ဖုယွင်စက်ရုံ အလုပ်ရှင်နဲ့ အလုပ်သမား ဆွေးနွေးပွဲ မအောင်မြင်

ဖုယွင် အထည်ချုပ်အလုပ်သမားတွေ ၂၀၁၈ သြဂုတ်လ ၂၁ ရက်နေ့က စက်ရုံရှေ့မှာ ဆန္ဒပြစဉ်/ ဓါတ်ပုံ - ဗမာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ်
ရန်ကုန်တိုင်းဒေသကြီး ဒဂုံဆိပ်ကမ်းမြို့နယ် ဖုယွင်အထည်ချုပ်စက်ရုံမှာ အလုပ်သမားသမဂ္ဂအဖွဲ့ဝင် အလုပ်သမား အယောက် ၃၀ အလုပ်ထုတ်ခံရတဲ့ကိစ္စကို အလုပ်ရှင်ကိုယ်စားလှယ်နဲ့ အလုပ်သမားတွေ ဒီနေ့ တွေ့ဆုံဆွေးနွေး ခဲ့ပေမယ့် မအောင်မြင်ခဲ့ဘူးလို့ သိရပါတယ်။

အလုပ်ထုတ်ကြေညာစာကို ပြန်ရုပ်သိမ်းဖို့ အလုပ်ရှင်ကိုယ်စားလှယ်တွေကို အလုပ်သမားတွေက တောင်းဆိုခဲ့ပေမဲ့ မရခဲ့ဘူးလို့ ဖုယွင်အလုပ်သမားသမဂ္ဂဥက္ကဌ မသက်ထားဆွေက ပြောပါတယ်။

"အလုပ်ထုတ်ကြေညာစာကို ပြန်လည်ရုပ်သိမ်းရေး အဲဒီအချက်ကိုပဲ အဆင်မပြေတာ။ ဘယ်တော့မှ အဲဒီဥစ္စာကို ပြန်ရုပ်သိမ်းပေးမှာမဟုတ်ဘူး။ အလုပ်လည်း ပြန်မခန့်နိုင်ဘူး။ တောင်းဆိုချက်တွေလည်း မပေးနိုင်ဘူး။ ဒီလိုမျိုးတွေငြင်းတာ။ ပြီးတော့ သူတို့အလုပ်ထုတ်တယ်ဆိုတဲ့ အယောက် ၃၀ ကလည်း ဖုယွင်စက်ရုံမှာ အလုပ်သမား သမဂ္ဂစထောင်တဲ့ အယောက် ၃၀၊ ဥက္ကဌကအစ အဖွဲ့ဝင်တွေ အကုန်လုံး ကို ထုတ်ပစ်တာ။ တောင်းဆိုချက်တွေ မရမချင်း ဒီသပိတ်ကတော့ ဆက်ထိုင်နေဦးမှာပဲဆိုပြီး ပြန်လာ ခဲ့တာ။ ဖြန်ဖြေရေးအဖွဲ့ကတော့ ထပ်ပြီးအကြောင်းကြားလာတယ်။ မနက်ဖြန် ညှိနှိုင်းရေး ဆက်လုပ် မယ်ဆိုတဲ့အကြောင်းပါ"

ဒီနေ့ ဒဂုံဆိပ်ကမ်း အထွေထွေအုပ်ချုပ်ရေးရုံးမှာ အလုပ်ရှင်၊ အလုပ်သမားညှိနှိုင်းဖြန်ဖြေရေးအဖွဲ့ဝင်တွေ၊ အလုပ်သမားတွေ၊ အလုပ်ရှင်ကိုယ်စားလှယ်တွေ တွေ့ဆုံညှိနှိုင်းခဲ့ကြတာဖြစ်ပါတယ်။

ပြီးခဲ့တဲ့ သြဂုတ်လ၂၀ ရက်နေ့က  ကြိုတင်အသိပေးတာမရှိဘဲ စက်ရုံက အလုပ်သမားသမဂ္ဂအဖွဲ့ဝင် အလုပ်သမား အယောက် ၃၀ ကို အလုပ်ထုတ်လိုက်တာကြောင့်  အဲဒီအလုပ်သမားတွေ အပါအဝင် တခြားအလုပ်သမားတွေကပါ စက်ရုံရှေ့မှာ ဆန္ဒပြနေကြတာဖြစ်ပါတယ်။

ဖုယွင် အထည်ချုပ်အလုပ်သမားတွေကို အနည်းဆုံးအခကြေးငွေနှုန်းထားအရ  လုပ်ခတွေ တိုးပေးပြီးနောက်ပိုင်း မှာ ကုန်ကျစရိတ်တွေ ပိုများလာတဲ့အကြောင်း၊ အခုအချိန်မှာ လုပ်ခလစာစရိတ်တွေ ပိုပြီးကုန်ကျလာ တာကြောင့် ရေရှည်စီးပွားရေး တွက်ခြေမကိုက်လို့ အရှုံးပေါ်နေတဲ့အကြောင်း ဖုယွန်အထည်ချုပ်စက်ရုံရဲ့ ထုတ်ပြန်စာအရ သိရပါတယ်။

ဒါ့ကြောင့် စက်ရုံမှာ အလုပ်ရှင်အလုပ်သမား သဘောတူညီချက်အတိုင်း အလုပ်လုပ်တာမရှိတဲ့သူတွေ၊ စာချုပ် ချိုးဖောက်တဲ့သူတွေ၊ ခွင့်မဲ့ပျက်ကွက်များတဲ့သူတွေ၊ ကုန်ထုတ်လုပ်မှုကျဆင်းအောင် သွေးထိုးလှုံ့ဆော်သူတွေဖြစ်တဲ့ အလုပ်သမားအယောက် ၃၀ ကို  သြဂုတ် ၂၀ ကစပြီး အလုပ်ရပ်စဲလိုက်တယ်လို့ အဲဒီထုတ်ပြန်ချက်မှာ ပါရှိပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ