စစ်တွေဗုံးကွဲမှုဖြင့် စွပ်စွဲဖမ်းခံထားရသူ ၂ ဦးကို စွဲချက်တင်ရန် တရားရုံးက အမိန့်ချ


နိရဉ္စရာ၊ သြဂုတ် ၂၃

စစ်တွေမြို့တွင် ဗုံး ၃ လုံးပေါက်ကွဲမှုနှင့် ဆက်စပ်၍ အကြမ်းဖက် တိုက်ဖျက်ရေးဥပဒေပုဒ်မ ၃ ခုဖြင့် စစ်တွေခရိုင် တရားရုံးတွင် တရားစွဲဆိုခံထားရသူ ဦးအေးဝင်းနှင့် ဦးမောင်ဦးမြင့်တို့ကို ယနေ့ သြဂုတ်လ ၂၃ ရက်နေ့ (၂၂) ကြိမ်မြောက် ရုံးချိန်းတွင် စွဲချက်တင်ရန် စစ်တွေခရိုင် တရားရုံးက အမိန့်ချမှတ် လိုက်သည်ဟု သိရသည်။

ယင်းသို့ အမိန့်ချမှတ်ရာတွင် ဦးမောင်ဦးမြင့်ကို အမှုတစ်ခုဖြင့်လည်းကောင်း၊ ဦးအေးဝင်းကို အမှု ၃ ခုဖြင့်လည်းကောင်း စွဲချက်တင်ရန် အမိန့်ချမှတ်ခဲ့သည်ဟု သူတို့အမှုကို လိုက်ပါ ဆောင်ရွက် ပေးနေသည့် တရားလွှတ်တော်ရှေ့နေ ဒေါ်အေးနုစိန်က ပြောသည်။

စစ်တွေမြို့တွင် ဖေဖော်ဝါရီလ ၂၄ ရက်နေ့ နံနက်က ပြည်နယ်တရားလွှတ်တော်ရုံးအနီးတွင် ဗုံးတစ်လုံး၊ ပြည်နယ် အုပ်ချုပ်ရေးမှူး ခြံဝင်းတွင် တစ်လုံး နှင့် ပြည်နယ်ဆည်မြောင်းရုံးအနီးတွင် တစ်လုံး၊ စုစုပေါင်း ဗုံး ၃ လုံး ဆက်တိုက်ပေါက်ကွဲခဲ့သည်။

“ဦးအေးဝင်းကိုတော့ ၃ မှုစလုံးနဲ့ စွဲချက်တင်တယ်ပေါ့။ ဦးမောင်ဦးမြင့်ကိုတော့ ဗုံးတစ်လုံး ပေါက်ကွဲမှုနဲ့ဘဲ စွဲချက်တင်ဖို့ တရားသူကြီးက ဆုံးဖြတ်ပါတယ် ” ဟု တရားလွှတ်တော် ရှေ့နေ ဒေါ်အေးနုစိန်က နိရဉ္စရာသတင်းဌာနသို့ ပြောသည်။

ဦးမောင်ဦးမြင့်ကို ပြည်နယ်တရားလွှတ်တော်ရုံးအနီးတွင် ပေါက်ကွဲခဲ့သည့် ဗုံးပေါက်ကွဲမှု တစ်မှုဖြင့်သာ တရားစွဲဆိုရန် ဆုံးဖြတ်ခဲ့သည်ဟု သူမက ဆိုသည်။

ဖေဖော်ဝါရီလ ၂၄ ရက်နေ့က စစ်တွေမြို့တွင် ဗုံးသုံးလုံးပေါက်ကွဲမှုနှင့် ဆက်စပ်သံသယဖြင့် လူ ၉ ဦးကိုဖမ်းဆီးခဲ့ပြီး ၅ ဦးကို အာမခံဖြင့် လွှတ်ပေးလိုက်ပြီး ၂ ဦးကို နယ်စပ်ဖြတ်ကျော်မှုဖြင့် ထောင် ၆ လ ချမှတ်ခဲ့သည်။

ဦးအေးဝင်းနှင့် ဦးမောင်ဦးမြင့်တို့ကို အကြမ်းဖက်တိုက်ဖျက်ရေးပုဒ်မများဖြစ်သည့် အမှုအမှတ် ၂၉/၂၀၁၈ ရာဇသတ်ကြီးပုဒ်မ ၅၀ (က) /(ဈ)၊ အမှုအမှတ် ၃၀/၂၀၁၈ ရာဇသတ်ကြီးပုဒ်မ ၅၀ (ဈ) နှင့် အမှုအမှတ် ၃၁/၂၀၁၈ ရာဇသတ်ကြီးပုဒ်မ ၅၀ (ဈ) များဖြင့် တရားစွဲဆိုခဲ့ခြင်း ဖြစ်သည်။

နောက်တစ်ပတ်ရုံးချိန်းကို သြဂုတ်လ ၃၀ ရက်နေ့ကို သတ်မှတ်လိုက်ပြီး ရဲအုပ်အေးခင်မောင်နှင့် ဗိုလ်ကြီးကိုကိုလွင်တို့ကို ပြန်ခေါ်သက်သေအဖြစ် ခေါ်ယူထားကြောင်း သိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ