်ခဲ့ပါပြီဗျာ။ မနေ့ညနေ ၆ နာရီလာက်မှာ ကျနော်တို့ဆီရောက် လာတယ်၊ အဲဒီလွတ်ခဲ့တဲ့ ၃ ယောက်က ရှမ်းတွေဖြစ်နေတယ်၊ ကျန်တဲ့ဟာက ကချင်ကောင်လေး တစ်ယောက် ကျန်နေတာ၊ သူတို့ပြောတာကတော့ ပထမ သူတို့ကို ကချင်တွေလို့ အောက်မေ့ပြီးတော့ ဖမ်းသွားတာတဲ့။ နောက်မှ ဟိုရောက်တော့ ကချင်မဟုတ်ဘဲ ရှမ်းတွေဖြစ်နေလို့ ပြန်လွှတ်ပေးခဲ့တယ်လို့ အဲလိုပြောပါတယ်။ အဲလိုတော့ ဘာမှမပြောဘူးဗျ၊ သူတို့ကို ဘာကိစ္စဖမ်းသွားမှန်းကို အဲလိုမျိုးတော့ မပြောပြဘူးဗျ"

ကချင်လူမျိုးတွေလို့ ထင်တဲ့အတွက် KIA က ဖမ်းသွားတာဖြစ်ပြီး နောက်ပိုင်းမှာ ရှမ်းတွေဖြစ်တယ်လို့ သိရတဲ့အတွက် လွှတ်ပေးလိုက်တာဖြစ်ကြောင်း ပြန်လွတ်လာသူတွေက ပြောတယ်လို့ ဦးအောင်ဆန်းထူး က ပြောပါတယ်။

နောက်ထပ် တစ်ဦးကိုတော့ မကြာခင် ပြန်လွှတ်ပေးမယ်ဆိုပြီး KIA က ပြောလိုက်တယ်လို့ သိရပါတယ်။

တာလောကြီးရွာက ရပ်မိရပ်ဖ တစ်ဦးဖြစ်တဲ့ ဦးတင်မြင့်ကတော့ KIA အဖွဲ့က စစ်သားသစ်စုဆောင်ရေးအတွက် ဖမ်းသွားတယ်လို့ ယူဆကြောင်း ပြောပါတယ်။

မြစ်ကြီးနားမြို့နယ် တာလောကြီးရွာရဲ့ အရှေ့မြောက်ဘက် ၈ မိုင်အကွာက တာခီကွင်းမှ တောခုတ်ခြံရှင်း လုပ်သားတွေအဖြစ် သွားရောက်လုပ်ကိုင်ချိန်မှာ ပြီးခဲ့တဲ့ သြဂုတ် ၁၇ ရက် ညပိုင်းက KIA က ဖမ်းဆီးခေါ်ဆောင်သွားတာဖြစ်ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ