အမုန်းတရား ရေးသားနေတဲ့ ဖေ့စ်ဘုတ်အကောင့် ၂ ခုကို အရေးယူဖို့ ဆောင်ရွက်နေ

Phirom Yindee အကောင့်ကို တွေ့ရစဉ်
ဘာသာရေး၊ နိုင်ငံရေးနဲ့ ပတ်သက်ပြီး လူမှုကွန်ရက်စာမျက်နှာမှာ မဟုတ်မမှန် လုပ်ကြံဖန်တီးရေးသားနေတဲ့ အကောင့် ၂ ခုကို စုံစမ်းဖော်ထုတ်ပေးဖို့အတွက် ပြည်ထဲရေးနဲ့ ပို့ဆောင်ဆက်သွယ်ရေးဝန်ကြီးဌာနတွေကို အကြောင်းကြားထားတယ်လို့ သာသနာရေးနဲ့ ယဉ်ကျေးမှုဝန်ကြီးဌာနက သတင်းထုတ်ပြန်ပါတယ်။

ထေကြီး ဝါကြီးဆရာတော်ကြီးတွေရဲ့ပုံတွေ၊ နိုင်ငံတော်အကြီးအကဲတွေရဲ့ပုံတွေကို မဟုတ်မမှန်တွေ ရေးသားပြီး တင်ထားတဲ့အတွက် အရေးယူနိုင်အောင် အခုလိုဆောင်ရွက်တာလို့ သာသနာရေးနဲ့ ယဉ်ကျေးမှုဝန်ကြီးဌာန ညွှန်ကြားရေးမှူး ဦးအောင်ဆန်းဝင်း က ပြောပါတယ်။

"ထေကြီးဝါကြီး ဆရာတော်ကြီးတွေရဲ့ပုံတွေ၊ နောက်စာသားတွေ၊ နိုင်ငံတော်အကြီးအကဲတွေရဲ့ပုံတွေ၊ စာသားတွေကို မဟုတ်မမှန်တွေ ရေးသားပြီးတော့ တင်ထားတဲ့အတွက် ကျွန်နော်တို့က ဆောင်ရွက်ခြင်း ဖြစ်ပါတယ်။"

"ဘုန်း ပြည့်စုံ မင်း " ဆိုတဲ့နာမည်နဲ့ " Phirom Yindee " ဆိုတဲ့ နာမည်တွေနဲ့ ဖွင့်ထားတဲ့ အကောင့် ၂ ခုကို စုံစမ်းပေးဖို့ သာသနာရေးနဲ့ ယဉ်ကျေးမှုဝန်ကြီးဌာနဘက်က အကြောင်းကြားထားတာ ဖြစ်ပါတယ်။

ဘယ်လိုတွေအရေးယူသွားမယ်ဆိုတာကိုတော့ ထပ်မံထုတ်ပြန်ပေးသွားမှာ ဖြစ်တယ်လို့လည်း ဦးအောင်ဆန်းဝင်း က ပြောပါတယ်။

လက်ရှိအချိန်အထိတော့ " Phirom Yindee " ဆိုတဲ့ အကောင့်က မဟုတ်မမှန်စာတွေ တင်နေတုန်းဖြစ်ပြီး " ဘုန်း ပြည့်စုံ မင်း" ဆိုတဲ့ အကောင့်ကတော့ လူမှုကွန်ရက်မှာ ရှာလို့မရတော့ပါဘူး။

အဲဒီအကောင့်တွေကနေ ဗုဒ္ဓဘာသာနဲ့ ပတ်သက်တဲ့ အကြောင်းအရာတွေ၊ ဆရာတော်၊ သံဃာတော်တွေ၊ နိုင်ငံတော်အကြီးအကဲတွေရဲ့ ပုံတွေကို ပြုပြင်ပြီး တင်ထားတာတွေ၊ မမှန်မမှန်စာတွေ၊ အကြောင်းအရာတွေ တင်ထားတာတွေ့ရပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ