ညဥ့်အချိန်နွားရှာသူဘင်္ဂလီ၈ဦး ပုဒ်မ၁၄၄ နှင့်ငြိ၍ ဘူးသီးတောင်တွင်ဖမ်းဆီးခံရ


နိရဉ္စရာ၊ သြဂုတ် ၉

ရခိုင်ပြည်နယ် ဘူးသီးတောင်မြို့နယ်တွင် ဘင်္ဂလီ လူမျိုး ၈ ဦးအား ညဥ့် ၁၁ နာရီ ကျော် အချိန်တွင် နွားပျောက်ရှာသဖြင့် ညမထွက်ရ အမိန့် ပုဒ်မ ၁၄၄ ငြိ၍ ဖမ်းဆီး အရေးယူ ထားသည်ဟု ဘူးသီးတောင်မြို့နယ် အုပ်ချုပ်ရေးမှူးက ပြောကြားသည်။

“ ဖြစ်တာက သြဂုတ် ၈ ရက်နေ့ ညဥ့် ၁၁ နာရီ အချိန်မှာ အပြင်ကို ထွက်ပြီး နွားပျောက်ရှာတဲ့ အတွက် ညမထွက်ရ အမိန့် ပုဒ်မ ၁၄၄ နဲ့ ငြိတာကြောင့် ဖမ်းဆီးအရေးယူထားတယ်။ တရားစွဲဆိုသွားဖို့လည်း စီစဉ်နေပါတယ်” ဟု မြို့နယ်အုပ်ချုပ်ရေးမှူး ဦးကျော်မင်းထွန်းက နိရဉ္စရာ သတင်းဌာနသို့ ပြောသည်။

ဖမ်းဆီးခံရသူများမှာ ဘူးသီးတောင်မြို့နယ် မြောက်ပိုင်း တောင်ဘဇားနယ်မြေအပိုင် ကျောင်းတောင်ဘင်္ဂလီကျေးရွာမှ ဖြစ်ကြောင်း၊ ၎င်းရွာသည် အိမ်ခြေ ၅၀၀ နီးပါးခန့်ရှိကြောင်း သိရသည်။

“ သူတို့က နွားပျောက်ရှာတယ်လို့ သိရတယ်။ အဲဒီ စခန်းအနီးအနားက လူတွေပါဘဲ။ သူတို့က ညဥ့်အချိန် သွားလာတဲ့ အတွက် ကျောင်းတောင်ရဲစခန်းက ဖမ်းဆီးလိုက်တာပါ။ အပြင်ကဆိုရှယ်မီဒီယာတွေမှာ ပျံ့နှံ့နေသလို အာဆာ အကြမ်းဖက်သမားတွေ မဟုတ်ပါဘူး” ဟု ပြောဆိုသည်။

အဆိုပါ ဖမ်းဆီးမှုသတင်းကို လူမှုကွန်ယက်စာမျက်နာများတွင် အာဆာဝင်ရောက်တိုက်ခိုက်၍ ဖမ်းဆီးမိသည်ဟု သတင်းမှား ဖော်ပြခဲ့သဖြင့် ပြည်သူလူထု အကြား အထိတ်တလန့် ဖြစ်ပေါ်စေခဲ့ကြောင်း၊ သို့အတွက် သတင်းမှား တင်သူများကို လိုအပ်ပါက လိုအပ်သလို ဖော်ထုတ် တရားစွဲဆိုသွားမည် ဖြစ်ကြောင်း မြို့နယ် အုပ်ချုပ်ရေးမှူးက ပြောကြားသည်။

ဖမ်းဆီးခံရသည်မှာ စုစုပေါင်း ၁၂ ဦးဖြစ်ပြီး ထိုအထဲတွင် ကလေး ၄ ဦးအား ပြန်လွတ်ပေးလိုက်ပြီး လူကြီး၈ ဦကိုမူ ညမထွက်ရအမိန့် ပုဒ်မ ၁၄၄ ဖြင့် တရားစွဲတင်သွားမည် ဖြစ်ကြောင်း သိရှိရသည်။

Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ