ငွေကြေး ဖောင်းပွမှုကြောင့် အီရန်မှာ ဆန္ဒပြကြစဉ်။ |
Tehran, Isfahan နဲ့ Karaj မြို့အပါအ၀င် အခြားမြို့အတော်များများမှာလည်း ရာနဲ့ချီတဲ့ ဆန္ဒပြသူတွေ စုဝေးခဲ့ကြတာကို လူမှုကွန်ယက်စာမျက်နှာမှာ တင်ထားတဲ့ဗွီဒီယိုတွေမှာ တွေ့ရပါတယ်။ အမေရိကန်က သြဂုတ်လ ၇ ရက်နေ့ကစပြီး ပိတ်ဆို့ဒဏ်ခတ်မယ့်ကိစ္စအပါအ၀င် အခြားအကြောင်းရင်းတွေကြောင့် အီရန်မှာ ငွေကြေးဖောင်းပွနေတာကို ဆန္ဒပြကြတာပါ။
အီရန်နိုင်ငံ နျူကလီယားအစီအစဉ်တွေကို ရုပ်သိမ်းခဲ့တဲ့အတွက် အပြန်အလှန်အားဖြင့် အမေရိကန်အပါအ၀င် နိုင်ငံတကာက ချမှတ်ထားတဲ့ ပိတ်ဆို့ဒဏ်ခတ်မှုတွေကိုရုပ်သိမ်းပေးလိုက်တဲ့ ၂၀၁၅ သဘောတူညီမှုကနေ ပြီးခဲ့တဲ့မေလက အမေရိကန်နုတ်ထွက်ခဲ့တာပါ။ ဒီလိုနုတ်ထွက်လိုက်ပြီးတဲ့အနောက် လုံခြုံရေးအပေါ် ခြိမ်းခြောက်မှုအဖြစ် ဆက်ရှိနေတယ်ဆိုပြီး အီရန်အပေါ် စီးပွါးရေးဒဏ်ခတ်ပိတ်ဆို့မှုတွေပြန်ချဖို့ အမေရိကန်က ဆုံးဖြတ်ခဲ့ပါတယ်။
အခြားနိုင်ငံတွေကိုလည်း အီရန်ရဲ့ ရေနံတွေကို နိုဝင်ဘာလ ၄ ရက်နေ့ကစပြီး မ၀ယ်ဖို့ တိုက်တွန်းခဲ့သလိုဒီလို ဆက်ဝယ်မယ်ဆိုရင် အမေရိကန်ဘက်က ဘဏ္ဍာရေးအရ အရေးယူမယ်လို့ ပြောဆိုထားပါတယ်။
ကုန်ဈေးနှုန်းကြီးမြင့်တဲ့ ကိစ္စ၊ အကျင့်ပျက်ခြစားမှု ကိစ္စရပ်တွေကို ဆန္ဒပြသူတွေ စပြီး ကြွေးကြော်ခဲ့ကြပေမယ့်အစိုးရဆန့်ကျင်ရေး လူထုစုဝေး ပွဲအဖြစ် ခပ်မြန်မြန်ပုံစံပြောင်းသွားခဲ့ပါတယ်။
ဗွီအိုအေ (မြန်မာဌာန)
https://burmese.voanews.com
ငွေကြေးဖောင်းပွမှု အီရန်အနှံ့ ဆန္ဒပြ
Reviewed by THITHTOOLWIN
on
20:57
Rating: