 |
| ကျိုက်မရောမြို့က ရေဘေးကြုံနေရသူများ |
၉ ပေကျော် ရေနစ်မြှုပ်နေတဲ့ လယ်ကွင်းတွေကနေ လှေနဲ့ဖြတ်သွားရင်း သြဂုတ် ၁ ရက်က ရွာခံတစ်ဦး လှေပေါ်ကပြုတ်ကျပြီး ရေနစ်သေဆုံးခဲ့ပါတယ်။ သြဂုတ်လ ၂ ရက်မှာလည်း လှေမှောက်လို့ ဇနီးမောင်နှံ ၂ ဦးလုံး ရေနစ်သေဆုံးခဲ့တယ်လို့ သူတို့တွေက ပြောပါတယ်။
ဇူလိုင်လ ၁၈ ရက် ကစတင်ပြီး အတ္တရံမြစ်ရေ မြင့်တက်လာလို့ ကျေးရွာအုပ်စု ၂၃ အုပ်စုက ကျေးရွာတွေ ရေနစ်မြှုပ်နေပါတယ်။
ရေဘေးသင့်သူလည်း ၂ သောင်း ၅ ထောင်နီးပါး ရှိလာပြီး ရေဘေးရှောင်စခန်း ၄ ခု ဖွင့်ထားရတယ်လို့ ဒေသအာဏာပိုင်တွေက ပြောပါတယ်။
 |
| ကျိုက်မရောမြို့ရေဘေး |
ကျိုက်မရောမြို့မှာ အခုလိုမြစ်ရေတက်လို့ ရေဘေးကြုံရခဲတယ်လို့ ဒေသခံတွေက ပြောပါတယ်။
ဒီလပိုင်းတွေမှာ မိုးသည်းထန် ရွာသွန်းတာရယ် ထိုင်းနိုင်ငံဘက်က မြစ်ဖျားခံစီးဆင်းလာတဲ့ ဇမိချောင်းနဲ့ ဝန်းယော်ချောင်းထဲကို တောင်ကျရေတွေ စီဆင်းမှုများချိန် သံလွင်မြစ်ထဲ စီးဝင်တဲ့ အတ္တရံမြစ်ရေကလည်း ပြန်မကျဘဲ တန့်နေလို့ ရေဘေးကြုံတာ ရက်ကြာရှည်နေတာလို့ ကျိုက်မရောမြို့နယ်ရဲ့ ပြည်နယ်လွှတ်တော် ကိုယ်စားလှယ် ဒေါ်ခင်မျိုးမြင့်က ပြောပါတယ်။
အလားတူ မွန်ပြည်နယ်၊ သထုံမြို့မှာလည်း ကျေးရွာအုပ်စု ၁၈ အုပ်စု ကျေးရွာပေါင်း ၃၀ ရွာက လူဦးရေ ၁၅၀၀၀ ကျော် ရေဘေးသင့်နေတယ်လို့ သထုံမြို့နယ် ရေဘေးကယ်ဆယ်ရေး ကြီးကြပ်ရေးအဖွဲ့က ပြောပါတယ်။
ရေဘေးသင့်တဲ့ ကျေးရွာတွေမှာ လမ်းပန်းဆက်သွယ်ရေး ပြတ်တောက်နေလို့ ရေလမ်းတစ်ခုပဲရှိပြီး ရေဘေးကြုံနေရတဲ့ ရွာခံတွေအနေနဲ့ ကယ်ဆယ်ရေးစခန်းတွေဆီ မလာရောက်နိုင်ဘူးလို့ သထုံမြို့နယ်ရဲ့ ပြည်နယ်လွှတ်တော် ကိုယ်စားလှယ် ဒေါ်ခိုင်ခိုင်လဲ့က ပြောပါတယ်။
 |
| သထုံမြို့က ရေဘေးကြုံနေရတဲ့ကျေးရွာများ |
ရေနစ်မြှုပ် ကျေးရွာတွေဆီ သက်ဆိုင်ရာက လှေတွေနဲ့ အစားအသောက် ရိက္ခာနဲ့ ပေးပို့နေရပြီး ရေသန့်တွေ ပေးပို့နေပေမယ့် ရေတွေကကျဆင်းမှု မရှိသေးလို့ အကူအညီတွေ လိုအပ်နေသေးတယ်လို့ ရေဘေးကယ်ဆယ်ရေး ကြီးကြပ်ရေးအဖွဲ့က ပြောပါတယ်။
BBC Burmese
https://www.bbc.com/burmese
ကျိုက်မရောရေဘေး သေဆုံးသူ ၃ ဦးရှိ
Reviewed by THITHTOOLWIN
on
20:40
Rating:
Reviewed by THITHTOOLWIN
on
20:40
Rating:
